2008 年 3 月 4 日 星期二 【晴】

不知不覺休息左成個月, 日日都很晚才起床, 有時什至訓到傍晚時份~~
自己都覺得唔可以再咁懶了
去完旅行之後要開始找工了, 如果唔係真係無錢用了~~

今個星期日就出發去大阪, 不過感覺 怪怪地~~好似有預感會唔好玩~
日元呢排不停上升, 而家差不多 7.6 ~~比之前多一元~~ >__< SHIT ~
而家酒店BOOK 好晒, 但仲有D 行程未PLAN,其實好多地方想去, 但無時間~~

>>March 4, 2008 at 6:39:25 PM GMT+8

2008 年 2 月 13 日 星期三 【晴】

01:36 AM
原來已經成半年左右既時間無寫 過日記,
決定從今日起開始寫番~~開始新的一頁
要記番低自己做過乜 ~~
----------------------------------------------------------------
自從2 月 , ,終於可以放下工作既包袱 , 因為已經 辭左職 , 真係成個人輕鬆晒~~
之前做年宵, 忙足7 ,8 日, 累到極點, 最終成績係平手離場, 多謝有黎過幫手既朋友~~~~多謝晒~~
雖然得個做字, 但總算得到寶貴既經驗 ~~

新年日日都係無點訓, 晚晚去子健屋企睇波同玩, 真係燃燒自己既生命~~(呢半年黎我多左同佢地玩 . )
其實同佢地玩多左有好有唔好啦~~哈哈
也
唔使返工, 當然要休息一排先, 應該會再去去旅行, 阿華已經拎左月尾假, 不過我都唔知點~~

----------------------------------------------------------------
----------------------------------------------------------------
其實很想找個女朋友, 不過總係覺得愛情呢樣野似乎離我很遠很遠 ,
可能我真係遺忘左那種感覺 ~

我一直都唔明 - 愛情 - 呢2 個字既定義, 究竟是什麼時候去選擇開始 ?
- 愛情 -
是倆個喜歡的人走在一起以後才開始?
或是倆個沒感覺的人開始了以後才慢慢找尋愛?
或是大家只在乎倆個人在一起的感覺 ?

我真是感到很茫然 , 可能是自己太過執著 , 咁多年錯過了很多機會~~
唔知從何時起, 我已經失去了原動力

>>February 13, 2008 at 2:53:18 AM GMT+8

2007 年 9 月 14 日 星期五 【晴】

~~係公司開 左 2 晚通宵~~
~~人地返工我收工 ~我返工人地放工~~
---------------------------------------------------------
前晚比賽, 自己射入左2 球,感覺自己體能遜斃了~
同以前既我相比 , 真係差天同地 ~~
(我都係要講番果句說話 : 話晒以前讀書果時都拿過幾年 陸運會 既全場總冠軍 同無數既運動獎牌 ~~點解而家淪落到咁 ?? )
自己真係肥左唔小,見到都......... (努力減肥 ~~~~要)
不過之後係九龍城食小曼谷, 都係咁 不停吃 (我自己都係一個忍唔到口既人~~)
--------------------------------------------------------------------------------------------
最近係電腦無意找到呢幾年自己影相 d file , 留心睇左一遍 , 發覺以前原來有咁多開心既時間 ~~
同埋以前靚仔好多架 ~~ 而家就dup dup dup ~~憔悴
------------------------------------------------------------------------
今日係msn ,好耐好耐無見online 既 佢~~
同我say 左個 hi ~
雖然只係好短既幾句message ,,但係已經足夠令我開心左成個早上~~
快樂其實就是這麼簡單而已~~
我真係好想知道佢生活過得怎樣 ~

>>September 14, 2007 at 7:37:40 PM GMT+8

2007 年 8 月 14 日 星期二 【晴】

去左雲南返來之後, 上個星期又去了台灣四日三夜~~
唔知點解~無左果種好興奮既心情~~
可能係太趕既關係, 臨去前一日先知第日出發去台灣~~
所以無research 想去邊 ~~ 到左之後都無什麼特別地方想去~~

不過今次其實都有d 好既地方~~
好似去果時坐長榮,,機位超正, 坐機頭位置, 個座位又大又闊,
我地懷疑係咪upgrade上business class~~哈哈~~

