2005 年 4 月 7 日 星期四 【晴】

(正直Uniform Test，唔打咁多~)
今日好快，又過左Uniform Test 嘅一日。
今日果D，有D唔識呀，仲幾多下添…
首先英文。英文，Miss Leung監堂。
呢次英文…深深地咁。Tense唔係好識…之後果D…ok 啦~
好快到Geog。…唉…唔識。好多都唔識！
果d 乜鬼野音樂農莊…原來要考嫁！！！冇溫到。
之後…CHEM。考CHEM果時唔係好精神，所以…測左D咩，依家唔記得=.=’
番到屋企，睇報紙，傾電話………好快過。
練琴，溫Aural。之後學琴，HA~開始成功啦~終於彈倒CD嘅效果啦~~~
番屋企，開ICQ………打AOC。講Good night，就訓左~

呢排，少左同妳傾計呀，大家都好忙，好忙。
希望，可以傾多D電話。
大家都要努力，加油！
考琴，加油！！測驗，加油！！！考試，加油！！！！出年要同班呀！！
我會係你身邊支持妳嫁~！！！！唔好放棄呀！！！
~~~~Sustainable Love~~~~，to “#______#”

>>April 8, 2005 at 3:55:19 PM GMT+8

2005 年 4 月 7 日 星期四 【晴】

公佈：

依家3C個Photos website新加左兩個Album，
一個係Boys@Ablum，另一個係Girls@Ablum。
如果你係3C的一份子，而你又有一些3C同學ge相，
唔該你send俾我~我會盡快Upload上去http://community.webshots.com/user/3c20042005

Thanks for co-operation~

>>April 8, 2005 at 5:43:19 AM GMT+8

2005 年 4 月 4 日 星期一 【晴】

哇，好快好快…又到左假期嘅最後一日啦…呢個假期，我真係好浪費時間 >__<
假期的初段，我已經做左大部份功課，之後諗住去溫下習，預備測驗。
點知……過下過下，D時間拖下拖下…一日一日就咁過左啦…溫習…
只係空想………唉……
呢個假期…點解冇時間溫習，有好多原因。
多Projects~…要練琴…要去街…要去旅行…要講電話……呢D野，已經要好多時間。但係番到屋企，
又唔想溫住…成日都想聽日先溫……拖下拖下，所以就乜都冇乜點溫到=.=’
所以我之後果幾日，都要日日溫。
求神真係使我懂得分配時間，同埋邊樣野係對自己將來重要。…

唔講呢D啦~~講得多會悶。今日講下其他野。

人的生命呢，其實好短暫，匆匆幾十年，好快會過。
細個(五六歲)果時，可能我地會諗…我想將來會變到點。例如，「我大個要做消防員~」、「我大個要做警察~」、「我要做有錢佬~」、「我要做全世界最有錢嘅人~」、「我要做飛機師~」…「我要做明星~」……等等好多嘅想法。我細個都有諗過……「我要讀大學…碩士，博士，讀完打工…打咩？最好就係揸支筆坐係度搵飯食果D啦，仲要出名嘅，又係果個行業有崇高地位。再大個D就拍拖，結婚…買大屋。之後…生BB……一直一直…」諗得好多好多，有時(細個果時)，就會坐係度諗幾個字…
(你可以話係Day Dreaming~)諗下諗下，都幾開心。
之後，隨著自己大個左D，諗法又唔同。十歲倒，我又諗…「我要讀好書，之後要做野。做果行要舒服。
之後拍拖，結婚，生BB……一直一直，到退休。養老。」
果時對未來嘅生活仲係充滿住美好嘅憧景，以為出來做野打工會好舒服，好快會結婚…之類嘅諗法，
對當時十歲嘅我來講，我係覺得係話咁易做倒。
但係再大個D，中學啦，同之前諗嘅野全部唔同。
