2004 年 11 月 6 日 星期六 【晴】

=== 願望樹 @ 食盤菜 ===
10點起身...做中文功課~ 之後11點幾同媽出去....諗住食d野...點知....唉~~ 唔好食gei都!!
結果碟飯係食左好少...行陣街~~ 好想食芝士餅tim...係double star 度食左~~ kaka...=v=
都差唔多時間lu...進有姨姨比左飛媽咪,有得食盤菜....阿媽叫埋我去~~ =.="我真係唔多想去......
因為又有小測同ut要溫....好唔開心咁樣跟左去~~ 唉.......咁就搭巴士去林村la~~
一去到就好多人叫你掟寶碟...我都係第1次掟~~ 願望of coz係升中六la...都幾好玩gei ~~~
周圍行左陣...@@" 攪錯a~~~ 要等ga?? 3點黎到, 有d人唱d難聽歌...唉~~ 仲有聽d人致詞.......
呢個盤菜宴係慶祝果兩個立法會議員當選...阿媽係佢地開果d地方教畫..so又關事~~~
4點幾先有得食....好飽~~ =.=" 不過因為太多檯...d野食都麻麻地~~ 我記得上次食果d盤菜好好味ga!!
之後食完就走lu....番到元朗~~ 想食糖水....去左b仔~~ 之後番屋企沖涼,做功課,溫書,睇tv......

>>November 7, 2004 at 12:06:59 PM GMT+8

2004 年 11 月 5 日 星期五 【晴】

=== Finish all the ART projects !!!! ===
今朝十點幾先醒a~~ kaka....超正~~~ 之後12點半就出去~~ 拎張卡去晒相~ 諗住即日拎...
之後ling 話一齊食飯~ 去左千色搵佢~~ 峰出緊黎....我地等埋佢就行番去台灣麵食lunch~~~
傾下計咁~~ 好耐冇同過ling 傾計~~ 佢而家中六真忙....佢d活動好健康~ 岩岩先打完tennis黎...=.="
haha~~ 星期一有得捐血...唔知峰呢次捐唔捐到呢~~ 今日見到佢個樣, 睇黎機會都有d微...XD
食完飯, yan就黎到~ 之後我地入朗屏搭西鐵, ling就番sch溫書~~ 今日佢教教下有時講其他野....
好似冇咩大關係...不過又識多左d野咁~~ 之後番元朗...被迫搭西鐵走~~ o...撞到皇上同梅詠恆tim~
係天橋度又撞到杰~~ 之後去拎相....=0= 97蚊?!!! wt....我晒40張相jar wo......咁q貴....仲咩...
有少少比人呃左....佢開頭淨係話即日拎1蚊張~ 冇講到淨係4R先1蚊...2R就$2.5 ga!!
我晒左好多張2R~ 因為art project...miss話唔好咁多頁......shit......早知就唔好即日拎la~~ 好貴a..../.\"
之後番到黎整art project....整左兩個幾3粒鐘....@@" 我覺得都算係好認真,好有條理......
但係好黑人憎一樣野,文字報告冇影響個總分!! 好唔開心...不過總算做晒4個project,可能仲係最快果個~
好在今個星期六日好少功課ja...不過我要溫書a~~~><" amath ut唔可以衰ga!! 唉........

