2005 年 7 月 29 日 星期五 【乍寒還暖】

今日朝早，跟daddy 去左將軍澳同二伯爺，二伯娘，堂姐同埋佢

個仔飲茶，我地去左一間叫做小草屋既茶樓，個道既野都幾好味，

而且都唔算好貴，7個人食都只係三百，而且個度既野好似迎喜既

食物，所以我都幾鐘意食。


之後，我地就去左佢地住既屋企個會所，佢地住將軍澳中心既~我俾

我堂姐個仔拉住我不斷行，但係佢都好意，五歲，不過好似太活潑，

基本上我都好少去探佢地，不過唔知點解佢個仔好似同我好熟，拉住我

四圍走，之後同左佢去閱覽室，佢好搞笑，攞左本雜誌，跟住我都唔知

佢講d咩，不過應該係講緊一d關於本雜誌既野。


跟住，我地就去左我堂姐間屋啦，我地都坐左好耐，大家傾下計，唔覺

唔覺都講左好耐，突然，我堂姐個仔吹牧笛童，我仲岩岩坐佢隔離，但係

佢又冇按到，搞到我隻耳痛，於是我即刻坐開，佢坐坐下，都靜左跟住睇

電視，好乖冇講野，不過佢真係幾得意呀~


我地六點幾就走啦，跟住我地就去左APM，雖然有好多店舖，但我覺得都

唔係好多野行，所以我都唔係幾鐘意行Apm而且都幾多人，但係我家姐話已

經唔算多啦。臨走之前，我地去左奇華買野，之後，我地就搭巴士返屋企啦~

>>August 2, 2005 at 2:39:02 PM GMT+8

2005 年 7 月 24 日 星期日 【晴】

今日，我又去左書展啦~不過今次係同我家姐去呀~本來我仲以

為今次我會買少d書，點知又買左好多書啦~不過今次英文書較多，

今次我同我家姐買左8本書，比我上一次買得仲多，今次我就買左3

本書，有一本個名係"Charlie AND THE CHOCOLATE FACTORY"，呢本

書賣剩一本咋!我最後就買埋啦~呢本書好似拍左戲，本書好似好有趣，

係講關於一間朱古力廠同埋一個男孩，唔知好唔好睇呢???


