2005 年 10 月 18 日 星期二 【晴】

今日 very happy~事關放左學有兩個靚女─剛quit U的fa Carmen and 中大Wing同我去食飯
哈哈~係咪好膚淺呢我?

食完飯上左黎打炸彈人~ 炸到肥Wing 血肉模糊, 哈哈
carmen掛住玩電腦~ 所以避過炸死o既厄運

本來今晚係想做功課ga....haha
黎緊呢個week都幾多野做....

P.S. 睇返我舊時d相.....真係好x瘦
同而家簡直判若兩人
如果我再係咁肥落去的話真係不得了

所以.....我決定做多d運動!!!!!!!!!!!! 唔可以再肥落去~唔想俾人叫肥仔~

>>October 18, 2005 at 5:53:55 PM GMT+8

2005 年 10 月 15 日 星期六 【晴】

「真係估唔倒有d人睇野咁主觀，讀到副學士都係咁
名譽掃地，我講得出就做得到」

係一個我在幾日前聲討的人

我唔知佢係咪講我呢?哈哈
睇野主觀~我話你主觀就真~哈哈~ 我日記篇野係各位的心聲 ~ 何解會被認為主觀@@?
副學士? 我係degree黎ga,.,,,,,你未免太outdated 了.....i am so sorry

講得出做得到? 好! 有志氣! 我一定會支持你!
我相信你有一日會做得到~ 但我想你知道~ 創業並非是靠別人的手~ 而是靠自己的
你聽過有人是靠借人地錢而發達的嗎?

你以後醒醒定定做人喇~ 咪話我唔提醒你
你宣道d fd就實冇硬ga 喇~
日後o既路~ 你自己顧自己la
拜託你唔好再搵CAC d人~十萬個唔該

>>October 16, 2005 at 4:35:01 PM GMT+8

2005 年 10 月 15 日 星期六 【晴】

終於返到home
阿公已經安樂咁入土喇~我一返到去見到佢訓晌棺內...都嚇左一大跳
原來佢星期4晚20:45就去左....mother到大陸時係2040.......無緣奉茶..
阿公係晌回家途中離去的, 途中眾子孫為他奉茶~ 佢係仲識飲茶的! 但在每人奉完茶後....他就去了~ 他應該是想回家很久了~ 撐了這麼久~ 實在太辛苦了

辦喪事一共開了88圍枱~! 總共有一千多人出席! 阿公果真係人緣好~ 有咁多人為你而來~ 應該十分安慰吧!

阿公~ 希望你可以晌上面玩得開心d~ 快d搵多d伴同你捉象棋, 飲燒酒la! 唔駛掛住我地ga la! 哈
得閒就保佑下我地啦!

>>October 16, 2005 at 2:58:57 PM GMT+8

2005 年 10 月 12 日 星期三 【晴】

恭喜哂呀~Carmen Yu!!!!!!!!
終於俾你等到喇!!!!
開心死啦!!哈哈

我識到個fd做空姐呀!!!!
遲d一定要出黎唱K賀賀佢!!!!!!!!!!!!!!!

>>October 13, 2005 at 2:10:36 PM GMT+8

2005 年 10 月 12 日 星期三 【晴】

唔該大家唔好再係咁問我做乜返大陸

>>October 13, 2005 at 1:34:48 PM GMT+8

2005 年 10 月 12 日 星期三 【晴】

聽朝就返大陸~預定星期日下午返黎
今次一上~就可能以後都見唔返阿公喇~.......

人生就是如此化學
冇野係唔會變的
你每次出親街都可以安然回家~ 就會以為每次出街都好安全
但係其實日日都係唔安全
阿公次次飲燒酒都冇事~ 我地就以為他飲酒好少事~ 唔會有事的
點知突然就有一次意外了

珍惜每一天呀!!!!!

