2008 年 10 月 26 日 星期日 【微雨】

好耐無寫blog...
好慘, 去菲律賓巴拉望旅行, 係沙灘比一個巨浪打佐落水底...
左邊面落地...損佐,皮外傷only, 無乜野,
但拉親頸筋....個頭向后會好痛....
睇佐醫生, 照佐x ray無時....但差唔多一個月都未好返...
依兩個星期仲背脊骨痛, 再背痛....
今日再去睇醫生, 醫生話可能頸筋傷佐, 影響個背....
唉, 都唔知幾時先好得返.......

月頭放完假返工, 十一國慶完佐, 加上又有同事放假去旅行,
再加上轉倉, 月頭果兩個星期真係日日OT到八, 九點先走....
而家好D, 但我地已經比個新貨倉玩死佐....
送漏貨, 送錯貨, 提唔倒貨, 要等好耐, 不禮貎對待原來係好小事,
因為送錯貨入一個40'HQ (total 500ctns) 去UK先勁, D貨明明等去南京的...
但比個倉執錯佐入隻40'HQ , 因為文件回返比我地shippping 遲,
仲ship 走佐廿幾日先知錯佐.....
原本要送去UK的貨要補送, 可能又要air 過去...
原本要送去南京的, 無理由等退貨返來再送的,
又要再造貨.....遲D又要係UK攪good return....
今次真係多得個倉唔少....
但阿姐仍然死"手牚", 話係我地問題....個倉無問題....
阿姐居然係尋日(星期日)出個email比全世界話要轉新倉, 由葵涌轉去屯門內河碼頭呀...
超遠....新倉, 但仍然係果個倉D人管的...
最好笑係D貨由今日開始會送去屯門內河倉....
我地一早同D客講好去葵通倉囉貨的....唉.....

公司今個月已經即炒佐兩個manager, 出貨又攪到咁亂...
勁多complain, 又出唔倒貨...遲出貨...
如果唔係個巿差, 一定好多人唔做...(包括我)..
而家個個死頂.....

>>October 27, 2008 at 3:33:56 PM GMT+8

2008 年 8 月 17 日 星期日 【酷熱】

良久沒有寫了.....
工作上, 公司一次過推出一連串改制....
各人均覺得亳無說服力, 且沒有改善我們的效率之飯, 還增加了部門的工作量,
但我們只可以硬著跟隨來做....有問題出現, 高層門才會再看下一部怎做...唉.....
弄得我們沒有心機做落去......
不知是奧運問題或或是歐洲的經濟差...
訂單比上年少得多, 我已近一個月十分清閒.....
日日返工等收工.....

週末的天氣好了....
遊船河, wakeboard, windsurfing 又再出動了....
昨天去大清windsurf, 好像玩得比之前進步.....
不過要越過艇陣 (十多隻遊艇泊在清水灣一.二灘對出), 真的煩死....
避過一個艇后, 要立即轉向避第二隻, 因為遊艇擋住D風....
但昨天忘記戴手套, 變了紅燒豬手.....手背曬傷了.....好痛 !!!!

>>August 18, 2008 at 12:03:24 PM GMT+8

2008 年 6 月 15 日 星期日 【乍寒還暖】

5月31日, 五月天concert.....勁high !!!!
揮螢火棒揮至手痛....encore 兩次 !!!!
氣氛超好, 但阿信把聲好像沒有上次這樣好....
睇完五月天, 好想去台灣旅行, 台中台南 !!!!!
但開心完居然無車返屋企 (係亞洲博覽館), 本來想即接返梅窩,
但只好搭車出旺角....

6月1日, 一早搭船返梅窩睇龍舟比賽....
今年我沒有落場比賽, 只在"觀戰"...
媽媽的粟米田差不多可以收成, yeah !!!!
龍舟比賽結束后, 還有奧運競技賽....
有TVD藝員 (港男, 港姐) 來參賽, 還有張敬軒, 方力申, 周佰豪 + 鄭融作嘉賓, 十分熱鬧.

