2006 年 7 月 5 日 星期三 【晴】

記録

--------------------------------------------

今日我O係PIL做滿一年lu ~

好記得係2005月7月6日入來依間公司做~



都唔知D時間點解過得咁快....

>>July 6, 2006 at 5:46:53 AM GMT+8

2006 年 7 月 4 日 星期二 【晴】

今個星期天氣真係好唔穏定...
出大陽, 晒死人, 又突然間落大雨, 淋濕你...再出太陽....
希望星期日放晴~
半月灣~半月灣, 仲有無人有興趣, 嫌集合時間太早...可以自行入去的.
or 可以改遲集合~

好累好累好累~
差點連行回家的力氣也沒有...
雙腳如千斤重.....
懶醒, 一早吃了止痛藥....
點知原來錯吃了止疴藥 -_-""""
痛了一半晚才知....真白痴. 可惡~

星期一新來報到的兩位POLYU HD & Degree fresh grad....
HD 那位已經走了..... 做了兩日閃人~
剩下這一個我有份教的degree fresh grad , 唔知佢做唔做得長呢....
佢share我以前做D野..... 好無謂但又做死人的工作.

工作開始smooth 了一點....
不停發問, 但有了一點概念了....
好像問少了一點......
CTD stand for China Trade Dept.
我現在的角色像indoor sales + cs + ops ~
好像FF 的ops 工作性質.
新奇, 刺激, 但錯了會很大鑊....
做quotation 仍是一邊問一邊做, 經常漏terms + conditions...haha...

book 佐下星期六下午windsurfing, ....可惡, book不到上午...
好彩阿姐比我調saturday on duty date.....由15/7 去佐 22/7..
唔係又錯失練帆機會...
好想快D考中級證書~

尋日病病地, 好似有少許感冒...
幸好今日無事....
今晚同Mavis, Mayko, Shan, Pamala, Colly & Gloria食飯...
全女班, 祝妳地快D搵到合適既工 !!!!!!!!

虛脫般似的, 都係唔好睇波...sleep better~

>>July 5, 2006 at 4:53:01 PM GMT+8

2006 年 6 月 30 日 星期五 【晴】

一星期都寫唔倒一次xanga -_-
轉了新職位, 不太忙, 不用甚麼OT.....
但每天仍極度疲累.....比以前日日OT還要累....

已開始新職位兩星期....
仲好多野唔識, 唔熟, 真係成日一頭霧水....
不停咁問人....問到自己都覺得煩....
聽前同事Jacky仔講...
之前佢轉CTD係比一個a/c佢試住跟, 慢慢學, 學熟先再比多Da/c佢跟..
但今次就唔同, 一開始就分配佐4-5 個a/c比我地跟....
要跟足全程....但我地乜都唔知就要頂硬上...
仲要即刻答埋D客既問題.....都唔識, 點答...
所以量雖然不太多, 但都好吃力....
有壓力, 且無乜心機.....做到有D唔太想返工.... -_-"
再著, 我而家仲要跟返之前個post既野...
接手做我個post既同事, 仲好依賴我....
仲有CTD的文件, 而家仲要自己放返自己出價落booking既單...
勁混淆.....好亂....

來緊星期一將有兩個PolyU fresh grad男仔來返工...
一個degree grad,一個HD grad...
唉, 請佢地返來做shipping trainee....
入文件部, 一個做出口入單 -_-
一個share我之前做既野....<--仲叫我教...
我而家學新野都未學熟...仲要教佢, 死得la....
請D大學生, 仲要係其他liner, forwarder做過intern....
入來做文件 -_- 你估幾耐閃人呢...haha...

