2008 年 6 月 14 日 星期六 【微雨】

最近都比較多野做~~
因為山水係咁不停出去filming~~
想係office 做下野都難
------------------
過多幾日就廿五歲
今日搭緊車又係度諗
廿五歲--乜真係咁大個喇! 但係自己好似仲係廿歲~~過多幾年好快三十~~
諗落都不知幾灰, 唔可以再浪費時間~~

諗左幾樣野要做:
1.呢幾年要好認真好認真咁諗去搵多 d 錢~~
2.要去好多好多其他國家體驗下,好似埃及,約旦 克羅地亞..
3.要睇下d 文化 /文學 的書, 提升番自己涵養

>>June 14, 2008 at 11:02:38 PM GMT+8

2008 年 6 月 2 日 星期一 【綿綿細雨】

上星期四出了第一次OB (outside boardcast),
其實都只係去望下,實際上無怎樣幫手~~(是ETV ONLINE 一個關於四川大地震的網上直播節目)
但無論怎樣都上了寶貴一課~
大部份時間都坐在OB Van 上看著 Jessie 用panel 控制四部cam ,
我只是提醒她下一個item 是什麼 ~~感覺上做OB是要協調得很好才不會出錯 ~
下班後, Jessie 請我吃晚飯 , 席間的談話使我又學習了一些東西 ~
每件事情都上心一點, 自然就會做得好, 也不會有什麼遺漏或差錯
Jessie 真是我在工作上的老師~~

星期五第一次在台錄VO , 又學了東西~~
希望會做得好點, 一點一點地改進~

星期六出左蒲台島附近海域拍燕鷗 , 完全不在狀態~
成個拍攝都是烏下鳥下~~唔好有下次

>>June 2, 2008 at 1:54:49 AM GMT+8

2008 年 5 月 21 日 星期三 【暴雨】

下午，2時28分，13億中國人都記住了。
2008年5月12日這一分鐘，地動山搖，之後，你們在逃命，之後，小孩沒了爸和媽，夫婦失去獨生兒。

2008年5月19日同一時間，防空警報與汽笛鳴響，傳遍960萬平方公里的國土，由汶川，到北京 ，到香港，到西藏 ……這3分鐘，我們放下了工作，低頭，不語，飲泣。
----------------------------------------------------------------
自5 月12 日四川大地震後 , 我時刻都留意新聞報導 ~
真想不到地震的災害是如此巨大, 如此無情
看到一幕幕地震後受災的畫面 , 真的讓我十分難受,
每一次看到無私, 捨身為人的報導 ,又或是一些死難者家屬哭得肝腸寸斷的片段, 總讓我不自覺眼晴濕了起來~
但我總害怕別人看見自己流淚的樣子~

這應是自911 以後 , 第一次看新聞報導看得 自己漲紅了眼
可能真是血濃於水的關係 , 看到他們身處水深火熱 , 自己也感同身受 ~

全國哀悼日 , 人生第一次的默哀 , 在工作中 看著電視傳來防空警報的響號 ,
這一刻 聲音把空氣都凝住了。我真的很想哭, 心情是多麼的沈重

>>May 21, 2008 at 2:17:28 AM GMT+8

2008 年 5 月 13 日 星期二 【晴】

返左港台個多星期, 的確比之前時間充裕左~
而且工作量不是太多, 可以話相當輕鬆~~
不過同其他人仲需要時間磨合同認識, 希望呢段時間可以快D 過~
contract 五個月, 之後點無人知~

上星期四同jessie 從昂平行上鳳凰山, 第二次上去, 天氣好好,
好開心可以自己落手用部hdv拍左d shot ~
不過拍左一餅帶先發覺拍左DVCAM, SHIT !!, 上到山頂又無電, SHIT X 3 !!