工作, 十分忙碌.....每天也要OT至七-八點.....
勁送錯貨, 送漏貨, 送多貨.....煩死人....
再加一個就的杭州煩客....
落了近二百張單, 幫他計了一個總運費....
跟著又話改分批送貨, 又說不送去杭州, 要送去廣州...
這樣唯有再計算運費....計好后又說衣架自己提貨, 不用算運費...
又要加revised orders.... 又要重計運費...
不停的改不停的說很急.....要我幫手...
我一早已說所有訂單已完成, 只差他確定運送地址, 送貨/提貨方法....
這個煩客也可以不停問我訂單完成了沒有....
我又停催我出invoice, 但又不停地改ship mode/delivery address.
明明是他說先出首批訂單, 但又問我為何沒有第二批出貨的invoice...
激死我...真係唔鬧唔得.....話佢, 佢又扮死狗....
又話第一次落單, 唔識, 又話會好好改善....
我鬧佢好煩, 佢就叫我唔好angry, 仲話" cathy, 你不用急, 你聽我說....... "<--即暈低.....
成日唔睇我覆D email, 明明答佐佢, 但又再問...
之後仲話如來我去杭州, 就請我食飯, 真係多謝晒.....
這大半個月都給這煩客害我日日OT....

上星期交了appraisal, 星期三individual interview...
到時可能會話我成日遲到, 即炒, haha.
唉, 攪咁多野, 人工又唔方加得去邊....
估計又係3 -5%, 填一堆野.....煩死人.

唉, 有親人剛離開了我們.....同時又發現有新生命將快誕生....
心情十分複雜.....有點接受不到親人就這樣離開了......
希望他會安息.....

>>June 16, 2008 at 3:16:30 PM GMT+8

2008 年 5 月 22 日 星期四 【微雨】

真是佩服...
我team的新同事今天已last day...不做了...
我原先以為她介紹來另兩team做的四個朋友應該不會一同辭職吧...
原來真是....
她們一行五人全襯過prabation前resign....
(7 day notice only)
還有幾個和她們相熟的新同事亦resign....
再加上又有數個舊有的同事resign....
今回我dept head 真的頭痛了.....
她們好像約好一同辭職, 真勁 !!!!!
幸好對我影響不大, 因為我team的新同事是來share我們的workload...
而我的workload 在她來之后亦沒有增減, 只是現在她走, 我要幫手跟多四個客...不算多...
鄰team可慘了....
之前又有兩人被炒引致舊人相繼resign...
到請了一批新人, 但全在差不多過prabation前resign....
留下來的同事真的會忙死....
因為原本8個人follow 的workload, now 只剩下少於四人....

512四川大地震, 真的很慘.....中國人, 要站起來, 團結一致呀 !!!!!
我想我也會稍后助養地震的孤兒....
要好好珍惜現在所擁有的一切, 因為全不是必然的....
家人, 朋友, 生命, 財富, 身體........ 全可以在一舜間全部失去.....

想轉工, 可惜現在巿道好像不太好.....

>>May 23, 2008 at 7:34:57 PM GMT+8

2008 年 4 月 18 日 星期五 【颱風】

週末先來打風落大雨....唉.....又話好低機會掛三號...
怎料昨晚已掛了三號.....
原本打算返大嶼山...不過媽媽仍在鄉下未出來...所以返了....

近排身體真的差了很多....
可能是夜訓,經常出街食飯同少做運動....
一個多月前才唇炎兼被過濾性病毒感染....
一個星期才recover, 每天食好多藥....
怎料一個星期前又番發....
同一位置再出....又要再睇醫生.....
戴了一個星期mask.....現在好返, 但個印仍未清....
還好像想再復發似的, 很擔心....
現在不敢食蝦和蟹....還有紫菜......
每星期也去做gym 跑步....希望不要再返發....
但醫生也說, 一抵抗力弱便會返發...唉, 慘了....
加上經常出街食飯, 可能D食物不太乾淨.....
好容易肚痛, 腸胃炎 =.=....
一個月睇兩次醫生.......為何變得這麼弱????

講了很久要開始搵工, 但現在好像只講末行動....
要快D開始搵....
聽同事往年加人工好似得3%, 通脹都over 5%...
要追上通脹唯一只可以轉工.....