真係可惡, 原本我一個人做既野, 而家拆開比兩個人share做...
真唔公平, 以前我日日OT先做得晒....但就無人理.
講過話太多, 做唔切, 但都唔理....走人係正確的.
之前拖咁耐先比我轉倒dept...攪到Jacky個位空佐個幾月無人坐...
到個resigned完又返來個姐姐坐佐, 我無位坐, 要坐著docs dept個角落頭位.
而家有兩個新人來, 就勁摧我星期一朝早好搬走, 讓返個位出來...
真係佢老板....
明年畢業之時, 亦是我再閃人之際了.

出糧, 今期係第一期出加佐人工既糧....
錢多佐少少, 但支出亦多多...
今期多了要還loan....再5.5k 卡數...
全用了收回來的錢還.....
即下期around 4k卡數要全數自己出... =.='
為了三張hsbc card,太crazy了....
簽-ing第三張hsbc card....有三個月時間....可以慢慢來...
不然破產了....

星期三....28/6...本人牛一...
生日, 沒甚麼特別感覺....
還downdown地.....
又老一歲.....人愈大, 便不想年紀有所增長....
其實, 年齡一向不斷non-stop地增長...
因為時間沒有停止的一刻.
生日, 祇是當作一個量度的單位....
仍上班....lunch 同事請食飯...thanks.
放工, 即去換smart ID card...
碰到阿珊, 亦碰到一位6 年無見的中五女同學....
她比以前"正常"了不少, 因為以前返學, 佢好癲架.
Dinner約了家姐食飯.....Patrick無lala話join, no problem..
但估唔倒佢帶埋幾個同事來......
三唔識七...見過幾次......仲有對痴男怨女...好難頂....
我家姐都頂佢地唔順.....早知我同家姐食算...
生日should be 開心, 但攪到一肚氣.
星期一元朗食日本野, drive from 8 to 10pm...真係已經火到黎埋...
加埋依次...真係咪再攪我.....求人不如求已...


星期四放工, join了朋友回IVEMH打羽毛球....
又裝修過...真有錢....
無打一段時間, 幸好沒有生疏....
九時多, 打完回家...
一口氣吃了兩盒麥樂雞.....飽死.

星期五....約佐Chris佢地去Bar 睇波...
臨收工 比間死人feeder寫錯野激死, 攪一輪...
又攪埋單DG booking先走.
去佐去泰國野.....超好食, 正!!!!! thanks 阿民 !!!!!
回家放低D野, 再出去, 間bar近旺角火車店...
超多人.....好耐無見Catherine,瘦佐好多呀....
我唔太飲的 -_-" infact I know how to play "適鐘" ... 但我真係無興趣play ga...
我睇波同睇人玩already enough...
一早講來感受氣氛...haha.....我都唔太悶.
在KWE真係搵得多D... 但每月可以爆130 hrs OT + 紅日都要輪返工...
比較harsh.....畢業出去闖.
好強調"好男人".... haha......
但看來都係壞人比較搶手..... 可惡的壞人, 偏要壞人.
Thanks Chris & Catherine送我返屋企.
德國和阿根廷.....互射十二碼德國win了阿根廷....

今天睡至3pm wake up, then bath (last nite no bath sleep-_-")
跟著去join Bgo , wai七一遊行....
好熱...人比往年少....
但好老土, 但真係要keep 住 捍衛民主 既心 !!!!!!!!!!!!!!!!!
回MK, 据扒, 超飽......
又買野la, 行街真高危....
終於買佐Mickey T, oh, 係Minnie T先right...
英格蘭 和 葡萄牙.....又輸掉了十二碼.... -_-

近排一係唔食野, 一係就勁食, 大吃大喝..... -_-"
差D forget thanks uncle 請我食西班牙菜, 超好食.
Thanks 各位.

