2002 年 8 月 28 日 星期三 【晴】

昨晚又談電話了!!這陣子好像天天都談電話直至睡覺，昨天和文泉傾icq，之後就和他講電話，一講又兩個小時了！我們談了很多關於信仰上愛情的看法、和一些對待信仰的態度，很久也沒有和人談起這些東西了，而且還一談就談了兩個小時！文泉，希望你快點投入你的信仰生活吧！！
今天早上，醒來後執拾好東西就回到宿舍了，放下行李就和牛女到大埔中心食飯及買一些宿舍的東西，但因為我的錢已經用得八八九九了，連下個星期用來交學費的都用了一點，所以唯有用ｃａｒｄ俾錢，真的有點先洗未來錢的感覺！！到底幾時先出到糧ｏ架！！等住開飯ｏ架！！標叔叔，快ｏ的出糧呀！唔係上門找你悔氣ｏ架！！
買完東西還都來不及點算今天到底用了幾多錢就要開始執房了！真的很多東西呀！要將上年的東西放回原位，又要洗又要抹，結果由四點攪到七點不停手才把東西勉勉強強的執完！！好倦呀！仲要不停行上行落！就死啦！！因為買唔夠糧食，所以食了一個杯麵就當晚飯了！唉！！睇怕入宿後我又會再瘦的了！！房裡又沒有電腦，還要在學校的電腦房寫日記添！！寫完回房又要繼續佈置我的房間了！！牛女已經等了一日，等我執完房一齊埔地下的了！現在又要走了！唉！！明天就是開學的日子了，可以見回很多很久沒見的同學仔。好期等啊！！

>>August 29, 2002 at 12:45:41 PM GMT+8

2002 年 8 月 27 日 星期二 【晴】

今天一早起來己經十點了，鬼叫昨晚四點才睡咩!一起來就執拾東西入宿了!!和牛女在大埔中心買了點入宿的東西(今次真的只是買房的東西了)之後就回了教院check in，如果不是晚上約了班舊同學食飯，我已經在宿舍住下來了!
今天晚上見到很多舊同學，包括亞澤、康仔、文泉、大頭、GLORY、豬焯、述健、君君、亞WAN、SALLY、亞RAY、小強、我仲有MS CHAN同MS HUI，有很多都是成年沒見過的了，其實以前和他們很多都有點過節的，但事過一年，甚麼也不計較了，看見他們，反而莫名的興奮起來，真的很開心呀!我也不知原因，只是覺得，這個一起聚舊的機會實在很難得呢!文泉同小強仲讚我靚O左呢!!好開心呀~~heehee.....多謝晒!!如果這班舊同學可以keep住經常約出來，甚至可以一齊去一次camp就好了!我們中六時都損失了一次O CAMP的機會，看見今年的中六有O CAMP去，真的有點想去!所以很想一齊去CAMP呀!!唔知有冇機會呢??!其實他們真的比教院的同學(上一次去CAMP的FRIEND)適合我，因為他們都比較純，教院的那班就玩得很癲，不過，我都會盡量開放一O下自己的!有不同的FRIEND其實也是一件好事來的呢!
今晚真的很開心!!
明天真的要入宿了!!可憐了我的ROOMMATE牛女今晚要獨個兒留在宿舍過夜呢!!放心吧，我明天就入來陪妳的了!!要準備新一年的學業了!!可恨的是我這個暑假只是開心了這兩三個星期吧!!

>>August 28, 2002 at 3:53:37 PM GMT+8

2002 年 8 月 26 日 星期一 【晴】

今天晚上突然有點down down地，因為？？想起一個人吧！每次唔開心，就會想起亞ＪＯＥ，因為他永遠都能逗我開心的！！每次都有新招，今次的一招叫我以後都唔敢down了！！點解？？算吧...不在這裡多講了，想知就問我吧，就的是萬試萬靈啊！和他談了兩個小時，真的談得很開心，我一向最喜歡聽故事的，今晚就聽了很多有關他的故事了，有時和他一起發發傻也幾好笑，和他傾電話也幾舒服呢！如果是以前，我就沒有這個機會和別人發這些傻了，雖然只是說說笑，但也會覺得對他不起！現在獨身了，再不會覺得這些事不能玩，又開始享受獨身的感覺了！多好！（盼盼，妳看獨身有多好呢！！）知多了他的想法和過去，完來他比我想像中乖得多了！真的很高興可以認識這個朋友呢！！
和他傾完後已經是兩點了，但仍未想睡，所以又繼續打電話找人傾計，咁夜，還能找誰呢！！當然是君君啦！！只有她才是那麼夜的夜鬼啦！將我的開心事，解決了的煩惱告訴了她，真的一身鬆晒！真的很輕鬆，很快樂！！最後我和她又多談了兩個小時，到零晨四點，終於都倦了，我才睡覺去！
其實明天一早還約了牛女入宿呢，但今晚掛住講電話也沒有約她時間啊！算了吧！明天起來再約吧！

