2007 年 3 月 2 日 星期五 【晴】

大石重重的壓在心上=["



旁人從不讚同,連情理也不容..."


喘唔到氣...壓得好辛苦....
好想喊,,但我喊唔出..我亦都唔可以喊!!
我唔可以再變返以前咁..一定唔可以"!


今日癲左...崇拜之後癲左....
由我啦=["癲一日就足夠lu...以後就可以放心='(....


明天跑 10k..唔知會唔會有咩事發生呢??

祈禱祈禱祈禱....忍耐...堅持..."

我要學習。唔可以再好似以前咁任性....
以前實在太任性lu...

唉..唔開心again"..what can i do ?

唔係..我已經無野可以做到..可以幫到自己....
WHAT WOULD JESUS DO?

i waiting for you..天父爸爸...




天父爸爸...好想再有段時間搵你傾計=]"
就明天啦!明天查經班後,,,約定你嚕!!!!唔準放我飛機架....
我有好多野想同你講啊天父爸爸._."

>>March 3, 2007 at 3:42:49 PM GMT+8

2007 年 3 月 2 日 星期五 【晴】

哇,,,日記版有53頁囉-.-...我真係叻啊=.="
人氣都有38xx人...=]....
個日記版有好多我開心同唔開心既野啊..

>>March 3, 2007 at 3:37:13 AM GMT+8

2007 年 3 月 2 日 星期五 【晴】

今朝一起身個頭暈暈地...跟著畀阿媽指著我話塊面好紅-v-"
唔好啊=3=..唔好病啊..仲未溫好d書書>o
－－－－－－－－－－－－－－－－－－－－－－－－－－－－－－－－－



原來空無一人既 G 樓係咁好既=]...((唔係第一日發現-.-))...
always都自己一個走上去-.-"..

開左自己組道門....入去..無開燈..坐左係地下...望著塊鏡..~
祈禱=]"

點解會無啦啦走上黎呢??? 其實我同公仔係下面溫緊書的..唔係..係hea緊=.=
跟著收到個tel.....個心好..好唔知點咁!...唔知應該點做...唔知可以點做...突然間好多既害怕....湧左上黎...雖然唔係一件大事.....只係一件好細好細既事...但唔知點解都可以搞到我咁樣..

好急...諗唔到野..剩係諗到兩個字「祈禱」...
就自己一個走左上去....裡面黑晒..但道門開左=]"
我入到去..開左d燈燈...然後自己走左入房=]"


好黑啊...有時有d車經過..但都ok靜既=]
望著塊鏡,,,望著自己,,,好唔知點咁

跟著睜開眼係到祈禱....同耶穌講左好多野..講左好耐野

講左好多心入面既野...

唔理la...真係咩都唔理....好辛苦...我話..我放手lu...我唔想再捉著..我放手交畀你啦天父爸爸=]!!!

因為你知道我應該點做..你最明白我""...

成間房..唔係..成層g樓得我一個人
剩係對著自己同埋天父爸爸....舒服好多.."

好辛苦啊...同天父爸爸講左好多心底話..~

真係好辛苦好唔開心......無人能明白我>?<"
好似除左祈禱已經無野可以做到....


唉..天父爸爸..我好累ar... ....好辛苦...唔想..唔想再去面對.....面對...面對...任何人....
help!!

>>March 3, 2007 at 3:31:29 AM GMT+8

2007 年 3 月 1 日 星期四 【晴】

今日數學....考試...''

mc...死左啦..
長問答...= ="...

我做晒我d肯定o岩既答案....再返睇有冇d識既...
跟著...就計下我應該有幾多分-.-"

做左一個鍾到....計完..發現我應該有三十二分=-="..但合格分數is 49.5

跟著係咁罵自己..「你啊..成份卷o岩晒都唔合格..你學咩人溫書.\_/.」

之後就祈禱禱-v-"

祈完之後...繼續..做d一分兩分果d=.="

發覺做角度果d特別叻..hehe

跟著自己係咁同自己講「未到最後一分鍾...唔準放棄!! Never Give Up!!!!」///
終於用半個鍾諗左條6分既數...

