2007 年 3 月 27 日 星期二 【晴】

琴日返柴浸...撞到詩=]!!

跟著自己一個入左g樓既琴室...練結他...之後自己一個訓左係到=]...
好舒服...望著鏡子入面訓左係到既自己...

〝o係人地面前真係咁需要將自己收埋???〞

呢兩個禮拜真係睇到好多野...經歷左好多...
感覺到自己真係成長左...

你地有冇聽過一句說話...叫做「日復一日我在各方面也愈來愈好」...
日記好耐之前都應該打過=]

咩都係...訓醒一覺...一切從新再黎~!!!

前日同頌恩打羽毛球...
自己散光+近視既關係...好多時個波打埋黎..都因為街燈既關係..見唔到個波
好多時都打唔到...有時又唔夠高-v-..跳起都打唔到個波囉!!
好攰..次次都係我打唔到..
心中有點無奈之際...突然...諗起前幾日睇過果本書...「愛在一句話」=]"
原來一句說話係可以好影響到自己架...

突然有一句飛左出黎「..我做得到!!!」

於是我一邊打一邊係咁話「我一定打到架!!」...
結果我真係一直都打到...

原來諗野正面&負面係相差好遠架...

頌恩話...我有個廿四孝爸爸
因為爸爸黎睇我地打波...又拎野落黎畀我地食..

「係咩^^..~??」口係咁講..心裡面諗:::你睇唔到佢發脾氣個樣je~~~!!!!
之後頌恩話煮野食畀我食...畀左好多我食-v-..

「我食唔晒啦!! 唔要咁多得唔得啊><...」我
「一定要食多d..如果唔夠飽你個廿四宇爸爸黎搵我算帳咁點算!!」頌恩

....

心裡面開始諗...
或者....或者.....某情度上...我真係有一個幸福既家庭既...
只係..我一直睇家庭入面唔好既野...

睇屋企有幾亂...睇佢地鬧幾多次交..鬧成點,,,
睇大家既關係有幾差...特別係浸禮果排...差到咩咁"

但..從來都無諗過...
我有爸爸有媽媽,,,原來已經係一件好幸福既事...
我爸爸媽媽不停咁鬧交,,,但一直都未離婚...已經係一件好幸福既事...
每晚同媽媽訓...都有d傾計既時間...
爸爸會打電話畀我問我返唔返屋企食...就算返屋企係食飯盒...其實都已經係一件好幸福既事...


上個禮拜日...
我食晏就既時候祈禱...求神畀我有一個充實既下午!!
雖然果個下午無溫過書...但真係好充實...
可琪佢地有d事發生左...跟著..(( 我要保障他人私隱-v-...我稱佢做aaa= =...))
aaa因為唔開心所以自己走左去...其實我同佢唔熟..
但見到可琪好緊張...於是就自己都緊張埋一份-v-..一齊搵...搵左好耐..終於佢打電話黎..
真係嚇都嚇死-v-...

之後我地同佢傾計....其實我一個中四既同中五講-v-..好似有d- -..咳咳...

佢話佢改唔到佢既習慣...

跟著我話「..好似一個糖果樽咁樣....只可以裝十粒糖...你要擺新既糖入去就一定要先係入面拎一粒出黎..!!你唔拎..你永遠都擺唔到第二d糖入去...」...
講畀佢聽..其實又係講畀自己聽...

係呀...
要成長..一定要放棄一d野...

你要成績好..你一定要放棄你hea 既時間...
你要身體好..無論幾辛苦都要跑埋落去做多d運動
你要減肥......一定有d野你要放棄唔食得!!




呢幾日既想法比起以前變左好多...


一直都覺得自己好醜樣-v-...
望著塊鏡...突然自己笑左出黎...

心諗::雖然都係咁醜樣..但笑起黎個樣好睇過喊個樣!!!....

突然望著塊鏡係到傻笑-v-...

或者...或者...無論以前點跌...都好...
要企返起身..其他人真係幫你唔到...
最重要既都係自己....點都好..都係要自己企得返起身先可以...



