2003 年 10 月 4 日 星期六 【微冷】

我在想著很多的東西....

近日聽到很多人要楊永強辭職的新聞.只能感嘆.我在想,他的確在處理非典有過失,但做錯事便要去承擔責任.但辭職是否是承擔責任呢?他辭了職誰來坐他的位子?下個來的人會比他做得更好嗎?無人知道.其實我在想,死者已矣,他辭職是否能換回299條人命呢?

加拿大還是澳洲?姑姐們喜歡前者多人點...因為很多親戚在那裡,慳返accomodation,而且平過澳洲好多,假設加拿大元的exchage rate同澳洲一樣(因兩者差不多),只計學費,每年可以慳大約HK$20000.如果再加埋慳回的accomodation fee.....我明白到,如果我選擇了加拿大,大家都會開心,只會我不開心.我知道這會慳回很多金錢,但我可以選擇些什麼?唔係自己俾錢就只能這樣的選擇.因為這樣我俾姑姐話點解我Form 6唔讀3+0而讀2+1.佢仲叫我而家即刻去報多個AL下年考...我還可以說些什麼?我只能低頭的聽.姑姐說,怎麼你interview不斷的向人卑躬屈膝?很冇face!我可以怎樣說?自己要求人給自己一個機會,我只可以這樣做.......其實她講了很多幾hurt我的話,但我可以說什麼?又是低頭.另一個姑姐就說foundation是冇用的.徙時間.我可以講咩?我可以入的話我都想入U啦!起碼不用被人看扁.澳洲8大大學,我想去埋UWA(西澳大學),姑姐卻說不好,唔鍾意西澳.一句這樣的話就可以推翻了一切.如果唔係自己冇錢,我就可以自己選擇.其實當初誰跟我說會供我讀書的呢?現在卻弄成這樣子...我在想很多很多...早知我跟芷茵一樣去讀AD.....

秋天來了,每天也很是涼快...但也加了幾分淒涼的感覺....

晚上你打了來,嚇了我一跳.我唔知點咁..又cut了你線.我知是我不對.自己總不明白為何自己會這樣做........

我要做一個好Sales!

>>October 5, 2003 at 4:11:45 PM GMT+8

2003 年 10 月 4 日 星期六 【晴】

今日又去了idp的exhibition

第一站是Bradford College--University of Adelaide o既foundation要係果度報.收了我了.有offer letter 了.叫做賺返少少o係呢兩個月冇o左o既自信心.d 鬼佬都好鬼friendly.好nice~!很喜歡!!

聽日要去考試局申請果張cert,同埋去加拿大教育部get info~!

P.S:唔記得講,就因為我張正本cert俾人cup o左個印,成個idp o既人都識晒我咁滯.....^v^

>>October 5, 2003 at 1:10:48 PM GMT+8

2003 年 10 月 3 日 星期五 【晴】

唔記得講
尋日同亞媽o係廚房傾計時
因為激憤得滯
一野唔小心打o左落個鑊柄度
個鑊失平衡
一野飛落地下
一野車埋黎我隻腳度
WOW
瘀o左!!
即刻藍晒.
今日好d
紅o左
但都成5cm x 3cm咁大.................>.<

>>October 4, 2003 at 3:43:10 PM GMT+8

2003 年 10 月 3 日 星期五 【晴】

Um...今日有點...Um...唔知點咁....

去了idp的展覽.Um...OK la.有個職員用idp個印印o左落我張A level Cert度...."

過份...賠錢都冇用啦~

不過...University of Queensland 收o左我.University of Adelaide都話收我.

唔.

>>October 4, 2003 at 12:09:17 PM GMT+8

2003 年 10 月 1 日 星期三 【晴】

今日完全擠不出一個笑容....

跟媽媽說去街唔駛帶遮,又話我接受唔到人地做o既野.又話我唔好埋去就行.結果我成場同佢保持距離.咁我見唔曬得去邊je...又我錯.

一早8:45班工人就係度鑿天台,勁嘈,地下震晒.擺廁所d飾物都跌晒落廁所.要我撓返起佢....

今日唔單止有工人繼續鑿野,仲有髹油!勁大浸天拿水味.工程完o左我一定又聾又要靠high天過活喇.....

支力死....

亞妹入o左青春期,成日都唔聽我講野.3伯俾你$500利是就話大晒,亂咁買野,個銀包買得一個月多又買散子包(佢果個銀包already有散子包的).唉.我又理唔到.