半月灣, 單車, 北上, 迪迪尼計劃中~ 下星期要windsurfing, 一定要下海 ~

>>July 1, 2006 at 8:13:37 PM GMT+8

2006 年 6 月 21 日 星期三 【晴】

今個星期終於轉佐post....
由doc dept 轉去 China Trade dept....
簡直地獄與天堂之別....
但代我個同事就慘la...
我間接推佐佢落火坑....
佢做到跳樓咁...跟本做唔切..跟唔倒...
唔聽電話, receiption將D電話駁晒去比個dept head聽...
聽到個dept head都好煩...haha....
email又勁出reminders, 又出fax追單....
D 客同深圳officeD人打來同個dept head投訴.....
抵個dept head死....心涼晒.
但替代我個位既同事不值囉....
個dept head叫個三個同事幫佢...
我都無幫佢reply d emails.....但無幫佢出單la...
好彩個receiption 無搭電話比我, 唔係我實死人.

而家暫坐個角落頭位...真係除佐離自己dept 遠D之外..
無乜唔好...
冷氣又細D, 無咁凍...
又無人經過, 做乜都得....

新工作岩岩學習...
好多唔明白, 唯有不停咁問人...haha....
睇船期 , 約櫃, 落booking.....
mark 價......
有D概念. 但唔太明白其中某些細節....
今日本來想出埋日本果兩個DG booking既mark價紙...
但個costing system死佐... -_-"
等等下, 又問下個代我個位既同事有乜可以幫手...
咁就攪到8;30pm先走人....

深圳branch個doc dept head打來比我...
我都無能為力架...唉....
D人終於知依個post唔係易做...
工作量有幾大...
而家已經比以前好, 因為工序少佐D...
CTD文件我自己跟返, 轉單又比出口轉埋...
以前出單轉單, phone calls, reply emails...print & fax 全部我一個做晒.
咁都頂佐差唔多一年.....
其實好hate個doc dept head係我遞resingation letter 時...一D都無留我...
但而家D新人做幾日想走, 就勁留人, 求人唔好走.
而家佢地終於知我之前個post有幾蝦人做....
有D開心, 自己既能力終於有人認同.

今日見到D人來interview...原來請documentation trainee...
係PolyU 搵D fresh grad來in.....又唔知會點la.

星期二, 一個五年無見既南京朋友由上海港出business trip...
交流團團友又敍埋一齊, 今次好齊人呀....
他送了我們南京雨花茶作手信 !!!!!!
我們陪他夜遊維港, 搭MTR, 天星小輪....

搶住埋單, 幫人比錢..半個月已簽夠兩張hsbc card...
開始簽第三張,
有無人想收購psp or ipod nano ar?????

收到第三期還loan的信...又2k了....
以及要準備八月的15k學費................

下星期三就生日...唉...時間真過得快...
又將大一歲....老餅了.......
book 佐生日當日放工去換智能身份證....

世界杯....都有睇下D比賽, 感受下氣份ar ma...haha

>>June 22, 2006 at 4:46:04 PM GMT+8

2006 年 6 月 14 日 星期三 【晴】

累, 呆...
簽夠一張hsbc card...start 第二張...
快D到下星期一...
但new dept head Sally ask me dun change seat till 26/6..
等Rosa (CTD 同事)調返江門new office去接手佢個位..
要Jakcy個位就比都係下星期一來既同事坐...
果個同事多數係星期一resigned個姐姐仔...唉, 又求返人來做.

>>June 15, 2006 at 6:00:17 PM GMT+8

2006 年 6 月 7 日 星期三 【晴】

唉....無乜心機....
公司亂到九彩....人手調動到....唉...

星期一....都唔記得太清楚發生佐乜事...
淨係記得lunch去佐囉堆HSBC card...
原來淨得張master囉得, 張visa同ican要過兩日....

