2005 年 8 月 30 日 星期二 【酷熱】

故唔到咁快就放完一個暑假啦....聽日我就要返學啦,終於到中4啦...好快又要到會考,仲有一年咋.
好緊張呀,聽日見到都有d係唔識既,又唔知d老師好唔好喎!!!今日我都無出過街,因為又熱啦,而且仲未做完d summer work 喎....我本身都諗住快d做完可以慢慢玩...點知~ha~*ha~*今年中4我一定唔可以再懶懶行啦,明年就中五,我要努力先得啦!!!

>>August 31, 2005 at 10:37:36 AM GMT+8

2005 年 8 月 10 日 星期三 【微冷】

yeah~~~今去睇左分班啦...我地三個又係同一班啦....中一之後我地同小釗唔同班,而家我地又同一班啦=.="不過我地個班有d都4年一班囉....真係無乜新意+>+不過又有好多我唔識....9月1日有d驚tim,又唔知邊個係班主任...唉~~~星期一我地幾個去剪頭髮wor,唔知剪唔剪得成呢,好心急.....

>>August 11, 2005 at 9:58:02 AM GMT+8

2005 年 8 月 9 日 星期二 【雷雨】

今日我媽媽放假,所以我地同埋小妹仲有呀婆一齊出旺角買野,我買左d返學用既野,有書包包啦,校鞋鞋啦....等等等啦,我仲以為今日係星期三,會無咁多人既tim,而且仲係中五放榜,唔會有乜野啦,點鬼好多人wor=.=我地行左一陣小妹就訓著左....一路訓...一路訓...訓到我地行完街街,去食野個時小妹就醒啦...唔知係唔係一食野呢,小妹就特別精神,次次佢撒嬌個時,一話去食野同玩就即刻好開心....細路係咁家啦...我地行行下,點知俾佢見到間"美國冒險樂園"喎,今次大餐啦....佢琴琴聱走左過左...我地捉都捉佢唔住,經過幾番鬥爭,終於搞惦我個妹....唉,番到屋企,我地又有蝦又有魚....幾豐富呀,不過全部都係外賣黎既=,=原來我呀媽無買餸,諗住出街食,我就話唔好,話"晒"錢,但係其實我係想睇電視姐....哈哈哈
暑假都過左個幾月啦,我d暑假作業仲係原封不動,封塵了...聽日就係我既大日子啦,因為聽日我要返學校攞書單,睇下分到邊班啦,好緊張呀......聽日快d黎就好啦!_!

>>August 11, 2005 at 9:58:21 AM GMT+8

2005 年 7 月 27 日 星期三 【酷熱】

oh~~~~有好多日無寫dairy啦~~都有一兩個星期lu....放左暑假咁耐,我都唔知自己做過d乜野,日日係屋企好悶呀.....但係又唔想咁快返學喎....星期六我就返大陸五日....我又唔知返去可以do what喎,不過是但啦,返唔返去都係咁悶家啦,返去同小妹一齊玩下囉!!!今日同媽媽買左好~~~~~多野食番大陸呀~~~hahaha仲買左d栗子tim呀~諗住返大陸焗煮佢...擺落d炭到"卜"一聲好得意家...haha仲好好味tim.....諗起都好想食........

>>July 28, 2005 at 12:06:54 PM GMT+8

2005 年 7 月 13 日 星期三 【清涼】

哇~~~我隻腳好番少少啦~好開心呀>.<不過都仲係好痛哦....今日差唔多成日都留係屋企,只係4點個時出左去接小妹放學,因為都唔想行哦~今日已經係放暑假既第二日啦,我感覺上都好似仲未放暑假咁....我要快d做暑期作業先得啦...唔係又要到最後一日係咁"搏命"家啦~~今日就寫住咁多啦!!!

