2005 年 3 月 12 日 星期六 【晴】

今日，過得好充實。
今日係星期日，我好早就起身練琴，
然之後食早餐，返教會。
今日係Lawrence做司琴。佢做得唔差，
不過，係有少少音個拍子錯左。下次努力！！！
之後收奉獻(註明，收奉獻，唔係教會ge一種收錢方法，只係你對神ge一種回應或者感恩。更加唔好以為教會握錢！！！好多人有誤會，所以我係度講一講)，分組。
我地去返得勝逆風組( F.3)。今日，講創世紀第三章：講到蛇引誘夏蛙去食耶和華吩咐唔可以食ge生命樹上D果子。之後…人類得到懲罰。
講左好耐，講完啦~~~~~好似聽故事咁，好好聽~~ ^^
之後，食Lunch。同家驥，呀炳等人一齊食。食完去左又一城打壁球~~
Woo~好耐冇打過啦！！好想打，所以打。不過，已經好廢啦，呀炳同Cyrus好勁……睇下睇下，打下打下，同家驥傾傾下心事，已經四點半啦。要走啦~
我坐火車去紅磡，再坐260X返屋企。返到去，六點啦，又要做功課。
直至依家>_<" 好支力呀 "*_____*" ~~~~~訓啦~~~~~~~ Good Night~
好期待，明天ge Bio堂。>v<

>>March 13, 2005 at 2:57:43 PM GMT+8

2005 年 3 月 11 日 星期五 【晴】

今個禮拜，過得特別快~好快又3月中啦~~~
今個禮拜，由星期三歌唱比賽講起啦~

果日歌唱比賽，之前係Physics堂。我地係Physics堂上啦，不過，我諗大家個心情一定係掛住個比賽嫁啦！我係兩點半倒屈左我支熒光棒。點知……
等極都唔著… >__<(我地比賽果時揮動果枝野，其他班係台下睇落好似筆咁果D~~ ^^”) 之後我問番D同學，原來D熒光棒係零一年已經到期啦~！！
不過，唔知點解果位同學仲帶番來呢…… >.<
整唔著，算啦，都要落去啦。落到去，見倒好多班都到左啦。所以，快D坐低，亦都好快開始。首先係3E班。佢地一開始，麥浚銘彈琴。HA~原來只係彈兩句咋~ KA~之後就清唱。唱係唔差ge~。接著3D。我地睇唔倒呀，果時我地係後台度，睇唔倒。我地好緊張，準備中~

哇！上台啦，我地都好快企好，琴同主角都好快埋位。我果時都企好啦~
我同一個人講，叫佢加油呀~~~佢係度對住我笑…不過，希望佢係知道我同佢講加油啦~係邊個，唔講啦~
開始啦~我地有冇笑，我睇唔倒呀，不過，我有笑嫁~我地一路唱…唱…唱…
唱左好耐…我先見倒施老師係台下面帶住我地揮果支「熒光」棒… >.<”
辛苦施老師呀~~~~ Thank You~
好快又唱完，之後係3B班(我唔記得3A先定3B先，記錯ge話，唔好意思~)。
3B班，好多樂器呀~~~~~不過，個Flute太高音…個Violin太低音啦…都唔夾ge…
唱又唔夠大聲…(只係討論，唔係批評) 。之後唱《紅日》。越唱越快…連個violin都追唔倒 >__<” 。咁整個Violin出來做乜呢？唱唱下…有人跳舞 >.<
跟住成班繞台一周… Idea幾好ge~~~不過…就細聲左D啦。
之後3A。《朋友》………《有種》？？？未聽過首歌，不過個melody好好聽！唉…唔知，好緊張！
最尾，好采，第一時間有個豬肉獎~。之後頒個出主題大獎。3C又有獎啦~~~~~~
幾開心嫁~不過，初時我仲以為每班最多只可以有一個獎，所以係冇打算有冠軍。
到司儀宣讀冠軍果陣，突然間聽倒3C個名…好驚奇呀~~！！之後，我地成班都上晒台攞獎，最後，都係好開心！！！

歌唱比賽完左，就好快返去203。施老師好耐都冇試過係3C咁開心啦~~~~~
我地就梗係更加開心啦~ ^v^
果日都要成四點九先返到屋企，食左下午茶，練琴，做功課，之後就做個英文 Project………The Fantasy Dome。做到成十一點幾，好眼訓…果日就咁完左。