星期二....
個新同事終於返工...
出佐通告....個新女同事有成14 yrs work exp...但來做docs, title just clerk...唉.
ops, EMD 果邊新來個"陸運裝" 頭男人, 起初仲以為佢係大陸分公司落來training...
原來係新請返來...中大grad, UK U Master.....真係有眼不識泰山.....
但來落船係咪waste d ar......真係怪.
同時又出佐升職, 調職既通告....
我team既kitty做佐六年, 終於升佢由clerk轉為assistant executive...
佢同係我地唯一較聽dept head話....我地啋個dept head都傻.
但仲有好多人做佐好耐又做得好好都無得升..仍然係clerk.
坐我隔離做tran-shipment既女仔, 真係慘...
title from assistant supervisor 改佐去assistant executive....
話就話職權無變喎, 但明眼下一睇就知分明降佐grade la.
聽聞佢有一個星期六佢on duty 得罪佐做我mentor個GM.....
個GM又搵我傾, 佢問我幾時過倒CTD...我話我都唔知...
佢都話而家究竟等乜, 於是又捉佐dept head又去問話, new dept head去埋講數囉人...
講實19/6 去新dept, 下星期交接.....
真係嬲嬲地, 等咁耐, 再拖無情講.
夜晚IVE同學攪dinner meeting...
sorry , 因某些原因無去到.....
同時亦thanks阿民走佐都行返轉頭幫我囉野比Makyo.
知道阿Moe都resign jor YML, 又知道我refuse d 風波...
麻煩倒阿Moe真係超唔好意思, 攪到佢地比說話你聽.
希望你地D 北京trip, 台灣trip 玩得開心D.

星期三....昨天....
唉, 真痴線架, 而家又叫第二個做my post...
咁我公司Doc dept 有4 sections...
HK Export, HK import, Tran-shipment(唔太多野做, 可以準時走人的), cross-trade (my team,做死,無野學).
1 dept head 睇全dept, 1 DM and 1 AM 睇transhipment, 1AM 睇 HK export....
人物W in HK export : 本來調佢來do my post, nick name黑面神
人物C (new staff in HK export): 佢來頂W 個post.
人物N (in transhipment, higher post, 叫shipping executive): 居然叫佢do my post...W do her post.
人物D (in transhipment): 佢原本係做my post, 我來佐就轉佐我做this cross trade post...佢得兩個transhipment DM + AM 歡心, transhipment有肥缺即比佢做.

而家居然搵個唔關事既N 做我個post, 真係吹脹....個個為佢不藉....
transhipment一向人手過剩, 係要郁佢地, 但論職位經驗, 點都唔係郁N...
可惜N 無后台.....無人睇.....本來點都係D 要轉返做my post ga la....
可惜D 有人睇, 咁而家transhipment 5 人, 2 M 級, 1 AE, 1 shipping executive N, 1 D....
其中個女仔由AS 轉佐AE.... N又比人整走, 咁仲唔係暗裡比D 上...唉...
D 只係早我一個月入來公司....但一直有乜肥缺都益佢...而我就要執佢手尾.
佢仲係無乜料, .我唔順氣佐好耐.
之前D同事調來做my post, the next step is resign....
N 已經話可能好快會見唔倒佢....
佢地咁做一部份係怕黑面神W 得罪D客.
唉, 人手大執位, 好似係我攪出來咁.
Dinner with BGO in MK, 好想shopping 呀 !!!!!!!!!!!!!!!!!

今日....一早....個AM 叫 個AE個野...
唔知做乜AE 突然發老皮唔肯做野....
好大聲咁講 "你地連降我2 grade, 即係話我能力不足, 我會做少兩個services, 你地搵人做呀"...
跟著D manager又捉佢入房傾....
全日 dept d managers都同HR, GM 開會.....唔知最尾會出乜調動.
好似有人睇唔過眼 N 比人咁調, 同HR 講...
HR 就叫佐dept head 勁傾...
因為 叫N do my post = 叫佢走.....
都唔知最后, 下星期一邊個會同我交接.
infact 今日好清閒, 無乜野做...
攪到我勁sleepy, crazy fishing.....
6:30pm 即閃人....返屋企sleep to 10pm...
唉, 但居然發佐個咁既dream....
唔算係惡夢, 但嚇醒佐我.
攪到我呆呆地 .... 又諗返起一D唔開心既野.
下次都係留返夜D一次訓....