唔知點解，真係好唔同。讀書，我係會讀，一定會添，但係，俾我以前想像中嘅好唔同；
打工，唔知點解，我依家覺得打工係好辛苦，賺錢係好艱難。拍拖，結婚果D更加唔洗講………

對於依家嘅我來講，對自己嘅未來，仲係一無所知。
但係，我意識到嘅，係我一定要努力。世界上冇野係不勞而獲嘅。唔知你地有冇睇下報紙，明報嘅專欄，有好多時D作家都會寫依家D名人以前係點樣艱苦。
佢地發憤向上，到今日，終於有成就。(Ex. 梁錦松，許冠傑etc~)
我地依家唔駛什麼艱苦。有Daddy Mummy照顧，有一班好朋友，好同學，已經係好幸福。
但係呢一代嘅香港青少年，仲係唔係好珍惜現有嘅景況(包括我都係)
咁好環境…點解唔好好努力呢……？ #_#”””

機會，係自己去爭取嘅，各位同學，一齊努力啦，為我地人生未來的路程作打算，作預備。

唔知點解，今日突然好感慨，所以講左咁多野。
多謝各位…今日聽我吹水 >v<”
唔好話我講嘅野無聊，可能到我地大個左，就會明白，體會到點解依家會咁講。

>>April 5, 2005 at 10:09:51 AM GMT+8

2005 年 4 月 1 日 星期五 【晴】

唔好意思呀…呢幾日都要做Projects……打唔倒Diary~

我會盡快打番嫁啦~

唔好意思呀…希望你地唔好介意啦~~ ^^"

Sorry~~~~~~~~~~~~~~~~~~~~~~~~

Re:Sxxxx。希望啦~其實我都有祈禱ge~…我諗神知點做~~

>>April 2, 2005 at 1:26:34 PM GMT+8

2005 年 3 月 25 日 星期五 【晴】

首先，唔好意思呀…尋日我個ICQ唔知做咩事… 壞左呀。所以我要Reinstall完再搞番好D野先打得Diary。點知要打Diary果時…九方又壞左 >__<所以，今日先打番，唔好意思呀！
之後係今個禮拜，都係啦，唔經唔覺就過左。番埋今個禮拜，又放十幾日假啦…
即係有十幾日都唔駛番學，十幾日都唔駛咁早起身，十幾日都唔係學校食Lunch，十幾日都要溫習…十幾日都要練多D琴…十幾日…都見唔倒你>.<”

講番今個禮拜先。星期一，Day4呀。都係數學堂先，之後就GEOG。今次GOEG，我覺得冇咁悶啦，講嘅野好聽好多。之後中文。不過施老師冇番，班裡面有一部份同學竟然響度拍手 >_<我冇拍呀，我只不過係想有一堂休息下，因為食左藥，好累。點知真係有一堂 “>v<” 唉……希望施老師快D好番啦~~~~~~
跟住小息。CHEM。今堂CHEM係度對功課。我錯左幾多下…當然唔開心啦。下次開始，CHEM一定要留心D~ 之後，講書。冇乜點聽，好支力…扒左係張枱度。好耐就過左CHEM。LUNCH啦~~~~~~~今日LUNCH食左好少野咋。
食完同區子去左買野，買左一樽白膠槳同埋一張玻璃紙…廿六蚊=_=”
Lunch之後，係中文。都係啦，冇乜點做野。之後英文。果次英文，我唔記得左教左D乜啦。過左好耐，先完，放學，番屋企。番屋企訓覺，做完功課…已經又再夠鐘訓覺啦。
星期二，day5。頭兩堂數學，唔係計左好多數。…計左幾題，又夠鐘>_<。數學堂，果然過得好快。之後中文。施老師都冇番呀…D同學又係度拍手………唉…其實，施老師係五個中三班主任之中，算係好果個啦。有部份人仲係好似唔係好滿意咁……點好呢？果堂中文，都係過得好快。之後小息。
BIO啦~~~~~~好開心。今次BIO冇做實驗呀~~~~~幾好~BIO都冇乜點教野，只係係度對答案同埋寫番之前做嘅實驗落番本筆記度。所以，多左時間同蘅傾計~
傾得都幾開心嘅…不過，我就俾劉光榮啤左幾眼…好采佢冇話我者~~~！