學校既人際關係又無咁緊張..
就算呢次既好返...只係表面....
但都唔緊要=]...

我地幾個..又好似變返以前咁樣...


或者...以前既自己...係人際關係上面真係...好多既跌倒...


仲記得...好清楚....中二放學既時候...嘉扔左張紙畀我..離開左學校之後睇...
絕交信...將我所有做得唔好..佢嬲我既野寫晒落去...
企係我隔離既女同學問「咩黎架?」
「下??無野呀=]...無聊野之麻」我...

跟著我張張紙收埋左...


到宜家都好深刻...

跟著有幾個女仔幫佢出頭...
每日返到去..佢地就係咁串我..係咁話我...
講到我一d自尊都無..我好嬲..但我無講過一句野
我唔講野唔係丞認自己係咁樣...值得咁樣畀你話畀你串
而係我覺得..我無必要同d無聊人講野...

佢一直係咁話我係咁串我.....話左好多日..
我記得...我終於有一次...佢勁串我,,串到我真係忍唔到...
我先...唔友善地望著佢-v-....講左句「你講夠未呀?」
「哇..有人發脾氣wor!」~~

中三果次..佢地一齊幾個排斥我話我....
或者...就係因為呢d原因而令我怕左...
怕呢d經歷會重演...怕...其他人都會咁樣對我...

宜家...果個以前勁串我果個同我竟然有一兩句傾-v-之前仲坐我後面~

其實好多野已經修補左..但我一直都放唔低既..係曾經發生過既過去

仲有..小學...為左唔畀其他人排斥自己...竟然簽左一封絕交信...
到宜家都仲係放唔低..原諒唔到當時既自己...



但係...

活在過去既人..係無未來架!!


許靜雯!!

你一定唔可以再活係過去...你要望既..係你前面既路..你既將來...


忘記背後..努力面前..向著標竿直跑...

仲有既係....

記得笑多d=]...




知唔知呀.!!!!

你已經唔再係...以前果個剩係識喊識唔開心識自己一個既許靜雯...
你唔再剩係識喊...日日都喊既喊包...
已經唔係...
永遠都唔會再係...

知唔知啊=]???

>>March 28, 2007 at 8:16:28 AM GMT+8

2007 年 3 月 24 日 星期六 【晴】

琴晚同屋企人食飯...因為婆婆生日=]..
瑧瑧bb...轉眼又就黎三歲lu...

時光飛逝得真快呢....

之後..

亂諗左好多野=]...
好似諗通左d野...

跟著都係咁笑-v-..做咩都笑-v-"...

最後..d舅父就搭地鐵啦...咁我地就行返去...
點知公公跟左舅父佢地落去...!!
d阿姨就係咁叫返佢上黎..但係公公都唔知..
於是我就衝左落去..拉返公公上黎-v-"

之後又同婆婆傾計..又同d阿姨傾計..

成日都無啦啦發癲-v-"

哎呀..唔打la..再打查經班就遲到!! 10:00啊..!!!

>>March 25, 2007 at 1:18:29 AM GMT+8

2007 年 3 月 23 日 星期五 【晴】

日記版..~好耐無黎啦...係唔係好掛住我呢^^??
((日記版 ::: 無左你我樂得清靜~"~ ))

咁講野架>o<"

今日..今日..好開心..因為今日係充滿恩典既一日...

朝早起身..睇左兩集微笑pasta..終於睇埋個結局...開心=]
之後換33...婆婆生日..係唔係應該著裙呢-v-?...跟著搵左好耐都無d長d既裙..就無奈地著左另外一條...
出左街先發現..真係好短=v="

沖涼啦~~...
不斷重複重複唱...你的恩典每天夠我用 ~~...
緊張=v="
吹完頭..點樣札都好核突咁樣><"...唯有求奇扎d野就飛出黎...
因為約左組長們2:15麻=]...

返到去..發現真係好多野未搞...
buzy~~

次次都預備唔切咁...