我諗最低都有30分既!!
比起中一既19分..同中二既23分-.-....

嗯=.=..有進步啦!!!!!"



之後五個人一齊食lunch=]'''食完呢...就返去考oral..撞到菠菠包啊!!

跟著返去..我竟然係第一批!!

hehe...4個女仔一齊係咁串果個男仔-.-""!!

超搞笑..笑死..





考maths....好down既時候...望出個窗...又望到你啦=]///我唔叫你做櫻花la>..
叫小桃樹啦....!! 好似果篇文章咁...我的小桃樹..haha~

佢好令啊...d粉紅好粉啊=.="
我望著棵樹..佢好似幫我打氣咁...「嗯!!我一定要努力!!」
至少我知道.......無論點樣剩返自己一個...都有天父爸爸...同埋小桃樹支持我!!


開始對人呢樣野失去信心嚕.~
點解呢..?唔知丫...
always都係一個人hea黎hea去=.=~v

又唔開心lu....但d眼淚唔肯流落黎...
好多時望到好多野..諗到好多野都好想喊
但喊唔出...

身邊既朋友都好多唔開心...
但我唔識安慰佢地...連安慰自己都未識...

霞 同我講話佢唔鍾意嘉嘉....
嘉 又同我講話佢唔鍾意霞霞....

..."夾左係中間...好想幫佢地修補關係...
但...我根本無野可以做到....除左祈禱...=]"

耶穌...?
耶穌!!=]
耶穌。
耶穌 )))))))))))))))))00
耶穌>o<~~
耶穌^-^!!
耶穌~"~....

...."



期待緊星期日既running
好想去跑...一大朝早..咩都唔think=]"

爸爸終於都有工返lu...!!好丫...

星期五、六、日..媽媽都放10pm
爸爸今日又返晏...所以放10pm too...

即係10pm之前...屋企得我一個-v-"

不過我都唔會係屋企...因為我要返cwbc!!!...

順便食埋飯先返..haha~...
好想自己一個靜靜地諗下..卻發現原來自己已經諗得太多=]"

但諗黎諗去都無結果!!!!...~
呼._."!!!




唔開心唔開心唔開心唔開心唔開心.........



求天父保守..."

>>March 2, 2007 at 8:04:40 AM GMT+8

2007 年 2 月 28 日 星期三 【晴】

好煩好煩好煩好煩好煩好煩!!!!!!!!!!

煩死人la..嘈少陣都唔得... .\_/. !!!


牌氣指數不斷上升..!!!!


我係唔係呢家既一份子架!!...連阿爸返左工都未知囉...
連佢返咩工都唔知囉....!!!!!!!

嘈嘈嘈嘈嘈.\_/. !
嘈爆佢la煩!

>>March 1, 2007 at 3:23:13 PM GMT+8

2007 年 2 月 27 日 星期二 【晴】

琴晚2點先訓=]...溫英文!!!...

之後就係一夜好眠~~



今日考英文reading and writing~

read ok wor...可能之前rex主任畀左好多文章我睇..
以前好怕d深字..但宜家都無咁驚...一見到唔識既字就間住佢
然後估佢既意思=]...

第二份卷係作文...作完仲有15分鍾訓覺-v-""
check左幾次就唔想再check lu~
反正都預左唔高分>o<"


放學...同yoyo姐...婉婉姐...食麵麵=]'''..食完就滾返柴浸..

同嘉勝傾左幾句..同湯姑講左幾句...
就落返去自修室lu~

見到入面無開燈..點知入面有人架@@"

溫maths=] !!!

仲有呀..多謝路明教我英文sba=] !!!!
我會畀心機架!!


3點鍾到....想落去買野飲...順便行下咁"
望著個電話..帶電話落去好似唔多方便._."
於是就交左畀敏姐keep=]..thank you very much la!