而我地住的酒店都相當唔錯~盛世皇朝大飯店~
地址:台北市松山區敦化北路100號, 對住台北小巨蛋~~
係商務型酒店果類

最後係自己台北搭火車去基隆~
個感覺唔錯, 有番d 去旅行感覺~~
--------------------------

>>August 14, 2007 at 2:10:00 AM GMT+8

2007 年 8 月 8 日 星期三 【晴】

11/7 - 24/7 雲南遊記
--------------------------
7 月11日
早上5,6點先訓, 一訓就訓過籠, 阿媽一叫醒我已經是6 :50, 我一定要到觀塘搭7:30開的直通巴到廣州,
因為朋友同我買左車票 好好彩我竟然可以趕到過去. 擦一額汗~~
我地11 點 到廣州, 先到朋友親戚家食午飯安頓下, 我 同時去銀行換錢 , 因為身上得港紙~最終換唔到,
因為佢地d 效率真係慢到 pk ~~

我地搭14:07 的火車(廣州-昆明) 硬鋪, 好似350 元左右~~ 同室仲有1 男2 女~~加埋我地3 個人 = 6 個~~
車程 1600 多公里, 時間約 26 小時, ~~
第 一日就係咁 係火車 上渡過, 我就訓覺,我朋友亦和同室的 人傾計打發時間~~
我記得晚上望出窗外, 真係滿天星星--好靚~~
12點就訓著了
------------------------------------------------------------
7 月12日
好早訓醒, 都係無野做, 我就聽朋友同其他人傾計~~
原來佢地同d 人傾得好好, 主要講雲南邊d地方要去, 邊d地方正~~
如是者大家就認識起來~~
一位叫 " 馬潞 " 的小姐 我地後來有一半的時間都是和她一起去旅行, 因為她常常都到雲南去,
所以佢就成為了我們的響導~~

火車係下午的4 點多 抵達昆明, 天色暗暗 的 , 之前查天氣報告都知道昆明這邊多雲有雨~~~
因為沒有訂酒店, 所以我們就向在火車上認識的一位 倪先生詢問他所推介的抵住酒店位置,
想不到他竟說 會帶我們到酒店之後才回家,
天開始下起雨來,良久也上不到的士, 倪先生建議乘公巴再轉車,
雨也正越下越大, 雷電交加, 想不到一到昆明天氣就變得這麼壞~~

到轉車站的時候, 等了很久也沒有巴士, 的士也沒有, 心想真是麻煩到人家,
本來倪先生可以早早回家休息, 但現在卻這麼折騰~~
不辭勞苦的倪先生半身濕透, 最後他打電話叫他的朋友專程駕車來接我們過酒店那邊,
替我們打點一切後才離開, 真是令人很感動~倪先生太好人了,我真的很想找機會謝謝他~~

晚上雨細了, 我們就相約火車上的馬小姐一同出去, 她帶我們到昆明的金馬碧雞坊,
一間叫"橋咀園"的餐廳品嚐最出名的過橋米線~~而且由她作東, 我們無論怎說她也不肯由我們請,
最後我們只能決定到麗江時一定要我們作一次東~~

過橋米線來了, 有很多東西啊, 有一碗大雞湯,一碗米線,4,5 款配料, 生的豬肉片,魚片,等等~~
由馬小姐教我們怎樣吃, 先放什麼再放什麼, ~~
真的很好吃哦~~~也吃得很飽~~
真想不到出門會遇到 2 位那麼好的 人~~
---------------------------------------------------------
7月13日
早上去附近的東西寺塔先參觀, 其實無什麼特別, 之後順著路往翠湖公園去, 沿路望望昆明的市貌.
坦白說昆明相對我五年前來已經變了很多,現在已很現代化, 也算乾淨,旅遊業發展成熟~~
走了三十分鐘到達翠湖公園, 第一眼見到就是荷花同池塘, 也令我想起花潮的文章~~

在翠湖公園裡看到的都是一些亭台樓閣, 池塘荷花, 也因為翠湖公園面積大, 我們在裡頭四處走走拍照就算了~~
(翠湖本與滇池相接, 後被當地的官人改為自己的花園, 所以就被人用泥土填平分隔開)~~
之後順道參觀附近的- 雲南陸軍講武學校- ~(黃色的外牆加一個敞大的草地是也)
行左個圈我地就打開地圖往著名的圓通寺去~
圓通寺入場費4 元, 寺內有好多公公婆婆參拜~
裡頭香火_盛, 同時傳來頌經的聲音, 很有感染力,
我們在寺內慢慢蹓達, 離開時我買了一些護身符~~
因為時間尚早, 我們本打算往金殿風景區去,
但找了很久也找不到要找的公車, 最終去了昆明動物園,
一個肯定不會再去的地方, 因為動物園竟然無動物看, 最多就是馬騮,
而且設施殘舊 ,根本不值得去!! 但唔知點解裡面都是那麼遊人如鯽 ~~
係好失望的情況和疲憊下, 我地搭的士回酒店稍事休息~~
(昆明日照時間長,晚上7時天仍是光的,要到8 時才入黑~~)
晚上我地當然再出去金馬碧雞坊那邊~~看看昆明市內晚上的氣氛~~
因為天氣比頭 一天好,, 所以到處都是人, 非常熱鬧, 而且金馬碧雞坊2 傍的牌樓也亮起燈來,
好不漂亮耀目整個人的心情也興奮起來,
(金馬碧雞坊可算是昆明的地標和中心,鄰近都是大型商場和名店集中地)
我們到處走走, 看看直到夜深去回酒店休息~~
------------------------------------------------------------------

