2003 年 5 月 12 日 星期一 【晴】

我係hkflash日記 (http://hkflash.com/diary/diary.asp?id=tonylam) 同埋呢個......我兩邊都會upload...所以兩邊都會有同一樣o既日記~~唔好意思~~

今日--- Biology (Chinese) Paper 1&2

琴晚溫書...真係好多野要記,都記唔曬,但係我都盡力左好多lu~~叫做唔錯喇~~

今朝又一早起身溫...點知,又遲過8:15入試場......唔算遲到~~不過好似好趕咁......

今日o的Bio真係寫死人呀~~得個2~3分...差唔多要答成3~4行字...我d字都唔叫大隻...所以真係 支力 到死......

放學之後...冇咩做......託個朋友還番o的野比個朋友...(點解我唔直接還??算啦...唔答!!)之後本來諗住等B朋友,但係......天氣炎熱,所以都係返屋企先~~

返到屋企就好似又係冇咩做咁.........又係係到online.......

今日真係要溫下書lu~~後日考Chem......大把野有得記~~希望我可以E到...唔衰比個個阿sir睇啦~~我諗我今晚都係懶少少多~~不過...唔會比自己懶咁耐嫁~~

仲有4日唉......努力呀!!~~大家~~


>>May 13, 2003 at 5:27:35 AM GMT+8

2003 年 5 月 11 日 星期日 【晴】

今日,我比鬧鐘早起...陽光非常燦爛...天朗氣清,非常炎熱......我再一次穿上校服,準備上學,......,如常的出門,特別,頗為特別......我仍是一個中學生,仍有機會回到學校......一種不其然的感覺,令我愛上上學......(唔打書面語lu...好似作文咁......)

今日返學校溫Bio呀~~同幾個同學law...又叫埋阿sir講少少......我明左好多野...我明白我有好多野要去記..真係好多~~溫到點幾...同學校一齊放學~~

之後就返左屋企lu~~返到屋企都係如常的開電腦......睇報紙...我...好似又係係到懶洋洋咁~~好啦~~打埋呢篇日記就沖涼,之後溫書...啦~

今日原本諗住同個朋友食飯...不過...真係唔好意思~~下個星期再約啦~~

或者...可能天氣太熱lu......個人又好似好累咁......

算吧啦...算吧啦...算吧啦...

仲有六日...仲有六日考完lu~~

溫埋佢啦~~各位朋友...繼續努力呀!!~~

好啦...又係時候溫書lu...~~

聽日---Biology (Chinese) Paper 1&2

>>May 13, 2003 at 5:11:57 AM GMT+8

2003 年 5 月 10 日 星期六 【晴】

今日一朝早...未夠八點...阿媽叫左我去身......緊係要我去搵位啦~~

太早...人唔多...有位......

一路睇書,一路等佢地......

我覺得間野唔係太好......冇我平時飲開個間咁好~~

每當我飲茶個陣,我都會諗番起好多好多好心o既回億......個陣真係好開心......

除著時間一日一日過...我開始覺得自己大個左......好多野都開始好有計畫...好多野都好想做~~但係......好多野都係事與願遺......令我唔能夠持之以恆......我要努力~~

仲有3.25科......下個星期二 四 六 都有paper~~繼續繼續努力!!~~

琴日同個朋友傾開計......我開始發表我o既『機會成本效益』......咩o黎??~~我遲o的先發表文章啦~~原則同 商業科 個o的差唔多,不過我講o既唔係買野,而係做人o既原則~~

我最近睇緊o的書,都係講o的類似o既野~~等我識少少個陣,再扮下代表啦~~呵呵呵呵~~

我又要溫書喇............