BIO堂…兩堂實左過得好快好快，傾下傾下又夠鐘放啦…唔捨得BIO呀…
咁快過…咁快完…下次BIO，有排呀！！！！！！！
果日，有普通話。施老師冇番，我地上左去MMLC~哈~~打機~~~~~~~~正！
都係好快…過左。果日完左，寫完ESSAY就番屋企。

星期三，第一堂都係數學。之後西史。今堂西史，袁SIR發火呀…鬧果D成日都唔交功課嘅同學。佢鬧得幾岩嘅。唔好話我黑心，其實我好鍾意睇倒D冇心乾嘅同學俾老師教訓^^” 。睇住佢地知道自己錯果時，我都會好開心嘅…
希望佢地會改過啦~~~~~~~之後，GEOG。幾好呀~講人口。唔悶啦~~~
之後DT。DT今次有小測…我地上次溫左嘅…唔記得晒啦~好采…都識D。合格啦~之後…馮SIR係度教野。教教下都落堂啦。
Lunch>中文。中文，施老師有番啦~~~~帶口罩。今堂教嘅野唔係好多。不過，冇得攞金牌。我好耐冇攞金牌啦>__<得加左兩分…雖然仲有十張金牌係筆袋，但係金牌依家對我來講，係好難攞嫁！施老師好多時都唔叫我呀…記得有一日，佢每次問問題我都舉手，但係…冇一次叫我！所以，我會珍惜依家我每攞一次金機會，同埋珍惜每一張金牌。之後ERs堂。睇書+傾計，又過左兩堂。放學啦…不過要等陳冰如落堂先。攞書包，同佢講拜拜。點知佢聽唔倒 >+<我行左出班房，佢先睇倒。之後，隔住個窗係度講左陣啦，就番屋企啦。
星期四，好快又到左。DAY1~ 第一堂中史，要小測。今次好失敗…錯左三個，得大約九分。保路風潮…寫左保路「熱」潮…=.=下次要溫好D。之後數學，英文。小息，中文。今次中文堂，好失敗。施老師明明係星期三講左話星期四要帶普通話書…但係，我唔記得左呀！搞到我又唔見左張金牌…唉。
食午餐，今日開胃番D啦~好快食完，出左去踢波。跑幾步都喘氣咁>.<”
希望下個禮拜唔會咁啦~
番番去，去左３０２上堂。哇~CVED啦~派TEST啦~好緊張！初時仲滿懷希望，不過，當曹SIR話得兩三成人合格果時…我就已經知道我一定唔合格嫁啦。
結果，得八分。咁大個仔，第一次唔合格>_<。之後，曹SIR話 MC改錯，有D可以加分，點知我只係加得一分…九分。唉……失望。
之後電腦堂。教左一陣，就自由活動啦。我去左睇下人地Diary。睇下睇下，音樂堂又到啦~。音樂堂完左，去圖書堂借書。見倒蘅。講左一兩個字啦，我都唔得閒，所以去左數訓啦。去到成六點幾……
番屋企，開ICQ。今日傾左D野呀，同佢細佬。講左幾多野下嫁~
希望，你唔好講出去啦~~~~~~~~

到左星期五，成日去左區子屋企做英文project個Model。做左成日，做晒啦~
好開心~ ^o^做成點……… CoMmErCiAl SeCrEt~ ^^”
之後番屋企。個ICQ唔知做乜，壞左，搞到我搞左好耐，打唔倒Diary。
十二點，訓覺。充實嘅一日，過左了。
唔講啦，做功課。

To：知音人。記住得閒打俾我呀~~~同埋祝你個「增高計劃」成功啦

>>March 26, 2005 at 12:21:10 PM GMT+8

2005 年 3 月 24 日 星期四 【晴】

Sorry that I can't upload my diary today because my ICQ is facing a problem with dificulties.
Therefore, I do need to solve the problem first >__<"
I will place my diary on my diary.net as soon as possible.