>>November 6, 2004 at 2:36:58 PM GMT+8

2004 年 11 月 4 日 星期四 【晴】

=== Happy Friday ===
yeah!! yeah!! 好開心a~~ 星期五la...今朝食左粥~~ 之後中文堂默書....落堂就係慘痛gei開始~~
連續五堂英文....@@" 開頭都係對下野~~ 之後聽listening part a~~ 聽完收工~ 等放小息~ 勁正!!
同霍翠珊落左i.t.買野食~~ 嘩!! 都唔知幾耐冇試過小息落去買野食lu~~ 2樓真係唔錯丫~~~
then...開始聽part b~ 一次過....即時做埋task2,3~~ 咁就過左3堂~~ 比想像中快好多a~~~
lunch la~~ 好野好野....=v= 又係鴻運~~ 之後番sch企左係走廊~~ =.=" 個課室補測緊.....
丫唔記得講tim!! 派左中文小測a!! 我緊緊pass左15分.....but~ 拎卷gei時候...小荔姐叫我不如都補測~~
佢想我溫熟d,高分d....佢話呢兩課咁樣都唔太掂ga~~ 有d無奈tim...不過都照補測law~ 冇計la~~
math 堂~~ 勁攪笑!! miss同我地講笑講左好耐....笑過不停~~ 到左兩點半先正式開始教書~~~
XD 真係好鬼攪笑~~ 開頭講d無聊野....又話打牌a,玩橋牌~~ 之後皇上同神希都比miss 玩到~~ haa!!
都未試過咁樣輕鬆法ga....好鬼正~~ 而家學果d math又易...所以會覺得d時間好慢.....=.="
放學補課amath~ 做數...佢好似比左好多條past paper~ but 做落又好快攪掂!! 4點3果陣d人都走得7788~
miss kwok 無端端好似有野想講咁...之後叫我同杰出去~~ 佢就講左我地聽.......=.="haa~~
之後又話我地呢d人年懶懶閒咁....好心淡~ 又冇心機教....雖然係ja~~ 不過算la....
kiki同迅佢地無端端又唔見左人....走左去買雪糕!! 又唔出聲wo...我同杰,歐ting咪走law~~~哼~~~
同歐ting 行左陣街....之後突然想食b仔~~ haha~~ 就去左lu...不過我食左少少,就拎番屋企夜d食.....
6點幾就走lu...TGIF a!! kakaka~~~ =v= 真係好開心....雖然其實內心都有d野唔開心...不過今日要relax下!!呵~

>>November 5, 2004 at 11:33:27 AM GMT+8

2004 年 11 月 3 日 星期三 【晴】

=== 204室 ===
今日番到去先知要轉課室....結果班房冇開,個個都爬窗入去拎書~~ 再落番2樓.....
全層樓d班都轉晒2樓上....真麻煩~~ 不過都幾好~~ 唔洗行咁多層~~ 聽日都會係咁樣.....
chem ut~~ 識d唔識d...d時間又好緊迫~ 佢d mc有幾條出到都幾難...又要諗又要寫式又要計~ 我係唔識...
um....我諗都ok掛~~ 希望pass 到la.....真係唔明點解我背野咁差~~ 好多字串左都唔熟咁......唉~~
lunch同杰,霍翠珊一齊出去買野番黎食~~ 車仔麵幾好味....but以後都係食少為妙~~~
中文堂唐山來了...霍翠珊反常地精神起黎,又答問題...=.=" 佢好似好開心咁....好攪笑~~~
補陣課...講埋會考語文就放~~ 4點幾...kiki想溫math~~ 我地幾個落左i.t.~~ 有時教下佢咁.....
差唔多6點走la~~ 同迅,燕一齊行出元朗....=.="無奈到丫~~ 兩條友咁樣夾攻玩我!! 我有咩好講~ haa...
去搵媽咪又出街食飯lu~~ 台灣麵....點知堯斌都係度,唔知佢見唔見到我~ 我緊係扮見佢唔到la~haa!!
好鬼眼訓...可能因為番左4日學~~ 最累今日...期待過埋聽日就放假!! 可以訓晏d~~~!!
不過今晚原來要做news cut a頂~~ 背背下中文又背唔到....又累又唔舒服~~ 聽日5堂eng點攪?!!!! 唉........