又夜晚落大雨.....星期六落雨就唔去滑水ga la...希望好天氣.

友人Sam 剛完成一個月歐洲之旅回港....佢total用佐18k .
好吸引, 發誓三年內一定要出發.....有無朋友有興趣??
我覺得要襯尚算年青去見識多D....做D只可以年青才能做既任性事...
本來想去AUS apply working holiday visa...但去一年有點過長....

巴士阿叔返工比人點相打佐獲......
歐美廣場, 勁近我屋企, 係我前幾條街only.
巴士阿叔係面目可憎, 又招搖...
但用暴力好似過份佐D.....

黑仔, 今日搵返D舊Invoice 底單出來prepare做refund (真係激死, 又refund...)
上年十二月D 舊單...搵單時又比D 禁釘钩起佐手指塊皮....
勁痛, 又流血...唉......我都係經常性損手爛腳.

希望可以快D平定依個動盪既局面.

>>June 8, 2006 at 6:19:40 PM GMT+8

2006 年 6 月 3 日 星期六 【晴】

簡直惡夢...依幾日返工係我返PIL近一年以來最惡劣既三日....
超多野做 + 超多麻煩野 + 好多癲狗上來 + 大陸又勁比錯instruction我.
真係人都癲, 係到勁講"未解決 , 未解決" , 大叫"你有壓力 , 我有壓力"...
痴佐...
D野煩到同多到唔知做乜先...
坐係度對住個monitor 呆佐.....
真係攪到我精神錯亂, 心情處於極度緊張奬狀態.
腎上腺素加皮質醇水平過高......
臨轉post 前都攪D咁既野.....勁唔老黎.

星期四一朝返工...開PC...
惡夢開始...無返1.5 days only...
即over 130 emails...全日must over 200....
做到P.....電話又狂響.....真係燥晒.
依D量係放3-4days 假先會有...但now just 1.5 days...
how come???? really wtf !!!!!!
OT 到十點.....仍未做完....

星期五....
emails 少了一點...
但麻煩野不斷來....
做到發忟...
比單無呢頭野麻足全日.....
真係血到嘔幾升...
忍唔住打上深圳鬧人.....
真係頂佢地唔住...有條友成日整錯野比我.
lunch 昆佐人請我食飯...haha.
我月尾先生日.....而家先月頭....
落超大雨, 行雷閃埋電...黃變紅雨....
唉, 但仍要返工....
又OT到十點la.....真係救命....想死.

星期六 , 昨天.....on duty date...
已有不祥預感.....我已清晒自己既野....
但唔知做乜放假D同事既客勁上來....
唔煩果D唔上來...
做到我踢晒腳....又係惡夢......
一打三....又照開門...真係玩死人.
一點盡快走人...
約佐Joe哥 去CWB singk....
依幾日咁辛苦, 係時候要發洩下.... 唔係實屈到病.
勁唱 !!!! 但唔識唱D新歌 -_-"
唱完K再去睇戲...
"達文西密碼" , 真的不錯 !!!!!!!!!!! 藉得一看 !!!!!!!!!!!
最先唔太明, 但尾段明晒...唔怪得D教徒咁嬲.....
又勁行街睇衫..... 好想買...但忍佐手...回家..... -_-"
十點幾返到屋企, 收到大大 電話...話而家去singk...
真係暈低...我已經累得快死.....
雖然好想奉陪到底.....但我實在超累...sorry....
累至躺在梳化watch tv 訓佐著......

