2006 年 1 月 2 日 星期一 【晴】

睇返以前 2004 年既日記 --
第二日考試, 但我竟然無聊到係度作打油詩...
超爆搞笑, 懶惰性格冇得改 ~

詩詞欣賞 --
農業自然未溫過 , 事前準備出了錯
工業城市一齊黎 , 所有課文冇準備
聽日就要考地理 , 通頂通渠都要死
蛋糕茶點齊享用 , 死前都要樂無窮
望望隻錶四點鐘 , 個人仲係好輕鬆
諗下聽日出D乜 , Essay短答冇樣得
望天打卦二十載 , 讀書習慣冇得改
臨急先黎抱佛腳 , 佛腳連褲都未著
慢慢慢慢慢慢溫 , 我有一顆讀書心 ~~~~~~~~~


＊１００ ｔｈｉｎｇｓ ａｂｏｕｔ　ｍｅ　ｉｎ　２００６＊

１. 我叫小美 , 或者你可以叫我屎屎 (Ｃｅｃｉ)
２. 我有永遠不變既身高168cm
３. 我既體重 , 永不停頓 , 還會起伏不定
４. 我的家 , 有爸爸 , 有媽媽 , 也有弟弟
５. 在家中 , 我的地位很大
６. 我在幼稚園時考過一次第一 , 也是我唯一一次的第一
７. 在小學時 , 加入了籃球隊 ==> 最明智的選擇
８. 在小學時 , 認識了我最要好的朋友 , 人生的知己 ~ 卓卓
９. 在小三時 , 生了水痘 , 卻堅持回校考試
10. 那次的成績我得了全班第五 , 是一次大躍進
11. 因而被我可愛的余可玉老師選了做好兒童 ( 第一次獲獎 )
12. 小學時期曾任班長達五年以上之多
13. 小學五六年級的班際女子籃球賽均為冠軍
14. 中一時 , 雖然只獲莫記公開組三人籃球賽的亞軍 , 卻是與卓卓聯手打敗中六同學
15. 中二時 , 跟卓卓一起加入籃球隊 , 並為最有默契的一組
16. 入左一間Band 1中學 , 是我的虛榮
17. 初中 , 放學最愛蒲點 => 獅子會籃球場
18. 曾為了少少的一分而跟老師吵起來 , 並勞動父母去爭取
19. 會考得13分是我的恥辱 , 亦都是我的僥倖
20. 會考後曾一度迷上打網上遊戲 -- 彩虹六
21. 會考考得最好就是數學這科
22. 第一次交白卷是在數統這科, 並得到 0.16 這個分數
23. 性格優柔寡斷 , 既開朗 , 卻又很易不快樂 ( 愛哭愛笑 )
24. 為人極其矛盾 (外表樂觀, 內裡悲觀)
25. 因為Sara Beattie, 現在面對所有人都不會那麼容易便感到害羞或會面紅
26. 不太懂得交際, 還是留給壞人去做
27. 擁有很多理想與夢想
28. 將來想做一個模特兒 , 空姐 , 點心師父 , 老師 , 室內設計師 , 畫側師 , 陳美斯 ^^
29. 也希望在天文台 , 環保署 , 規劃署等....地做工
30. 想一輩子也做學生 , 又或者做一個少奶奶
31. 以前很怕孤獨 , 很怕自己一個人出外
32. 自從f.5跟某人^^拍拖後變得自立了"點"
33. 由細到大既刁蠻又任性
34. 因為太多人寵愛的關係
35. 人生有許多重要的男人
36. 也有幾個重要的女人 ( 尤以媽媽更甚 )
37. 六年級時有個自己很愛的人 , 可惜失蹤了 , 但最近竟然回來了
38. 初戀年齡：14歲，從此斷斷續續的，幾乎沒停止過拍拖生活
39. 第一次被刁的分手原因是我太幼稚 (還要由別人口中聽到 ), 主因是他有了別的
40. 以前常常在網上認識朋友 , 也曾識過網上男友 ( 但現在已經沒有 ) 太幼稚 ~
41. 中三時跟馬騮談起戀愛 , 從此對馬騮情有獨終
42. 曾經多次成為別人的第三者
43. 曾一度自作多情 , 以為別人會為自己而放棄其女朋友
44. 戀愛歷史跟生活都是一塌糊塗 , 也有兩個轉戾點