>>July 15, 2005 at 9:53:26 AM GMT+8

2005 年 7 月 12 日 星期二 【清涼】

今日好熱好熱好熱呀>.<.......今日同大奀同小釗去賣書....賣左二百幾蚊咋=.=....同我媽媽分左lu....今日都幾黑下,今朝同我媽媽買完餸返屋企個時,諗住拎鎖匙啦,點知條鎖匙跌左落電梯個條縫到,咁就無左啦=.=好彩係一條姐..........咁又俾呀媽話左幾句,賣完書,佢地黎我屋企同我小妹影相相,影左好多,而家我就叫佢地sd番俾我啦!!影完相我地就玩大富翁,好黑,得番$40仲差佢地百幾蚊,而小釗就狂係機會卡個到攞錢,最多個次拎到成$1000,都唔知有無搞錯....玩左一陣就肚餓啦,所以我地就叫左麥記,等左佢好耐先黎,而且我地講明俾$100家ma,個個人又唔帶散銀wo,而且又送鬼晒錯晒d野wo~都唔知點做野家.....飽飽之後佢地就走啦...咁就一日lu~~~~~~

>>July 13, 2005 at 1:32:10 PM GMT+8

2005 年 7 月 11 日 星期一 【清涼】

哇kakaka...我d好運終於都返緊黎啦,今日派成績表,聽我咁講就知我惦左啦,好開心呀>..<驚左咁耐終於無白費啦...跟住要入禮堂個時..我同大奀都有獎拎,但係我地都無去綵排,小釗就有,因為我地唔知,咁我地諗住去拎獎啦,點知個個miss叫我地上去,短長問短,又話俾我地拎獎又話唔俾,係d人面前咁鬧....瘀到爆,咁最後都話唔俾,頂~你娜娜聲講話唔俾咪得囉,講咁鬼死多野把鬼咩,激鬼死~
跟住放左學之後就同呀媽講,佢都算幾開心啦,無鬧我,跟住點幾鐘個時就同大奀小釗去圖書館,借左好多書,去兒童圖書館個時,仲有個小dede跟住我地tim呀,佢都好得意,同佢玩左一陣就走啦..跟住我地就去左rainbow食野,食完野行左一陣就接我呀妹放學,呀妹放學個時小釗就話今晚要黎我屋企食飯wo,因為佢呀媽返大陸shopping,所以今晚我地就一齊食飯啦,小妹仲同佢玩得好開心tim.到7點幾個時,那個八婆就打電話黎"晒"命喎,話"我派左學校啦,係鄧顯呀,第一志願呀,你呢,你升唔升到呀"超,我就更係話"我更係升到啦"...收左線之後我就對住個電話鬧"賴巴閉"咁,好叻咩,睇下你幾時讀唔到....死賤格婆,人地又無問你升邊間,自己就係到晒命,返歸啦!!!
鬧完人真係舒服晒~~~~跟住同小釗走左之後,佢打電話黎,我地就約聽日去賣書,賣完書就黎我屋企影相啦!!!今日就係咁

>>July 12, 2005 at 1:33:24 PM GMT+8

2005 年 7 月 10 日 星期日 【酷熱】

今日係星期一啦....點解..點解個天要咁樣對我,星期五,六,日已經夠黑家la,點解今日都唔俾番d好運我,仲越黎越黑tim...今日黑到燙傷左隻腳,今日下午個時,煮d粥俾呀妹食,拎拎下,倒左落自己到,真係痛到我要生要死....隻腳仲紅晒tim,用水整左幾耐都唔好,仲以為我隻腳無囉,驚到我喊>.<......真係好痛,屋企又無燙火膏wo,跟住咪忍痛咁行落百佳買,我一生人最怕痛,今日就俾我痛到"不生難忘",而家擦左仲係好紅同好痛呀,我好驚驚哦....希望快D好番啦!!!仲有聽日攞成績表啦,今日咁黑都唔知聽日點我都諗到會係好慘,我希望聽日會轉運啦,我唔想再受D咩痛楚啦,真係好慘,希望上天保佑我啦!!!!!!!!!

>>July 11, 2005 at 10:50:30 AM GMT+8

2005 年 7 月 9 日 星期六 【晴】

咁快又到星期日啦...時間過得真係快,又係時候攞成績表=.="好悶呀呢幾日.........又唔舒服wo.................唉..."真係衰開有條路~~~~~~~~~~~"黑........

>>July 10, 2005 at 10:53:42 AM GMT+8

2005 年 7 月 8 日 星期五 【雨】

.........琴日既黑氣仲係纏住我,好慘呀!!!因為我個頭好痛呀...痛到爆啦,好唔舒服呀,仲暈下暈下tim............又俾小妹搞到得番半條人命,真係"大去之期不遠矣".....衷心祝福我吧T.T

>>July 9, 2005 at 8:10:27 AM GMT+8