2005 年 5 月 21 日 星期六 【酷熱】

今日又熱番啦,琴晚12點幾又同小妹去睇急症,因為兩日都未退燒呀,所以琴晚又同佢去睇醫生啦,見完醫生,醫生叫呀妹去照X-光睇下,照完之後,都好彩,唔係D咩大病.今日終於都退左燒啦,但係喉嚨仲係好沙...希望佢可以快D好番,可以再同佢玩啦~

>>May 22, 2005 at 10:31:02 AM GMT+8

2005 年 5 月 20 日 星期五 【微冷】

今日終於都無喉嚨痛啦,就黎好番晒啦,好開心,不過今次到小妹病左呀,唔知係唔係我傳染左佢,佢琴晚發燒,又要去醫院到睇醫生,睇見佢咁辛苦,真係心都痛晒啦>.<"我地兩姊妹真係辛苦啦~唉,小妹而家仲有燒,希望佢快d好番啦!!!

>>May 21, 2005 at 11:27:28 AM GMT+8

2005 年 5 月 19 日 星期四 【微冷】

今日個天氣真係好啦~又唔熱又唔曬~日日係咁就好啦~今日派左數學卷,幾驚唔合格呀>.<好彩最終都合格姐,不過仲有物理,聽呀奀講我地班物理最高分都係得83分咋,死啦,我又唔合格啦,不過就算唔合格都唔好拎十分廿分番黎丫,唔係點同呀媽交代,仲有,我好想去搵part time做呀,一黎係暑假到無咁悶,成日係屋企唔知做乜wo,二黎又可以搵錢,幾好呀~不過...我而家仲未搵到呀~希望可以搵到就好啦!!!

>>May 20, 2005 at 10:23:38 AM GMT+8

2005 年 5 月 18 日 星期三 【乍寒還暖】

琴晚落雨,又行雷又閃電,咁今朝早仲以為唔洗返學啦,點知打開電視機,乜野警告都無,真係失望
唔想返學呀....好悶,今日上PE,因為落雨唔洗跑步,係到跳舞...白痴到死,又好似俾人當小丑咁睇,
而家好呂想上數學堂呀...悶到死...又唔知佢講乜wo,聽日仲派卷tim,實唔合格啦,死啦,點算呀>.<

>>May 19, 2005 at 8:31:32 AM GMT+8

2005 年 5 月 17 日 星期二 【清涼】

今日好熱呀..........又病wo~~又要人咩住個書包大熱天時係到早會,真係想收買人命咩...都唔知呢間咩學校黎既!!!今日喉嚨仲係好痛好辛苦....我希望可以快d好番啦~~~~我想快d考完試~放暑假呀>.<~~~~~

>>May 19, 2005 at 8:34:11 AM GMT+8

2005 年 5 月 16 日 星期一 【清涼】

好黑仔呀>.<經過3~5歲發過燒之後呢個情況就再無出現係我面前,點知......琴晚又出現係我身體
裏面~發高燒喉嚨痛頭暈暈,最終都係要去醫院睇醫生(因為係夜晚,d私家已經關晒門=.=")醫生話我患左流行性感冒,本應醫生叫我唔好番學家~但係爸媽又叫人番wo~~~~衰到死既....經過咁多年之後再出現呢一個現象.....我可以肯定發燒原來真係好辛苦家,而家燒就退左,但係喉嚨就仲係好痛,希望快d無事啦>.<~~~

>>May 19, 2005 at 8:33:11 AM GMT+8

2005 年 5 月 15 日 星期日 【酷熱】

今日都幾開心,不過第一就更係要多謝呀奀同小釗~多謝佢地送隻龜公仔俾我不過我唔覺得佢會
似我=.="我不知cute佢幾多~~今日係我既生日,咁快又15歲啦~唉.......雖然今日係我既生日,我都收到唔少icq fd sd俾我既"生日快樂"字樣...不過佢就真係同我講句"生日快樂"就算,不過岩岩佢又同我講番野啦~又開心又唔開心.....唉唉唉唉.今日仲有一樣野好黑家>.<就係游完水之後又頭痛又喉嚨痛~~~痛死我啦>>>>>>>>>>>..............................<<<<<<<<<<<

>>May 16, 2005 at 10:17:32 AM GMT+8

2005 年 5 月 14 日 星期六 【清涼】

今日無咩特別~~~就係好鬼死悶~開左電腦都唔知做乜~真係好似開左等於無開咁.....又熱又悶~~~~~唉....琴晚做緊美術個張畫....到差唔多做完,先俾呀妹畫鬼花晒,擦又擦唔到,真係激死我啦
>.<又要人重頭畫過晒~~~小妹真係無解既=.="

>>May 15, 2005 at 10:37:02 AM GMT+8

2005 年 5 月 13 日 星期五 【酷熱】

今日...又係好鬼死熱~~~熱到想死....不過今日都好happy~因為我自己買左對鞋鞋黎俾自己既生日禮物...過多兩日我就15歲啦~~~時間過得真係快~~~大大話話都就黎中四~~諗番起好似琴日先入小一咁~~~唉......大奀話如果係到寫下我d測驗分既話~~~會吸引多d人黎wo~我至無咁蠢呀~~~如果你地想知~~~唯一既方法就係催眠我啦~不過都好難啦~~~hahahaha

>>May 15, 2005 at 7:02:30 AM GMT+8

2005 年 5 月 12 日 星期四 【酷熱】

今日陽光實在太太太太太太普照~~~~~~~~~~熱到差d暈tim呀.....認真攞命....經過一個星期既不眠不休(假家)終於測完驗啦~~~真係開心...不過今日測數學同物理都好唔掂呀~~~唉...真係my god lo!
不過話明物理=勿理丫ma~~都係唔好理lu~我又經過一論既辛苦,終於都將個日記薄整到有聲有色啦...算唔錯咁啦~岩岩我去左釗剃個日記到...我睇完佢個番鬧人既招數真係嚇得下人...證明左千祈唔好得罪佢...如果唔係佢可能連發夢都掛住鬧你....所以呼喻各路英雄千祈唔好惹起佢把火......因為女人定係女仔發起火上黎都好惡家....今日就此收筆~明日再黎~~~

>>May 13, 2005 at 10:09:41 AM GMT+8