Hope I will solve it quickly, and, online as usual.


It's about ten to twelve now, I have to sleep~
Good night everyone, especially who I always say good night to you~ ^v^
I am really sorry, I will explain why later.

To: Her. If you have time, remember phone to me~ I will listen to yor phone if I can listen~
Hope, wish, you'll have time too~ "*____________________*"

>>March 25, 2005 at 3:49:42 PM GMT+8

2005 年 3 月 22 日 星期二 【晴】

呢排好支力，上堂有時都扒左係度。好支力，可能，食左消炎藥掛…
果日彈彈下琴，唔知點解，諗起一首歌。

《生命有價》

盡快將， 憂愁眼睛， 憂愁面孔， 憂愁內心， 拋棄吧。
找回你的微笑嘴巴， 一同合唱， 可以嗎？
啦啦啦啦，啦拉啦拉， 啦啦啦啦啦啦啦
一同拍掌全力讚賞生存是有價。

從哇哇一聲睜開眼睛看地球， 從懂得緊握媽媽暖的手。
到依依呀呀一聲兩聲仍唔夠， 從爬爬行行然後曉得走。
從叻起書包， 吸取知識不用愁, 從你有佢有開始手牽手。
到它朝開心， 傷心痛心齊嘗透, 人活著實在奇妙怎猜透。

願你知生命實在亦是有些意外， 不用徬徨迷途只須緊記。
它有無窮色彩， 它有無盡的愛, 願憑著自信垮過障礙賽。


對住呢首歌，又熟又唔熟咁。熟係因為係逆風帶聽過，唔熟係因為我係中一果時逆風帶先聽過。
好耐冇聽，覺得好好聽呀~~~D 歌詞又有意思~ ^^

生命有價？？我都認同。生命係真係有價，所以，我會好好珍惜。生命真係好短暫，得果幾十年，
但係點先會活得精彩？？就要靠依家去努力啦。我希望我做倒啦！

生命咁短暫，大家認識倒已經係一種福氣。要珍惜呀！！珍惜你身邊D人！唔理佢係你家人，你朋友，你同學，你鍾意ge人…即使係仇人，…都要珍惜！記住我講ge野呀，我唔想大個仔先後悔細過果時點解唔珍惜下周圍D人，到大個，有時，想珍惜都冇得俾你珍惜！！

唔知點解…對生命有D感慨同埋好多諗法…或者…我大個仔左少少？？
有冇人可以答我呀呀呀呀呀呀呀呀呀？？？？？

>>March 23, 2005 at 11:07:02 AM GMT+8

2005 年 3 月 19 日 星期六 【炎熱】

唉…由於尋日仲有D發燒，所以今日就番唔倒教會啦。
亦由於今日冇番教會，所以得閒左D，朝早開左陣機，上網，睇下Diary咁。
點知睇睇下，好嬲…… >__<” 而且好似唔知點咁。

果個人個Diary，係用Xanga。果個人係係3C。我去果時，佢打ge最新果篇係Friday 18 March 2005。睇緊佢果日篇Diary 個第一段ge時候，已經係好唔GUR兼唔開心。佢話星期五果日，有兩個同學冇番，原因係我地之前已經預計倒果日會有D好無聊ge堂，所以唔番。…大佬？！你估我想病嫁？？！發燒呀，番學？！如果傳左俾其他人，咁會點呀？呢D叫尊重人咩？…真係呀… >__<

之後，越睇越嬲。

第二段…佢講我同我D Friend。(佢冇公開名，不過，一定係我地。) 佢話佢初時「忍氣吞聲」，諗住當我地係佢ge Friend，所以同我地傾閒計。不過，俾我地話佢「八」同煩。(一陣先話你聽點解我地咁話佢) 佢話佢為人係點，其他人好清楚，仲話唔似得我地，盲人摸象…仲有話有好多人都唔鍾意我地。仲叫我地自重，我地自己咩料自己知咁話喎…。