>>November 4, 2004 at 2:56:37 PM GMT+8

2004 年 11 月 2 日 星期二 【晴】

=== 空堂自修 ===
今日d 低form 走晒~~ 有d老師走埋...去晒大陸軍訓~~ 學校顯得格外寧靜~~ 正!!
中文堂小測~~shit....唔夠時間做..../.\" 唉~~ 但係我識ga......咁樣冇左成...唔知幾多分lu.......
迅冇番...我要幫佢收amath~~ =.=" 好鬼麻煩...不過呢個小息前交功課計劃真有效~~齊晒wo!!
chem空堂~~ 係度溫書丫~~~ 同霍翠珊一齊討論番d答案.....好認真~~ haha....聽日ut~~希望ok la~~><"
phy....有趣有趣~~ =v= then lunch鴻運食....好悶a~~ 但又諗唔到有咩其他地方...榮少又唔講佢食乜~
買左雪糕番去食...kaka~~ art堂...miss本來要我地畫畫~~ 但好亂law~~ 冇人睇堂...要同DT人一齊~~
之後又轉左次課室...又唔洗畫畫~~ 有d人係度做project~~ 咁我就係度溫書~~ 不過d人好嘈丫!!
見到dt 班友好kind...猜輸左做d白痴野~~ 不過幾攪笑!! 最正係條友走去開雪櫃....個miss好無奈咁~~
準時放學!! 嘩~~~ 都未試過咁早ga~~~ 小荔姐已經企左係大門睇我地放學~~ haa.......
then搭西鐵~~ 撞到大連~~~ 佢講左d攪笑野我知~~ haha~~ 之後我去左see doctor~~
番元朗去一番等位....夜晚同媽食飯~~ 番屋企....溫chem lu 又~~ 好在今晚又冇功課~~~~

唉...........

>>November 3, 2004 at 12:37:41 PM GMT+8

2004 年 11 月 1 日 星期一 【晴】

=== 思想不斷往下沈 ===
好唔鐘意係chem lab 上堂law~~ 攪錯wo.....今日仲有art堂~~大家好努力咁整project.....
唉~ 都唔知mix 晒d 分之後,會唔會好低分ga~~ 有時真係覺得好唔公平ga!! 我個A越黎越遠la~><"
amath派小測....fail左...../.\" 都唔知點解會咁...唉!! 之後做4條練習.....幾好丫~~
迅同燕就黎比人踢爆lu~~ d人咁大反應.....真攪笑~~ 見到迅係miss kwok 背後整個咁gei 樣~~~
唉....討厭gei eng 堂~~ 又遲放....落i.t.買野食上黎食~~ 吹陣水...抄chem功課~~ 今日唔洗補課丫~~^^"
中文<我和我的唐山>開始了...仲有派左<弔古>15頁筆記a....@@"" 慘lu.....上多堂math~~
派ut卷...合格...but 得果廿幾分...唉........./.\" 準時放課~~ 唔洗補課正!!! 4點幾番到屋企...未試過咁早ga!!
番到黎就訓教....kaka~~ 今晚冇功課, 淨係溫呢個中文小測ja...唔錯丫~~ 如果成日都可以咁就好lu~~

好唔開心a....好多野想講...但真係唔知可以同邊個講...而且講完~ 其實又於事無補....唉..........
憤怒!! 有d 唔鐘意gei 事, 睇唔過眼gei 事,唔公平gei 事實.....冇人可以解決~
點解現實中, 唔可以成全完美gei 事?? 點解呢個世界係咁樣?? 點解d 人可以咁樣??
點解我要咁唔開心?? 點解我遇到咁多事?? 點解我要諗咁多野?? 點解....好矛盾............

開心事情~只可以滿足一時, 喜悅一時....但係苦事,壞事~ 會令人留下永遠的傷痕,缺口..........
兜兜轉轉的問題.....想不通...放不低....成長得太快.....有許多美事都忘記了...........

