2003 年 5 月 2 日 星期五 【雨】

今日---English Language (Syllabus B) Paper 3

嘩......坐足三個鐘呀......仲勁過A.Maths呀......哈哈...聽Listening其實都幾好喎...點解??考之前一路都可以聽電台,有歌聽呀...哈哈...就咁就聽左成四個字...哈哈~~份paper又好似唔係太深,但係...都係個句...唔代表我會高分...我諗至少都有個F掛......~~heehee~

之後下就同班同學食完野之後,就返學校lu......搞咩??阿sir同我地講數law~~其實阿sir都幫我地預備左好多野,又同我地講......雖然好多男同學都覺得佢成日掛住溝女,只會幫o的女同學......不過,其實...可能......係,不過,佢對o的男仔都唔係太差o者......有時有o的補課,都係得o的女仔返,o的女仔又係好好多o既…另外一個原因,我諗係……佢係男人掛~~哈哈……其實佢都唔係太差o者~~

今日講完數之後,返左教會…之前都諗住返到,但係……我都係返左~~好多時都比自己好多藉口想唔返,今日其實真係可以名正言順咁唔返…但係,始終都係做唔出…唔捨得……今日唔使幫手,我係敬拜個陣都好投入,好耐都冇試過lu……真係好耐都冇試過lu~~不過講信息個陣...我一係好眼訓,訓著左~~

完左聚會,冇咩特別野做,之後同個friend行左陣……係條街到搵野,搵咩??個個朋友肯講嫁話…咪知law~~之後就返左屋企lu……食完飯,對著部電腦lu~~

哈哈…聽日又返學校講數喎……希望識多o的啦~~哈哈~~

各位會考生...繼續努力!!

一句好多人都聽過o既聖經......
『弟兄們，我不以為自己已經得著了，我只有一件事，就是忘記背後，努力面前，向著目標竭力追求，為要得著上帝在基督耶穌裏召我往上去得的獎賞。』腓立比書3:13-14

>>May 3, 2003 at 2:19:08 PM GMT+8

2003 年 5 月 1 日 星期四 【晴】

今日---English Language (Syllabus B) Paper 1 & 2

今日開始考會考lu~~琴晚仲好緊張...好緊張...呀~~
不過今日好好多lu~~會考-真係幾特別~~

開心......係ICQ到,都係彌漫著互相支持,打氣o既訊息~~好多謝各位o既支持呀~~
琴晚都好開心呀......有個教會朋友打電話比我,除左鼓勵我之外,仲為我祈禱tim呀~~
真係好感動~~差o的喊左出o黎呀......~~
今朝,收到兩個同學/朋友o既電話......都好多謝佢地呀~~

前個幾日唔係咁開心,主要有o的事啦......同埋我自己思想上o既問題啦~~
同個朋友傾完之後,開始叫做識諗左~~哈哈...從來都冇咩人會咁樣話我~~多謝您呀~~

好...仲有呢十幾日...埃埋佢啦~~

今日考完英文...o的問題唔係話太深,又好似好熟咁喎,所以......都ok啦~~不過...未必真係會考得好~~係考o既過程入面,我覺得自己真係好"細個"......考試o既人好多都真係好大個~~
我估...至少大我年幾兩年啦~~有o的係大人tim呀~~嘩......真係有o的驚~~
今日真係叫做唔錯lu~~因為...我冇訓到呀~~而且...o的時間又岩岩好~~
可以做到最後個5分鐘......當然可以係超正啦~~
結果點都好...至少我對呢份paper認真過~~
哈哈......我就繼續抱著呢個心態去考埋其它paper啦~~heehee~~

有時...有o的野真係唔好亂o黎......唔屬於自己o既,就唔好係到想要...倒頭來只會令自己唔開心~~
算了...算了...可能真係要學識放手...但係,真係會好唔捨得~~不過...冇辦法啦~~
有首歌都話 "命裡有時終需有，命裡無時莫強求。"~~
係神學o的o既角度去諗,咪即係"等待神o既帶領"law~
好!!好!!~~過埋呢十幾日......我要做番一個乖o既基督徒啦!!~~