45. 第一個是跟成成在一起 , 第二個是壞人
46. 現在很少跟男朋友鬥咀, 像是他懶得跟我說似的....
47. 以往很愛發脾氣 , 但現在卻經常要呷 Vinegar
48. 曾經因為認識了兩個藝術家 , 而變得文雅了點, 而對Designer也有著一定興趣
49. 隨著認識的藝術家愈來愈多 , 對畫畫亦感到一定興趣, 但一點也不在行
50. 曾經在小學時得過畫畫+作詩的比賽冠軍
51. 小時曾多次由高處墮下 ( 猜樓梯 , 扮泰山....)
52. 極度怕痛 , 怕凍又怕熱
53. 怕油彈 , 卻又很想煮食
54. 最愛弄甜品吃 , 可惜弄極也不算美味
55. 最愛吃甜品 , 朱古力 ( 實際甚麼都愛吃 )
56. 家中有好多毛公仔 => 大部份都由馬騮送的
57. 毛公仔多以馬騮為主 , 並組織了馬騮家庭
58. 第一次收花是中二情人節 ( 由"朱古力"先生送贈假花 )
59. 第二次收花是中四歌唱比賽後 ( 強行搶掉別人為悼念死去婆婆而送給人的花 )
60. 第三次收花是.........聖誕節 ( 於海旁的真玫瑰花數枝 )
61. 第四次收花是成成親手做的珍寶珠花
62. 第五次收花是上年超感人的情人節 ( 正送的粉紅玫瑰花 )
63. 以往很愛藍色綠色 (因為小六是的那個很愛) ,現在最愛是粉色 (粉紅 , 粉紫)
64. 不像普通女孩般慢條斯理 , 啊啊gor gor
65. 有點像男孩子性格 => 較爽
66. 但在看感人的戲時 , 依然會像女孩流淚
67. 因為眼淺的關係 , 小時常被稱為喊包
68. 我很少跟女孩子煲電話粥
69. 跟我成為好朋友的多為較爽朗的女孩子
70. 我的嗜好有打波 , 彈琴 , 亂唱亂叫 , 睇戲 , 睇書 , 聽歌
71. 曾經飼養過的小動物多不勝數
72. 有小龜 , 小狗 , 小兔 , 鳥兒 , 魚兒 , 青蛙 , 蝌蚪 , 蟹子 , 小貓.......
73. 很喜歡寫作 , 卻總寫不出花樣來
74. 曾經有一次點名被梁德明老師叫下去稱讚我的文章
75. 因而對抒情文添上無限興趣
76. 但文章仍然處於極度幼嫩中
77. 每當看文學同學所作的文都會眼濕濕
78. 曾跟卓卓以電波少年為目標
79. 每當看恐怖片時都會把一雙眼睛遮蓋著
80. 不太喜歡與別人訴說我的心事, 隨了自己喜歡的人
81. 不願看到自己身邊最親的人離開自己
82. 每當傷心 , 都會大哭 ; 每當感到痛 , 亦會大哭
83. 在發脾氣時 , 常常扔東西 (近年已經少了很多)
84. 常常忽略身邊朋友的感受, 有時又過於著重
85. 直至在"他"自殺後 , 我才發現"一次疏忽 , 足以致命"
86. 當看到在醫院的"他"時 , 立時大哭 ( 在長大以後 , 第一次在父母面前大哭 )
87. 每次認定了拍拖對象 , 都會跟媽媽訴說
88. 每遇難題 , 總愛逃避
89. 我很喜歡別人了解我 , 但並非說自我口中的
90. 很喜歡聽別人對我的感受
91. 口頭襌 : 點解? 點解呀?
92. 夢想可以環遊世界, 去外國地方
93. 並教育一些落後地方的兒童 ( 絕非中國 )
94. 極度討厭中國(人)
95. 沒有瘋狂的喜愛偶像
96. 最喜歡聽一些可愛的歌 ( 王菲 , the pancakes , 有耳非文 )
97. 最喜歡看靚的事物 ( 靚仔靚女更甚 )
98. 很善忘 , 且又很飄忽
99. 我希望我能夠做伴娘 , 更希望成為新娘
100. 曾經有很多很不快的事在我身上發生.......