>>November 2, 2004 at 10:48:26 AM GMT+8

2004 年 10 月 31 日 星期日 【晴】

=== chem ex. ===
今日中文堂有人黎睇....肥彭好鬼核突~~ haa...勁想叫佢唔好成日敲黑板嘈到我地~~~
小荔姐係咪教得好好呢~~~ =v= 學下人咁勤力la~~~ 之後math堂有小測...識a~~~ 呵!
小息掛住點功課....d人好鬼麻煩ga~~ 成日咁遲交...好彩實行番小息前準時交功課否則記野.......
咁我呢個科長都冇咁辛苦...之後拎完d簿落去就買糖食lu~~ eng 堂又係咁煩ga佢....
then art....攪掂好個product la~~ gd a~~~~ 而家差份報告...正~~ 最新消息係做兩頁紙就夠晒la!!
之後食飯...我帶左果本chem番黎~~ 唔識做果d問大連同霍翠珊....-.-"唔知點解會拎本野黎做~~~
不過買左唔做好晒ga ma!! 之後越黎越多人入黎....串呢樣果樣~ 唔識改正係度嘈嘈閉~~~
我呢個好人借本amath出黎law...之後本簿超慘law!!! 唉~~~~~ 好心冇好報ga~~~ 激死!!
陳鎮鴻請飲大檸~~ 多謝晒~~~=v= 估唔到真係請bor...我只不過借份notes比佢影印ja~~ 呵....
最後就係phy~~ 點解成日都問晒我地全組咁多個人ga..... 不過好在我地成組都咁留心ja~~
我同婷仲嫌佢教得慢...haa~~ 之後做d練習...佢就派上次d補測la~~~ kaa!! 26/32..=.=v
then 4點半放.....落左i.t.溫書~~~ 成檯5M人...遠處見到黎玉嬋鬧人...=.="鬧左好耐...痴線ga佢!!
做下chem練習.....之後6點就走lu~~ 同媽去博多食飯.....之後番屋企.....唉~~ 充滿憂感!!

>>November 1, 2004 at 2:17:43 PM GMT+8

2004 年 10 月 30 日 星期六 【晴】

=== 飲茶 ===
今朝媽咪出去拎完位就叫我起身~~ 我去同佢飲茶....=v= 好耐未飲過茶la~~~
我主要目的都係想食粥同埋蘿蔔糕....但唔知點解我唔記得左叫蘿蔔糕~~ 唉ya....=.="
今日睇左d好神奇gei野丫 !! 我以後唔敢用白花油同埋飲果d茶....仲有開始信阿媽冇比人呃lu~~
番到屋企就做功課...newspaper cutting~~ 又令我諗起討厭gei 黎玉嬋.....\./ 唉!! 聽日又要番學la~~~
溫書丫...聽日有math小測, but 望住呢一課, 都唔想溫~~ 因為好似冇野好溫咁....d數又做過wo~~
就溫chem....原來我地用果本書真係好廢~~ 我溫k.kwong d notes, 之後做書gei 本練習~~~
溫左都好耐下~~ 今晚要繼續努力 !! 我係乖學生我係乖學生我係乖學生丫.................=0=" 呵~~~
時間過得好快...咦~~ 今日係halloween bor~~~ 不過同我都冇關係...中五~~ 所有節日都變得冇意義~~
Sunday = The day before school day + Study day + Finish all the homework 's day