今日星期日...以為會落雨, 但朝早落完雨即陽光普照...
本來想去windsurfing, 但友人去清水灣...我比較想去center...
於是join佐行山友人們去天水圍濕地公園....
天水圍...真的很遠.... 奧運 -->南昌-->天水圍-->天恒.....東涌線, 再西鐵再輕鐵...
濕地公園仍好多人...人山人海咁....唉....
又熱又多人....可能我自細係大嶼山大...佢睇D野見慣見熟...
所以我唔覺得有乜特別好睇....
條貝貝又入伙...但比佢住間野太細...好慘.
講真, 南生圍仲靚仲好睇過濕地公園 !!!!!! 我想再去多幾次.
睇生態, 行多D山都睇唔少 !!!! haha.
累...
回家, 明天又要返工.
6 or 7/6 轉post, 希望可以學倒野, 唔好出錯.

haha, 原來申請三張HSBC credit card全批 ...
只係張master早批幾日, 張visa同i can都收倒信...
換ipod nano or psp 好呢???? 部Motorola C168 就好似無乜用...
但我又唔打機, 遲D又想買w850i or w700i...
咁換乜好呢????? 要易D轉讓同套現既 !!!!!!!

>>June 4, 2006 at 6:04:43 PM GMT+8

2006 年 5 月 30 日 星期二 【乍寒還暖】

一天端午節假又完佐...
SA exam 終於已成過去...成績會係點...唉...

上星期六, 唔洗返工...
約佐阿民lunch, so 1pm 彈佐起身...
食完仲去佐海港城太古開倉...
居然係度停留佐3 hrs...勁掃運動服裝...
講真, 真係幾平...
我又T-shirt 又Jacket, 又泳永, 又帽....
都係四百多D.....買得開心 !!!!!
返YMT, 又去萬寧掃日用品.....
一日買佐好多野......真係要睇住來簽卡....
夜晚返到屋企, 原來家姐真係又返佐大陸...又得我一個.
溫書, 做notes....4am sleep -_-"

星期日.....訓到兩點幾, 起身...
又再溫書....做notes again...SA ..好驚呀....

星期一返工, 好忙, 又有同事放假...
D 單成日失踨, 跟著又出現....shit....
電話non-stop 響, 超煩.....
比SA exam 影響晒D心情... 勁煩燥呀....
本來唔想請假...
但最后都請佐星期二下晝假...
好彩請倒, 唔係我仲震.....
本來又想準時放工走人...
但又要OT到8pm -_-
再過CWB 老三陽買"種"....
出佐糧.....要儲起多D錢.....
回家, 收到朋友SAM的明信片....
佢既歐洲之旅都過佐大半...
係布拉格寄比我....好想去呀!!!!!!!!!
我發誓五年內一定要出發歐洲 !!!!!!!!!!!!!!!!!!

星期二....
擔心...心情沉重...
很多同學仔請假溫書考試.....
上晝返工仍繁忙....
但唔理佢la, 下晝一點多D即走人...
返POLYU....一路係canteen lunch一路溫書...
食完再出去出面D枱再溫...
中途見到阿JOE, 於是一齊作最后努力....
兩個人分析個case, discuss下真係好D....
囉佐first sem exam result , 申請CEF !!!!!
SA exam, 6:30 to 9:30pm....
個seat坐得勁唔舒服....
唉, Alevel后好少exam 答到想喊, 簡直想死...
好唔想寫, 唔想去諗la....
真係好死, 后半已答得好少字同好差...
已經亂佐.....兼唔夠時間做.....
早知寫好D answer 抄落去la.....大把人咁做...
仲抄到勁加紙, 嚇人咩....
一出試場.....同Janis一齊唉聲嘆氣....
大家抱住同一希望, 就係比我合格就得la !!!!!!!!! hope we all can pass !!!!!
although can fail one of those exam, but I dao dun wanna fail ar.....
和Gloria dinner 后就回家...
激死, 諗住搭104會快D, 點知居然塞車.....痴線架...
早知行路好過....又搭到我暈暈地....

