2009 年 10 月 13 日 星期二 【晴】

心情沉重.

我想飲涼茶..

鬼佬涼茶?中國涼茶?

欠落好多野咁=.="
真係完全唔想做,
訓覺算=.=

88

>>October 14, 2009 at 1:50:04 PM GMT+8

2009 年 10 月 10 日 星期六 【晴】

呢幾日好似發生左好多事咁...

同湯姑傾計...
佢 :: 你信主幾多年喇靜雯?
我 ::.....5年?..7年?....=.=....應該6年...-.-

佢 :: 咁呢6年...你有咩得著?

我呆左....
唔係諗唔起..而係太多野閃出黎...

點解會唔記得晒呢?
中二果陣既自己....然後年青有為...
然後返教會...然後屋企人既問題...
然後...ALPHA 做組長...標竿...愛華村...
再返黎...關愛...阿軒中五組....關愛40....

到宜家...新一季既組長...

經歷過太多太多...恩典太足夠太足夠....

點解..到最後又會變成咁差呢?

但..差...絕對絕對唔可以再係我以後做任何野既藉口...
就因為做得咁差..先有進步空間丫麻...
而唔係..因為做得咁差...所以不如索性唔好做啦...

係我既心態..一直錯左?


有時候..要學會失望...
要學會沮喪....
要學會傷心....
要學會挫敗....
要學會跌到....
要學會孤獨....
要學會難過...
要學會缺乏...
要學會流淚....



因為這些都是我必須經歷的,
不可逃避的事,早一點學會是好事吧..^^

>>October 11, 2009 at 5:39:45 AM GMT+8

2009 年 10 月 3 日 星期六 【晴】

頭先沖涼既時候...MAY埋眼..又諗起好多回憶...^^...
18年既回憶..如果每一樣都可以記得清清楚楚就好....

可惜...人總係好偏心..會好想記低自己鍾意既野..

琴日搭小巴去石澳既時候..途經一處好熟悉既地方...

果一日...又重現我眼前....

原來..好遠好遠了...

見到興華變化咁大..真係幾有感觸....

其實唔需要耐..一分鍾都可以改變好多野....

或者一分鍾之後..呢個世界就會打第三次世界大戰._.

>>October 4, 2009 at 4:44:16 AM GMT+8

2009 年 10 月 3 日 星期六 【晴】

...中秋節...帶左嬲都無著過...
身邊都係人..識既..唔識既.....
只要有人既地方就好溫暖=]"...終於搵返果種感覺了...
以前果種..鍾意自己一個係條街到遊盪既感覺..^^"

玩TRUE OR DARE, 我DARE= ="....
就係走去問人借打火機=V="...借果陣..對情侶目無表情= =".....
還果陣...我笑笑口話::...還返畀你地丫,,^^唔該晒~~中秋節快樂,,!!!

佢地兩個都笑左出黎..係咁話::你都係呀...^^....

果種感覺WARM 到爆>"<...


之後再HEA下玩下咁...
同紫琪..感覺上各有心事...

可能...自從係醫院出黎之後...
大家個心都好沉重....
其實每一次出到黎都覺得好...好無助?!
只係...之前成日都係我自己一個...
宜家多一個人陪自己..有同路人=]"

佢都唔CHECK身份証..以後..紫琪一齊去醫院丫=]"?!

月亮好圓...=V="
圓到好似圓規畫出黎咁...

最後個個都走晒既時候>....又飲酒了...
好似飲到上癮咁-.-"

宜家成日都形住形住好大陣酒味...唔得了..
要戒喇..預科生...

我發覺我真係愈黎愈HEA=.="
SET個期畀自己丫~~
當然..宜家都要畀心機...

但...最後去到柴浸個CAMP..
安靜完...返返去耶穌果到...
就好全速前進喇~~

我要升大學>_<"

我要話畀人聽..11分又點?!....%低又點?!?
唔代表無可能家麻...
我既字典入面係無無可能呢三個字架 \~/"

我相信呢個聖誕會好溫暖^^

我要笑多D...就算笑起上黎唔靚...
但都靚過唔笑丫麻...呵呵.....