都係個句---『不在乎成績高低，只在乎問心無愧。』

Never Give up......永不放棄!!~~

>>May 13, 2003 at 4:56:30 AM GMT+8

2003 年 5 月 9 日 星期五 【晴】

今朝十點諗住返學......補A.Maths喎......之後改左十一點喎......都出埋門口,落到元朗tim...諗諗下都唔返算lu...要幫阿媽FAX野,而且......我懶??又唔係完全......我估阿sir講Long Qns ma,咪唔返law...我讀唔到個o的題目...我知我最多get E...所以都唔會有太大影響......然後上左教會做一o的有意義o既野......成個下午都好開心......見到o的小朋友玩ma...佢地開心,我仲開心呀~~

之後當然係動力區時間啦......人唔多,不過幾開心啦......算係~~

哈哈~~原來今日有個好朋友生日呀~~我梗係知啦~~於是唔小心咁幫佢預備左少少野...叫左幾個我估佢會好想見o既朋友o黎......哈哈~~估都估唔到佢見到個幾個朋友之後會感動到喊呀~~
真係好開心呀....呵呵...人就早幾日約左...但係...野都係我地臨時先計劃去買...佢o的fd又一齊玩......成個過程都係全部人一手一腳搞出嫁(係兩手兩腳先岩)......過程入面真係好開心,好開心,好開心......

之後送左佢地返屋企之後...我地仲有下半場呀~~去左y仔食糖水呀...13個人...好似好耐都冇試過咁lu...好有以前個種feel呀~~真係好似開組咁......如果以後可以有多o的咁o既機會一齊去玩就好lu......

今日分享o既題目......除左仍然離不開屎屎尿尿之外,我地仲有個題目"我從那裡來??"<我補作上去嫁hee~>......邊間醫院出世......好似好多人都唔同呀~~哈哈~~可以彼此認識呀~~呵

之後我地就散曬lu......返屋企...因為都成十點幾lu......我返到屋企就當然係沖涼...ICQ...等等啦~~

到左12點半...頂唔住就走去訓lu~~聽日可能會去飲荼喎~~唔知又會點呢??~~

>>May 13, 2003 at 4:57:11 AM GMT+8

2003 年 5 月 8 日 星期四 【晴】

今日---Physics (Chinese) Paper 1&2

今朝一早起身...又係記公式......點知睇到成八點先走......差o的又遲到.......

今日physics...好激氣呀!!~~paper1出左好多我唔識個d......不過paper2好少少~~我識而且超叻個o的佢又唔出.........唉............

之後同同學食飯...然後係三聯睇左好耐書...之後我去左圖書館借左幾本書......好正嫁~~(如果我睇得曬)......

琴晚溫到點幾...都開始有o的把握ma...點知...真係好.........失望..........Be stupid!!

仲有一個星期就考完lu......唔可以放棄嫁~~

好掛住...好掛住...好掛住...

算把啦...算把啦...算把啦...

聽日返十點喎......講數......

聽日先講多o的啦......好眼訓......Good night~~


>>May 13, 2003 at 5:06:12 AM GMT+8

2003 年 5 月 7 日 星期三 【晴】

今日好神奇呀~~今朝一早返左學校,有個好唔話得o既阿sir教野呀~~真係好想多謝佢~~

之後去左教會同朋友們食飯……之後返番教會…佢地整野,for今個星期六,.親子區o既活動喎……我就係房到溫書……都溫到唔少野呀~~

今日又係到諗…如果比多幾日我…就好lu……(講下o者……我唔後悔lu~~)


今日同個朋友係ICQ到chat,都知佢覺得呢個世界真係好唔公平……係,我都係咁話……因為個個都唔一樣…有”長”,有”短”……但係,我認為……只要付出過努力…對得著自己,已經可以了……縱使係呢個世界得唔到世人的認同…但我總相信造物主必定清楚,明白我地每一個……

曾經有個故事……主人比錢佢o的lan,比5000的得5000……3000的得3000……
神都係一樣…….只要我地有幾多,我地盡過力…咁就得嫁喇~~

希望我個位朋友繼續努力啦!!~~
我都會繼續支持佢嫁~~

今日心情頗佳 ........



