2005 年 11 月 28 日 星期一 【晴】

~ 重貼 ~

愛一個人是靠際遇,
持續愛一個人是靠努力,
諾貝爾文學獎得獎者蕭伯納曾經說過:
"一個人一生中會有二萬多個人是適合自己,
當你在未遇見第二個人之時,
就跟那個適合你的達至心靈融合的階段...
在遇到別的時候, 那第二個就只會成為你的好朋友......"
要培養, 要經營愛情和幸福
溝通, 體諒, 自制是必需的 ~


無無聊聊, 在鍵盤上亂按...
總想能打出一些有意義的字.....
卻不行.....~
原來, 當你沒有一個目標去做一件事時,
你總不能做得上一些有意義的事....

有許陣子, 我在想,
究竟這科能給我帶來些甚麼...?!
假若我真的能畢業,
他又能為我帶來甚麼呢?!
我.......會把這些應用在我的工作上嗎?!
我......不肯定..........
但我知道這一定不是我真的想讀的科.....
對....我是真的想學日文,
但絕不是在這樣子的情況下,
要迫要默的去學.....
我想自自然然, 能學多少就多少........
相比下, 我覺得自己對 Urban Development更感興趣....
我不知道為何.....就是想去讀想去學罷了.......
也許, 某人說得對.......
要是你沒有試過, 你又怎會知道這是否適合自己 !?
對.......要是我沒有讀過這個課程,
我也不會知道, 原來自己對日文也不過是有著一定程度的喜愛.....
我對他的愛, 並不深......................

原來, 要去做正確的選擇, 要去做不後悔的決定....
的確很難........!!!!!!!
我沒有後悔進了這科, 因為至少我認識了你們....
要是在別的科, 也許我早就走了..............

>>December 9, 2005 at 12:06:32 AM GMT+8

2005 年 11 月 27 日 星期日 【晴】

走在熱鬧的街上, 四周石屎森林臨立...
在霓虹燈的映照下, 顯然地, 這裡並不孤寂...
我們走在這條不孤寂的路上,
沿途每間鋪子前都站了幾個女人....
在招徠他們所謂的客人.......
不消一會, 一個男人走了進去,
不消兩會, 一群男人走了進去....
我盼望著, 盼望著即使無數會, 我所喜歡的男人都不要走進去......
是香港的女孩們特別多疑嗎?!
還是外國的女孩比較開放?! 還是只有我是這樣?!
我總忍不著自己的男朋友拖著, 抑或跟其他女孩有特別親密的接觸....
為什麼所謂的文化, 所謂的種族竟然是一個給予自己與別的異性有接觸的機會....
為什麼只有男人就可以那樣大無私樣的走進那些地方?!
為什麼那些男人總不會在走進去的那刻,
想想那個在家等你的女人們.......
我不明白, 我不懂得, 也不想去深究.....我只是好奇罷了......

也許豬明說得對:
請相信愛情
即使男人有多壞有多不可靠
每一個男人心中一定有一些女人是他們不捨得去傷害
值得用真心去對待的。

就讓我們努力去做好自己吧。

但.........對不起.............我做不到..........
無論大家說得愛情有多麼的燦爛,
無論大家把男人說得有多麼的可靠,
我還是徹不下心房去相信他們....
不要說是男人, 即使是女人,
又有多少個是真的未曾說過謊?!
不是愛情不可靠, 不是不想去信任...
只是人生中, 能遇到那真正值得信任的人機會率幾乎是微乎其微罷了..!!

要是你此刻真的找到了, 那恭喜你.....
請把持你們的信念直到永遠吧 ~
你知道嘛, 根據研究, 一生中, 我們至少會通到二萬多個跟自己合適的人...
所以, 請不要斷然為了那二萬個白白的放棄了你此刻的信念...
愛是要忍耐, 要包容.....
要是為了少少的問題便大喊分開,
那就已經不是愛了.......

* 在我口中說出這樣的事, 總會有點諷刺,
但我就是那樣的矛盾,
矛盾得甚至連自己, 也不懂得自己想怎樣.....