>>January 13, 2006 at 12:19:47 PM GMT+8

2006 年 1 月 1 日 星期日 【晴】

新一年, 新人事, 新作風......
剛回家 -- 這陣子也覺得自己有點不太好的了....
可是有些事又不是你要改變, 就改變得了...~
跟他們的關係像是變差了....
不要緊, 希望來年又是新的景像!!
上年的最後一天, 整天沒睡......
很早便往壞人處跟他一起吃早餐,
然後到他處大覺睡到下午......
但醒來時已經是夜晚 ~
本打算去吃比薩克, 但太多人喇......
放棄了這念頭, 然而卻往另一間也很好吃的比薩店去 ~
之後 Edmund 黎搵我地,
三個人無所事事, 去左銅鑼灣, 周圍 Hea 左陣....
就去左維園傾下計, 再無聊下.......
二零零五年就係咁過左....
雖然唔係咩特別既方式,
不過同到自己鐘意既人過已經好幸福...~
最估唔到既, 緊係 Harris 打俾我啦.......
嚇左我一跳呀 ~ haha ^^
之後到點零鐘, 等埋壞人佢地個朋友,
就去左 Bar 度飲野......呵呵......
好彩我唔舒服, 可以發呆一陣 ~
三點幾閃人, 一路行返去壞人度.......

強迫睇泰山到第二朝 (雖然我訓著左一陣)
等到八點幾去食左個早餐, 就去睇早場 -- 四眼雞丁....
呵呵呵呵 (五個呵為最高分), 真係幾搞笑 ~
可能係因為幾正, 所以感覺特別短......
就好似同壞人咁, 唔知點解好似好短好快咁既...!! ( I mean 我地一齊既時間姐 )
希望以後既時間都可以好快好快咁過哂就好喇 ~
夜晚叫左比薩克外賣....
黎緊既日子唔可以再咁奢侈喇 ~
餐餐都百五至二百, 好似超級豪華大餐咁呀 !!!
要幫大家儲番少少錢 ~ 咁先得架嘛....
我唔介意食 M 記架....講真點, 我都幾鐘意架喎.....~
總之李開心, 我都會好開心 !!
黎緊星期, 迫切大行程呀....
星期二同中七同學食飯... !! 期待 desu....
星期五同某某人去燒野食 ( 皆因未知能否公開呀 )
其餘既日子, 要找點留在家中...
再用兩至三天的時間, 去南丫島, 上山頂, 吃蓮香嘛.....!!!
我記得了, 我不會忘記的 ~

最後 :
多謝上年在我生命裡曾經留下一條腳毛既人,
希望今年你地都會繼續係我既生命中出現.....

>>January 13, 2006 at 12:19:13 PM GMT+8

2005 年 12 月 31 日 星期六 【晴】

只是沒有嚴寒罷了........
要是跟那個可憐的他相比,
我又能比他好多少......
他 -- 至少也有我們的可憐 ;
但我 ?! 連可憐也沒有.....................

>>January 13, 2006 at 12:18:53 PM GMT+8

2005 年 12 月 31 日 星期六 【晴】

夜晚出去旺角跟美女兵團既豬明同蕃薯傾計....
之後搵埋卓卓, 女樂樂, 男樂樂一齊返黎.......
上左卓卓家傾計........
今天謝過大家的分享 ~

好男人真係買少見少........
難得一見的好男人,
今天真是大開眼界........!!!
抵得住嚴寒, 為著所愛無怨無悔....
人們就是這樣, 不懂珍惜..............
唉.....................................

>>January 13, 2006 at 12:18:14 PM GMT+8

2005 年 12 月 30 日 星期五 【晴】

人人的看法為什麼也是一致........?
連我的心也是傾向他們處.....................
應該怎樣.................?!

沒有快樂氣氛的聖誕節,
給你再多也不過是徒然.....

>>January 13, 2006 at 12:17:50 PM GMT+8

2005 年 12 月 29 日 星期四 【晴】

有些時候, 知道得太多,
還是真的有點痛苦........

控制不到的事, 就隨他去?!
寄情在別的事上, 也許會讓自己好過點...

即使意見是別人給, 將來還是自己創造的...
但怎樣看, 將來都不像是自己想像中的那樣美....
勉強去做一些勉強自己又或是勉強別人的事,
那又何苦呢........?!

>>January 13, 2006 at 12:17:25 PM GMT+8

2005 年 12 月 28 日 星期三 【晴】

在你不想離開時, 事實及形勢總會要你低頭...
但在你想離開時, 卻總離不開這倦人的煩囂...