之後...就帶著錢錢...離開柴浸..=]

唱左好多詩歌...心裡面有個念頭彈左出黎「不如去柴灣公園啦!!反正讀左四年都無乜點行過!」..
於是一路唱住詩歌..一路經斜路落去興華商場....之後再去柴灣地鐵站..行去地鐵站既另一邊...出去一條橋到..

一出條橋...見到有條樓梯...未行過..就試下落去...

原來落左去係柴灣公園既其中一部份啊~~
不過果部份好細..但我始於未黎過..於是就睇地圖先...

行左一陣...見到有條樓梯..有個牌寫住話去休憩處...
條樓梯都ok長....加上樓梯與樓梯之間有一段平路,,,,


唔知會去左邊呢??.. 一路諗..一路行上去...由於一路唱住詩歌...搞到喘氣-.-

點知..上到去..竟然係一條斜路 + 馬路-.-!!!
仲有兩間學校.再行過d...竟然係張振興!!!@@

我讀左劉永生四年..終於知道張振興既確實位置-3-"

一轉身...見到另一條樓梯,,,不過係勁長勁直...

好恐怖....自細就好驚一d又長又直既樓梯..
心諗「一場黎到...試下啦-3-」...平時一定會死扯著隔離果個...

但隔雜一個人都無...

於是我死扶著欄杆...腳震晒咁行-3-"...

之後再走過一條天橋...去到柴灣公園既另一面..

最後仲買左朱古力奶飲....果一刻好快樂=]...從心而黎既快樂...^^"




不過........


原來我真係好鍾意向壞果面諗...
好鍾意喊,,,眼淚流唔出反而好心痛"

小時候對著 爸爸部錄影機..拎住d雪笑著咁話「爺爺..你話未睇過雪..d雪我送畀你架!」..

好多野好多野飛左上黎...

望著身邊人好多唔開心...
我都好想喊啊....但係我喊唔出....喊唔到...

好想...係一間黑暗既房入面...坐係地下...喊...好似以前咁
但我已經再唔係以前既我...


星期日朝早去跑步???..突然好想去...好想咩都唔理...盡情咁去跑...

咩都唔理...咩都唔諗...

我唔係許靜雯...我唔係一個人....我唔係..我咩都唔係....



定睛仰望耶穌

>>February 28, 2007 at 2:37:05 PM GMT+8

2007 年 2 月 26 日 星期一 【晴】

不知道大家鍾唔鍾意隨心所慾咁做野呢=]??

琴晚去左社服自修室溫書書...坐係晶晶隔離..本來仲約左阿天,,,不過佢好累~~所以就無黎lu

突然間..覺得好唔舒服...好肚痛-.-"...而且成個人好累..伏左係張「木台」到一陣之後...都忍唔住去睇下有咩食~~反正返到屋企都無飯食架啦!

但係..食飯?食唔晒...麵?..nononono!!!我已經有好多日早午晚都食公仔麵-.-
諗諗下....突然好想食cookies~(唔識打cookies中文tim-.-))

於是就行左幾間麵包店..但都搵唔到._.
心裡面不斷咁諗「仲有邊到有麵包店呢??」....好絕望之濟...
突然諗到美心呢間麵包店
點知果到真係有啊@@"

當我一路食既時候...
心裡面好多唔同既思緒....關於好多唔同既野""

一下子...好似長大左好多.....
唔同左好多...

一陣陣冷風吹埋黎...好凍...
吹入我個心入面,,好寒

果一刻既感覺...好特別..唔係一d文字就可以形容到...~~


呢排真係好多回億係我個心入面飛下飛下...下面篇日記打既野只係其中一部份"

仲有好多好多...~=]"

耶穌..你係唔係想我放低晒所有所有以前既野呢?
...如果係啊??...

畀d空間我=]...

今日好奇怪..唔知中二...連小學d記億都返左黎...


小六....雖然我地理只有10個女同學...但係已經分黨分派...
果陣時..幾個女同學...一定要我同我一位朋友寫一封絕交信...如果唔係就排斥我
唔知點解我果陣可以咁狠心簽名...內容全部都唔係我寫...係佢地寫完之後畀我簽名..