>>August 28, 2002 at 8:56:40 AM GMT+8

2002 年 8 月 26 日 星期一 【晴】

今天相約了幾個團友唱K，一大班女仔唱K很開心呢~~我們連男仔歌都唱了，少青的團友唱歌果然好聽呀!!質數很高，唱了四個幾鐘K還未夠，因為談起一些大家都很有興起的話題，我們就去了飲東西，繼續我們的話題，實在談得太高興了，我竟然連時間都忘記了，六點鐘看一看錶才發現，我遲到了!!我還要回家拿畫簿，六點半到尖沙咀學畫啊!!結果，當然是遲到吧!!不過可以和她們談天，即使遲到也值得的!今天談不夠啊，我們還有機會再談嗎??
路上還有可兒送我到尖沙咀，真開心呀!!我們簡直談到不想下車啦!!
今天學畫也很開心呢!!亞SIR終於都話我畫得幾好了!!之前次次的眼耳口鼻都要改過才正確，今次亞SIR只是說隻眼畫得開了點，但眼神和眼形都掌握得幾好，鼻和口的距離和外形都畫得幾好了!!很開心呀!!希望下次畫得更好吧!!不過，今日個MODEL見到都唔開胃.....唉!!


>>August 27, 2002 at 2:32:06 PM GMT+8

2002 年 8 月 25 日 星期日 【晴】

出camp回到家仍不想睡覺，可是又沒有甚麼可以做，特別是夜晚，可能之前一晚太精彩了，這晚更覺得寂寞.....很想天天都可以那麼精彩!!最後打了電話給盼盼，盼盼說終於都到她了!和盼盼談了我的近況，最近的開心事和煩事，又談了她的不快等，就這樣我們就談了兩個多鐘頭了!今天，好悶啊~~~