我想講ge係，其實，自中一下學期以來，我已經對你反感。你一直所謂ge忍氣吞聲，我都唔知你忍乜。你唔忍ge，冇人話你。你話當我地係Friend，但係由中一下學期開始，我冇再當過你係我個Friend，你同我地傾計…其實我都唔係好想，不過，初時見你問ge野，都「算係」閒計，所以，我都冇唔采你。之不過，你越問越多，次次都係「hey..ask you a question」…「But you must promise me you are telling me the truth」。如果你問我一D真係閒計ge問題，我係唔會介意。只不過，你問果D…係好敏感ge問題：「你係唔係同XXX兩情相悅？」，「你係唔係單戀邊個？」，「你係唔係同XXX拍拖？」呢D題目，我點答你呀，係唔係都唔關你事啦。係，我承認，你問我ge其中一樣係幫你個Friend問。不過，其他果D，係唔係呀？！果D你知來做乜…？！你話我講俾人聽，唔講你聽，其實我冇講俾人聽，係佢地自己估咋！！呢D唔係叫八，係乜呀？我唔答你，又唔得。答你，又話我唔「telling the truth」。你知唔知你好煩呀？八+煩，你有齊晒！
之後，你為人係點，我唔講。我地搞唔清成件事？？搞唔清成件事，我覺得係你講得唔清楚，講D又唔講D，所以搞到我地知D又唔知D。你話有好多人唔鍾意我地，有幾多呀？我地講出口ge，無需要同你解析。我亦唔相信我地個Behavior會咁乞人憎。(我唔係話我地冇錯) 所以，你話有好多人唔鍾意我地，我唔認同。就算有，都只係其中一D女仔姐。咁叫好多？？？我相信，唔鍾意你ge男仔，會比唔鍾意我地ge女仔仲多。你叫我地自重下…自重乜野？我地對其他人冇問題嫁喎。咁有乜好自重？！(我叫你自重下就差唔多) 你識尊重人？？我完全唔覺得！！尊重人，就唔會追人講真相啦！你話自己尊重人…你頂多都只係尊重你D friend姐！你話要遠離我地，咁就最好不過啦。以後唔好采我地，我地亦唔會再采你。不過，我地比你慘，仲要係3C對多你幾個月！！>.<

今日，做功課，其他就冇乜點做啦。食左藥，好支力。
到依家，打Diary，打完都訓啦。

今日…佢個ICQ Hang左…講唔倒Good night~
唔好意思呀…下次我會早D講嫁啦~~。

>>March 23, 2005 at 10:36:55 AM GMT+8

2005 年 3 月 18 日 星期五 【微冷】

呀！！！！！！！好慘呀！！！！尋日，又病左啦，所以冇番學呀！
我前日已經開始唔係好舒服嫁啦，所以，前日數訓都冇去…又浪費呀爸呀媽六十蚊…番到屋企，同佢講左幾句，之後就訓左啦。訓到六點九……起身，去睇醫生。
呀…我同醫生講話我肚痛，不過醫生話我感冒，可能D感冒菌落左去個肚掛…唉……唔知點解，成日都病。

所以尋日，冇番學，不過我仲早左起身呀！我六點幾就醒左，刷牙，洗臉。之後打左陣機^^” …開左個ICQ。呀，原來有好多同學番左學都係屋企開ICQ嫁~
個個都係Extended Away…不過唔明點解個人係學校，屋企都要開ICQ囉。

之後，去我+人地D Diary。睇左陣啦，不過我自己果個嘅Server仲係Down左 >.<
去唔倒。所以睇人地果D。睇到八點幾，就食藥+早餐。食完就睇ERS，睇到十點啦，就練琴。練到十一點二三。食左藥好支力，練左一個鐘多少少就好累。
所以，我去左睇電視。睇咩？哈~~~我錄左星期二凌晨嘅國際米蘭對波圖嘅歐聯賽事>v<我睇到下半場嘅三十鐘，就冇睇啦。之後做乜？又練琴囉~~~睇完冇咁累，好好多~~~又練左個幾鐘。跟住食粥，食藥。食完，開左半個鐘機，呀~~我個Diary 好番啦~~~~~仲有個留言呀~^^ 原來黃婉婷都冇番學…我都係果時先知。多謝你呀！希望，你都快D好番啦~！ 好快關機，之後，又練琴。冇乜野做，所以練琴。又練左一個鐘。果時已經係三點幾啦。我就打俾區子，睇下今日學校同埋3c班發生左D咩事。佢話都好似平時咁，只不過係兩堂PE變左一堂數學同一堂中史。好采冇番，如果唔係，又冇精神，又冇心情，聽鬼咩~
