2002 年 8 月 20 日 星期二 【晴】

今天突然有點掛念，心情有少少down dwon地!!不得了不得了!!!要找點東西做做，忘記一o下先得啦!!

今日本來有節目的，但改期了，搞到今天和明天都沒有了節目........畫o下畫啦!!

小蟲，今天行過奧海城，想起了妳，因為....今天是『免費替小朋友剪頭髮』的日子呢!!小蟲媽咪......heehee

>>August 21, 2002 at 3:51:49 AM GMT+8

2002 年 8 月 19 日 星期一 【陰】

今天食完午飯就同我新一年的同房牛女去了買新居的東西，不過最後只係買o左少少房的東西，反而其他東西買得更多，唉~~一早估到了!!
我們買了一對跳跳虎同豬仔，放在房的兩邊，買了一件同款唔同色的T-shirt，同埋一個一樣的電話繩，仲買o左一本同一系列的靈修書添呀!!遲o的可以交換看了!!除了靈修書外，冰冰見到之後樣樣都好鍾意呀!!
行完街街我便去了上畫班，今次終於都滿意啦!是自己滿意自己不是亞sir滿意我，因為個樣都幾似，陰影部份都幾好!上了那麼多堂，終於有一幅滿意了!上完堂便回了家食飯!!今天到這日為止，心情也很好!
晚上收看『烈火熊心2』看到最後，突然發現女人的第六感原來真的幾準，只要是自己所愛的人，他所想的，行為上的少許變化，不知全部也估到一二。看到了劇情，突然想起幾個月前，我和劇中人的確有點似，也是一個看來長不大的小女孩，做事有點不成熟，但非常了解所愛的人的一舉一動，當發現有點不妥時，會不停告訴自己，不要多心、不要多想!!同樣覺得....他，越來越遠了!!當然，現實是沒有拍劇所估到的那麼仔細，但事情發展到甚麼階段.....是猜到，是感覺到的!!回想自己，一直以為自己多心，到事情弄到如此地部才發現以前自己的第六感原來是那麼準的，有時，根本不用證據，憑感覺已經知道很多了!!真的不忍心再看『烈火熊心』了!!

>>August 21, 2002 at 3:47:53 AM GMT+8

2002 年 8 月 18 日 星期日 【雨】

黃昏時間看天色好轉了，肥肥又打電話來問我是否去探她，所以原本取消了的節目就改了在晚上---到威爾斯親皇醫院探肥肥。在威爾斯見到好多靚仔靚女醫生，唔知點解之前睇過肥肥同學仔的相從不覺得有靚仔存在(靚女都有o既!!)但在醫院看見一個個西裝骨骨/著上醫生袍的醫生，突然又覺得添了幾分英氣!!不過唔知點解，佢穿上西裝也不覺得英o左好多o既呢??!好o左少少啦!!真係唔明....冇辦法啦!!鬼叫佢係......唉!!同佢同埋肥肥係醫院食完醫院飯就返屋企了(都唔知點解o的醫院飯咁貴o架!職員價都仲係好貴!!!搞錯~~~)不過返屋企時有個靚仔醫生送我返屋企，好開心呢!!(講笑咋~~不過都唔知算唔算送呢!!可能話陪我返屋企好o的!)

明天，和我的新一年同居密友去街街，買新居的東西!!又洗錢啦~~~不過見到佢，好期待呢~~

君君、家瑤.....我個日記有妳o地的開戰，令它生色不少呢!!君君.....妳仲有邊個佢o丫，咪又係得一個!!我o地唔蝦妳，妳都係只會同佢玩o架啦!佢咪一樣蝦妳，唔係咩??!我就有好多個佢呢!!哈哈.....妳都係估唔到o架啦!!妳成日叫我唔好同佢玩咁埋o個個呀!!

>>August 20, 2002 at 4:30:59 AM GMT+8

2002 年 8 月 18 日 星期日 【雨】

唉~~好悶呀!!這兩天都好悶呀!今日又唔知做咩事搞o左好耐先上到網，搞到成個朝早都好鬼悶!!最衰今日咁大雨啦!!唔係都有節目!!這幾天唔好落雨啦!唔係我o既節目又化為烏有o架啦!!人o地日日都約o左人o架o麻~~好衰o架!!