哈哈~~係1997年o既今日...我決定相信耶穌嫁~~
估唔到......已經6年lu~~6年lu~~
中間有起有落......有"喜"有"樂"......~~
哈哈~~遲o的再分享多o的啦~~

聽日...English Language (Syllabus B) Paper 3

>>May 2, 2003 at 6:07:17 AM GMT+8

2003 年 4 月 27 日 星期日 【晴】

原來依家係三點半lu~~係早上呀~~
訓唔著......訓唔著......訓唔著.......
頭先兩點幾個陣,溫完書,開始想訓,...,但係,好多野諗......諗到訓唔著......
最後,都係起身,開電腦.......原來我掛住好多野......亦都有好多野想做,但係......有心無力......唔知點解成個人都好"支力"............有時真係唔知自己想點,唔知究竟點好.......諗諗下,自己真係冇曬方向同埋目標......覺得自己唔再屬於自己......有少少入世不屬世o既感覺......
唉......就連自己想打咩都唔係太清楚.........
算啦......到係繼續對著本書......對到眼訓,咁先訓啦.......

>>April 27, 2003 at 7:40:28 PM GMT+8

2003 年 4 月 16 日 星期三 【晴】

前幾日部電腦出左問題,於是我選擇左"系統還原",我希望部電腦可以復原番,希望部機冇事...結果,復原左,亦都真係冇事......
如果人生可以選擇"系統還原",咁咪幾好呢......知道自己有咩問題搞唔掂而又或者唔想理,咪"還原"law...但係,還原左之後,係咪代表問題已經解決左呢??......
我部電腦還原左之後,我覺得幾好,不過就唔多滿意,於是,我又選擇左"取消系統還原",結果等左成三個鐘.先至得(當然我走左去訓覺,第二日先再處理啦:)~~去番一個"問題未解決"o既板面,我決定正視問題,諗辦法解決...搞左一陣,問題真係解決左,真真確確的解決左,我覺得好開心之如,當然亦都會有一份成功感啦......
往往好多野都係要勇敢面對,係,問題出左之後,你可以選擇唔去面對,唔去解決...如果要去解決,當中可能會有一d o既 唔好受,難過,傷痛,甚至會好浪費時間,令到自己好煩......um...當然,你可以選擇安於現況,唔去正視...但係,唔理個問題,係咪代表冇問題或者個問題已經解決左呢??
我慶幸人生中冇得"系統還原".如果有嫁話,我諗自己到左60歲o既時候,我都唔會識諗,一句說話大家都成日聽---"經一事,長一智"...係呀!!真係冇錯,問題出左o黎之後,如果你願意去解決嫁話,我相信你會變得更加"聰明",你會更加睇到世界上唔好o既野,最終會明白人生o既苦樂......
唔知你有冇相同o既感受呢??希望各位可以努力咁去正視問題o既所在,勇於解決啦!


>>April 17, 2003 at 4:11:57 AM GMT+8

2003 年 4 月 15 日 星期二 【陰】

琴日同今日,都發生左一d令我好唔開心o既事......
我唔想去面對...我怕...我怕...我怕.........

>>April 17, 2003 at 4:13:44 AM GMT+8

2003 年 3 月 23 日 星期日 【陰】

哈哈~~呢個星期考mock lu~~
真係好開心呀~~可以同到自己想同o既人去溫書~~如果日日都可以咁就好lu~~
呢個星期日真係諗左好多野呀~~um......我都明白哩個世界唔係咩都係必然o既~~
好多野都唔係想就做到......事件o既發生可能會令自己/人地唔開心......但係......我相信唔開心極都只不過係個幾日...最多咪幾個星期~~
『人生不如事十常八九』...... 唔如意/唔開人o既咪......搵d野令到自己開心law~~

哈哈~~仲野想講o既係......『做決定』可能係好難,可能決定左之後會令人地唔開心,但係...有時d野唔去決定嫁話,可能會令人地更加唔開心......或者可能會傷得更深tim呀~~