>>December 9, 2005 at 12:05:26 AM GMT+8

2005 年 11 月 27 日 星期日 【晴】

灣仔藝術中心 ------
去左Agnes b Cinema 度睇電影廣告.....
分左兩個範疇
- Selection from All Japan and Radio Commercials 04
- Asia Pacific Advertising Festival 05
估唔到咁岩睇到 Japan Commercials Advertising...~
日本廣告好多都好爆囉, 玩唔明咁既...
我諗係因為語言加上圖案唔可以同一時間入腦,
因而出現左呢個現象......但有D我都幾明既 ~
可能係有D日文我都聽得明....咁我就緊係有限公司啦 (廣告分享係下面..)
而最攪笑係正既廣告多出自於泰國, 佢地做出黎真係WORK..
同埋真係引到好多人笑囉......!!!!
之後RYAN陪我去買左朵花花, 我就陪返RYAN買鞋.......
係沙嗲城同埋佢媽咪 and 細父食.....
我地就行左去海旁, 諗住睇激光.....
雖然一齊左咁耐, 但成日話睇都冇睇過囉 ~
今日終於見到..............
都唔係咁靚姐, 仲俾我地兩個彈到一文不值.....
可能係睇既角度唔同啦, 所以欣賞唔到佢靚既一面.....
果然 !!!! 有時D野, 係唔同角度睇, 得出黎既結果都會大大不同 ~
傾左陣計, 就歸家,
沿途想, 不斷的想...我既妄想症又再次復發 !!

廣告分享 ~
有一個好深刻既係兩個女人都嗌自己丈夫做 anata...
之後就拎左樽野飲出黎......但分別係飲既人,
一個係俾丈夫飲, 另一個就自己飲左....
Hahaha^^ 買果隻力D表現既廣告咁......
另外一個就係牛牛同個男人(農夫)結左婚,
一路都播住 <現在很想見你> 的背景音樂...
超感人, 隻牛牛日日都陪個老公, 又拎野俾佢食....
個廣告係抽寫佢地之間既感情係落左D心思咁....
有一日, 牛牛見到自己老公望住左花叢中既一個女人,
牛牛極度傷心, 又唔肯去拎野食俾個老公, 又唔肯見佢....
(完全捉中女人心理囉!!!)
果晚, 牛牛一返到屋企, 老公就好似即刻好關心佢咁....
但牛牛一諗到果一刻, 緊係仲係好無心機, 仲唔想理佢老公...
佢朝住屋企門口行過去......一打開門............
成屋都係花, 周圍都係花.....花既中間仲圍住一個牌.....
牌子上面寫住 " 結婚週年紀念 "....
果一剎那, 超感人, 但又好似超爆咁......
原來男人並唔係睇中個女人, 而係睇中D花....
百感交集在心頭既感覺, 真係非筆墨所能形容囉.....!!!

現實中, 又有幾多個男人真係可以做到呢樣野丫.............


| 我絕對唔介意做牛牛囉, 如果真係可以遇到咁既男人.....
| 即使俾你有天仙下凡既美貌, 還不是會老.....
| 只有一個真正懂得欣賞自己, 愛錫自己既男人
| 才是所有女人所冀盼著的...

>>December 9, 2005 at 12:04:35 AM GMT+8

2005 年 11 月 26 日 星期六 【晴】

徹下心防也不過是會增加悲慘的回憶

總期望冬天能快些來臨....
因為我認為在乾燥的天氣中,
縱使洗過白白後, 總不會為鏡子帶來一層水蒸氣....
使其變得白蒙蒙的一片......
因為水蒸氣能把乾燥的空間變得濕潤潤
所以這天在洗白白前, 我特地不去開啟抽氣扇...
怎料, 結果卻完全跟我想的不同....
我的空間的確是變了, 但鏡子的表面卻也同時添上了那層水氣...
為什麼.....為什麼會是這樣......?!
想了很久, 原來.......
原來一直以來我也把鏡子那冷冷的表面忽略了....
冷冷的鏡子, 接觸了熱騰騰的霧氣.....
水氣最終還是在鏡子上出現..........
(也許當中, 我還有很多很多的事是忽略了)
往後的日子, 還是要繼續開啟著抽氣扇, 聽著那習慣了的聲音,
還是要習慣那沒有聲音的廁所呢 ?!

* 原來即使只是忽略了這少少的一部份,
也會發生了這麼不同的變化......
那我們的人生呢? 又有多少的東西是我曾經忽略了....
而同時地, 又作出了很不同的變化......
根本就沒有能力去顧慮到這麼多的事..............