好想去BBQ呀!!不過睇怕今個暑假都係去唔到o架啦!!
小君君，唔好咁啦!唔好唔同我玩呀!!妳唔同我玩我就去同佢玩o架啦!唔知你會以為那個佢係邊個呢??妳打電話俾我，我就開估俾妳知啦!!哈哈~~

>>August 19, 2002 at 7:40:28 AM GMT+8

2002 年 8 月 17 日 星期六 【雨】

今天一早起身就好感恩啦!!話說我昨晚在新居過夜，但並沒有帶傘子過來，新屋也沒有多餘的傘子了，本來整個早上都在下雨的，但到我要出門口的時候就停雨了，直至到我由屋企走到天橋，一踏進天橋，雨就大大的下來了，立時想說的，就是謝謝天父!!到我由天橋的這端去到另一端時，雨又停了下來。到我回到舊居拿回傘子後，雨才微微的再下過.........真的很感恩呢!!
雖然中午去行街時仍然攪到一身濕晒，不過...一樣好開心呢!!食中午飯時還和一個少年團的姊妹食飯，見到佢仲瘦過我(係瘦好多)有點替佢擔心呢~~
今天沒有甚麼特別!!!



>>August 18, 2002 at 9:40:41 AM GMT+8

2002 年 8 月 16 日 星期五 【晴】

reply家瑤
果然英雄所見略同喎
君君，家瑤都係咁講o架!唔好話我呀!

>>August 17, 2002 at 10:59:32 AM GMT+8

2002 年 8 月 16 日 星期五 【晴】

今日都係好開心呀!我o地一班組員入了家怡導師的屋企開組，今次開組我o地玩煮飯仔呀，我o地差唔多一人煮一味，有蒜容雞翼、芝士焗西蘭花、腸仔磨姑意粉、大白菜同埋哈蜜瓜椰汁西米露!!好飽呀!!小組組員，我煮o既芝士焗西蘭花只有我和他食過o架咋!妳o地係第三個o黎o架，開唔開心呢??突然覺得好開心，因為以前煮飯除了煮給自己食就是煮給他吃(他入來宿探我或者送我入宿我好多時都會自己煮o架，ied飯堂難食o麻!)現在，可以煮給我的組員食，好開心呀!今日食o左咁多，真係俾你o地糟肥啦!!即刻重o左兩磅啦!!好勁呀~~不過真係飽到想嘔呀!!如果成日都咁食會好辛苦o架!!

>>August 17, 2002 at 10:18:22 AM GMT+8

2002 年 8 月 15 日 星期四 【晴】

今天真的好充實呀!由朝玩到晚，由中午兩點鐘去唱K唱完就去睇相機，睇完就去o左美食博覽!我又成功克服了一個場景了!在美食博覽中瘋狂購物，簡直停唔到手呀!如果唔係拿到拿不起，我一定還會繼續買的!在會場中，看見甚麼都說買呀買呀，食呀食呀!!還飲o左好多酒添呀!!結果我就買了兩大袋食物，兩隻手都拿滿了!幾乎要拖住袋o野食走呀!去了這麼多年美食博覽，今年是買o野最多的一年，往年最多都係買幾包零食就走，估唔到今年會有咁大收獲o架!雖然買o左好多o野，但連埋入場費先用o左$155咋!好抵呀!不過我發現我係不停咁買麵，我最少買o左十七包麵呀!淨係麵都有大一袋啦!係唔係好勁呢!雖然用o左百幾蚊，但好多o野都係入宿的必須品，麵就係一個好好的例子啦!唔知點解自從分手之後就好似患了購物症咁，不停係咁買，買到銀包冇晒錢都仲要係咁買，一買o野就會覺得好開心o架啦，可能這都係分手的後遺症，我的幾個分手的朋友都有同樣的病徵，唔知我幾時先好返呢!!會唔會長此以往都會咁鍾意買o野呢??!不過，我都買得好有分數o既，好似不停買麵咁，係唔係都要買o架啦!在超市買咪仲貴!!又滿足到我的購買欲又唔浪費金錢，都ok啦!君君，唔好話我成日買o野呀!個個分手都係咁o架!正常的後遺症o黎o架!等我有錢還要轉髮型，都係分手必做的事!哈哈...會唔會有點似家琪呢!大家都電髮，大家都咁瘦，不過，家琪靚o的o羅!oh~~~
買o左咁多o野，真係好開心呀!仲可以同好靚靚o既家琪去o左一日街，開心加開心啦!個個都知我鍾意靚女o架啦，同靚女去街梗開心啦!!
真係唔可以唔講，家琪真係好靚呀!!著咩衫，化唔化妝都係咁靚!!!
小君君，我一向都係成日非禮妳o架啦!原因???大家都知o架啦......家瑤呵??!hee.........