從友人口中得知她的消息,我百感交集……既雀躍,卻又擔心……

我可以做的…只是為她禱告上蒼……遠遠的送上半句祝福……為她作出默默的支持……


是的…是的……在我心靈的某一個角落,仍被某一個的名字牽動著……

是的…是的……仍舊不變的……

我愛您

聽日---Physics (Chinese) Paper 1&2

>>May 13, 2003 at 5:07:58 AM GMT+8

2003 年 5 月 6 日 星期二 【晴】

琴晚同個朋友傾電話,兩點半先訓,今朝十點幾差唔多十一點先起身...諗住溫physics,點知都係冇咩心機,睇一陣就搞其他野......可能我仲掛住o的野掛......之後我睇報紙,ICQ,接龍,睇電視,聽歌......今日都唔係話咁開心,不過,我曾經嘗試去祈禱,唱詩歌......到左四點鐘,我終於都可以認真咁溫書......係呢兩個鐘入面,我溫到唔少野......之後睇新聞......食飯......

今日起身之後,食左少少朱古力...飲左100毫升o既益力多......到左5點半,食左幾塊包...之後食飯......奇怪o既係,成日都唔使食野...(唔係唔使,而係唔想食)......可能,心情真係可以改變一o的正常o既定理掛......我今日足不出戶......

聽緊電台個陣,竟然播左一首令我諗起好多野o既歌...唔係首歌特別,而只係呢首歌比我諗番好多回億o者......

人生係好特別o既......"也許,要遇到心動o既人,真係好容易;但係,要遇到心有靈犀o既人,真係會好困難。"......是的,我非常認同......冇辦法...冇辦法..."王子從來未預到灰姑娘"ma~

今晚再睇下o的paper,記下o的公式啦......聽日九點,返學校吹水喎......係,公眾假期都有學返~~

唔知聽日會發生咩事呢??......唉......


>>May 13, 2003 at 4:59:52 AM GMT+8

2003 年 5 月 5 日 星期一 【晴】

今日---Chinese Language Paper 1&2

今日訓到好遲先起身呀(唔係唔知醒呀…而係懶呀)………出門口個陣又漏左帶野喎..返番屋企law…所以搞到遲左少少呀~~又唔算遲到~~8:30開考,8:15入埸,我8:25先到呀~~好彩趕得到炸~~
今日考中文呀,話難唔,難話易唔易…..唉…明明琴晚tip左課會考,點知冇溫到…今日仲真係出左呀...唉......都係自己懶law……激氣呀!!~~

不過都算唔錯lu…好多都叫做識……今日坐左2次2個鐘呀…超累呀!!~~

今日下就聽聞阿sir會講A.Maths…咪返去聽law…我之前都同友人講,阿sir知我地星期五考physics,唔會見死不夠o既…於是我帶左phy o的paper……點知真係……阿sir真係講phy呀~~好開心呀~~
之後冇野做就返左屋企lu~~

返到屋企見到有5條金魚仔係個due到……其中有一條超叻呀…識游背泳嫁~~到左晚上八點,只有兩條生還,真係可憐……嗚嗚~~

琴晚聽電台,又學到o的人生大道理……我又覺得自己識諗左……大個左少少~~到我真係學曉用呢個心態去解問題個陣,我就真係叫做大個左lu~~

哈哈,有個朋友鼓勵我,句子整理過後…變左係咁…….
”以跑四百米的心 走會考的道路”……是的,記得自己可以做到一o的估都估唔到自己可以做到o既野…真係好開心……呢個經歷之後,我覺得 真係’冇咩話唔得,只要你…肯!!’……冇錯!!…真係冇錯!!~~要繼續努力!!~~