之後，我又買左另一本英文書，本來打算買"Princess Diary"既系列，但

係呢系列既書又好似同我買左個本書比較差少少，所以就冇買到啦，結

果買左本"The Magician's Nephew"，呢本野好似幾有趣~跟住又買左本叫

做"Emma"，係著名既書黎架~不過未睇過，所以我就買左啦~今個暑假我

打算睇多d英文書，改善我d英文，因為我發現我d英文實在太差啦~

之後，我地2:00p.m.既時候就去啦，我地過左去尖沙咀食野，本來打算去

Trwndy Toon Town食，我地起初想食既野冇左，所以就走啦，行行下，就

去左Italian Tomato，佢地既野都幾好味，不過好似貴左d........而且d野好細碟，

不過原來都食得好飽呀~


跟住我地又行左一陣，跟住就搭巴士返屋企啦，唔知點解，呢程巴士好似好

耐，因為我訓下又醒下，但係過左好多次都未到，程車足足過左一個鐘先返到

屋企，比平時慢左好多喔~

>>August 2, 2005 at 2:40:53 PM GMT+8

2005 年 7 月 20 日 星期三 【綿綿細雨】

今日約左同學去書展，好開心呀~可惜dan 冇去呀~到左大

約10:00既時候，我地等齊人，就上火車啦，我今日絕大部

分既時間都係同chan mei 一齊，唔知點解呢～



過左一個半小時之後，我地終於去到會展啦~去到之後，我

地分左3批人，分開行，過左一小時後，我地就返回入口集

合，我都係同chan mei一組，同佢一齊行都幾開心，間唔中講

下笑，之後我在第一個Hall買左四本書，有兩本書係幫我家姐

買既，另外兩本係我自己買既~不過我只係買左一本英文書，

我都想買多幾本，可惜唔係太適合，而且d英文書都幾貴，有

d睇中但係就要$60~70，買唔起買唔起，所以只係買左本$30

既書，個本書我想睇好耐啦，不過一直搵唔到，今日比我見到

啦，不過呢d書好似太過易，唔適合我睇-------呢句說話係我家

姐同我Daddy講，唔係我講架~一個就話本書太易，應該要買本

深d，另一個就話本書d字太大隻，太易，其實我都有少少同感，

可能下次我真係應該買本深少少既書睇，不過都係下次先啦~


之後我地又去左Hall 2同5睇野，我又買左一本書啦，呢本書既作

者係深雪，我覺得佢寫既書都幾好睇，今次呢本我好有興趣，呢

本書係關於一間當舖，不過呢間當舖不是只當普通既野，而係人既

心臟，胃，手，腳，什至是人既靈魂......，我覺得好有趣，所以就買

左啦~不過睇左一陣都冇心機，因為好肚餓......有少少暈既感覺.........

好彩，好快大家就話走，太好啦~


之後，我地就去左食野啦，大家買左野食之後，就開始食，食到唔講

野，可能大家都覺得好肚餓啦~而且大家都食得好快，食完之後，我地

就搭地鐵，火車返屋企，搭火車既時候，我同chan mei 玩，玩到不斷

笑，之後就落車搭K12返屋企啦~

>>April 20, 2006 at 10:05:17 AM GMT+8

2005 年 7 月 19 日 星期二 【清涼】

今日朝早同Ivy去左沙田UA睇戲，我搭早左一班車，所以早

到左~之後，我地就去買票入去啦~我地去睇荒失失奇兵，套

戲都好好睇呀~我覺得好搞笑，入面有好多小朋友，所以.......

佢地笑得好勁，唔知點解，佢地係唔係都笑....，我同Ivy聽到

佢地笑，我地又笑，不過佢地既笑聲好搞笑呀....


套戲d配音好搞笑，而且又會帶出一d道理，套戲講得冇錯，

其實野生動物應該要生活在大自然，而唔係被人關在動物園

內，牠們應該要生活在適合的地方生活，有時候，有些卡通片

能帶一些道理，是值得我們去反思的。


睇完之後，我地去左"大排檔"食野，d野都幾貴，下次都係唔

去個度食......食完野之後，我地就去咗行吓，1:30就搭火車返

屋企啦~


今日夜晚我表姐突然打黎，問我同我家姐:「有咩做咗會犯法，

唔做會坐牢???」我記得之前有人問過我架!!!但係又唔記得左個

答案，想左好耐，都係想唔到，之後fox打黎，咁我就問佢，

佢竟然答我:「你唔係呀，我d IQ你都知啦~你仲問我???」我真係

......冇野好講，咁打比第二個啦，咁就打比chan mei，點知打唔通，

跟住就用icq問呀otto，哈哈，跟住佢答到我啦~係....唔識打......大家

自己估啦~

>>August 2, 2005 at 2:43:54 PM GMT+8

2005 年 7 月 18 日 星期一 【清涼】

今日，起左身之後就食野，跟住就練左2個鐘古箏，好耐冇練過

啦~有點生疏，而且隻左手按到好痛呀~左手又冇指甲戴，冇理由

又買架~咁貴，都係要練多d，練多d就冇咁痛架啦~


考試個兩首歌都幾難，一首係寒鴉戲水，另一首係漁舟唱晚，兩

首歌我到依家都未彈得熟，11月就考試啦，唔知練唔練得熟呢???

如果彈得唔好，就唔合格，又要俾錢重考啦，所以都係要努力d練習

啦~


之後，就去左學古箏啦~學完之後，就同家姐同daddy去左買野，之

後我同家姐去左昌運買野，又去番陪我買褲，跟住又衝番屋企話要睇

"Trick" ，拎住好多野，又要跑番屋企，d野又重，又有3隻沖涼液呀!!!