>>August 27, 2002 at 2:20:30 PM GMT+8

2002 年 8 月 25 日 星期日 【晴】

昨天去了camp所以冇寫日記呀!!不過這個camp真的令我很開心，我還記得晚上我笑到伏係張檯到休息o個個樣呀!!今次camp有七男六女，是以往我所去的camp中最多男仔(比例)的一個，也是最沒有程序的一個，以前女童軍camp全女班，之後團契camp女多男好少，而且全部都有晒準備，要跟足時間，有一定的東西要學要得到的!但今次這些自己一班friend搞，只為去玩的camp只是第一次!!
25/8
今天，相約了十幾個ied的朋友仔去camp，主要都係上年O camp的組員和一些他們的朋友仔，成員包括了︰yuki、樺姐、carol、grace、yan(joe的朋友仔)、joe、進進、tom、danial、忠(carol的男朋友)、ray(danial的朋友仔)、世和和我，當中世和、亞ray、亞忠、亞yan都是第一次見面的，一次過識咁多朋友仔，真係擴闊了自己的生活圈子了。
第一天，我們在東涌站的百佳購買糧食，竟然讓我碰見亞牛，原來poly都是那天在大嶼山O camp，這樣也碰得見，真好彩，不過他看不見我呢!我們到達貝澳後就到了沙灘玩，因為全部女仔都不落水所以我帶了泳衣也沒有更換，可是就給討厭的亞joe將我推了落水，搞到一身都濕晒!!真沒風度呀，女仔都唔放過!!!不過如果佢唔推我落水可能我又冇玩得咁開心，始終只係睇住人玩冇得參與係冇咁開心的!之後又是一貫的亂講o野，仲要脅我添!!唔理你啦!yuki話o既!!仲搞到我要買過條褲訓覺!!好衰o架!!>.<
晚上我們就來了個BBQ，想去BBQ好耐啦!仲諗住今個暑假都冇得B點知就真係B到喎!!世和真是一個有風度的男孩子呢，同亞joe比，真係冇得比呀!!xp!!燒o野食時，亞ray仲話我好似一個日本女歌星，?保??我都唔記得個名啦!!不過佢話係全隊最靚o個個o黎o架!!咁台舉我呀??真開心，多謝晒喎!!不過佢一定靚我好多啦，因為我都唔靚，佢仲一定高過我添呀!所以你張相都係騙唔到人o架啦!!之後仲和樺姐、世和和亞yan傾了陣偈，識了樺姐成年，第一之咁同樺姐月下談心咋!謝謝妳的關心呀，我現在好了很多很多的了。
燒完o野食，先係全晚o既高潮，因為有幫亞joe慶祝生日和我們狂歡的時候....亞joe，你好幸運o架啦!!除o左他之外，我印象中你係第二個我親手整生日禮物的男孩子啦，不過千萬別誤會呀!!咁o岩o架咋!我們起初玩killer，之後玩猜猜畫畫，這個遊戲，笑到我死o左啦!好辛苦呀!!我係團契都玩過一次，但感覺完全係兩回事呀!!雖然有個勁人亞joe係度，但最後都係輸了!!還差點要和亞joe隔紙kiss添!!好嘔心呀~~~好在他們都很仁慈，最後我和grace隔紙kiss，不過都好嘔心呀!!第一次同女仔咀對咀kiss咋!!好嘔心呀e....!仲要係......唉!!當然，我們只是配角，主角當然係danial同yuki真kiss啦!!佢o地好緊張呀!!果然係變態O camp的大懲罰遊戲!!之後，我們玩UNO，輸了要飲酒，O的酒好勁O架!!有47%酒精，不過是"溝"汔水飲的!但都好苦好難飲O架!好在，玩完全支酒，我一次都冇輸過，所以唔洗飲!不過我試O左幾滴，苦過食藥水呀!!>o<...難為了亞JOE和亞忠了!!他們飲到"WING WING"地，亞joe飲o左n杯，亞忠飲o左三杯(一杯係勁勁勁多酒o架!)好慘呀!!女仔萬歲!!只有亞yan輸了一次，飲了不是很多的一杯!!好勁呀!!我、進進、樺姐都冇輸過呀!!(不過我死好命咋，有幾次都差o的輸呀!!幾驚呀!)結果我們一玩就玩到五點半啦!!仲仍未覺倦!!最後我們再玩了其他遊戲至七點幾，某o的男仔起床了，我才訓了兩個幾鐘咋!(佢o地醉o左霸o左人o地間女仔房呀!!)

今次同亞yan傾過下年找工的事，她給了我一點找工的心得、也知多了未來有那些出路，同yuki做了成年同房都唔係好好好熟，這兩天，反而熟多了，搞笑!!梗係啦，佢男朋友成日俾亞ray搶走o左!!見到人o地一對對，其實個心都有少少唔舒服o架，不過諗返，自己也愛過，不是已經很好了嗎??他們的恩愛，當日我也做過了!!希望他們的結果不會好似我咁啦!!越識得人多，就越發覺原來他也不是我想像中那樣出眾，那樣的難得...原來這世界是很大的!各人有各人的好處、優點和缺點。某些東西他看似比人強很多，原來另一些東西人比他強很多，某些東西以為他是最好的，卻發現完來有人比他做得更好。看來我真的要擴闊一o下自己的生活圈子了!!

真的很開心呢!這類camp是我第一次去，很有新鮮感!!
敏樺，君君，我都好想同妳o地去一次這些camp呀!!雖然和妳們去是全女班，會辛苦點，但我覺得都會玩得好開心o架!!因為妳們都是錫我的人o麻!!同自己鍾意又錫我的人去camp梗開心啦!!

小君君，唔洗多謝!!因為，我們都愛妳o麻!!