到真正開組既時候...
大家都好投入..好開心...自己呢..就有dd分心...
擔心緊帶詩想講既野...~~不過..算啦=]..簡單就是美呀=] !
講故仔...介紹自己...feel到自己講到面紅..好熱-v-"

之後..到帶詩...緊張既一刻來臨了><"...
我已經盡量令自己冷靜...講果d野..好簡單...好平凡...無咩特別...
本來想講既所有所有見証...全部都無講,,,
未到時候=]...
但係..見到佢地..唔係傾緊計就擔天望地...感覺有點兒...無奈...
好似無人聽緊咁...但...見到大家咁齊心係到唱歌...無啦啦自己望著前方傻笑-v-...
應該無人睇到掛..如果唔係以為我傻既點算-v-??

跟著就一齊上去整野食...
唔夠時間啊...T^T''

冰冰上黎通知我地...已經係4:50...要準時落去..
於是我就不斷同佢地講「整唔晒唔緊要..一陣再上黎整..但要準時去崇拜!!」...

點知..佢地話「下??..唔去崇拜係到整得唔得呀??」
「唔想去呀!!」

突然間..唔知點做好...

只好冷靜..叫自己冷靜再冷靜...

「點解唔想去呀??...因為..悶?」

「你都覺得悶le!!!」某組員

嗯嗯..果真如此= =

之後再問多佢地一個問題「你地知唔知點解要去崇拜呀?」

無人答我...


最後...應丞佢地...一齊5:15先去崇拜...家事分享時上黎整野食
佢地先肯去...

不過..跟著自己都係到諗....
究竟為咩要去崇拜..?...我係基督徒...公式化既答案自然有好多...例如「更加親近神!!」「認識佢更多!!」「裝備自己!!」....等等....
但係...對於唔係基督徒既佢地..要佢地去崇拜..其實係唔係一件好事呢???

呼...仍在思考的問題..


跟著落去崇拜....無心聽...個人有dd偏見....硬係覺得今日既講道員...講野好鍾意扯開話題><..成日都唔明...久而久之...就成日都唔留心!

不過好開心啊..
到唱「小孩的魚」,,,係唔係呢?/好似係-v-

像那小男孩的餅和魚..讓我獻給主..~~

突然..澳宣一幕幕既畫面出現係我眼前!


幫菠羅包係廁所執返把梳.....sky@5..一齊食野...笑到撞親....
一齊靈修既時候唱呢首歌...同gary傾計...一齊去帶d小朋友...
一齊肚痛,,,一齊飲野,,,,因為打風,,係女生宿社玩...

好多好多開心既野一齊湧上黎..
突然笑左出黎......好開心...好似..心裡面只剩下開心既事情咁樣...

完左之後...8點要去太古...
諗緊去邊到hea.....grow組房??太古城周圍行??參觀教會?? ((拜託-v-..教會你都行到熟晒啦!!仲參乜鬼?? ))= =...

好想搵d地方去!

宜家上網搵下有冇咩野地方好去先=]....
明天溫完書可以去下=]..

最後..

今晚要為到小組...為到無寫一個禮拜既感恩簿..
為到我好在乎既朋友,,,,為到我同阿詩,,,,去祈禱=].....



=]..

天父爸爸!!!!~~2424 25 你!!!

>>March 24, 2007 at 3:33:34 PM GMT+8

2007 年 3 月 21 日 星期三 【晴】

打了一大段發洩的文字...一下del就全都沒有了- -..

剛才繼續想星期六的詩歌分享該分享什麼好呢???
心裡一直在想..是不是歌選得不對..?為什麼文字那麼難想..
改了一次又一次..每天都有不同的版本..每天都被自己否了-.-"

突然想到了今天跟朋友間的事情...

一個又一個的念頭浮了上來...
開始有靈感了>v<"




被一個認識了四年的好朋友嬲了..為了一堆事情....
被朋友嬲了..應該是一件不開心的事情..但為什麼會有感恩的心呢??..