>>October 13, 2005 at 1:29:02 PM GMT+8

2005 年 10 月 12 日 星期三 【晴】

有一個fd~ 以前沉默寡言~而家講野成個sales咁
以前俾人感覺好踏實~而家俾人感覺好討厭

由個多月前開始問人借錢~要數萬元~但不肯說借錢原因~只說家中有事
不久後他說~事情已告一段落~不需要再借錢

靜了一個week左右~他又來了~還要我幫手約哂全世界人出黎食飯~初初以為他真的這麼有心~原因又是為了錢~ 借錢原因仲衍生出多個版本~超炫! 失望!
始終都唔肯講借錢原因~似乎佢當我地係唔識思考的.....以為我地會信佢d借口,,,

之後他send了一連串SMS來向人們道歉~ 但是已經沒有用了~ 已經知道又是一個把戲
這兩天又打來~說有工介紹我~part time文員來的~ 話比我現在的$4000 part time還多! 自選上班時間! 人工一定多過我個度~ 但係又講唔出幾多$一個鐘! 講唔出一個月要返幾多hours! 我話我一個月返幾日工就有$4000, 平均一日成千銀~ 佢竟然可以話「一日先$1000~唔係好多姐! 」我頓時俾佢吹漲左～　佢仲好ｘ緊張咁叫我入去做～話機會只此一次~ 又話好多大學生都入去做

9成肯定佢係俾d直銷呃左=.=而家想搵ｆｄ笨！　實在太仆街喇！ 點解一個人會變成咁架?
以前咁踏實~點解而家可以為俾搵快錢蒙蔽左架?錢真係害人不淺~ 大家唔好太看重錢呀 ~ 太過為錢, 會傷及親情, 愛情 同埋 友情的! 會眾叛親離的!

已經完全死心~ 就當我未曾識過呢個人~
唔會再聽電話~因為實在太過滋擾

你如果見到呢篇野~想為自己辯護的話~就打上留言度~唔好再打俾我同其他人~真係好x煩的

>>October 13, 2005 at 1:07:49 PM GMT+8

2005 年 10 月 9 日 星期日 【晴】

一朝早mother打黎....喊住口咁叫我預定12號返大陸.....
冇多問落去......
大概都知道係咩事啦....

>>October 10, 2005 at 1:25:38 AM GMT+8

2005 年 10 月 8 日 星期六 【晴】

今個星期6,日得我同sister晌屋企, mother同brother上左大陸探阿公
剛剛回來
得知阿公病情每況愈下, 有點難受..

雖然我同阿公感情不深, 但是mother同佢深丫嘛, 有邊個子女見到父母病重會不感痛心?
mother見父親病重而哭, 我亦為母親哭而傷心...

剛同mother傾阿公d野, 見佢冇喊, 還在為家造飯....真的為難了她
想叫她不要造飯了, 出街吃便是
但又說不出口
也許讓她做事會比較好過, 至少可以減少一下對父親的擔心
就讓mother做喜歡的事吧~

今日我整早餐食, 整到個鑊燶哂..(唔記得熄火)
mother返黎同我講...叫我以後唔好自己煮野食, 唔係屋企失火燒死哂我地都唔知咩事
佢平時只會鬧我點解咁唔小心
家陣叫我唔好整野食....我覺得佢心底裡已經覺得阿公時日無多.....怕冇埋阿公之餘會冇埋屋企人

我實在太不孝...現在竟然還要mother為我擔心
(其實我已經盡力清除鑊上d 燶漬ga la.......但係我唔記得左清埋個底....俾佢發現左..><)

唔打喇.....一路打一路有d眼濕
男人流眼淚實在太樣衰~哈哈!!!!!!!!!

>>October 9, 2005 at 9:41:21 AM GMT+8

2005 年 10 月 7 日 星期五 【晴】

點解我會like張韶涵d歌呢?
話說有一次肥wing俾左張音樂會飛我, 去左聽, 覺得好悶....d live好難聽.....有d後悔去左.......

個音樂會有好多新聲音, 但個個都冇乜特別過人之處
當主持向人介紹張韶涵時, 我只見一個身型非常細小的女仔.......以為又聽多一首悶歌
但佢一開聲時, 就將我從沉悶中振奮起黎, 哈哈, 好誇張嗎?
一d都唔誇~

她的聲音不像一般歌手, 聽過她的聲音, 就會覺得很多女歌手的聲音俗不可耐, 好多歌都聽唔入耳~!!!!!!!!!!!! 容祖兒晌香港都紅到咁, 如果張黎左香港...Joey...靠邊站吧!

>>October 8, 2005 at 5:04:20 AM GMT+8