依幾個星期公司勁多人resign同last day...
日日都有新人來返工....真係有十幾廿人....
同我差唔多時間入來做的同事都相繼resign...

>>April 19, 2008 at 11:00:58 AM GMT+8

2008 年 4 月 2 日 星期三 【暴雨】

明天清明節, 又有三日假放, yeah ~
近排實在太忙, 日日返工忙過不停....
之前炒了一堆人...現在又請回一堆新人....
我team個新人, 入來幾日, 即介紹了她3個朋友來做....勁 !!
個個都係左介紹右介紹....唉..好討厭依種風氣 (although 我都有介紹同學入來)...
但我決定唔會再介紹朋友入來....因為我都好想走.....
因為同事關係太疏離吧, 新人除了工作上之外, 可以說是無人理.....
介紹多幾個朋友入來做, 可以有幾多個伴吧....
記得第一日返工, 仲記得team leader lunch時同我講: Cathy, 你自己攪掂ok ma??

近排有幾位朋友結緍....
上星期六, 連我其中一位家姐...
也註冊結婚了..... 不過她太遲confirm 我地註冊時間...
11:30am 大會堂註冊...10am 才再致電我們....
唯有立即彈起床, 梳洗換衫化妝飛的趕去....
還要用western harbor tunnel 先趕得切...
最終只有我和同住的家姐趕及做見證人......
另一位已緍家姐由於要由大圍, 還要攜同三個小朋友趕來...
最終在註冊後才趕到....
另一位朋友也是趕不及.....
真是趕到我們"裙拉褲甩".....
祝她好運.....

天氣十分潮濕....近兩星期也總是下毛毛細雨.....很討厭....
近來, 很多朋友, 同學仔也倒數last day.....
公司日日見有同事last day, 日日有人派西餅影相.....
幾時才是我的last day.....希望快點來臨....
到六月, 我便做夠一年.....其實又不是第一份工, 是否一定要等做夠一年先走????

健康好像轉差了..... 病的次數多了..... =.=

星期日要搬屋了.... 搬去對面街 =.=....

>>April 3, 2008 at 6:06:00 PM GMT+8

2008 年 2 月 27 日 星期三 【晴】

今朝一起身....
變佐孖潤腸.....=.=個咀腫佐.....=.=
雙唇比舒淇還厚....=.= omg.......乜事....
最先以為是昨晚吃的紫菜or sushi 的青瓜問題....因為發覺味道怪怪....
比家姐和同事笑....
我還回收送了給同事作手信的紫菜....但有同事已吃了...但無事....
放工即去睇醫生....
一返醫生房....醫生即問我, 你係問睇個咀.... =.= !!!!
醫生話我個咀細菌感染....唇炎....
開佐消炎藥同抗生素比我......
都唔知乜事, 但就變佐豬咀......

下星期將有兩份朋友結婚....真是恭喜她們....
5/3 10:30am 中學同學兼好朋友Shirley Ko將在沙田大會堂註冊行禮....很要好的朋友, 祝她幸福....7/3就會開始她們歐洲四國九天之旅 !!!!旅途愉快呀 !!!

8/3 大學同學Joe 結婚註冊兼請飲.....haha, 我角色有點混淆....既是舊同學....又好像是舊同事...因為我在她轉工后去了她舊公司做野.....真的恭喜晒!!!!!

5月, 我家姐也將會結婚.......真的大件事.....要裝身一番......