((註:::; 想帶的詩歌是..你的恩典每天夠我用 ))

這個朋友...是我頗為著緊,,在乎的.....
在我中一的時候,,我們已經是好朋友..每天一起吃飯..一起聊天,,一起玩,,,,
從沒覺得有什麼問題在我們中間

直至中二的時候...我第一次收到一封絕交信...第一次收到一個絕交的電話...
全都是出於同一人...是她....

亦是因為那封絕交信...加上自己對自己的不滿...我才會有中一到中二的改變....

因為我失去過..所以我知道那種感覺有多難受...

所以不想再試那種感覺...

但這次....這次的...可以說是吵架吧///...令我發現..
.原來我身邊還有很多朋友支持我的 !!...
原來...在我不開心的同時..亦有很多朋友會陪我...

婉儀姐姐..yoyo姐姐..霞妹...
多謝你地啊...><"


以往..

我一直都很討厭自己...總是會有意無意的迴避一些東西..
例如說話說到一半就會停了下來...
或者做什麼都會先看他人的反應..態度才會去做..

但我卻沒想過為什麼自己會這樣...
原來一切一切都是出於那些曾經失去過的經歷...

我發現..
原來我對所有人也沒有信心...
對朋友如是..對同學也是...

因為...

好怕..好怕...當自己說下一句時...會突然惹怒了其他人...
好怕..好怕...當別人知道自己這樣這樣時,,,會無人理我,,,
好怕..好怕...自己一個抱著冷冰冰的顯示屏一個人在哭..
好怕..好怕...那種...被人遺棄,,,全世界都無人喜歡你的存在的感覺...

一想到就會想哭...

就像那次幫小組煮食物....
當她們一起放我飛機時..那種無人理..被人遺棄的感覺突然又跑了上來..
只好在沒有人的地方哭了起來...




家裡的吵架又開始加劇...
夠了夠了..好累>

>>March 22, 2007 at 2:42:41 PM GMT+8

2007 年 3 月 20 日 星期二 【晴】

好耐無打日記-V-"...

呢幾日...HEHE...遲D再打 !!!

努力中!!

努力HEA中 - -!!

>>March 21, 2007 at 3:47:26 PM GMT+8

2007 年 3 月 19 日 星期一 【晴】

看到kaka的日記...
心裡面100000個無奈 !!!""

心情大起大落-3-..好似個細路仔咁



唉~一時喊一時笑-3-都唔知自己想點!!!!!



成熟d..啦你許靜雯!!!!

>>March 20, 2007 at 1:11:43 PM GMT+8

2007 年 3 月 17 日 星期六 【晴】

笑一笑..有什麼大不了??!!!

樂觀d做人!!! 發生咩事都好...笑一笑咩事都無晒 !!

有咩咁大不了je???...再大都有上帝托著麻=] !!..~

今日同頌恩打table tennis...學左首歌=]//happy....
仲有多謝頌恩份禮物wa ka ka...

突然有一種感覺...下個星期既小組..hehehe....kakakakakka.....""((奸笑中- -))



仲有啊..今日整野食..一百萬個感恩 !"

hehe...!!

>>March 17, 2007 at 4:44:45 PM GMT+8

2007 年 3 月 16 日 星期五 【晴】

好耐無寫感恩簿lu...由一日寫一次..去到兩日寫一次...宜家差唔多一個禮拜先寫一次
許靜雯你咁樣唔得啊 !!,,,,點可以咁樣架?


睇返自己呢個禮拜既日記...
我真係好情緒化-v-"

d心情..不斷咁變黎變去~~...唉唉唉唉唉唉唉唉唉唉唉 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


好似連自己都唔知係邊個lu...
今晚返黎..一定要做好多功課 !!!"" ...

>>March 17, 2007 at 3:33:24 AM GMT+8

2007 年 3 月 15 日 星期四 【晴】

這幾天發生了不同的事...有開心..有感恩...有迷茫...有難受"

在旁人眼中看來是多麼小的一件事,在我眼裡卻是如此重大...
在旁人眼中是個笑話,可在我眼中為什麼會很難受?為什麼我不可以笑著說..?