好啦，本來最開心嘅Day③，因為我個病未好番，所以變左冇得上體育堂。
初時我都唔係幾開心嫁，因為我想守龍，但係黃Sir唔俾呀…所以，入左去同張子+區子打乒乓波。我乒乓波好廢，所以佢地兩個成日都贏我嫁。打左幾個字之後，見到第二個黃Sir，黃朝中出左去操場，好似想鬧人咁嘅樣…跟住，就見到踢波果班人俾佢叫停…然之後好似鬧人咁……講左幾分鐘，就入返去。
我之後問佢地咩事，OH~~~原來佢地講左D唔應該講嘅野，不過俾係教員室裡面嘅黃Sir聽倒 >__<” 。唉，好采我果日冇帶衫姐，如果唔係，我一定俾呀黃Sir捉去問話。 之後，A&D。A&D係度講Calligraphy。佢講D野幾悶嫁，不過到我地寫字果時就好好玩~~~~之後Lunch。我唔記得呢個Lunch去左邊啦…

Lunch之後，到英文。今堂英文好悶 >v<我只係係度整理星期五要Present果D野。之後中史…中文。中文堂，今次施老師用左十分鐘去俾我地討論下果日發生嘅事。講講講…又放學啦。之後，我冇走住，做埋Maths HW同Reading aloud先走。果日返到屋企好忙，所以又係十一點幾先訓。

到左尋日，星期五。都係咁啦，第一堂Maths，係度計D 關於Slope嘅Ratio之類啦，同埋俾左好多功課…今次有排做。之後GEOG。GEOG都係好悶。好耐先過倒果堂呀。完左，好開心。之後中文，冇特別呀，都係咁啦。
Recess之後，CHEM。今堂CHEM，我地果組(張子，區子，我) 冇乜點聽書呀，我地又係係度攪果個英文Presentation。攪左好耐…攪掂啦~，不過，已經落堂啦。

Lunch之後，由於中五考Mock嘅關係，所以上左去505上。中文堂…又俾左好多功課呀…不過…已經好緊張，因為英文Present已經快要開始。
英文堂啦~~我地係第二組要Present。第一組係貓姐果組。佢地Present得幾大聲，不過，我地有嘅內容，或者話係老師要求嘅內容…佢地好多都冇！
所以，我地果組好串咁樣去問佢地好多題目。佢地好多都唔識答喎~！ HA~
咁之後就到我地。我地Present得，我認為都ok。不過，之後，俾人報仇！
貓姐果組又狂問我地問題。不過，好采，張子實左太屈機啦！！！！
佢講得同答得都好好！！！之後…佢地都冇乜問我地啦。
之後，到Shirley果組…Uny果組。UNY果組，唉……本來我地唔想串佢，不過因為佢講左我地講嘅一句：This’s a BIG Project~~所以，繼續串…
串左好耐，冇串啦~~~總括來說，我都好滿意我地嘅表現！
好早番到屋企。訓左陣，同佢傾左幾個字電話啦，就去左練琴…跟住學琴。
學完啦，同Mummy去Delifrance食晚餐。之後好快番左屋企，開機。

開ICQ，Diary，Aoc，同埋蘅Sned果來果個「請非」Puzzle~好好笑呀~~~
ICQ，開到幾乎十二點呀！不過，今次ICQ，同一個人講左D野，希望你番到學校真係唔好講出來啦~~ 亦都好多謝你幫我~ >v<
今次Diary係長左D，大家唔好介意~！

Re:Ringo。講Sorry呢…唔係冇用ge。不過，唔該以後都唔好玩野啦，好唔好？
仲有，我諗我會原諒你掛，應該會ge。
Re:Shirley。好多謝你呀。同埋唔該晒呀。(我果日同你講果D野~)