>>October 31, 2004 at 10:47:38 AM GMT+8

2004 年 10 月 29 日 星期五 【晴】

=== 301室溫書 ===
今朝本來唔知醒....不過未夠8 點gei時候~ 有個不知明人士打去我手提....=.=" 嘈醒左我~~
點知佢打錯電話~ haa....都可以話好彩佢打錯左law~~ 咁就起左身, 番去補phy.......
呢d 補課真係好鬼廢gei ja~~ 都唔知係度仲咩~~ check完野...自己係度傾計~~ 珊番左黎~ 同佢傾陣...
醒起今朝自己諗出黎gei 問題~~ 問霍翠珊, 佢答唔到我...就問皇上~~ =v= 哇....強a~~~ 明晒!!
我唔知點解會諗起呢d 野....雖然冇特別教~~ 但佢又可以答到我, 仲要解釋得咁好!! 真羨慕佢咁聰明~~
10點半未夠就放左....上左一上5 樓個 helloween party~ 唔知佢地攪咩...好似冇咩野好玩咁gei~~
kiki 想溫書...我地就陪佢~~ 落番3樓...本來想係圖書館溫gei~~ 點知低form又有d咩閱讀課.....
就係301室溫.....我地好多人咁~~ 我淨係做左amath功課....就冇心情溫其他野lu~~~唉...好悶a真係~~
溫書果陣, 成日比人串咁...有後小插曲就係...ip ka yan想出去買野食,問我地要唔要~ 話幫我地買....
佢話去鴻運買wo~ 咁lei....我叫佢叫外賣wo....點知先知佢係去鴻運麵包鋪.......><" 超樣衰tim~~~
kaa~~~ "買麵包都有得叫外賣ga??" 唉...=.=" 之後佢買左番黎,就食完繼續做amath law.....
之後1溫出去食飯~~ 博多....then 去屯門補習~~ 胃痛a...><" 食完藥, 到左差唔多落堂先唔痛~~ =.="
搭輕鐵走la...之後話想睇戲~~ 點知又唔夠時間!! 唉....冇得睇lu~~~ 就番屋企.....好悶呀呀呀呀呀呀~~~~

呢排成日都好悶....呢排成日都唔多開心....呢排成日發埋晒d惡夢.......
呢排都好唔鐘意番學.....呢排班入面越黎越多是非.....呢排d老師成日都講同一樣野.......
呢排冇得去街街,去玩.......呢排好多測驗........呢排越黎越覺得辛苦..........
呢排好多野諗.....呢排成日胃痛........呢排...越黎越無心情......呢排...越黎越平靜.................................

>>October 30, 2004 at 10:45:30 AM GMT+8

2004 年 10 月 28 日 星期四 【晴】

=== TGIF!! ===
好野a~ 星期五la~~ 今日day 1又唔洗排隊...早餐買左碗粥食~~ 之後又睇直播宣佈.....
兩堂amath好快...eng 作文~~ 自己抽題目~ 不過我抽到想作果篇....好快作完~~~
之後math堂係超悶law~~ =.=" 悶到我發傻...lunch 諗住食m記~~ 大連叫我幫佢買wo...咁我做左好人law~
食左好多野~~ 好耐未食過m 記la.....丫仲有~~ 就黎有得捐血la~~ 我終於夠枰捐lu....呵呵~~~
不過唔可以再食炸野...因為我驚好似某人上年咁樣~~ kaka....last中文堂默書~~ =.=v
之後好似講會考語文~ 補課eng 做 listening part a~~ 4點半la大約...佢好似趕住走咁~~ gd a~~~
之後ting call我...話比番$$我~~ so我出一出西鐵站搵佢....then又番sch~~ 佢地係度吹水....
講bio....又幾攪笑gei~~ 見上燕&迅...仲有皇上同梅詠恆~~ 佢地都...haha~~~ 真係....
之後5點幾杰話番去放低d野....我係sch等佢~~~ 因為今晚同佢一齊食晚飯.....
佢出番黎之後, 我地行左陣街.....@@" 哇..比我地見到.....haha~~ 之後行多陣, 就上去博多~~
食下野,傾下計...我發現通常我地都係講會考讀書d野,或者讀書叻果d人~~ =.=" 陰公....
丫仲有去左零食物語~~ 我買左好多野咁....kaa~ 之後番到屋企又有沙律食....好味喔 !! =v=
唉ya.....聽日要phy 補課a!! 我本來諗住可以扮唔記得tim...但係...唉~~ 都要番ga la...好早ya~~ 慘!!

>>October 29, 2004 at 2:22:52 PM GMT+8