傾左好多個電話…五六個倒啦。之後？~~~~又練琴。今次練左九個字~練完，夠鐘學琴。講真，我咁大個仔，都未試過一日之內練四個幾鐘琴…跟住仲要學九個字琴…哇，一日對住部琴…五個鐘呀。如果日日有多D時間練，就好啦~

之後番屋企，開ICQ。今次ICQ，同左好多人Chat下嘅。原來，Bio堂係一個誤會。不過，希望果個人都唔好誤會我，我唔係D咁小氣嘅人~傾計之麻~冇所謂嫁，其實係應該話我左住你地傾計，而唔係你左住我~。所以，唔好意思，我誤會左。仲有同其他人Chat嘅。

Chat到十一點倒，有個人Hi我。我Hi佢啦。
跟住，佢(in 3c) 就話我唔可靠…我問佢做乜咁講。講講下…仲開始罵戰……
唉…我唔想同佢罵，不過，佢真係太煩啦，成日問D Questions…我唔答佢，唔想佢知，又話我扮神秘…佢話佢問我果D野，我已經話左俾全班聽…我冇呀！
你係唔係有病嫁？！成日都係度問，就算係幫朋友問…你未叫佢自己問囉！佢自己唔問嘅，就唔好知啦。仲有，原來佢話如果做Project唔同組，就係唔關心D Friend~！大佬，我以為張子同UNY佢地一組嘛，咁佢又唔問我，唔通我同佢講，話叫佢入我地組咩！到時會好尷尬嫁！！唔同組就唔Care D Friend，你講晒啦！
煩！費鬼事同你講！人地話你八，呢個係事實！你嬲都冇用！唔該，以後都唔好問我野，以後都唔好Hi我，以後都唔好同我講任何野！！！！！！！！！
我唔想再同你講野！你好煩！

呢件事講左好耐，搞到我連Diary都寫唔倒 >__<。Sorry for that~
所以，今日先打囉~依家都成十點啦~唔打啦。其實我D Diary係唔係好長？

To： 黃婉婷：你好番D未呀，希望星期一見倒你啦！其實果件事，好多人都知。不過，我係唔想再有更多人知。所以，未叫你唔好同人講，我驚有D未知嘅知左嘛~~而且，唔熟嘅都唔會去我Diary啦~~~係唔係？

To： 蘅。尋日見唔倒你添… >.<我星期一會番嫁啦~~~呀，唔該晒你果張中史筆記呀~ ^_^你放心啦~你畫上去果D野，我係唔會擦嫁~~~~等溫習果時睇下，都有得笑下呀嘛~~~~~"#__#"

To： 張子。我會幫你祈禱，你放心。「求告祢的必不至失望」！

>>March 19, 2005 at 2:18:23 AM GMT+8

2005 年 3 月 15 日 星期二 【陰】

今日，己經係星期三。呢幾日，對我來講，發生左好多事。

首先，Day5，星期一。首先，係數學堂。今次嘅數學堂，過得好慘…
黃SIR一入課室，個樣都唔係好好嫁啦。佢之後好似平常咁，教數啦，跟住計數。
今次，唔知點解，我地班計左好耐…計到黃Sir叫人出去計為止。呀…抽中蘅喎，我梗係想佢識計啦。佢一路寫，我一路睇。睇下睇下，又好似岩喎~哈~好YeaH~蘅，計岩左。不過，黃Sir對住道數，唔開心。佢話蘅好似寫錯字咁…總之係之類嘅野啦~(唔好意思，幾日前，記得唔清楚) 佢幫蘅改番，不過蘅話佢自己冇寫錯，所以黃Sir就同佢係度講。講講下…唔知好乜事，我聽倒句：「哎呀！好對唔住呀！～」呀…係蘅講嫁 >_<之後，黃Sir好嬲呀！佢好似發脾氣咁，一次俾左十幾條數我地做。唉…可能，黃SIR以為蘅係聽書果班，見倒佢「寫錯字」，仲駁佢嘴，所以好失望啦。唉……
之後第三堂，中文堂。我要出去講短講。我遊說班會要重新設立班規。不過，我做得唔好，有D臨時爆肚，又唔夠說服力。不過，下次我會努力嫁~ ^o^

之後小息，BIO~~~~~~終於到BIO啦！！好開心>v<” 我初時冇乜點講野，不過，後尾就講多左D啦。同蘅傾下，又聽下劉SIR講書，好快又要做Experiment.