今日就去左沙頭角, 同埋鴨洲~~如果唔係做野應該都去唔到,
因為要申請禁區證先da~
沙頭角唔大,有些少似大澳, 不過因為無開放, 所以對外人來說有些神秘感
鴨洲 , 一個因信主而改變的小島~~絕大部份居民都去了英國
由幾位歷任,現任村長細說鴨洲的歷史~~
現時島上只有數位老村民居住, 但很多樓房都在修葺,挻恬適
--------------------------------------------------------------
最近有D freelance 做下~算係咁喇~~
好似之前開左日P.A, 做下Chroma Key 退地, 而家幫cartoon network 做d animation~
--------------------------------------------------------------

>>May 13, 2008 at 10:24:06 PM GMT+8

2008 年 4 月 19 日 星期六 【寒冷】

上個星期 , 終於拎起心肝入左bB club~
交埋會費~出席左第一個活動....晚飯加合大合照
其實蠻好玩的, 特別是幾十架bB 係路上跟著行, 挺吸引別人的目光~哈
但是要花點時間去認識車會的人~~ (最討厭既人際關係 >__<)
-----------------------------------

現在既自己真係比以前 諗多左好多野 ~ 越來越發覺真係要為自己將來打算 ~
已經唔係以前可以有咁多時間來浪費 ~ 見著身邊的朋友有些結了婚,,
有些 努力 儲錢,,供樓結婚 , 有些努力為自己前途打拼
其實我真的很替他們高興 ~~~

但是 見到自己 真係覺得迷茫 , 我 一直想追求的到底是什麼呢 ??
~答案 可能只是一些很簡單的東西 ~~

>>May 13, 2008 at 9:40:02 PM GMT+8

2008 年 4 月 11 日 星期五 【晴】

~好眼訓,又累~~!
呢幾日日都係亞洲博覽館 set 場~~
(如果唔係用晒d 金錢都唔咁勤力)
幾乎都是朝7 出門口 , 凌晨先返到屋企~~
不停在博覽館唔同的hall 穿梭, 腳仔都無力喇~~~
明日又要8 點到博覽館, 訓果幾粒鐘, 看來都要遲到~~
-------------------------------------------------------------------
今日係場度, 見到阿烈, 原來佢又係幫佢friend 來 set場, 撈下part-time
夜晚收工仲一齊坐的士出旺角, ~~
食野果時 問我不如呢邊走開2 日, 一齊過澳門威尼斯那邊做2 日 ,
悠悠閒閒而且包埋酒店訓一晚, 我覺得好似好好玩wor~~
可惜轉頭幫我問的時候已經full 晒 ~~>>__<< ~~
不過唔緊要啦,機會實有gai~~
等下次吧

>>April 11, 2008 at 2:55:06 AM GMT+8

2008 年 4 月 10 日 星期四 【晴】

如無意外, 四月尾應該開始在港台上班~
我希望可以應付得來, 坦白講,-真係有小小緊張~~
雖然共事既係同一班人, 同一個工作地方,工作性質又差唔多 但畢竟已是2 年前的事了~~
自然有一種既熟識又陌生的感覺 ~~!

回想起最初仍在港台實習的時候 , 曾希望畢業後可以有機會進入港台工作(其實可能係希望可以打政府工)
那時候確實覺得機會相當渺茫 ,因為深信在講求學歷的社會和政府的制度之下 ,
沒有Degree 應該也很難可以申請, 而且要通過政府面試,更加沒有信心
~~所以只是一個美麗的遠景~~
想不到心願竟然有實現的一天..(雖然我只是一個時期的合約,但足矣)