生命總是要你煩惱一輩子
去想那是對的, 那是錯的
但即使讓你找出答案,
卻又不一定會依隨著對錯去做...
究竟要找出答案重要, 還是努力實踐重要...?!

誰是最痛苦的人?!
應該是那些曾經傷害過別人, 欺騙過別人的人......
因為只有那些人才會真正體會到被傷害的人的感受,
因為只有那些人才會明白世界是何等黑暗,
因為只有那些人才會凝著別人也會像自己傷害其他人般傷害自己...
原來就是那些人才會真正的害怕受傷害...........


這次真的泥菩薩過江 ,
幫不了自己, 也幫不了人 ,
謝過你 --
在我不愉快時, 總給了我點安慰....
在我有需要時, 總帶給我點鼓勵....

>>January 13, 2006 at 12:16:59 PM GMT+8

2005 年 12 月 23 日 星期五 【晴】

Went back to China already,
Just staying in the net bar...^^
I have bought the DVD of 1 kg of tear ~
Thank you for your help, Ryan...

大陸行程, 食完就訓, 訓完就食....
日日六點幾朝早先訓 ~
一訓就訓到四五點, 食完飯...
一係打陣波, 一係打陣機, 一係篤陣波...
睇到屋企睇電視...........直至朝早六點, 又訓....
日日如是..........................................
超悶蛋呀哦喲唷呀..........!!!!!!!!!!!!!

當你細心的想想...
人生中要是有這樣的一個人,
願意在你快樂時, 不快樂時,
說話時, 不說話時也都在你的身邊,
你會感到這刻的你的確挺幸福吧..........
再想深點, 究竟這是否真的幸福呢?!
你會發現要擔心, 要憂心的其實並不只一樣,
但說真點, 又真的有多少樣呢...?!
也許是你想得太多了?!
也許................
也許你根本就不知自己在說甚麼吧..................!!

>>January 13, 2006 at 12:16:32 PM GMT+8

2005 年 12 月 22 日 星期四 【晴】

在你告訴別人你已受傷害之時,
請你也想想, 你也許已經傷害了別人....

While you were telling someone you have hurt by others,
you probably are hurting someone.

>>January 13, 2006 at 12:15:51 PM GMT+8

2005 年 12 月 21 日 星期三 【晴】

幾晚冇返屋企訓呀.....
我都覺得自己唔係好好架喇....
ても　たのしいです。
如果唔係係你屋企狂send msg,
都唔知道原來你係唔鐘意佢囉 !~
應該算係值得開心既事掛....(都唔知咩構造架, 咁都開心)
第一日好平淡咁係憤怒中捱過...
之後果日我四點幾五點先起身,
特登係廳度玩電腦, 食朱古力,
等你起身果陣以為我走左... hoho^^
咁都俾我諗到, 真係聰明呀 ~
點知你起身都已經六點幾....
冇哂隱喇, 玩鬼玩碼咩.......
不過好開心, 可以去到 City Super食我最想食既金邊粉,
食完都超飽 ~!!!!
周圍行左陣, 諗住搵下卓卓...
佢十點放工, join 埋一齊, 再行多陣...買鞋 !!!
諗住返大埔返奶奶飲糖水,
點知佢話去 Bar 度飲野,
壞人就同埋我地一齊返左黎...
呢晚飲完野, 都兩點幾三點,
我地兩個一齊去左卓卓家訓 !!!
卓卓晨早訓左, 因為第二日要返工..
我同壞人睇左陣 VCD 先訓,
都五點幾.....
起身果陣, 見到桌面上有 uncle 幫我地預備既早餐 (都已經十二點幾)
haha^^ 我地食完, 緊係洗埋碗啦我 !!!
之後先閃人, 閃人去左行壞人爸爸話既大埔特色 !!
有大埔井神同火車博物館,
仲見到有人係度影 model 相 !!!
玩完博物館, 我地去左食 Cake 囉.....
壞人果個好食好多既 >.<
借左本漫畫, 壞人係屋企樓下等我.......
吹左好耐風呀佢, 凍死喇 !!!
沖完涼, 換完衫, 落返去搵佢,
去左 M 記食左個餐, 再上大家樂食芝士火鍋, 再去食 Rainbow 糖水........
飽到嘔 !!!!!!!!!
之後就陪佢去搭車........
就咁就分開左喇.............
又要過七日, 先有得見

>>January 13, 2006 at 12:15:26 PM GMT+8