>>October 4, 2009 at 3:47:56 AM GMT+8

2009 年 9 月 30 日 星期三 【晴】

琴日..返學既野..都係幾開心啦..
同植植愈黎愈FRIEND~~crystal 就唔使講~~
海海雖然唔係咁多話題~不過因為d科一樣~~
大家上堂落堂都會等埋大家咁啦~~好似上年我同紫澄既情況一樣~~
其他人..~~都係咁啦..^0^"....


放學果陣..又去醫院了...
其實只係驚..星期二佢都未渡假完返黎...所以隔多日先去...

係路途當中..已經收到口訊...話叫我上去陪佢傾計~~

上到去..佢個樣好似好開心咁..
不過...感覺上..又嚴重左...

佢見到對面個...院友?!..無啦啦指住佢問::..咦..你係咪我小學同學呢?

人地搖頭..

:: 我知..!!幼稚園同學..!!!!

我::: ...會唔會係你認錯人呀???

佢:::我一定識架!!定教會朋友??....定中學同學???

果個院友不停咁搖頭..人地屋企人都顯得有d無奈...
其實我..除左無奈..仲好心痛....

之後同佢傾左好多計...

臨走果陣...仲應承左今日帶月餅畀佢過節=]"...
走既時候..一路諗..仲要帶埋蠟燭.....
不過醫院唔點得喎...唔緊要...帶返我地既傳統...暑條當蠟燭..^^

你會開心嗎??

走既時候...一路行..一路喊左出黎._."
我真係好掛住好掛住你...好掛住果陣m記夜晚同你傾計...
好掛住同你係條自動電梯到行上行落...
好掛住同你一齊去石澳...
好掛住...好掛住成日上你屋企玩波子棋.....


今年中秋節...心裡面好想去石澳..
可能因為已經去左好多年....
習慣..成自然?

但...我身邊仲有幾多個朋友會陪我去??

..唉..諗返起都灰....
.____.""

>>October 1, 2009 at 2:45:32 AM GMT+8

2009 年 9 月 28 日 星期一 【晴】

..."

我唔on msn了....
我唔打電話畀人了..
我唔sd sms了...

咁樣係咪就唔會煩到人喇?
咁樣係咪唔會再做錯喇?....

今日上通識...佢地話..朋友好重要...無朋友個人會癲....

係咪好似我咁?.?"

我覺得..我自己好恐怖...
係咪已經去到絕望??....
點樣先可以單單在乎神既睇法??......

對唔住..對唔住....
原來真係得返我一個..
我連搵你地既勇氣都無..我連打sms畀紫琪都唔敢....
我做緊咩??

中秋...中秋....我好想去石澳..已經去左幾年了,,,,

今年..係咪要自己一個人去..??
定係我可以若無其事咁約你地??
你地..你地..?!

我仲有朋友嗎??

我今日...呢d叫絕地反擊?!..定係認真既??
定只係因為我個心好難過...
點解我會咁樣??...好難理解..

好憎..好憎自己...

搭車既時候..竟然仲有諗過...
唔知畀車撞一撞會係咩感覺呢?..如果衝出去畀車撞下都可能幾好...
之後又諗..唔得....一陣跛左隻腳咁點??....
一陣又要阿爸阿媽擔心...

亂諗左好多好多野!!!
enough!!
救我好嗎._.?!

團隊訓練...我仲記得..朱sir..話...
一個team..當有人發出求救訊號既時候>..其他人要get到....

我有加入團隊嗎?...
我既朋友....我既求救訊號..有人收到嗎?.?"

我唔聽電話喇...我唔覆喇..我唔主動sd喇...

10月1號...我可以自己去旅行嗎?
讓我心抖抖氣...我受夠了.....

聽日又去醫院喇.....
果個冰冷既地方...會唔會係我下一個容身之地..???


夠喇> <"
點解眼淚成日都咁唔生性??
我究竟做咩野??..我係咪果d憂慮症定做咩???

你係咪痴線架..??


.....""

>>September 29, 2009 at 3:31:50 PM GMT+8

2009 年 9 月 28 日 星期一 【晴】

打完日記,心裡面仍然好唔舒服._."
平時唔係打完就無咩野既咩 > <"

唔得喇..我要好好放鬆返自己._."

...入房先..係到只會更胡思亂想...

我話我鍾意冬天..
其實我心裡面好清楚...

無論係冬天定夏天...

我個心始終都處於零下N度.....

有冇人可以救下我...???"

宜家我只係更驚冬天...我要著10件3...
我唔想再感受凍呢個字喇....