>>August 26, 2002 at 8:15:23 AM GMT+8

2002 年 8 月 23 日 星期五 【晴】

今天是星期六，一個星期才有一次的團契，之前想了很久到底今個星期會唔會返團契，不過，我的復原速度也超出了自己的估計，現在，可以說是好得八八九九了，最少，我覺得自己可以應付到再次面對他!之前真的想得太多了，原來我根本不用想那麼久，不過算了!有如此快的復原，真的要感恩，也要多謝一直為我禱告的弟兄姊妹!!謝謝你們呀!!還有一直在我身邊的君君呢!!我真的面對到了!
今天回到團契，有很好玩的遊戲，起初還怕君君沒有去camp會悶親添!還有最後的點唱環節，小盼、小屎組長，多謝妳呀!!我愛妳呀!還有我想點的歌都是真心想將歌詞送給妳們的呀，特別係君君呀，那首歌的歌詞是真的想送給妳的呀，妳還記得嗎??
君君，知妳這陣子都會唔開心o架啦!但妳要努力呀，要令自己不再受傷害，就要決絕一點啦，不忍心、捨不得也要的，這是當日妳教我的呀!!雖然我明天會入camp，但妳唔開心都可以打電話俾我o架!!我去一日咋，回來都可以再和你傾的呀!
今晚很忙呀，要準備生日禮物又要拾東西入camp!!有點緊張呢!!這麼多年去過無數的camp，但和自己的朋友去都是第一次咋!!

>>August 24, 2002 at 2:57:39 PM GMT+8

2002 年 8 月 22 日 星期四 【晴】

今天相約了牛女、嘉琪同埋一個第一次見面的朋友仔去影相，本來是去香港公園的，但因為嘉琪搞入宿的事趕不及去香港公園，我們便改地點去了poly u了!不經不覺我們已經影了二筒半菲林了，好緊張呀!唔知影得靚唔靚呢??不過我估都係唔靚o架啦!個人都唔靚，點影都唔靚o架啦!仲要熱到成面濕晒添!!!
影完相之後我們到了poly的新宿舍參觀，的確好靚o下喎!!有自己的游池、guyroom...兩間房有一個toilet，每間房都有雪櫃，的確有家的感覺!!最喜歡的是它的床頭燈和窗檯，還有個半海景呢!
昨晚終於都諗通了，這就是青春了，不用再煩了，事實已經變成事實了，再唔開心都沒用呢!但昨天突然有點想拍散拖，可能是怕再受傷，唔想再認真、唔想付出、唔洗負責任....卻可以有人錫有人疼有人陪.....大家都唔認真，大家都唔受傷，悶了就換過個吧!!實在喜不喜歡、適不適合也不太重要了，找到才認真吧!!
不過，我知道這是不可能的!!為何我會有這樣想法的呢!!這完全不符合聖經原則呢!

>>August 24, 2002 at 3:44:11 AM GMT+8

2002 年 8 月 21 日 星期三 【晴】

今天是媽媽的生日，我們一家人到了家附近的龍騰閣食飯，好貴呢!!不過媽媽喜歡，哥哥也沒有慳錢包，還點了很多很貴的菜，例如雞飽翅、石斑等....哥哥真捨得啊!!媽還要喝啤酒，但一點就要三支，為了不讓媽喝得多，所以我和哥就要盡快將剩下的一支多喝完，我和哥起初一人半杯，之後還有一支剩下，我們就用猜包剪拳的方法將它喝完，好在，七八局中我只輸了一局(真的要謝謝小君君教我的秘技了!)，所以我只飲了少許，其實以我的酒量，這少許的酒根本不能令我醉，可是酒不醉人，人自醉，我自己根本也想醉，最近太多令人煩惱的事了，再加上這幾天的煩，真的很想醉，或者是這個原因，只是這少許就令我high high地了!!好想放低這些煩事，放低那些牽掛......
回到家中，仍是high high地，打了電話給牛女，本來是相約明天影相的事的，但我們一傾，就傾了差不多四個小時了!和她說說我的煩惱，原來，大家也遇著同樣的煩惱，或者這就是青春的煩惱了!若現在沒有這些煩惱，可能到老時還會覺得欠了些東西。既然如此，就安然接受事情吧。是怎樣也好，也由不得我來控制的!!談著談著，酒氣已過了很多了，面上的紅、熱也減退了，或者是心結解開了，所以人也不再醉了...可是，晚上仍是失眠，或者是那些酒在作怪呢!
為我們青春過說聲萬歲，為神在這陣子的一切安排，說聲哈利路亞，感謝天父每天的看顧，並沒有賜下我受不了的打擊，撐不住的事情，在這些事上滿有保守。將榮耀歸給天上的父!

明天會到香港公園影相，又是一處令我難忘的地方，要再克服一個場景了!!我有信心我定能做到的!



>>August 23, 2002 at 4:14:53 AM GMT+8

2002 年 8 月 21 日 星期三 【晴】

煩!!昨晚煩得失眠了!!

是我做錯了嗎??

>>August 22, 2002 at 3:48:44 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107093

Design & Scripting by ShowHappy.Net