今天, 端午節假期....睡了三小時多便起床...
五點幾起身.....赤柱龍舟比賽.....
但一出門, 已下大雨中 -_-"
第一次自己落場比賽.....
一team 人有部份無練過, 我算練過一次...haha...
總出場兩次...首次好樣衰...
比全部人遠遠拋離下尾艇....
但第二次已好佐好多...
尾二, 拋離距離變得好close....無咁難睇.
比賽就咁完佐...
但現場睇比賽個氣氛真係好唔同...
每team都各出其謀出位...
龍珠假髮....鬼佬男扮女著比堅尼做鼓手, 芬蘭airline wear 牛角帽...
海盜 team, 豹紋team, 恐龍帽....真係好正.....
同行NYK logistics 同 Panalpina都有team出....
NYK 件白色背心印住, "I LOVE U NYK", 幾型...
HSBC都唔錯....
我地測量學會果兩個鬼佬好有龍舟引...
話下年會sponsor多D錢...做大D, 整靚D衫.
見到原子穗呀 !!!! 都唔太原子彈.....

好豪, 搭的士返CWB...因為有得claim...hehe...
係times 見到王力宏呀....Fossil 開張..佢做代言人...
好靚仔 !!!!!!!!!!!!
食完下午茶(lunch), 又逛佐陣金百利 + times...
忍住唔買野.....但件Mickey T 好靚....但好貴 -_- even presales 7折...
回家, 買佐一堆"送" , 仲有榴槤....正呀....
dinner 有蝦, 蟹 , 扇貝, 榴連, 荔枝, 山竹...超飽.....當做節la....

考完試, 唉, 一齊已成定局, 都不能擔心太多...
望可以合格la....
End Sem 2 了...可以鬆一口氣.....sem break, enjoy my free night time !!!!!
中佐手中銀國際, 唉, 又一手.....
HSBC, 申請三張credit card, haha, 佢最終批佐一張比我only....無得換IPOD.tim...
下星期終於可以轉post....快D轉呀 !!!!!
但以后請假就煩D....個dept head 難攪好多....
入境終於請人....apply 佐, 但而家對入政府工興趣減退不少...
我仍想闖多幾年先......

>>May 31, 2006 at 4:59:30 PM GMT+8

2006 年 5 月 25 日 星期四 【晴】

又一week.....明天可以好好睡睡....
天氣也轉好了.... 我最鐘意晴天, 陽光.
又是匆忙的一個星期....

勁開心, 星期一同二都無乜野做, 六點幾即閃人...真爽....

星期一.....7am wake up,....
一早趕返PolyU 交warehouse assignment...
都見倒D同道中人....haha....
太早, 8:35am 返到公司....嚇親D同事.
全身好痛.....玩完滑水又掛彩....
又擦損, 又瘀.....雙手完全無力....連禁釘都要同雙手禁.....
腰, 腹部勁痛....條腰企唔直....一定係考懲教做sit up太急快....再滑水又用腰力...
好似阿婆咁行路 , 又似大肚婆咁......比同事勁笑.
Lunch time 囉佐個人支票簿...抽完天津港又抽中銀國際.

星期二, 悠閒....
返工時間溫exam case...haha...
615pm 即閃人....
過佐CWB.....逛佐圈.....睇佐hand cream...
唔敢睇衫..... 唔想洗錢la....
早佐D訓.......但即令野.

星期三.....嘩......8:55am...驚醒....
我家姐居然見我唔知醒都唔叫我....激死人la....
考慮由佢遲30mins or 去睇睇醫生....
最終去佐睇醫生....我都唔想去呃醫生...唉...
又$200...退返$160, 又蝕$40.....
10:07am返到公司...唉.....唔當遲到既代價....
要OT了.....八點幾走....
返到屋企, 收倒天津港D退票...
嘩, 居然中佐一手呀......真係好好彩...
抽兩手中一手....但我無投資a/c...keep佢一排先算la.
等埋睇下抽唔抽中中銀國際再決定.
我家姐勁嘈, 話why我中佢唔中....haha....真係好彩.
我張cheque no name, 都無比人kick出來.

