2003 年 10 月 13 日 星期一 【乍寒還暖】

我又哭了.

我真的很討厭自己.做咩成日喊jek,人地話你係咩就係咩架喇咩?

今日o係加拿大o既姑媽打了個長途電話過來.駛唔駛呀!一黎就撻句:聽講你好唔積極wor!

.......................唔駛咁啊?

跟住係咁講o左at least 15分鐘,都唔知講咩.係咁啊啊啊,係係係...都唔知點回應.唉,我係呢個家族 o既聲譽已冇晒..............我現在在他們眼中,只是一舊咩都唔做o既野.同廢物無異.

今日上磅,嘩,勁肥!創新高.但而家咁o既樣,手腳都冇力,仲點做運動?琴都未有mood練啦...23號就考喇...都唔知點....上堂Miss聽完d scale之後完全嚇了一大跳!唉..........

>>October 13, 2003 at 4:25:56 PM GMT+8

2003 年 10 月 11 日 星期六 【晴】

天終於放晴了.好一個星期天!星期天溫暖的陽光又來了!

整天在想著你^^~

Annie又問我一個問題:問世間情是何物?

我再答:唔好問我.我唔識答.

腦海裏常出現著我與你的一切.....

3枝熒光棒...仍在...........

12月...很感嘆......我倆就黎識o左3年了....

正如Annie所說,讓一切順其自然吧~

(記得Michelle的info曾再搭了一句:那何謂自然? 哈.....)

>>October 12, 2003 at 6:33:57 AM GMT+8

2003 年 10 月 10 日 星期五 【乍寒還暖】

你們屬於相互奉獻的代表，在情感方面可以相互理解。前世中，
你們最初是因為一些煩惱或糾葛，而彼此溝通不良。最後，卻可
以克服困難，而讓雙方在友情上有所協助，並建構出一種協調的
關係。

講得o岩!
我們就是這樣.......

>>October 11, 2003 at 3:45:02 PM GMT+8

2003 年 10 月 10 日 星期五 【乍寒還暖】

對不起,我又對你講大話了.對不起.

很討厭,今日竟然落雨...

今日學琴...竟然要聽scale...Oh my god........好明顯...............彈到一pat野......唉......仲有唔夠兩個禮拜咋....唉.....

學完琴就立刻返屋企,好想快d見到你~

上了11號巴士就落起大雨來.不知怎的,我在擔心你有沒有帶遮.....

終於見到你了!很開心!實在太耐冇見你了...

我們去看無間道2,竟然見到Michelle同鍾顯庭...又會咁ge......

入到戲院,先知佢地兩個原來坐我地隔黎再隔黎...又會咁ge.......

無2麻麻地....都係無1好睇d.

我還想著我們會一起吃飯...怎知....

你問我是否乘11號巴士會去,我就知道,我只可以可以見多你一回...所以我選擇了乘地鐵.

你走了之後,我沒有回家.因為我說過今晚不回家吃飯的.

你下了車,我打了給表妹.她竟然睡了....想找個人傾計都唔得.

到了九龍塘站,電話響了,我還以為是誰,怎料來電顯示是"7姑姐".多麼想cut線.我真的不想再聽到她的聲音了.但又要聽...

傷心極下,去了灣仔,去三聯買我想埋的書.接著吃了個魚柳包餐轉凍檸茶,$22.5.我望著玻璃窗上的倒影,望著自己的臉,多頹廢.笑唔出.那時,都只是8:00.我告訴媽媽我大約9點多才回家,還有一個多小時,我該去那呢,我實在不想回家.

我再坐地鐵去了中環.一上地面,望到匯豐銀行大廈,不知為何,我感到非常的無奈,非常的唏噓.我行得很慢,很慢.....

我坐天星到了尖沙咀.想了很多東西.....不停想著你.......

在尖沙咀,你打了俾我.我對你撒了謊,說我跟朋友到了尖咀吃飯...因為我不想話俾你聽我很不快樂.

回到家,很努力去擠出一個微笑出來.我不想媽媽知道今天我見了你.要不,媽媽又會話我了.但奇怪,回到家心情反而平伏了許多.

今天出來,我感到你變了.真的,你變了.

我仍然在等著你說一句話.









我會嘗試減肥的了.因為我知我真的肥了很多.












記著我們的約定:我們會一起看無間道3的.記著啊~

>>October 11, 2003 at 3:15:37 PM GMT+8

2003 年 10 月 10 日 星期五 【乍寒還暖】

每個人有每個人既故事
世界上唔一定係你最痛苦的
但千祈唔好將自己變成最痛苦既一個

但願我能夠學到啊...F............

>>October 10, 2003 at 4:57:44 PM GMT+8

2003 年 10 月 9 日 星期四 【乍寒還暖】

今日打鑿工程的聲音細了好多.
兩個幾禮拜黎最細聲的了.
終於唔駛出隔硬出街喇~

一早睇完報紙,好鬼悶,上了網打牌~
都唔差,贏到幾鋪~^v^~
其間7姑姐又打黎問我點....
好煩!唔想再聽到佢把聲了.