越來越覺得自己好冇用.成舊垃圾咁.今日去大使館,果個人勁寸,講野又勁細聲,我一講野o既野就一定蓋過佢把聲囉.跟住佢話我呢間又唔得,果間又唔得咁.4個E,就係咁喇,完全被人歧視.又向現實低頭了.

完全笑唔出.

>>October 2, 2003 at 10:49:19 AM GMT+8

2003 年 9 月 30 日 星期二 【晴】

很累的一天.

今天終於不用9:30俾人熄冷氣,但都只是睡到12:00 o度起了身.

開了電視,看陶晶瑩的show,很正!有陳小春啊~~

吃過飯後,又過了姑姐度.慘!今日有埋8姑姐在!!!Oh my god...

講了成2兩個鐘,支力死.Finally都係加o左兩句,即係呢,你去加拿大或美國我會放心d囉...........

夜晚去了雪園吃飯,見返由加拿大返黎的3伯.樣子似了4伯好多.很飽.

聽日去澳洲大使館!

>>October 1, 2003 at 3:57:56 PM GMT+8

2003 年 9 月 29 日 星期一 【晴】

又一個月了.

今早同亞媽去了idp,拎了一大疊info返黎,勁重!
看來我距離澳洲不遠矣.
去讀一年o度的foundation.
唔....

Saturday and Sunday去idp的exhibition
有澳洲學校的interview啊.
要加油....

會考4科E同AL讀2+1是勁唔抵的.....>.<

>>September 30, 2003 at 4:16:58 PM GMT+8

2003 年 9 月 28 日 星期日 【晴】

近日有net friend話我似楊千嬅(個樣)
我在想....唔係嘛?

之後問了幾個friend
都話我有少少似.....

-_______________-~~




Fanny,收到你的SMS實在令我太驚喜了.......

近日在icq常做呢個表情^v^~
有點不懷好意的笑~haha~^v^~~~

聽日節目:一早去idp,再去學琴(唉,完全冇mood.....)

好野
有機可以去睇你比賽~
有機會在終點遞支水俾你了^v^~~~~~

>>September 29, 2003 at 3:29:03 PM GMT+8

2003 年 9 月 27 日 星期六 【晴】

去瑞士的決定完全被否決了.
原因是--冇錢.
就係咁簡單.

又要從新開始.

姑姐,伯父成日話我,點解你唔敢去apply d勁o既U?
自己知自己事囉.
跟住佢地又會話:做咩對自己咁冇信心jek?不怕!應該對自己有信心,衰o左咪衰o左囉,驚咩.

....................

跟住又一句:我們就是要向現實低頭.

又話:我覺得你成個8月徙o左囉.

..................

一路自己都沉默不語.
我可以講咩呢?

從8月開始我就是這樣的向現實低頭.個頭而家就黎去到地下了.
我在想,
幾時可以收復道德o既失地呢?
睇黎,
一世都收唔返.

我呢兩個月都在陷入低潮.
真的很不快樂.

前幾天想著自殺後,寫了那篇日記.竟然冇人回.第2天看,完全沒有留言.很是失望.
我在想,這班朋友是否冷血的?朋友就死了,還是這樣子?非常十分異常失望.

8月我沒有徙,我完全接受唔到自己又拎著咁多條E.

點解唔repeat?我再頂唔順要我在受這考試對我的煎熬.但我同姑姐一講話壓力太大,即俾人講,咁壓力實有架啦......

..............................................

不斷的找朋友出來傾訴,但還是那樣,因為講完了,問題還是只有自己去面對.

不單是這些問題煩,自己戶口就黎冇錢,最多撳多兩次就會等於零.但冇人會幫你啊.而且,搵工...話搵就搵?

這兩個月實在經歷太多...大起大落(但大落佔多數).

上星期六先同姑姐講完,今日又講.禮拜三再講.

亞Joel:講得好丫,家家有本難念的經................

秋風又起...唉,冬天又快到了.............

唉.

>>September 28, 2003 at 3:54:14 PM GMT+8

2003 年 9 月 25 日 星期四 【晴】

當決定了新的路向後,
卻出了新的問題.......

原來我的將來不是由我來決定的.
決定權還是在那班大人手上,無論自己怎樣積極爭取,結局也是一樣.

>>September 26, 2003 at 8:18:36 AM GMT+8