哈… ><我唔同張子…唔同蘅一組。我第六組，佢地第五組。不過，好采仲有個區子~~~~~~ ^v^ 開始做Experiment啦~我地組好快…係度等塊葉煲好。等果時，我令轉面，同張子傾下計。傾下傾下，我見倒有個人望住我(果個人同蘅傾緊計)，跟住我望番佢啦。唔知係唔係我望得太惡呢…果個人話我望住佢>_<，佢之後仲話我望住佢係因為佢覺得我話佢好左住我同蘅傾計喎。唉…大佬！我係D咁嘅人咩？我點會咁霸道呀？蘅同你傾計，係你地嘅事啦~我冇權去理會同埋冇權去唔滿意嫁~！所以，我又點解要咁做呢？我望住你，係因為你望過來，我以為你地講緊我地，我先望番你咋~~明唔明呀？唔好以為我咁小氣啦。
之後，做完，仲發生左件醜事…區子罰企……劉SIR仲話埋我呀…… >__<”
冇野講啦~唔GUR！！！
之後中文，英文兩堂。冇乜野，都係咁。
果日過左啦。之後Tuesday，星期二。DAY6。都冇乜野啦~~幾好嘅。同佢都幾好嘅。滿足？不！唔知點解，總之不！！！

今日，Day①啦。要中文演講。我第廿六，區子廿二，張子第二，蘅第一。
我尋晚有幫佢地祈禱嘅，今日，個個都OK~蘅有進步呀~~~佢冇咁緊張啦，仲保持住個笑容，我諗佢今次應該高分D嫁啦~~~~努力，蘅！
之後張子。唉……唔需要講，兩個字，鋤機！！！！
區子？幾好~~~個時間好Fit~~~~講得幾清楚嘅。
之後，到我啦。…我冇乜點望佢呀，望住佢，好緊張，好想笑呀。所以，冇望>_<
我講得算係快，不過…只係剩番一兩秒，好采冇超時~ Thanks GOD~~
今日Lunch之後，CVED同電腦Test。唉……今次冇溫CVED呀！！！我唔識呀！！！今次唔係講小，我一定肥！！！>__<” 咁大個仔，第一次肥！
好HURT~！之後…電腦啦。我都唔係100%識，不過，多得鍾嘉輝「相助」，成功左啦~(唔係出貓，提下我姐~唔好誤會)~~~多謝你呀~~~ ^^”
之後英文。冇乜野，好快番同企。
點知係天橋~見倒佢呀~~~佢令轉面望住我，其實我知嫁。不過…唔夠膽望佢咁。
所以，我只係見倒佢笑。……唉…自己唔珍惜機會，邊個幫倒你呀，迪迪？

呢排D Diary好長，唔好意思。不過，我諗星期五仲長 >.<” 因為我想講下自己。
呢排有多人講我D野…睇來我都要講下啦。
只在乎天長地久，不在乎曾經擁有！！！希望，夢想成真！！！祈禱！！

>>March 18, 2005 at 1:58:59 PM GMT+8