又發表完我o既偉論lu~~

希望各位朋友都可以......開開心心啦~~

>>March 24, 2003 at 9:06:26 AM GMT+8

2003 年 3 月 15 日 星期六 【晴】

哈哈哈哈~~~~真係好唔好意思...成半個月冇寫lu~~
係呢上次寫日記到今日...真係發生左好多好多神奇o既事...um...同大家分享少少啦~~~~

學校音樂日...好神奇呀...個日做左個光頭司儀......一路都覺得做得叫做"一般"...後尾就麻煩d...搞到真係好麻煩...我自己就唔係太滿意今次o既表現...不過...有多一次o既嘗試同機會仲有經驗...都叫做心滿意,好開心lu~~
就係同一日...我有機會彈三角形o既琴呀......我地班唔小心得到個獎...真係好開心呀~~

學校捐血日...又好神奇呀......第一次捐血(放血)...ok喎...真係唔痛~~有人問我痛唔痛...我答佢"我覺得釘耳仲痛~~"......哈哈哈...夠16歲先放得血嫁......好開心......就o黎可以知道自己有冇病同埋咩血型lu~~哈哈哈哈~~

琴日四人幫去左飲茶,之後補課.....冇咩特別~~

終於到開始溫書lu~~暫時到叫做幾好...希望唔會三分鐘熱度啦~~
哈哈哈哈~~哩兩日都去左自修室坐……今日真係由朝坐到晚呀~~都溫到唔少野嫁~~都係要多謝E君陪我啦~~謝謝您~~

um...我諗我開始正常番lu~之前都仲好頹廢......可能心情唔好掛......哈哈哈,依家唔會lu~
我將所有野都寄託係讀書到先...咩都會考完先算~~
我要等…等到會考完~~~~

咁…開左個留言板…得閒上去畫下啦~~
http://www.hkflash.com/gb/gb.asp?id=tonylam

>>March 16, 2003 at 3:48:47 PM GMT+8

2003 年 2 月 21 日 星期五 【晴】

唉......見到班f.7的朋友開始考mock,令我更加覺得我o既會考就快到,我真係唔敢唔溫書啦......除左中六...我諗我真係冇咩好讀,不過......睇o黎今年都未必有機會,睇o黎都係repeat一年會好d......希望可以唔好咁快就"又放棄啦~~"
我唔可以唔讀書嫁!!.............唔讀就真係冇咩好做~~
Jack哥&芝姐......多謝您地呀...我今次真係會努力...唔會再"三分鐘"嫁啦~~因為...時間真的不多了~~
p.s. 樂...你係......??......hee~~

>>February 22, 2003 at 1:00:54 PM GMT+8

2003 年 1 月 28 日 星期二 【晴】

今日患上了"陸運會後遺症"......訓o左成......十幾個鐘...訓到好 支力 lu~
聽日仲話去打籃球tim...唉...都唔知會點~~
哈哈~~今日係陸運會補假喎~~聽日就正式放新年假...先預祝各界好友
"新年快樂...身體健康...生意興隆"啦~~

>>January 29, 2003 at 2:50:25 PM GMT+8

2003 年 1 月 27 日 星期一 【晴】

哈哈哈哈~~~~好開心好開心好開心呀!!!!~~~~
陸運會完o左lu~今年o既成績都叫唔錯,比想像中好好多tim呀~~
今年有7塊牌...1個盃...1個新紀錄 o既收入~~所以真係好開心好開心呀~~ : )
今年跑師生接力,發現左一個神奇o既現象......就係......肥C大隻的班主任,是跑得何等的快啊!!~~
不過......開心的背後,換來o既係"周身骨痛" =.=' ...不過都係值得o既~~
哈哈哈~~好多謝幾位朋友o既支持呀~~
尤其係朋友E啦~~送一首歌比你啦~~"光良-第一次"~~

>>January 29, 2003 at 2:44:59 PM GMT+8