>>December 9, 2005 at 12:03:51 AM GMT+8

2005 年 11 月 26 日 星期六 【晴】

被scarlet貼.......
Game Rules:
1.由某個blog發起, 出一個題目.
2.在自己的blog中完成題目, 然後點名另外幾個blog完成同樣的題目.
3.另外的幾個blog完成題目以後再分別點名, 依次類推.
4.被點名的blog在完成題目時要注明被哪個blog點名.
5.不可回傳, 另加一條自己的題目.

最近在聽的音樂:
咩歌都聽.....英, 日文囉多左...

最近常想的人:
壞人, Harris, 卓卓

你現在還單身嗎?
唔係....

誰是對你最重要的人?
男友, 家人, FD 囉.....

來世如果給你充分的自由, 你會想做甚麼職業?
Model 或者一D唔駛做都有錢收既工......唔好答我雞呀....雞都要做架.......我係要唔駛做都有錢既 !!!!!

如果你有曾經的戀人, 你現在最想跟他/ 她講甚麼?
唔好為左D唔值得既人去做D唔值得既事, 我都想你可以開開心心, 快快樂樂咁生活...........冇錯, 好多人都教我地要學會珍惜身邊既人同事, 但我地都要睇清楚咩先係需要我地真正去珍惜既...胡亂珍惜只會成為盲目........

事業, 愛情, 友情, 其他(請註明), 哪一樣你會放在第一位?
好似冇乜野真係好重要咁.......又或者係樣樣野都好重要呢?我唔識揀喎.....

你最大o既缺點/ 優點係咩?
最大優點: 冇乜...可愛掛.......
最大缺點: 懶,冇主見

如果俾你揀, 你會想住係邊個國家?
咩國家都冇乜所謂, 最想住係一個未受污染既地方....

你覺得被誤會, 或遭受冷淡的態度對待, 哪樣會比較難受?
冇得比較呀, 兩樣都有夠難受....

"308"問: 我 (邀請你玩這遊戲的人) 份人點? 認真答!!!
Scarlet....同個個人都有野傾囉, 唔怕有 DEAD AIR呀....
煮野好似幾勁, 我未試過丫, 不過聽過囉

"antiho"問: 你想點死?
點死都冇所謂.....

"NickO513"問: 最想有咩事情係你身上發生?
中六合彩頭獎, 或者唔駛理自己有幾多錢, 都可以想買乜就買乜

ahbdotcom問: 有乜係心血來潮好想做/實踐但係未做到?
去旅行, 或者去第二度讀書....

frograce問: 上面咁多條問題,邊條對你最有意義?
冇乜邊條有喎....

katrinakatrina問：你對五年後，十年後，二十年後的自己有甚麼期望?
無論係五年好, 十年好, 二十年都好, 我想過住開心快樂既日子, 唔想做, 唔駛憂...享受自己生活...........

oiman29 問 : 假如要你選擇愛情同麵飽..你會選擇咩?點解?
兩樣都唔係同一樣野黎架....做咩條問題好似懶有深度咁既...
揀愛情囉....真正既愛情飲水都飽啦.....仲駛乜要麵包

shsh326 問 : 除左$之外，而家最想得到什麼
安全感.......

jeffudago 問: 如果俾你揀...你會食朱古力味0既屎...定係屎味0既朱古力?!(節錄自袁家姐語錄)
我要多 "士" 味既朱古力 !!!!!

scarlet0730 問: 如果要你揀, 你想擁有大腥腥既面, 藤原紀香既身材定係菜菜子既面, 企鵝既身材?
菜菜子都唔靚, 咪玩啦......我要左佢既面, 再要埋咁既身材呀...假若真係要整呀.....咪要整兩樣....
如果有藤原紀香既身材呀, 黑漆漆既時候睇, 你都仲可叫做靚女啦....雖然朝早一定唔係, 但係要去整容呀, 都係整一樣姐.....咁我緊係揀前者啦 !!!!