我唔想要凍呢個感覺>"<




唉....
有咩好打呢..?.?"...

丫..係呀...
琴日捐血唔成功...佢話可能會魚=.="
我仲諗堅=.=..明明上次都無=.=....

點知-.-...原來真係會.=..="...

集會緊..無野做=.="...
望落去...AI-.-...魚得咁誇既=.=??

跟著SINDY無啦啦捉住我隻手=.=.::哇-.-你咩事.做咩魚得咁勁既?.?"
我::..捐血丫麻=.=.....
果個位都幾難撞到=.=...

之後CRYSTAL話..你下次咪鬼去啦=0=...

-.-...諗起就灰=.=...最激氣係連60都無>"<



仲有呀...今日上中文堂....
無帶眼鏡喎..咩都睇唔到..-.-"

阿SIR :: 呢3個POIINT係重點黎架...

我::...crystal...你可唔可以讀一讀畀我聽係咩黎架?.?"

佢:: 下=.=..好多字喎小姐-.-...

我:: 咁牙..可唔可以讀紅色果幾隻?..我見行行都有d紅色字咁既-.-

佢:: 每行果d紅色字=.=...全部都"為什麼"3個字-口-....

我:: ops=.=咁無野喇

糗到爆-.-"

夜晚....蠢狗叫我幫佢print野..原來係會考果份..
我又自己報埋名...

但個地址打完..明明無錯=.=佢都話唔得..

跟著我就sd畀蠢狗睇=.=..點解唔得架=0=!?!?

佢::: 笨-.-"...你睇下上面果幾行字...


哈=0=..原來要打英文-v-"
又係樣衰到爆-.-畀佢笑左好耐=.="

都算係咁喇....
好似開心返d lu..講下自己d 樣衰野...

我覺得...呢幾日開始..要睇返聖經...
要靈修返....做組長點可以一d 料都無係手架?.?

雖然我乜都無>_<"...
其實,我仲有耶穌..仲有紫琪......仲有....睇緊日記既你....
究竟..仲有冇人睇呢?o?

>>September 28, 2009 at 5:04:11 PM GMT+8

2009 年 9 月 28 日 星期一 【晴】

到9月28日了,
我還有時間,還能夠打2個日記,的確滿有恩典.

其實..只係我太懶=.=...唔想做功課咋-V-"

又可能..其實心真係太累喇...
又或者係我太老喇=.=...

望著部電話...其實唔換電話我諗我都無問題...
都唔係成日SD SMS..又唔係成日講電話...
宜家反而係習慣左唔傾電話=0="

今日佳龍打黎-.-..都係講左幾句就無講LU...

其實一個人既轉變真係可以好大..應該係話好快...
琴日仲係習慣緊X 今日已經可以轉為Y

以前仲講緊.好驚自己一個.
宜家,更喜歡自己一個, 果陣會畀人傷害既感覺太強烈....

我望返呢幾日既自己..唔知點解..好HIGH..
可以係咁講野=.="...男仔女仔..熟既唔熟既=.="
都係吹水姐=.=....

只係..已經再搵唔返知己果種感覺...
可能...知己..好朋友..對我黎講..就已經係SET定左你地..

但你地一個..一個咁走....
我既生命..好似一隻船...曾經係坐滿...宜家..得返2,3個....

你地係唔係都會捨我而去???

以前總係話中秋要去石澳玩...

紫琪叫我約人...我連約人都唔敢...
如果係我約...係咪真係會有人去?.?"

過幾日就去拎身份証...
代表我係一個大人...

一個一塌糊塗既大人.

>>September 28, 2009 at 4:46:58 PM GMT+8

2009 年 9 月 27 日 星期日 【晴】

話唔失望就假既._."

2次都捐唔到...
不過唔緊要啦=]"

下次再接再勵!! 總有一日我可以捐到一包幫到人既血!!

今日同勝瓜都傾左好耐計下,
其實我都唔係完全無野講果D人丫...
點解會搞到咁自閉架._."?!

中六真係好多野搞:-("

又做埋組長!!真係唔可以再hea喇\~/


今日自己一個人行緊既時候...
我係到諗緊...

以後..都唔可以怕自己一個人啦..!!