亞媽成日問我幾時打返俾8姑姐
好煩呀~
果日好彩冇聽佢電話...
下個禮拜個Canada education exhibtion竟然話叫埋3伯去...駛唔駛啊....
一個細路三個大人........"唉..........

亞妹真的大個...唉...好似唔知點同佢溝通咁....

聽日看無間道2了,好野!!!

>>October 10, 2003 at 2:55:24 PM GMT+8

2003 年 10 月 9 日 星期四 【微冷】

2003年10月10日00:20分,我在哭.

2003年10月9日這天,發生了太多事.

一如前幾天,工程一早就開始.一早跟了媽媽出外走走.大約11:00左右婆婆來了,我們去了飲茶.

下午我找了Annie出來.本來會有很多人的約會,最後得返我與她.Annie可算是一個想法同我差唔多的人.和她談了一些近況,再次感到自己是很無奈...和Annie在行著銅鑼灣,有感像找她來sip時間咁..少少down...或許一路呢幾派都唔係好開心啦...

媽媽總是說,如果最後決定真的是加拿大,而我又讀得不開心的話,那便留在香港讀吧!她還是不明白....

妹妹真的大個了...我感到很寂寞...我對著她...我真的不知可以點...幫唔到佢咁...

晚上難得地跟爸爸談了很多,知道很多他的觀點...他說,唔夠錢咪去賺,賺到夠先去讀,唔好問人借...他真的不明白...他說到現在的青年都是在溫室長大,動輒就話自殺...我突然在想...坐在你前面的就是其中的一個...我得承認,我是在溫室長大,在這年代,誰不是呢?但我們有著這些心態,都是因為有著這些父母影響著.....

越來越發現,人真的是很自私的.大家很少真的會從別人的角度想.自己不喜歡吃甜,就認為別人也不喜歡.真的.就算是全世界最慷慨的人也是.真的.

2003年10月10日00:38,哭完了.現在只感到是無比的失望..........................

>>October 9, 2003 at 4:39:27 PM GMT+8

2003 年 10 月 8 日 星期三 【微冷】

手指的傷口已癒合了,但...心仍然是傷.....

我總覺得自己是被那些大人玩弄,當是波咁拋黎拋去....

尋日姑姐同我講,話姑媽有個basement可以俾我訓...咁快講埋呢d野...我完全可以幻想到之後我o係佢地度住時個樣.......

有時我真的很討厭這樣同人相處...很討厭很討厭!但又發覺是多麼的無奈...而家姑姐差唔多日日都打黎...想死.....話過唔再講死字都係咁話......真的很辛苦......點解做o左咁多野到最後都唔係我做決定?又話support我...連媽媽也是這樣說.........我還可以說寫什麼....

工人們還在鑿....吵死了!!還說仲有一個禮拜!!!OH GOD!!!!

>>October 8, 2003 at 5:50:30 PM GMT+8

2003 年 10 月 6 日 星期一 【微冷】

一早又勁嘈...大佬啊...8:45咋.....

跟住用超快o既時間吃早餐,就同亞媽出了去.天氣真係涼了很多,狂流鼻水.....

今日去了深水步呢~買珠仔同幫人買布.很累...

出糧了!!$387.5感動~

今日奇支力...打鑿工程d噪音令頭很痛...

>>October 7, 2003 at 2:29:33 PM GMT+8

2003 年 10 月 5 日 星期日 【微冷】

就黎聾了....

大廈打鑿工程停了幾天,今天又黎過...幾嘈..完全聽唔到人講野...真的有家歸不得啊...

一早去了上環加拿大教育部.同澳洲教育部個feel 完全唔同.果度就係商業大廈一間房.400呎o度,有3個房.我睇到個茶水間仲亂過我間房..入到去有個reception咁,隔好遠先見到張會議檯,中間空 o左好多位,完全唔合乎經濟原則.我話我要拎d college or University o既資料啦,跟住佢俾o左本書我睇,話果度有晒全加國的所有U 同College.我問有冇書仔啊,佢話有,但叫我睇完果本學校書見到有 o岩feel o既學校就問佢拎書仔啦.大佬啊..我點知咩學校好呀....你介紹下好wor...跟住我不斷揭果本書仔.嘩~痴線!有d toefl收250!!(300滿分wor)我得210......我揭到一間叫Seneca的College,果個人就同我講o左d野...話呢間同York University有joint programme呀......再俾o左本Seneca的大書仔(幾大本的)俾我.因為大本,所以唔俾拎走.唉...咁點promote呀...好彩,真要說自己是一個很幸福的人,我3伯帶了一本回來.唉,好je, if not.....我跟住問佢,有咩學校會黎下六個exhibtion,佢話唔講得...因剛才提起Seneca,所以話俾我聽呢間學校會黎.但係仲唔係一定有得interview tim...你唔講我點準備呀...兩手空空去啊?唉...

返到屋企亞媽話頭痛,話後先果個地方d冷氣唔夠,唔夠空氣.......唉~

>>October 6, 2003 at 4:09:22 PM GMT+8