Ceci問: 請講出我 (邀請你玩這遊戲的人) 既優點同埋缺點 ( 每樣至少三個 )

傳俾Kiu, Chin Chin, Carman, 呂仔, Haze, Joey

>>December 9, 2005 at 12:03:16 AM GMT+8

2005 年 11 月 25 日 星期五 【晴】

心情不是太好,
所有的事都在同一天來..........
唯有對著小孩我那刻,
才能暫時放下複雜的心緒.....
一整大班的同學, 千千, Carman, 呂仔, Ting, Joey, 同壓軸 -- 哈姐,
一齊去左維園度幫Hato手做義工囉.....
其實, 成個人都好似發緊呆咁.....
不過都盡量放盡D同D細路去玩架喇 ~
佢地仲蝦我呀 >.<


之後開門俾佢地果陣又撞到個頭,
超痛, 即刻唔想郁....
之後去左元祿食sushi.....
佢地仲陪左我去拎床單呀 !!!
地鐵火車都勁多人, 唔鐘意呀 !!!!!!!

* 見到梁德明老師, 都冇見3-4年....
竟然仲叫得出我個名, 超勁呀....

Thanks for supporting me, when I was sad....
I am becoming better and better now....~
Thx for caring.....

>>December 9, 2005 at 12:01:02 AM GMT+8

2005 年 11 月 24 日 星期四 【晴】

又跟爸爸車返家.......慳左幾蚊......
慳埋慳埋D錢, 又去減肥.......
不如慳埋D錢去日本?!
講真, 我慳埋慳埋呀都係想表現俾人睇我有幾賢良淑德姐....
今朝返學果陣發現尋晚去公園傾計姐,
竟然留有戰績呀.......超勁呀 !!!!
右腳俾蚊針左至少十六下.......
頂...............好彩遮得住........
唔係, 今次真係變豆熟呀 !!! (應該冇乜人明....)
呵呵 ~ 聽日又默書喇...........唉.......
真係唔想面對派卷既殘酷呀 !!!!

At least one E-mail or sms with Harris,
So glad that I get such a friend, though he is not living in HK...
REINCARNATION...........

超級過份..........
某人真的超級過份...........
隱形嬲........哼............

>>December 9, 2005 at 12:00:20 AM GMT+8

2005 年 11 月 23 日 星期三 【晴】

男人論 !?~
甚麼樣的男人才是最好的?
男朋友又應該以甚麼為標準?
很多人都會覺得做人當然要有目標...
求求其其, 是是旦旦的就找個男孩當男朋友,
事實上當然不行............
但她們所謂的目標,
不是靚仔就要型,
不是型仔也要有錢仔.....
這種所謂的目標, 我並不認同....~
男朋友 -- 還是愛你的人好......
找一個他愛你的人, 不是隨隨便便在街上就有幾個....
愛 -- 不是說愛就是愛的.......
很多的感受是需要歲月累積,
很多的愛是需要通過考驗....
所謂的累積不是一朝一夕便能做到.....
我相信一見鐘情的出現......
但那只是愛的開始.....
我相信愛是點滴, 是細水長流......
澎湃的激情, 長大了還是不太適合,
即使你的性格有多麼的愛玩,
你總需要一個地方讓你停下 ~
激情還是留給那小孩子作他們專有的玩意吧 ~
所謂的考驗, 也許是愛情中所遇到的野花野草絆腳石...
我們很容易會受他們所影響,
我們很容易因為他們而對我們的愛情有所質疑.....
但當你看真點的時候,
野花草始終還是野花草,
絆腳石始終還是絆腳石....
用心的感受, 你會看得更多.......
至少不至於落到被那些卑劣的野花草欺騙 ~

靚仔有那裡好?! 老了還不是會皺起紋來....
有錢有那裡好?! 不上進, 錢還不是會花盡....
型仔有那裡好?! 終日到處調情....
這樣的男孩, 你貼了大床給我, 我也反彈貼多張給你唷 !!

有個愛你的男孩,
至少你認為他是愛你, 緊張你的,
那就已經足夠...........
凡事總沒有完美,
不是每個男孩都會做到你心目中的那樣好..
那怎麼辦 ?!
唯有去接受吧.......
接受他對你的不好,
接受他不能做到你心目中那樣的好吧,
時間久了, 你始終會習慣.......
這就是所謂的容忍 ?! 呵...................
(與此同時, 你又何嘗能做到他心目中那樣的好呢?)