因為仲有大把時間係一個人..:D"


至於對唔住...收到了....
不過..真係既..都過左去啦=)"

笑過既,喊過既,唔開心過既,嬲過既,
都已經唔再重要..

我都要講返對唔住,,,
或者其實一開始就已經係一個錯誤.




秋去冬來, 近接未來..XD"
每一日都要笑..^^...笑起上黎都唔係咁樣衰姐 :P

>>September 27, 2009 at 4:45:03 PM GMT+8

2009 年 9 月 25 日 星期五 【晴】

關愛終於完結了, 總算鬆一口氣,
不過這口氣卻夾雜著滿滿的不捨.

新一季的組長, 很奇怪吧?...
原本一直說寧願死也不做的-_-"
突然卻又自己逞英去做了,

事源是什麼呢?...

就是今早的探訪了..^^..出發前..還一直再懊悔著,
怎麼參加了=.=?!......時間都不夠用啦.. > <"

首先..探第一家...
那個姨姨很健談..^^"
她有兩個囡囡 . 中三&中一....

突然=.=...我膽粗粗地問她..::...你星期六通常有咩做啊??
佢 :: 下=.=...睇電視....
我 :: 我地教會呢..^^星期六三點...會有小組喎....
都係同年紀既青少年..=]"食下野玩下傾下計咁架咋..唔悶架..你黎唔黎呀?!

劍雄又幫下口....

最後...YEAH!! 佢留左電話畀我呀..XDXD"
我都留左我電話畀佢=V="...

走果陣..劍雄同我講::: 拿...又幫你撈著羊喇..~~
XD"

不過..最令我深刻既係..佢話佢之前都有返過教會..(成人崇拜)..
話好悶..

我就話畀佢知有幾好玩啦...
佢既答案竟然係...因為一直冇乜人叫佢去呢D..所以佢就無咩參加...

..@O@"....
究竟呢個社區..呢個地方...仲有幾多人...有心..但係因為唔夠僕人...而得著唔到耶穌呢?

所以我要去=]"...使萬人作神既門徒~為佢做見証..!!^^

@"@...無啦啦書面語變左口語=.=...算啦..睇得明就得..嘿嘿"


今日...果然好似我想像中....咁累=.="

探訪完....探最後一家....終於明白做媽媽既難處同辛苦..
我都要好好咁孝順我媽媽> <"

不過..探完都12:50=口=!!!

走返去柴浸...
傾買咩野...大家都hea下hea下咁..其實真係有d灰=.=...
不過兩個小朋友=]"...我覺得其實佢地係有心既..^^
我都好鍾意佢地架...

之後落去買野....一個有主見既組長,,,真係好重要=_="
我係呢方面要好好學習~~~

買野...其實有一段時間心裡面好火滾...
咩叫你地食之麻..?!...乜你唔係都係小組既成員咩???
點解可以將自己排除在外??
我唔明囉....
你係唔鍾意d小朋友,唔鍾意我,唔鍾意呢個小組定係唔鍾意呢個身份?!

又可能係我誤會你啦..!!! 不過都係發up風姐~


小組..只係一個鍾既小組..其實都叫幾易捱=]"

完左....洗野...其實我自己洗晒都無所謂....
最後..自己洗自己野?.?"
alice話..好正常姐=.="
我::...咁..係一個小組黎家麻!!..點解要分得咁清楚?!

不過=.=..最後我自己都唔知點解洗左好多野-.-"

洗完..衝落去崇拜~~
哇..@o@"....竟然係未開projecter=.="→唔知有冇串錯=.=是旦啦

我就衝黎衝去..嚇死了嚇死了=.="
跟著又係咁改...
顧詠琳係咁望著我搖頭同嘆氣=.=...做咩喎>_<"

↑唔記得講...
我有問過佢..如果我做組長..叫返你入我果組...好唔好呀??
佢::唔好=.=
我::真架/_\
佢::哈哈.假架..!=.="

哈哈-vvvvvv-"

完左崇拜,做節..^^"

每次同屋企人相處既時間..都係最幸福最溫馨既..^^"
明天見你地..^^"

又做組長了...副組長係邊個呢?.?
不過學阿湯話齋,唔使咁急啦!!!仲有成個月..:D"

祈禱!! 我相信神一定會派一個最合適既畀我..^^
我會耐心等侯你..^^

>>September 26, 2009 at 3:39:09 PM GMT+8