我覺得世事真是很奇妙~~像好多東西早已安排好, 只是時間性的問題~
-----------------------
由F.6,7 開始, 我只係有興趣讀新聞系, 希望可以做關於採訪的工作 ,
到考A-LEVEL 成績不堪入目, 樹仁又唔夠資格的時候, 只好退而其次報ive ~
結果想讀藥劑又唔得 ,酒店又無我份---派左 最尾 果個志願~Digital media~
好唔開心讀左一年,
到 year 2 臨暑假 收到有實習的消息, 唔知點解全班得我一個報RTHK, 個個都填電視台,,
到去面試果時先 發覺 原來其他班 有好多人都來interview~~
心想一定無我份, 因為我又唔係d 成績好既學生, 而且做個SOFTWARE test (Flash)
果時係完全唔識做同無做,,點知最後收信通知有份實習~~自己都唔信!
Anyway ,俾左個機會我入行 同 做到我想做既行業
~~~兜左個大圈,,真係奇妙~~
-------------------------------------------------------------------------
阿媽話 細個帶我返鄉下 既時候 , 帶我睇個好準的睇相師傅 ,
佢話我四十幾歲會做官, 呢句說話 我記左係心裡好耐~
因為連我自己也覺得, 怎樣看,我也不像會有機會做官的樣子~
所以準唔準, 到時先知..哈哈

>>April 11, 2008 at 2:23:12 AM GMT+8

2008 年 4 月 4 日 星期五 【晴】

真係好奇妙~~
當我想認真找野做的時候 , 竟然不用怎樣找已經不停有工作接踵而來問 ~~哈~奇怪~

好像早前有人找我freelance 2 個月用AE 剪片, 我考慮了一晚拒絕了,
因為不想被困身2 個月, 雖然有人同我講可能會請Full time later~

之後前晚msn 正問人做3d 果d 事情時,,有人send 左個msg 大概是---
有人在找工嗎, 有公司想找人用xsi animator , provide 埋training ~
自己有d興趣,拎左contact ~ 打算第二日打去try 下~~

第二日未訓醒,就收到 Jessie 電話 ,問我是否在那兒做, 我話已經無做了~
接著她就說, o岩了,那來rthk 做住PA跟山水~

到了晚上開緊散工的時候, 又收到個電話問黎緊D 時間點, ~~有FREELANCE 睇我接唔接~~人

我真係咁好彩~~~

>>April 4, 2008 at 4:20:34 AM GMT+8

2008 年 3 月 27 日 星期四 【晴】

旅行回來之後, 其實也是時候開始要找工作了~
畢竟唔可以整天待在家裡無所事事吧 ~!! (雖然仲係好想周圍去下)
但係自己都唔知道想找d 什麼工作來做,
不過希望新工可以舒服d 同多些私人時間喇 ~忡有就係優厚人工~
-------------------------------------------------------------
係復活節假期間去左西貢露營~應該都成2 年幾無去過~
好開心因為又可以, 成班人行下山,露下營, 大家有講有笑, 唔使諗其他野~
不過個個都遲大到, 實際去先行左好小路就紮營喇~
晚上係營裡面大家玩遊戲 , 真係超開心喲 ~
呢種感覺令我勾起以前好多歡樂既回憶, 做野之後真係無乜機會lor~~
第2 日走, 本來諗行山走, 結果落大雨, 個個都由頭濕到落腳, 我直頭濕晒~
最後 call 船出黃石碼頭走~大家涉水係沙灘上船, 好似打仗撤退咁
好狼狽,但係又幾刺激, 貫徹歷奇宗旨..haha~~~

>>March 27, 2008 at 3:23:33 AM GMT+8

2008 年 3 月 18 日 星期二 【晴】

8 日的日本之旅終於完左~~
自己買左好多東西, 估都估唔到~差點沒手拿~
今次無去京都, 有小小遺憾, 不過唔緊要啦, 下次有機會先去~
~~櫻花真係幾靚, 如果櫻花真係開晒, 真係會好浪漫~~

今次去完日本, 突然多左一d睇法,亦都對自己又認清多左~
一. 原來大阪係超多靚女喲~~(日本女仔真係唔錯, 感覺唔識講,有個日本女朋友仲好..哈)
二. 東京比大阪好多, 因為玩同購物都豐富,同多變化些~
三. 原來輕井澤真係好正,好美麗, 我會再去呀, 周圍都是白雪,好歐洲喲,如果同愛既人去仲好~
四. 日本人對做事態度嚴謹,同好自信~
五. 原來我真係一個專一的人, 因為買親既波鞋, 睇番其實都是 一樣,只是不同牌子~
六. 原來我真係一個性急的人

我發覺原來我去旅行既定義同大部份人唔同~~
我喜歡去很長的旅行, 最好可以四圍流浪, 不需什麼舒適的住宿和美味的食物
我喜歡去看景色和古蹟, 多過只在購物區shopping..
我喜歡用步行的方式去感受那個地方的氣息, 而不是單靠車輛~
去旅行除了是relax外 , 對我而言也是増廣見聞的時候~~
所以我去旅行可以是刻苦~~
----------------------------------------------
---------------------------------------------
今次在整個日本旅程裡, 曾遇到2個女孩,
真是令我著迷得忍不著的偷望著她~至今我仍忘不了~哈~~

一個是當我在環球影城輪候機動遊戲時排在我前方的小女孩,
她彷彿好像知道我望著她, 所以她也常常會不經意的朝我方向望來~

另一個是在JR火車上的一位女孩
相對很多日本女孩來說, 她樣貌一點也不出眾..但是就是感覺的問題吧~
看著她臉上輪廓, 我就已經著迷似的有種說不出的感覺~

有機會再遇上她們嗎 ??
哈哈, 相信不會有發生吧 ~

>>March 18, 2008 at 5:24:57 AM GMT+8