我好深刻果位朋友收到之後即刻喊左...
果一刻...我好憎我自己...點解可以做出一d咁殘忍既事?
我無再望果位朋友...亦無理到果班女同學,,,果班女同學係到陰陰嘴笑既時候
我只係望著黑板...視線唔敢望其他野...
果陣好想喊..但我發現...原來我並無資格去喊,,因為決定權又始至終就o係我手上
係我決定既..我並無資格去後悔。



之後都唔記得係點樣和好...
總知我就同果位朋友好返...

但一切一切,,,,並唔係可以就著時間既洗禮而忘記晒
唔知果位朋友仲記唔記得呢??
但...我好清楚..o係我心入面...有一個獨特既位置..擺放左呢一d既記億..



搵學校既過程亦都突然飛左出黎..

「哇..我入左顯理呀~」「劉永生wor~」「哇..入左文理呀!」...好多唔同既同學拎住張入學通知定唔知乜野..大家都好雀躍咁講出自己派到既學校
我望著張紙,,桂華山中學?...咩黎架?

我走埋去班主任到「阿sir..~桂華山係咩黎架?」
「你派到桂華山啊??你快d去搵學校啦!!唔好架...你宜家落去搵你媽媽然後即刻去搵學校啦!」阿sir好緊張咁話

下-.-??...我仲未搞清狀況...已經畀阿sir叫左落去禮堂搵媽媽

當我話畀媽媽知係桂華山時..媽媽同我一樣「下-.-??咩黎架」
點知坐係媽媽周圍既家長就係到討論..「哇..桂華山band 3 架!!」「唔好架!!」「快d去搵學校啦!!」

於是媽媽就同我走左去搵學校-3-"...

但我地...當時對桂華山既認識..就只有知道佢係一間中學..其他一切都唔知"

於是媽媽陪我走左好多唔同既地方...都搵唔到..
...

最後...我同爸爸行過劉永生「咦...呢間都係中學黎架wor~入唔入去睇下?」爸
「是旦啦-.-」我

入到去..同我面試既老師就係我中三既班主任=]

佢畀我筆試@@"...
但之後都無左回音

於是到最後..都係要入桂華山...我同爸爸抱著一種節哀順變既態度交入學申請表...
點知...劉永生突然打黎叫我去面試!@@

咁就面啦...講下英文講下普通話
都知唔得-.-

跟著又去交多次入學申請表..點知剛剛交...劉永生就打黎話錄取左我@@"
於是我同爸爸又趕去拎返張表-.-"..


果時我只係覺得好奇怪
我小學成績...一個字...差-.-!!
缺席日數亦都好醜樣...好多日

照常理應該無一間中學肯收我
一直以為係自己好彩=]...

原來唔係=]一切都係神既安排

諗返好多野..都好似係神既安排咁..."



記得幼稚園...每晚都跪係床上面....同天父爸爸傾計..=]
夜晚既時候..媽媽仲會問「你同左天父傾計未呀?」
跟著我就會好乖咁跪係張床到祈禱禱,,,,雙手合埋...閉起雙眼...開聲同天父爸爸傾計
媽媽總會係我隔離等我祈完禱,然後一齊訓覺


唔知...係幾時開始...媽媽會對基督教感到反感呢?

雖然...一直有把聲音係心入面..同自己講「想浸禮?無可能架喇你!」...
但我仍然會抱著呢一個既夢想..相信自己總有一日..可以企係浸禮台上面受浸...
可以係台上面講出自己既得救見証...而我既爸爸媽媽同埋婆婆佢地...都會一齊係台下望著我

一定...一定會有呢一日...
我深信....一定會有...




呢排自己真係諗多左好多野...
好多好多野....好想搵人傾,,,但發現...原來無人會陪我傾=]"

天父爸爸...我只係得你ja...



呼...6點正開始溫書!