>>February 28, 2008 at 6:00:56 PM GMT+8

2008 年 2 月 26 日 星期二 【晴】

又有一短時間沒有寫blog了....
Yeah, 終於看到落雪 !!!! 渴望了多年了!!!!!
22 - 26/2 五天韓國之旅....跟團, 但行程不算辛苦....
最早的morning call 是 7:45am, 其他是 8:15am....
較辛苦是搭零晨機.....一起身就開始行程.....
遊湖破冰....光豬浸大眾溫泉......
好好味的石頭拌飯.....
勁好的滑雪.....導遊說snow board 易玩, 滑雪場大部份玩board....
於是全團也租snow board....
怎樣到達芝山滑雪場....全場八成人玩滑雪(有兩支掍這種)....
好像被騙了.... 但snow board 和 滑雪 兩sets 裝備價錢是一樣的....
我覺得snow board較難玩.... 跌了N次...
pat pat 重傷..... 滑雪手套也弄至爆綫...
更不知為何滑雪眼鏡也裂了.... =.= 我沒有"拜神"喎....dunno why broken =.=....
幸好還裝備時沒被發覺....不然要買了它= .=
snow board 好似windsurfing.... 跌了數次便慢慢上手了...
可以高處滑下.....轉倒彎 !!!! 很滿足 !!!!
之后便回首爾繼續行程.....
景福宮, 青瓦臺, 梨泰園, 東大門, 明洞, 樂天世界.....梨花新村女子大學.....
以為不可能落雪...怎料在走前一天落大雪.....
最初好像落微雨....然后愈落愈大..... 有over 10 cm 雪厚....
好凍, 但好開心呀 !!!!
這次韓國之旅, 真的對韓國完全改觀...
在我印象韓國比日本落后, 近似中國....
但現在實在不是.....真的很現代化 !!!! 規劃似日本,
民族性很高.....環保做得很好....
最好笑是垃圾分類, 可以弄至思覺失調....
24/2 韓國新總統就職, 我們經過了場地.....

昨晚夜機返港, 今天即返工....還OT到差不多9pm...
累死了....

很relax, 很想再次去旅行......

>>February 27, 2008 at 4:18:40 PM GMT+8

2007 年 12 月 29 日 星期六 【晴】

話咁快2007年又就快過去.....
過兩日就到2008年, 即我們各位都要老一年.....

工作上忙了很多, 因為新加給我的大客個個星期五都有shipment closing.....
日日追廠追貨, 追packing list....煩死人.....
工廠又out stock...乜都out....真係要乜無乜.....激死我...
12月14日公司走火警, 走完之后, 公司出了一個比全HK & Shenzhen Staff...
話今個月出糧會出埋第十三個月糧, 即有雙糧....
唉, 流傳佐幾個月的今年無雙糧謠言打破了....
不過only 雙糧, 公司是沒有bonus 的.....
而Annual dinner, 阿姐話老細話hopefully 一月有....希望有la.....
很累, 雖然想搵工, 但又懶了..... 搵工實在太煩...
而我都覺成日轉工比印象不太好.....唯有做著先....
可能睇埋出年七月加幾多人工......不過睇倒有好工, 都會試下in....

日文愈來愈難.....好多新野要記....
但太累, 每個星期也是返學前, 搭MTR才搵書.... =.=
都唔知可以學倒幾耐..... 幾時會難到我頂唔住......
二月中又要考試, 希望今回會順利pass....
希望我不會放棄la.....

聖誕沒有甚麼特別節目....
因24 & 31日, 公司早放半天......
而我請了24號半日假, 一連放了五天holiday....
但22 - 24 號返了鄉下做冬....24號朝早才回來....
唉, 鄉下真的dirty了很多, 治安也很差....
親眼目擊電單車后座男人搶行人手袋.....
仲有, 的士不會先開門讓你上車....
司機會lock 門, 問你去邊先.....
我試過截over 5 taxi 也沒有車肯載我回家...
黑色的墨汁.... <--- 河水, 還會發惡臭....

聖誕.....沒有特別買甚麼....
只看了"魔幻羅盤" , 唉, 又是魔衣櫥的類型....更是有續集的....有點兒...
平安夜去了朋友工作的消防局BBQ....
還有消防犬..... 不錯的BBQ....燒乳鴿, 好好食, 羊扒都係!!!!

但27 - 28 號返工超忙, 未做得晒D野又放假......
聽日31 號返半日, 都做唔倒D乜, 2號返工一定忙死....

尋日一行五人北上, 八卦一路.....
揼骨, ok ar..... 但野食好多油, 攪到有D肚唔舒服.....
昨天也唱了K.....有超過半年無唱.....新歌全不懂 =.=...

好想去旅行 !!!!!! 希望可以攪得成一次....

>>December 30, 2007 at 3:21:37 PM GMT+8