>>March 12, 2005 at 8:40:29 AM GMT+8

2005 年 3 月 10 日 星期四 【晴】

Sorry呀~今日果篇好長…打唔晒，Tmr先 Upload啦~

>>March 11, 2005 at 3:40:20 PM GMT+8

2005 年 3 月 8 日 星期二 【晴】

哇！今日發生左好多事呀~~~~~~~~~~~有好有唔好啦~

首先，一返去，好開心~ ^^ 我今日唔係最遲果過番呀~~ >v< 平時我一定係最遲果個，今日唔係呀~希望以後都可以早D番啦~。
之後 數學堂，冇乜野做。 第二堂西史。今日派Test 啦~好緊張，因為我今次只係溫左八九個字，我都預左我或者會肥佬tim… (因為真係好唔熟) 。
不過…好好采呀！！ 我緊緊有印仔呀~~~~~ ^^ 好Happy！
感謝神！！一睇份卷，好開心…不過原來好多人都高分過我呀…連謝非都高分過我 >.<” 所以，冇之前咁開心luu…. 不過，明知今次溫得唔好，就唔應該要求咁高ge~ 下次努力D，溫好D！
跟住中文堂。去左練歌，冇乜上堂。
小息啦~~~~今個小息好Ugly呀…我本來諗住想同區子去Canteen食野，點知係我行左3C門口果時，我見倒個垃圾桶冇柵好，所以我用隻腳去柵埋佢。點知…
我唔覺意打翻左個垃圾桶呀！ >___< 我之後同區子係度「執」(用腳執)翻D垃
圾入去個垃圾桶度…點知執極都執唔倒…仲左住蘅佢放書tim………Sorry 呀！
英文堂…好悶，成班靜晒… Miss Ho 果招 Signature Campaign 真係掂~ >.<”””
跟住Physics…好快就要比賽啦~~~~~~！！
幾緊張嘅~~~ 3E…3D…跟住我地~
我地今次冇緊張，好好呀~~~~~蘅彈得好好，D主角都好好呀~！
我地等等等…等左好耐，有結果啦~~~~~！！好Happy~
3C班有兩個獎呀~~~~~~~~Thanks God~~~~好開心~~~~


3C係得ge~！！
(唔講住啦~ 我訓啦~早抖~)

>>March 9, 2005 at 1:58:14 PM GMT+8

2005 年 3 月 7 日 星期一 【晴】

大家好呀！！！！我依家係係Library個Computer度呀~~~~
我今日個LUNCH好得閒~所以未走去打Diary囉~~~~~~~~~~
今個星期六，生日，病左呀，所以，冇乜點去慶祝。
果日去完區子屋企做Project(其實係打機之岩>v<")，「做」到七點幾，
之後走左，返屋企同Dayy Mummy食飯。好開心呀~~D野好好食呀！！
Thanks Mum~ ^________^
食完飯，去坐買DVD機。我地買左部JVC ge唔知乜型號…成三千蚊呀....>_<
好貴，又好重…我拿返屋企都拿到隻手紅曬…不過，好開心！

星期日，冇返教會呀，病左，去睇醫生。醫生話我氣管炎，連生果都唔食得！好苦呀！

星期一，冇乜野ge.........係個Maths Test派左啦~…好低分…… >.< 超低！！
果日Miss Ho冇返學~~~~係度做功課，做曬就做英文Project。
我地個Eng Project，畫得好靚呀~~~~~~~~~ ^^
卡通肥榮，好勁呀！！！畫得好靚~得閒真係要讚下佢先 ^o^

尋日係ICQ，同一個人講左D心底話…係好直接咁講…
希望，其望，佢會接受我啦~~~~~~ Pray Pray PraY~~~

就快一點四啦~~~~~~~~~我落返去203 啦~~~~~~~~~ Bye Bye~~

>>March 8, 2005 at 5:07:15 AM GMT+8

2005 年 3 月 4 日 星期五 【晴】

朱啟迪，生日快樂呀~~~~~~~~~~~~~~~~~~ ^o^
十五歲啦，俾心機啦！！努力讀書！！

之於點慶祝，下次先講啦 >v<

今朝，我想講下尋日同人地玩 ICQ ge 經過…今次玩ICQ，並唔係好開心。
唔係因為個ICQ成日HANG，而係我聽倒一D關於我ge野，搞到我好無奈 >.<"
首先講左早D發生ge先，一開ICQ，哇！好多Message呀，我慢慢睇，
全部都係同我講Happy Birthday嫁~ >v<！陳家浚同Martin仲Send左封E-Card俾我呀~~~~
好開心呀，多謝你地，同埋記得我生日果D人！

之後，玩AOC啦，所以都冇乜回應。再過左陣，我玩完，有一個女仔( In 3c) Hi 我，
咁我Hi 番佢啦…之後，佢話知道我一D野，我叫佢講，佢講其他廢話講左好耐，
終於入正題啦！佢話聽倒某人ge細佬話我同XXXX係兩情相悅，但係我就仲有單戀一個人 >_<"
所以，我想係度澄清一下：
一，我想問果個人，點解會話我同XXXX兩情相悅？有乜野證據？
二，我點解，為左乜，要單戀一個我唔係熟，而只係普通同學ge人？
三，我自己好肯定，我係唔會同時鍾意兩個人…咁又何來有兩情相悅+單戀？
自從上年開始，我已經覺得單戀，係一個好白癡ge行為。
我梗加意識到，如果我同時鍾意兩個人ge話，就即係唔了解愛呢樣野。(我唔係話我好了解)
如果同時鍾意兩個人，就即係你分唔清愛同喜歡，即英文 LOVE and LIKE。
所以，我希望同我講呢件事ge人，唔該盡快解決果件事，是是非非ge事，即請求，
唔好再發生係我身上。我係認真ge。
之於對我同XXXX單戀果件事，我唔想係度講。就算係，都只係我地兩個人ge事，
無必要公開。