>>February 27, 2007 at 9:51:25 AM GMT+8

2007 年 2 月 25 日 星期日 【晴】

唔知點解近期好鍾意回億返以前d野...特別係失去神既日子..

今日上堂...無意中見到學校對面((新廈街果面))...果座山山既其中一棵((花?...))粉紅色葉葉既樹樹
先叫佢做櫻花啦=]...雖然未必係..

佢好突出...因為佢係粉紅色...比起其他嫩綠色既樹...佢突出好多...

一望到...突然個心震左一下...真係震架-.-
我諗起左中二果陣...我o係班入面...可以話一個好朋友都無..朋友都係少之有少
係班裡面我唔會出聲, 一日十幾句到啦...有掛"

果陣自己一個...一直都嫌lunch太長...無野做...
有一次好想有人可以陪我傾計...係條樓梯到行行下...突然畀我望到呢棵櫻花...
因為..可能真係太孤單啦...於是我就企係果個位...開始望著棵櫻花同佢講野((梗係無講出聲啦..人地會當我傻架-.-))

試過一次..就有第二次...
於是..我每一日都會企係唔同既位置..望著呢一棵突出既櫻花
同佢講心底裡既心事...講所有所有..平時我唔會講既野...
果一刻好舒服......終於都有「野」可以陪我傾計..可以係我孤單既日子陪我

返學既時候我會見到佢...佢陪著我
放學既時候佢都陪著我

小息..lunch..既時候...佢都陪著我

係最孤單最唔開心既時候...佢話畀我知...成座山只有佢一棵係粉紅色...又生得特別...同其他樹根本唔同...所以..佢都好孤單..

一個孤單既人...日日都同一棵孤單既櫻花傾計..


直到有一日...我見到佢枯左..心裡面爛左一截....但我知道....就算枯左..佢都會陪著我!!!!



最難捱既日子...哈..好似已經過去lu..

望著果棵重生既櫻花..心裡面有講唔出既感受..
可能你會話「車..一棵樹識咩講感受??點會識陪你??只係你自己一箱情願je!」

但係..我都唔知呢=]....但我好清楚...對著呢棵枯左又重生既櫻花...
我對佢既感情..可能係我想像唔到既多
佢會教我道理..會陪我傾計....佢唔係一棵唔識講野既櫻花...
佢係一棵好識表達...會教我地道理...既櫻花...



之後望返老師「木台」...突然中二既一段回億又閃左出黎


「許靜雯..你唔訂班相啊?」班主任
「唔訂..」我
「點解呀?? 你唔想留低一d美好既回億留係屋企咩...??」班主任

好既回億??...我唔想擺d唔開心既回億係屋企!!

「無呢個需要..」我
「你真係唔訂啊?班主任好想你訂啊...」班主任
「唔訂!」我
「咁牙....唔緊要啦~你都可以問同學拎黎睇既^^"..係唔係?」班主任
「嗯」之後就返埋位


心裡面...突然...
唔知點講..有種感覺.....


係中學既呢幾年,,,,好多回億突然彈左上黎...

一直以為.已經唔記得晒..原來從來都無忘記過。


無心機溫書lu今日...好累好累好累...

身心都好累=]"


嗯..係時候搵天父爸爸傾計....原來呢!!每日同天父爸爸傾完計後會開心好多架..

呢排一祈就係半個鍾...果半個鍾...o係張床到就最好=]"

又唔會訓..又舒服=]"


好想快d考完試去camp啊!!!!!

camp=]...~~~

>>February 26, 2007 at 3:08:29 PM GMT+8

2007 年 2 月 25 日 星期日 【晴】

今日 all day 都好wonederful~~

朝早...較左九個鬧鍾啊..>v<"""
終於都可以o係6點幾起身啊..感謝神=]"...

沖 完 涼 ~ 刷 完 牙 ~ 梳 完 頭 ~

哇-.-25分=.="
滾出門口,,,返到學校,,hehe""" 仲早過yoyo姐...