今晚懶洋洋的……明白,聽日唔使考ma……但係我今晚點都要睇下o的paper……我要努力!!
Physics……我之前都用過o的時間同心機去讀同埋理解嫁…但係都仲有好多唔識……不過,盡力而為啦!!!!~~
努力!!~~~~


>>May 7, 2003 at 3:05:46 AM GMT+8

2003 年 5 月 4 日 星期日 【雨】

今日---Mathematics Paper 1&2

今朝一早…紅色暴雨警告喎……學校停課…不過會考照常,延遲至九點開考law……都好,睇多少少……Paper1唔係太難…份paper真係2估到估唔到會出成咁……paper2難o的……

之後同個friend食飯,然後就返屋企lu~~
沖涼…ICQ……冇lu~~今日睇左o的好神奇o既野……好特別,好特別……

琴晚都好特別呀……一路傾計,一路聽電台……冇咩溫書o既動力…只係睇公式…哈哈……有條式今朝先唔記得左…感謝主…比我個個聰明推番條式出o黎…死背…始終都唔係我o既強項…除非……個樣野好特別…我好上心啦~~如果唔係………真係未必記到~~

聽電台…聽歌……好正好正o既歌…有o的好舊,但係好好聽……哈哈…民歌o黎嫁,有興趣就聽o下好~~香港電台第二台,星期日晚10-1~~

訓之前有個教會朋友打比我…支持我,鼓勵我…仲有為我祈禱呀~~多謝佢~~
好開心有個friend打比我問我野……問一o的好少o既野…佢肯搵我…我真真係好開心~~
聽日又要考呀……唉……不過唔緊要啦~~我今晚一定要溫啦……聽日份paper有得溫ma…唔溫會對唔住自己嫁…好啦…努力呀!!~~

聽聞聽日有得返學校……唔知又會見到咩人同會發生咩事呢??哈哈~~
好多野都係事與願違…但係……有時o的野真係咁岩就係咁岩……冇辦法啦…真係要睇下好唔好彩……
努力呀!!~~
聽日---Chinese Language Paper 1&2


>>May 7, 2003 at 3:04:22 AM GMT+8

2003 年 5 月 3 日 星期六 【雨】

今朝早返左學校講數......希望聽日考得好o的啦~~
琴晚打個篇日記,今日先見到......都唔知咩事............

今朝起身之前發左個夢...(其實好多時都有,不過都係唔記得,似有似冇,但係今個夢我見得好清楚,好清楚)......個夢o既內容唔講lu,但係...如果個夢真係發生左,我真係會好開心,好開心,好開心~~

記起友人講到......有時o的野唔解決好過去解決...我之前都發表過文章(咩見4月17日的日記),我認為唔應該咁樣......但係,我開始漸漸的改變我o既睇法......諗諗下...譬如......同一個人o既關係,身份開始尷尬o既時候,好想去搞番清楚...唔搞都暫時冇咩問題(長遠就唔知)...但係,如果一搞......咁可能就...將一份好好o既關係破壞左............

後悔...後悔...真係好後悔......做左一o的根本唔需要做,做左對自己又冇好處o既野......如果比我做多次,我一定唔會再錯......但係,讀理科o既我,都係理智番o的好......

算啦...算啦...倒不如算啦......唔做都做左,唯有祈求造物主開恩,讓我懂得怎去面對,讓我有一顆勇敢o既心,讓我有一顆放得低o既心,軟弱的我,願意將一切交托給您......接受改變......

係呀...係呀...我真係認呀......自從進入"半離教"狀態個陣,我唔識得點去生存...冇曬方向...任憑自己想點就點......仲有13日...比我頹廢多13日(唔係指讀書,唔使擔心.)......我會重生好好咁整番好我自己...信我啦......

唉多13日......唔再係以前o既我啦.........睇住o黎啦......!!!!~~

繼續努力,繼續努力!!

Good Luck!!

聽日---Mathematics (English) Paper 1&2

>>May 4, 2003 at 6:30:52 AM GMT+8