今日唔講住，一陣仲要去區子屋企做Project。

To:俾人話我單戀你果個，真係唔好意思，其實係冇咁ge事。Sorry~
To.問我果個人。你依家清楚晒ge話，唔該同知道呢件事ge人講番，唔該。

生日先發生呢D唔應該係中三發生ge野… >___<"

(有時間睇埋下面果篇.thanks~)

>>March 5, 2005 at 12:10:49 AM GMT+8

2005 年 3 月 3 日 星期四 【晴】

今個星期，好快又過左luu………幾鍾意今個禮拜呀！！>v<

首先，星期一，Day 1。冇乜野做呀，不過，施老師果時對我地都係好淡。
上堂冇乜笑容咁，我見過佢係3A教果陣，好好笑容嫁！！ >_<”
死左心之後…可能真係唔同D…
星期二，Day2 啦，咁Maths有Test。我初時好眼訓，唔知計乜。好采
後尾都冇事，識計。好采… 不過，我之後同人地對答案果時，
我錯左第一題Long Qu…我問人地我條式岩唔岩，佢地話岩。
之後我再計過…OH~!!！！！Steps錯左呀！！！之後仲俾區子狂串 >v<”””
無野講啦，下次努力啦 ^^^！
果日好似要練歌，不過，3C真係幾唔夾嫁，D人D意見又唔一樣，
跟住D主角又係度玩…個琴又唔係好熟，所以…搞左好耐…都唔熟。
做唔倒 Perfect……不過，努力！！
星期三，Day3！有得踢波啦！！！！雖然地下係濕左D，但係好Enjoy呀~
好開心有得踢波！！！！之後A&D，講Calligraphy。冇乜點聽呀，
好悶！雖然，寫字果時係好好玩~ ^o^
好似又要練歌……進步中！
之後Day 4。唔高興！！我發覺我越來越憎 GEOG 啦！好煩！
成堂係度講個乜鬼slope X and Y……又唔明！！點算！
Recess之後，CHEM。今堂CHEM，我好白癡呀 >.<”
今堂CHEM係要Quiz。所以，之前都左睇過下書~
做果時仲好地地…點知…錯左D不應該錯ge野 >.<’
我將COPPER2( Cu2) 寫左Ca……
好抵死呀！！！之後，又係俾人串 >.<
果日就係咁過，之後練歌…彈左陣Hall果部K.KAWAI。
D琴鍵好硬呀…要用力呀…係大力…彈左首考試歌，就冇彈啦。
希望下次有機會彈啦。
今日，Day5啦~ 好開心ge~~~~~ BIO.調位啦~~~
我調左個好位，同好人坐呀~~~~~ 好happy~~~~~ ^o^
我同Hang同張子坐呀！！！！！
又學倒野，又有得笑，好好呀~~~~~Thx God~~~
之後果三堂，去左403上。

仲有一日，就到十五歲啦~~~~~~~~~~~~
生日快樂呀~~~~~~~~~~~~~~~~~~~~~~~~~~
今年有好多願望呀！
好想同神關係好D，
好想有多D人同我講生日快樂，
好想考好D琴，
好想有多D時間，
好想同D同學親密D，
好想同佢好D，
好唔想……又再病！！！！ >.<”

>>March 4, 2005 at 11:39:45 PM GMT+8

2005 年 2 月 24 日 星期四 【暴雨】

今個禮拜，雖然係過得好快，但係，就好唔開心 >.<”

首先，返學果日，星期二，Day 3 ar…..
本來都好開心嫁，但係…上體育堂果陣，黃武良唔俾我地D男仔踢波呀 >.<”
我地D男仔都問過佢嫁，不過，講極都唔俾。咁未諗住去打羽毛球囉~
HAHA~ ^o^ 點知呢，又俾我地D男仔諗倒：踢乒乓波~！
我第一次踢，不過好好玩~~~成班Kai Kai 地咁，都幾得意嫁！！
不過，始終都係踢「足球」好好多…
Recess 之後，A&D。唉…之前Ng Sir 叫我地畫果張錯覺畫…原來係要畫
學校嫁！！ >,< 我畫左屋企呀…又要再畫過……
好采有人提醒我唔駛油顏色者…如果唔係…就慘啦~~
(Thank you ar~ 提我果過人~你知我講你ge ~ ^^”)
今次A &D 仲俾左兩樣功課…今次有排做啦…
Lunch之後… Eng….. 唔記得交Additional Writing >.<”
中史？…………又唔記得做作業…好采Lunch「做」番