>>August 10, 2007 at 1:00:17 AM GMT+8

2007 年 7 月 11 日 星期三 【晴】

03:03am
今日出發去雲南旅行, 而家仲未執好野, 人民幣都未兌換~~
應該會去14 日, 雖然已經去過一次, 但對雲南的印象都幾模糊,
希望天氣好喇~~~可以開開心心玩 ~

如果唔去旅行的話, 今日應該都會出發去新加坡做野~~
屋企人問點解唔去新加坡, 而去大陸~~~
工作點同去玩呢 ~~哈哈~

14 日後見 ~~~

>>July 11, 2007 at 3:13:14 AM GMT+8

2007 年 7 月 4 日 星期三 【晴】

終於講左唔做, 但係老細留我..
唉~~怎麼辦~~

------------------------------
想去Vancouver讀個course , 一年制,
但係學費成年要四十萬, 連埋生活其他野~~
真係唔使諗, 除非突然間户口有五,六 十萬
會唔會有奇蹟出現~~~~

>>July 4, 2007 at 11:55:25 PM GMT+8

2007 年 6 月 30 日 星期六 【晴】

今日陰,驟雨~~
同我心情 一樣~~
想辭職, 但開唔到口~
朋友不停叫我辭, 要同佢地去長旅行, 而家係等我~
煩, 點解自己份人永遠都係咁~

要拎起決心~!!

>>June 30, 2007 at 2:37:32 AM GMT+8

2007 年 6 月 16 日 星期六 【晴】

細妹6 月頭去左歐洲成個月旅行~(好羨慕!!)
媽咪同細細妹月尾去台灣旅行

我都想去a,真係唔知可唔可以拎到假~~
今年想去番中國, 想去十幾日, 已經找左2 , 3 個朋友同我去,
要找下資料plan 下,
之前諗住去上海-杭州-蘇州-南京同黃山~~
------------------------------------------------------

聽日17 號, 生日~
唔知有幾多人會記得 ??
阿Van 之前打過黎問, 算好喇~
肥鋒之前都請左我食飯, 好過無~~哈哈~~

24歲喇, 點解咁快 ? 好老 !
年年生日前, 我都會諗起一樣野~
今年都無例外~
唔........無奈
--------------------------------------------------

最近返工放工都聽住同一首歌,不停LOOP 住~~
真係好好聽~~

Sister Garden花園精靈 ---- 謝謝愛
雨下好了　半個夜晚
你不在身邊怎麼晚安
天好藍　要和你一起看
起風時有你來溫暖

心是簡單　一句說完
要我們永遠不會分開
流眼淚　也因為你燦爛
你微笑因為我盛開

要謝謝愛　讓你
在我身邊守護我的未來
有多少美麗奇蹟
你手心裡全都期待　好期待
要謝謝愛　讓我
學會寬容學會體諒關懷
像陽光陪著大海
是平靜還是澎湃　都是愛

心是簡單　一句說完
要我們永遠不會分開
流眼淚　也因為你燦爛
你微笑因為我盛開

要謝謝愛　讓你
在我身邊守護我的未來
有多少美麗奇蹟
你手心裡全都期待　好期待
要謝謝愛　讓我
學會寬容學會體諒關懷
像陽光陪著大海
是平靜還是澎湃　都是愛

>>June 16, 2007 at 1:27:40 PM GMT+8

2007 年 6 月 10 日 星期日 【晴】

今晚去左打邊爐見番個舊朋友, 好開心 , 因為以為唔會有機會見番,
都差唔多無見佢 4 年, 佢去左外國讀書 , 我又無左佢電話, 大家又住得遠
今晚見到佢其實無點變, 只係覺得生疏左, 不過傾多幾句就熟絡番~~
我同佢都幾投契, 所以見番佢真係開心ga ~~

>>June 10, 2007 at 1:48:25 AM GMT+8