今天跟朋友一起去銅鑼灣行街=]...食韓燒xd"...竟然碰見了4a班的同學@i@"
真巧啊-v-

吃完後..飽死了....
然後就散步=]...再行街...
發現時候已經不早了@@...就趕快滾回柴浸-v-"

但也沒有跟敏姐討論試卷的東東-v-...因為找朋友去了...

突然霞說「你約..xxx啊?她一定會放你飛機的..你信不信?」
「不會吧..?」我
「啊 !! 要是xxx不去..我也不去了!!」yoyo姐-3-

心裡冷了一截..她們當初不是很熱心的在討論弄什麼...然後又說要返小組的嗎?....

突然..收到了sms..一看....

「我明天不想外出!!我不去了!!」..我呆了...呆站在樓梯上...「她...她真的放我飛機了啊..呵呵...」
「那我也不去了!」yoyo首先說..
「...」我
「都說了她一定放的..你又不信!」霞...



...沒話說


之後跟她們去做身體健查..竟然沒帶眼鏡去-3-"
接著去見護士時..問了我很多問題.....像個社工一樣...

順便說一下今天的檢查情況..

高度::::154.9...((高了0.5啊@@))
體重::::42.2kg

因為沒有帶眼鏡..所以沒有驗眼...
而且中四不用做其他什麼檢查..所以檢查所得的資料大慨只有這兩項-3-


然後..送霞搭車後....也跟yoyo分手了~
剩下我一人..感覺.....

想起了在銅鑼灣霞霞說的話...

「想不到xxx真的去了信仰成長營...」霞
「我不知道啊...她們突然說去了。」我
「可是她放學後..一直在埋怨你逼她...又說你出絕招,,,喊,,,令她們不得不去..」霞
「...我只是去祈禱而已...」我
「總知她一路上就一直罵你....也跟很多人說了...」霞
「對啊對啊..我看見她跟 bbb 說..還有 ccc 說呢!!!」yoyo

..."...."..."..."..."..."..."



突然間望著前方笑了起來

究竟...究竟我是不是做錯了...?

那天..那天我看著她們為了這麼件小事而吵架...更是很嚴重似的..
才想叫她們平心靜氣的說出自己的感受..以免將來誤會會加深...
看著她們不發一言....我真的不知該怎辦....!!才說去洗手間..然後去祈禱...

回來後..她們說她們報名了...我還詫異了好一會－－
接著小婉說「不要緊吧..反正這次可能是最後一次呢!!」...
我才沒多想...想不到...想不到....哈哈.....

突然很想笑..

許靜雯你何時變得那麼的不堪??


一想到這些事...心裡就很煩...
加上本來說到很完美的食物...現在全都沒有了..只剩下我一個....
不斷的煩著....該做什麼該弄什麼該怎麼辦...

是不是我的煩腦放得太明顯了-3-?...突然敏姐走到我旁邊...~
跟她聊了一會兒後...發現自己...根本說不下去...
因為眼淚不斷的湧上來...好想哭好想哭...

但..我不可以.....
我不可以為了這麼小事而哭的..更不可以被別人看到!!我不是那麼軟弱的...

我記得敏姐好像問我...我的感覺如何還是什麼...

「我覺得..好似....唔知點講....好似....」...

其實心裡早已經有答案..但真的說不出來...
因為我很清楚...我說出來的同時....眼淚亦會湧出來...

「覺得啊...?....好似...好似...」....好似....好似無人理,,畀人遺棄咁...

好似...好似無人理咁....本來講到好地地..無啦啦一個人都無...剩返我一個企左係到...
我真係...真係有咁多飛機畀你地放咩...


返教會...真係...好難為你地....?


之後..敏姐叫我上g樓開小組室的門....
我「哦」了一聲....誰知一走到自修室門外....突然哭了出來...
眼淚突然不能控制的不斷流不斷流...討厭!!!
就為了這麼小事而哭...討厭!!!!!