>>August 17, 2002 at 9:57:27 AM GMT+8

2002 年 8 月 15 日 星期四 【晴】

昨天是充實的一天，由中午就去街去到夜晚有點幾先返屋企。
昨天中午陪了Joe哥哥去BU，點知，就發生了那件勁勁勁瘀的事，真係好瘀呀!!知情的朋友們，千萬唔好同人講呀!唔係，我都唔知點死啦!好灰暗呀~~仲要俾Joe哥哥迫我講話係榮幸添!!唉~~灰上加灰......一路上，Joe哥哥還不停施展其最佳辯論員的本領，叫我嘗試當一個第三者，告訴我第三者如何沒有做錯!唉~~你的口材真的很叻，連我也被你說到無話可說!你說的的確很有道理，但我有我的原則o麻!不做就是不做啦!更何況現在我都沒有任何一個目標，更沒理由為o左做第三者而鍾意一個人o架!而且，在我的角度，我根本不用四處試那個適合我，因為最適合我的，天父已經安排了，在合適的時候他就會出現的，不用四處尋覓的!你死心吧!
之後就約了班中七的舊同學食飯，好多都好耐冇見啦!!家琪、亞澤、ellen、亞ray、文泉都好耐冇見啦!最衰大頭唔得閒啦!好想見見佢呀!昨晚真係玩得好開心，雖然一大班poly人，但都唔緊要啦!大家都係kcmc的6Bo麻!食到好飽呀!!
昨晚突然有點享受獨身的感覺，去那裡街、同邊個去，都唔洗同人交代，決定去唔去一處地方，也不用和人商討去與不去，只要自己想去就去，不想去就不去。還多了很多時間做自己想試想做的東西，就讓我繼續學習一個人生活吧。只是有時好想有人陪有人錫，但現在都有好多人錫呀，仲可以成日有唔同o既人陪自己，不是很好嗎??!
今天還約了家琪、亞澤、sally、glory去美食節，要準備戰勝第二個場景---美食節啦!之前每年都同佢去，今年要突破啦!
夠鐘了!!約o左人去唱k!!yeah~~

>>August 16, 2002 at 3:22:55 AM GMT+8

2002 年 8 月 14 日 星期三 【晴】

今天早上，又發夢了，又是那些好夢，又是那些以前一幕幕的片段，為何別人發好夢會那麼開心，唯獨自己每一次發好夢都這麼苦惱??!別人說日有所思夜有所夢，但為何我日無所思但夜還有所夢的??!因為不讓自己再發再想，所以便起床了，結果今天八點半就起身。寫日記前，到小人小屎的留言板一看，看見了他的留言，雖然他沒有用自己的名字，但一看就知是他了，他的留言彷彿就不是給板主看而是給我看的。為甚麼他不留在我的留言板要留到別處呢??!難道不只是我，他也不能面對我??看到後，有點失落，因為他說他要離開，雖然他的出現會帶給我壓力，但我真的不想他為我離開，仍是那一句，我仍不希望失去這個朋友，不過一切也不到我管了!!
昨晚和Helen講電話，雖然講得不耐，但也很開心呢!說真的，我真的覺得妳很叻的，如果我有妳一半的叻，我已經很滿足了，不過，我知道我也會有我的長處的，只是大家的長處不同吧!!如果是生活在舊社會，我想我會是一個很好的女仔，可惜，現在已經是廿一世紀了!!
本來想學小提琴的我，因為Helen如此說，我又想改變主意了，不過，開學後看看是否還有時間吧!!突然間覺得別人做到了很多，自己好像已浪費了很多青春，現在該是時候令自己學得更多了，突然好想去學很多很多的東西去充實自己。Helen，如果妳是男仔，可能我會對妳有好感呢!因為我一向都好欣賞叻的人...

>>August 15, 2002 at 3:12:38 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107094

Design & Scripting by ShowHappy.Net