一人拎兩袋，搞到我都跑唔到快，最後7:30p.m.返到屋企，冇得睇一半，

不過都唔緊要啦，"Trick"之前都睇過好多次，而家睇少少，都仲記得~

不過套戲真係幾好睇呀~

>>August 2, 2005 at 2:44:29 PM GMT+8

2005 年 7 月 17 日 星期日 【晴】

今日好熱呀.........大埔有36度呀....今日下午仲約左fox去海濱

公園跑步，我本來以為會取消，因為實在太熱啦~都唔知會唔

會中暑......


不過結果我同佢都有去到，本來係打算跑步，但係跑左冇300

米，我地就頂唔順啦.......之後就停左，走左去買枝水，不過我

就唔記得左帶錢，佢就只係帶左$6.9，結果想買枝水要$7，咁

我地就買唔到啦~不過好彩果個人好人，佢話$6賣比我地，真係

好啦~最衰我冇帶錢啦..........如果唔係就唔使咁啦~


之後我地就行左一段路，行左去昆蟲屋涼冷氣，好舒服呀~跟住就

行左去草地，我地拾左d石頭扔去海，我覺得扔完好開心呀，d唔

開心既野完全扔走晒~都幾好玩，不過我冇佢扔得咁遠呀.........不過

佢d體育細胞一向都好過我，而且佢都好"長氣"架.......哈哈.....不過我

係指佢跑步~


我地就走既時候，去左遊樂場玩，嘻嘻，我覺得幾好玩呀，不過我

地轉到個頭好暈呀.......我轉得太勁，結果比fox話，嗚嗚.........


6:30p.m.，我地就走啦，我好...........熱呀..........返到屋企之後我就立即

倒左杯涼荼飲，舒服晒~

>>August 2, 2005 at 2:45:10 PM GMT+8

2005 年 7 月 16 日 星期六 【晴】

今日真係好悶，又好熱......今日食完飯之後，做左d無

聊野，到左6點幾，就同我家姐落左街，買左d野，跟住

就買野食返屋企啦，睇一陣電視，寫日記，咁又一日

啦.....暑假日日都係咁，真係好悶呀........


好彩由聽日開始約左fox日日去跑步，咁都有d節目，

唔使日日咁悶，過多幾日又約左同學去書展，真係好

啦~跟住又有得去旅行，好野~


唉~開始要做暑期作業啦，咁多~以前小學都唔使

做暑期作業，由上年開始就要做暑期作業，有點兒唔慣

喔~

>>August 2, 2005 at 2:46:00 PM GMT+8

2005 年 7 月 15 日 星期五 【晴】

今日同家姐出去沙田搵旅行社報名去旅行呀~好開心，今年去馬來西

亞呀~我都好期待架~我地住既個間酒店係別墅呀~以前都未試過，今

次好開心呀~


我地報名都搞左好耐，之後我同我家姐行出左旅行社既門口之後，又

發現好似計錯數，計多左$1000呀!!!我初頭就話冇錯，但我家姐又話有

計錯，之後我地又走返入去旅行社問人，佢地就解釋一次比我地知，

跟住發現原來係冇計錯架~我都話冇錯架啦~


跟住我地就返去大埔，同my dad食晚飯，我地又去左珊瑚堡啦~我都幾

鐘意食果度d野，今次個度d waiter都唔知做咩，要叫佢3次先會幫我地

埋單，起碼等左有10min.........搞錯.......


我地食飽左就去行行，9點幾先返屋企，今日行左好耐呀~所以好累....

隻腳好痛呀.....