上到g樓...眼淚一直在流...幸好沒人看見
剛想拉開門..發現大門鎖了...連忙擦乾眼淚...擦擦擦擦擦....才進電梯下去...


一到 1lg...心裡不斷想...眼睛應該沒有紅吧?...他們應該不會看出吧?....應該沒人知道吧..?

進去..跟他們說鎖了~~果然..沒人發現^^....
要不然..他們一定會很無奈...怎麼這個世界會有人為這麼小事而哭的????!?!!?!?!


..

接著我們去開會..開會前...敏姐說要祈禱...
看著玻璃..很想挨著玻璃坐...

想起上次自己一人坐在玻璃前面..挨著...
祈禱祈了半小時...外面一個人也沒有...沒有人知道我上過 g 樓..沒有人知道我在裡面祈禱...



回家的時候...自己去吃了點東西..然後等阿詩一起回..

阿冰..抱歉...抱歉......借不到睡袋給你....
真的很抱歉....!!!


然後陪阿詩去 7-11買朱古力奶喝..我可沒有喝....飽死了- -

陪她買完後...自己一個行天橋回家...
天橋上一個人也沒有...靜得很恐怖....一把聲音也沒有...好恐怖...


但是...你不是喜歡寧靜的嗎??


許靜雯啊...你...你何時變成那麼不堪的一個人..?????

>>March 17, 2007 at 3:16:06 AM GMT+8

2007 年 3 月 13 日 星期二 【晴】

一日嘈一次~三小一大~

死狗?
係呀係呀..我係死夠ar..得啦??

點解無証據就一定話我...
....

係呀係呀..受夠la..唔嘈la..唔嘈la..以後都唔同你嘈la！!!!..
係la..咩都認晒佢啦,,-v-"...

好...發洩完0v0:




信仰成長營..信仰成長營...信仰成長營


從9月開始..就好單純咁諗...要去教會果個歷奇福音營 !!!然後放棄學校果個 !! hehe...

無諗過...宜家既我竟然係猶豫緊係信仰成長營之中...

返黎既時候...諗緊敏姐講既野...
咁又係..連自己都未肯定到係唔係去..只係知道...佢地去我就一定會去
咁佢地唔去呢?佢地唔去..我又唔去?

唔知應該點做...

一路自己行返屋企..
一路係到諗..點解唔想自己一個去...

「因為我試過...」...心裡面自己講左出黎..

我試過..?...諗返起上年...
個個都同d friend係到傾計..我呢?自己坐係到呆左....
未上車既時候..佢地係到玩...我呢?無野做...周圍走..周圍hea"

當分配床位時...竟然唔夠...
我企左係到..無奈..
最後..同另外幾個女仔一齊訓,,,,"

食野...自己一個..無熟人...好無奈
最熟果個就係我組導師..佢對我好好啊...
好多謝你....
如果無左呢個組導師...
唔知..唔知點捱過去



今年...去?...神既旨意係咩啊?..
唉..諗返起以前就唔開心-v-..唔諗唔諗 !!!
許靜雯..你要加油啊!!

仲有呀...有好消息..

之前一直都唔合格...
終於有一份卷吐氣羊眉-v-"

75.5/100...英文聆聽...((拍手))..haha"= =

估唔到我讀英文唔合格
聽英文竟然咁高分@v@"


應該明天會報名......
呼呼呼...決定左....但心入面仍然...好多牽掛..好多野蚊住咁><"...

help-v-"




宜家開始乖la...((乖仲打日記?...仲要打d咁無聊既!!))...
一放學..就同yoyo溫書...去107...畀人趕走-3-
之後去圖書館..haha...電話係咁響=v="

跟著rex幫我搞搞d英文..明左好多^^..thx

之後祈禱會

返家家"



我可愛既一日又過去lu~......



幻得幻失..!!!

>>March 14, 2007 at 3:44:53 PM GMT+8