最後…中文。
果堂中文堂，我諗係我由讀書開始，成堂冇講野ge一堂 >.<
唔係我病左…而係…施老師對我地3C班講左一番話 >.<”
好失望……………
施老師…佢好正經…好嚴肅同我地講，佢對3C 班已經死心啦 >.<”
佢話，佢對我地好失望。有好多野，佢其實係為左我地去做，
不過，唔知邊個(不過唔係我) ，唔滿意施老師，家長日去投訴 >.<”
我真係好唔明嫁…有乜好投訴？
有D仲離譜，竟然話施老師係旅行果時「逼」(強調)我地玩集體遊戲…
施老師講番出來，我真係有D唔信。
之後，佢話有個同學係Christmas Party同佢講：「你有乜資格做老師呀？？
(手指指，大大聲咁) 」佢話為左呢件事好唔開心…係邊個講ge，我就唔講啦。
佢講左好多上半年發生ge事，(全部都係唔開心) 講講下，話佢自己
曾經失望過好多次，亦灰心過，不過都冇放棄。但係今次真係太失望啦
(因為家長日，有D家長提番D唔開心，但係影響唔大ge小事)
所以佢決定放棄，死心。 >.<
我真係好唔開心呀……3C…本來都好團結…點解，變到依家咁？？？？
包容，寬恕，忍耐，接納…3C有冇？？？？？？？？
真係要祈禱呀，神呀，求你真係保守3C班呀 >.<

3C班……一定會從低處再站起來！！！！！
一定一定會！！！！！！！！！


(其他唔講啦~ Good Night~ )

>>February 25, 2005 at 4:18:37 PM GMT+8

2005 年 2 月 20 日 星期日 【晴】

唔好意思呀~~~~~~ >.<”
我本來話星期六就打DiarY，但係我星期五…星期六…星期日都掛住打機呀 ^^”
所以又唔記得打囉~~~~~~~
SorrY~~~~~~~
今個禮拜，係過年之後第一次返學呀！我好期待呀~！
因為呢過年除左拜年之外呢，實左太悶啦 >.<
所以，番學真係好好嫁~希望我都會享受返學啦~~~~

今個新年，我有好多好多希望呀~
我希望我呢年返學唔好再咁遲，我成日都成八點二個半字先入校門…
所以如果等Lift等得耐DD ge 話，我就會遲到嫁啦~~~
所以，希望我改好佢啦。
第二就係唔好再咁貪玩。我呢排成日都掛住打機，今日仲朝早十點打到5pm…
Tmr 要交 ge News cutting 同A&D 果幅超大ge畫都未做完……
所以真係希望求神可以俾我有力量啦~如果唔係…下學期就 >.<”大檸樂……
之後就係希望我可以好好控制自己。無論係控制時間、控制心情、控制脾氣…
好多好多ge控制都要學！但係學好佢可要付出時間…付出心情…付出脾氣…
都係希望神賜我有力量啦……
希望都希望完啦~番番去實際啦~~

今個禮拜，好開心呀~~~~返學啦~星期三，Day Ⅵ。Woo………. 好悶呀 >.<”
唉，再加上陳志榮冇番……冇得同佢玩……
唔係好開心囉~~~(雖然都好過duck係屋企)
好采，佢第二日都番左啦~~~第二日day 1。冇發生乜事，不過，
好緊張星期五見家長果時會講乜。但係之後施老師話見家長果時，
我地唔駛入去wo~ 點解？？佢話淨係見家長係佢做班主任ge傳統…
仲話係D家長唯一將心底話表達出來ge時候……
咁我想問，呀媽諗乜我地都唔知得ge咩？？？？
跟住施老師又話驚呀媽同我地鬧交…平伏唔倒…所以我地唔駛入去…
算啦~~~~~ 不過好采^^我D評語都唔差~
只不過有一度唔明：Very Satisfactory Result。…咁都滿意？？
我就唔係太滿意啦……唉，唯有下次努力啦……

唔講啦，下次先啦~ ^^

>>February 21, 2005 at 11:28:29 AM GMT+8

2005 年 2 月 18 日 星期五 【晴】

今日玩左好耐AOC ar ^.<
所以Tmr先打Diary 啦~

好支力……>.<"

>>February 18, 2005 at 4:06:03 PM GMT+8