>>August 2, 2005 at 2:46:30 PM GMT+8

2005 年 7 月 14 日 星期四 【晴】

之前個日記不大好，而家改用呢個~不過都係多謝fox幫我整

呢個日記板板~佢幫我整我得好...好呀~多謝你呀~我會報答你

架~你呢個friend真係好好呀~


今日朝早返學交成績表，我11:30返去，個miss 話我遲，我都

唔明點解，張通告明明話去到12:30，都唔明有幾遲.......之後，

我去左圖書館借書，都借左成半個鐘，最後借左5本書~到12:15

既時候，我就落番下面，搵my dad 一齊買書，竟然有7本書未有

，仲要有一本係maths 2a，咁我暑假點備課woo.........我最唔掂就

係math，今年暑假都係要努力d先得~


返到屋企 之後，我即刻睇d書~我最鐘意就係history，中史，dad

解釋左d文藝復興既野比我知~我覺得history都係一科幾好既科目，

可以學到好多野~

之後，我地就去左飲茶啦~本來想去迎喜，但係太多人啦，所以就

去左京都啦~我地食左好多野，好飽呀........食飽左，我同家姐就去左

行下街~行到5:30先返屋企啦~


返到屋企之後，我就開icq~跟住同ivy玩左個遊戲，都幾得意呀，幾好

玩啦，不過.........sorry啦~冇心架~

>>August 2, 2005 at 2:47:09 PM GMT+8

2005 年 7 月 12 日 星期二 【晴】

今日係結業禮，而且都是中一最後一日返學既日子，岩岩返到學

校既時候冇咩唔捨得既感覺，覺得冇咩值得唔捨得，反正9月又返

黎返學。


上到課室之後，過左一陣，Ms Yeung 同林sir 就講出品學優異獎＆

品學良好獎，我就拎到品學良好獎，其實唔多唔少都估到應該可以

有呢個獎，不過知道拎到呢個獎，我都幾開心!我班有32個人有獎拎

，好勁呀~


去到禮堂後，唱下歌，致下訓詞，跟住就頒獎啦~我見到d人拎品學

優異獎，我覺得佢地好勁呀~唔得!下年我都要努力，要拎到呢個獎!!!

其實我自己知道我今年冇用盡全力，我唔係好勤力，所以按照我既用

功程度，應該係冇品學優異獎的，所以我出年要用盡全力，努力d溫書

，考試!!!


返到課室之後，Ms Yeung 同林sir派通告呀，校刊呀~好多好多野~之後

就派成績表啦~有點兒緊張呀~結果.....都係同上學期差唔多，不過平均分

退步左少少啦~退步左1分，唉.....唔緊要，下年再努力~


最後，Ms Yeung　同林ｓｉｒ講下佢地既感受，跟住我地又唱歌，唱唱

下我有ｄ感動，滴左一滴眼淚，不過好快就比我抹左，之後，Ｍｓ　Ｙｅｕｎｇ

又喊啦．．．．原來有ｄ女仔都有喊架．．．．搞到我覺得有ｄ感動，有

ｄ唔捨得，我發現原來我今年ｆ．１既生活都過得好開心架，今年都識左好

多新朋友架～例如有ｄａｎ　ｄａｎ，ｃｈａｎ　ｍｅｉ　，鄭綺嫻，ａｎｎａ，

呀曹，霜寧姐，仲有好多好多．．．差ｄ唔記得，仲有輔導員，ｃｈｕ姐姐

，燕燕，同埋新輔導員Ｊｏａｎｎｅ～有ｄ冇打你地個名，唔好介意呀！

打打下，打左ｄ心聲出黎ｔｉｍ．．．都係打返今日既野先～


　　之後，Ｍｓ　Ｓｈｅｕｎｇ入左黎，主席送左一份禮物比佢，跟住Ｍｓ

Ｓｈｅｕｎｇ講住一ｄ野，搞到我又有ｄｄ感動，今日我真係．．．．．

唉．．．．太易喊啦．．．


　　跟住，我地又同輔導員食飯，我地今次食左好耐呀～食左都有２ｈｒ掛～

食完我地就一大班人浩浩蕩蕩咁各自歸家啦～


　　返到屋企，我就即刻開左隻ｖｃｄ睇，不過有ｄ窒窒下，好似唔係咁清楚．．．．．

>>August 2, 2005 at 2:48:31 PM GMT+8