但願有情人終成眷屬
但願那賤人終會折墮
阿門 ~


* 一開始都唔係諗住講呢樣野既,
咦.......點解講講下會變左..............咁架.........
人家諗住講, 你睇我幸福時, 我睇你仲幸福姐.....
做人還是不要太多奢求的好了.......
太多的奢求, 做人總會變得不現實....
太多的奢求, 做人總會變得過於表面.....
算了吧....我還是求自己的算了吧 ~

** 前天跟媽媽說了我不想工作,
我說了即使完成大學, 我也不想工作...

她說 : "要是這樣, 你現在就不要讀了,
儲著的錢留著你自己用, 一兩年還是足夠...
現在不讀, 至少有 7-8 萬...."

認真點計計, 現在不讀, 那就能省上一萬多元...
加上下年的學費, 那就有四萬多元,
還有去日本的 ( 至少兩萬 ), 跟上平常的生活費 (兩萬多)
嘩.........家陣D太太, 係屋企冇野做,
緊係成日篤計數機, D數口又會精得咁交關,
真係慳到七, 八萬喎 (最衰唔係七百萬)
嘩.....睇真點, 又幾噤計喎 !!!!!

之後佢又話: 叫阿壞人娶左你囉....
叫佢養埋你囉.......
我下年唔供你架喇,
你要申請 "關LOAN", 你就去申請啦....
叫阿壞人同你註冊左,
咁你咪去申請囉.........!!!!!!

嘩..........吹漲呀 !!!!!! 媽呀媽, 我都想唔駛做呀......!!!!
如果一張紙就可以唔駛做既, 我不妨拎多幾張........
( 拎多幾張銀紙姐 ) ..............................


So glad that I can keep in touch with Harris,
We are now relying on SMS and E-mail to communicate ~
Whenever I got something wrong,
he can support me at once....~
hoho ^^ So happy about that.....
Thanks for the advanced technology...
Draw our distance more closely !!


命中註定今天不能跟千千在一起.....................
唉......太白痴了.......
竟然被地鐵把我們分開.......
唯有 " 大家樂見啦 !! "
Lunch 同 T02 同學食........
被昆, 咦........果個闊條麵都唔好食既 ~
之後練 presentation.......
我都係做開頭姐, easy job呀 ~
緊係生鬼D, 可愛D先好啦 !!!

夜晚去左壞人公司等佢......
等左一陣, 唉...........
對自己搭咀果野, 有D耿耿於懷...
不過壞人話冇野, 唔.....咁就算啦 ~
想食泰國野, 由灣仔行到去金鐘....
之後再返灣仔......最後都係係 M記食....
唔......都幾正丫.......我都幾鐘意 M 記呀 !!!
之後去左海旁坐.............
記得上次......都係好耐好耐以前喇 !!!
仲買左好多朱古力食呀 !!! 超正 ~

>>December 8, 2005 at 11:59:21 PM GMT+8

2005 年 11 月 22 日 星期二 【晴】

Your Kissing Purity Score: 54% Pure

For you, kissing isn't a casual thing

Lip to lip action makes your heart sing

Kissing Purity Test

約了媽媽要陪匡仔買衫......
嘩.....超累呀........今日都買左少少野.......
去試 Perfume 俾匡仔....
左手試完到右手.......
左邊有Edmund既感覺,
右邊就係鄒鄒囉..........好正 !!!
匡仔個朋友.....都同我地一齊睇,
仲同我鬥串.......哼, 死蠢鬼........
唔好以為大個我就叻哂 ~
坐係電視前面睇左一晚電視.....
唔知點解呢, 呢排食飯之前都會訓下覺 ~
唔.......太累 ?! 又唔係丫.......唔知呢 ~

This Is My Life, Rated
Life: 6.2
Mind: 5.2
Body: 6.6
Spirit: 8.6
Friends/Family: 3.8
Love: 6.9
Finance: 5.8

>>December 8, 2005 at 11:58:34 PM GMT+8

2005 年 11 月 22 日 星期二 【晴】

Your Inner Child Is Happy

You see life as simple, and simple is a very good thing.
You're cheerful and upbeat, taking everything as it comes.
And you decide not to worry, even when things look bad.
You figure there's just so many great things to look forward to.

How Is Your Inner Child?


馬人說我真的很幸福
希斯說我真的很厲害
竟然能夠說出這麼多愛他的理由
洩屎喊著說不....
這只是我們生活的一部份
我愛上他
所以我愛上了我的生活
把生命看得簡單一點
愛上你的生命多一點
漸漸地
你也會很容易的寫出了很多愛他的理由

>>December 8, 2005 at 11:56:24 PM GMT+8