昨日, 星期四....
真係燥晒, 又refund...兩個月攪4-5單...
refund既理由一個比一個無聊, 白痴....
全部都多得死人深圳.....
居然個客無lala入錯筆錢入我地HK a/c都有....都痴筋架.
七點閃了...
即去tst 問月明囉返本SA text book,
再去CWB join Makyo, Shan佢地睇X-men...
JP, X-men 我之前兩隻都無睇過....
以為會好刺激, 好多打鬥... D x-men好勁....
但原來唔得囉.....below my expectation...
我覺得一般only, 等考完試去睇達文西密碼算.
唉, 今日黑面神走人問我個post辛唔辛苦, 要唔要勁OT...
問來都waste gas....佢都有眼睇我幾點走ga la....
但做既野就簡單過佢地出口.....
如果係好post, 就唔會之前無人做得過半年la.

今天, 星期五.....
好險......09:0030 am 返到公司...
無遲到....差D死人....
雖然而家遲到唔影響Saturday dayoff...但都唔洗加遲到record.
今日都幾忙....又做打手.....
但而家D單比出口couter放埋,
真係無咁煩...做野可以做快D...
唔洗又出單又轉單....
lunch with Chris ...
原來今日派加人工信.....普偏加$300...
唉, 如果我唔係辭職在先, 都係加得三舊.
係公司勁copy 本SA text book, 唉, 人手掀書好煩呀.

依兩日要好好溫下SA 同睇熟個Case or I will die in Next Tue exam.

PS今個月超支晒...用佐saving a/c d $$$...出糧要儲多D.

>>May 26, 2006 at 6:17:09 PM GMT+8

2006 年 5 月 24 日 星期三 【晴】

自我型（與別不同，自成一格）

您樂於活在邊緣，而且在人生的所有層面追求不尋常、藝術性且富含意義的事物。
您具有美感的洞察力，以穿著和環境來表達自我的獨特性。
您把焦點放在關係和感覺，所以儘管對工作抱持理想，找到理想伴侶卻是第一優先。當一份新的關係出現，或是既有的關係出問題時，工作很快的就會被暫放在一旁。

優點：
您對別人的受苦具有深層且天賦的同理心，會立刻拋開自己的麻煩，去支持並幫助在痛苦中的人。

缺點：
您會主動追求「負面」情緒。當生命過得越來越平淡時，您會產生出一個情緒危機，如果任何人試圖跟您講道理，都只會令您變得更憤怒不悅。

愛情：
您傾向以「若即若離」的方式面對愛情。距離越遠，對方看起來就越完美。
您情緒變化範圍太廣，太強烈，再加上若即若離的習性，對於伴侶而言很難確切知道如何和您建立關係。

您只要在交往過程中碰到一丁點難題，或是預見自己會被拒絕，您便會推開自己的伴侶。
「我寧可當那個先離開的人，也不要當被遺棄的人。如果我失去了掌控權，那是相當可怕的事。」

安定方位：改革型
在安定的狀態下您會開始有完美主義傾向，去批判自己和別人。

壓力方位：付出型
當面對感情的壓力或情緒對抗時，您會變得痴纏，失落，抑鬱和行為反復無常。很需要吸引別人，以獲得讚許。

建意：
每天找些正向的事情，並加以慶賀
享受世俗面，去看看平凡中的不平凡
覺得自己特殊而正確時，在行動前先花時間考慮清楚

最渴望：能更深入的了解自己，看透人生
最恐懼：自我身份的模糊，感情世界的缺陷
最難達到的美德：平衡 (Equanimity)
最難克服的執念：憂鬱 (Melancholy)

http://www.parttimelove.com/Assessories/NineType/Answer.aspx?type=4

>>May 25, 2006 at 5:14:13 PM GMT+8