不過呢..o係地鐵既時候....
我覺得我有d開學前恐懼証-3-

「死啦...帶齊野未呢?.....」「個頭好亂啊..」「功課係唔係真係做晒架!」「書帶齊未呢?」

-3-"

返到去...拎起畀思龍既錢錢...就落去排隊...
點知見唔到思龍>"<...之後就同yoyo姐排隊....跟著check 儀容~"~

第一堂中史...對卷+對作業..早知就唔帶書啦..重鬼死>o<

之後中文堂...哇...明天就到我1 min 短講..媽媽啊!!!

小息既時候呢...再上多次 5d 班 ..都見唔到思龍>o<"
跟著返入班房...玩玩下..
突然聽到嘉嘉話「哇~~思龍呀」
「係!?」我
跟著就拎住d錢...跑呀跑呀跑~

跑返上5d班-3-"...先追得返佢

哈哈...

跟著lunch,,,第一次o係學校食生果啊@o@"...

之後世史+地理....烚眼訓>*<"

小息..無左..畀地理miss用左-.-...

...

最後..數學quiz...又唔合格lu~


哇..唔想打..遲d再打

>>February 26, 2007 at 2:17:14 PM GMT+8

2007 年 2 月 24 日 星期六 【晴】

2424...我25你啊!!!!......

今日好開心=]...至少去到呢一刻都好開心=]"

今朝...哇...第一次同媽媽講話係返教會呢...((雖然用左唔少藉口遮=.=))
點知佢又畀...原來呢一期既查經班就黎完,,,,嗯嗯嗯!!祈禱祈禱,,!!!

上查經班=]以後見到乞丐都要畀錢啊=]!!!

因為..唔知幾時果個乞丐係呃人既...就好似狼來了個故事咁...
無論佢每一次都呃d村民...係到叫「狼來了..」...
但,,,我地每一次都應該上去幫佢手...
萬一..萬一有一次真係一隻狼黎左..咁佢點算??....

就係咁樣啦...萬一..萬一個乞丐真係無錢...真係好需要既時候...
而我地就因為怕佢呃人而唔畀佢...咁..可能佢地既情況會更慘..
唔需要多..一蚊兩蚊對佢地黎講都可能好重要,,,


就係咁la ^^


之後自己一個入左1號房...祈左陣禱..玩琴琴...


「莫記憂與愁要快樂常歌唱...
　　俗世間怨恨你莫在屈心上。」


^o^ !!!!


首歌係神畀我架...((我覺得-.-))
好好珍惜=]"!!

之後搵唔到敏姐...o係 g 樓hea左陣..
睇返昨天既崇拜...哈哈..懷念=] !!!

跟著落去 1lg...敏姐真係係到啊^0^"..

之後一齊去左漁灣食lunch lunch~~飽死左"

跟著散步陪阿詩返教會,,,然後就同敏姐行路返屋企"
傾左好多野....=]"不過已經唔記得左好多-3-"""""

返到去筲箕灣...我就話行上天橋既斜路...再轉返出圖書館...((係唔係好複雜呢-.-))..
果條係我小學果陣always 行既路...

唔知點解今日好鍾意諗返小學果陣d野..((查經班既時候都有諗0.0"___))

細個...真係做錯好多野呢=]...

不過..既然神都肯原諒自己...點解自己原諒唔到自己,,,放唔低呢?

小學既門口都已經唔同左好多:"""先進左=]
仲加左個頂頂遮雨...記得以前落雨..而婆婆又未黎接我放學時...
我都好無奈咁企係學校門口,,,因為學校門前無地方擋雨...

宜家好好多lu=]"...個頂頂去到天橋..唔使再驚落雨!!

之後行返屋企...買左野飲=]""熱死啦...
可以一路溫書一路飲野=]...飲野無咁眼訓架!!!

本來一切都好美好

不過o岩o岩又同老豆嘈tim-.-..唔係既..佢鬧我-.-我都係駁左兩句-.-咁算唔算嘈啊??


不過心情仍然好美好...但....好累啊隻手-3-"..唔知點解=3=

>>February 25, 2007 at 8:02:09 AM GMT+8