| 日記 | 日記主簡介 |
||||||||
2005 年 10 月 27 日 星期四 【晴】 倒數時計，開始： 十二月三十一Band乘Dance乘Play尚餘六十三日； 第一場高考尚餘一百五十四日。 這是暫時應該倒數的日子。 另外還有不夠十五年，感覺著。 
嬌拔慈生日快樂！！多謝你果餐生日飯！！ 以下內容分上中下三場，請細心欣賞......................
無心情做各樣野................. 拉筋、認真拉筋、重點拉筋、早起床、戰前心理準備、吃早餐、戰前生理準備..........各樣。 陸運會決賽日，110米欄加標槍。 110米欄： On Your Mark。Set。熗聲。 心裡湧起一句：「原來我未預備好。不，原來我無預備。」 無辦法，都要照跑。 第一個欄後腳整到，心裡早就放棄了，都要繼續跑。第四。 標槍： 雖然入左頭八，雖然勁過上年冠軍，但係都係得第四。 又係第四。 冇獎，都預左都唔緊要，最衰係左右大腿後面果條肌加右手隻老鼠都拉傷左！ 食完飯下晝返去點完名之後同四位同學偷走，我就去左自修室。
自修室： 琴日子軒俾左本Inorg Chem我，我就當然睇啦 一睇就睇左兩課，都幾滿足 仲要Under Line左，明左！ 之後就用左三個鐘睇完、欣賞完一本共一百六十頁的書 覺得好頭暈，同埋好頭暈，仲有好頭暈！ 隻眼就睇唔係好到D遠野！ 感謝主，到中七終於都培養到閱讀的興趣！ 不過都學左好多野！都諗左好都野！寫底左三頁野！ 有一個決定，就係以後唔講「真係想死！」改口為「人都癲！」 想死，用令聽唔明既人跌倒，氣氛唔好； 癲，但還有生命，還會繼續要作的事情！ 其中一個真人真事係講有一個機場地勤被個客無理取鬧 個客問佢叫乜名，佢答：「My Name is AIR FRANCE」 以公司名字自稱的人，藉得我們多多深究！
返到屋企就記番起今日點解可以去自修室 人都癲！ 好奇怪地心裡卻異常的積極，是「人都癲」的功效乎？ 又記番起LUNCH同學拍拖訴苦分享 男方因純數科無數的功課，身體疲倦， 不能再像從前追求「夜夜不眠」的對方時，於電話中等到對方累才一起睡 女方於比較下，晚上談話間投訴 男方不力，明言再聯絡後收了線 第二朝，充滿體力的男方補鑊，接通了後就是女方的一輪轟炸 女：「@&%^%^#%@*&($#@#@$HBFY%$@G$#G##!FC@%^#^#」 男：「我以後多D打俾妳啦............補鑊補鑊補鑊.................乖啦乖啦！」 女：「乖啦乖啦？？？宜家即係話我錯啦？！」 男：「『O咀』無言.............扯開話題........」 此事我不方便作任何評論，大家心照啦 獲同學分享心事，感覺良好，一有機會，我就分享耶穌！
三場各有不同，淨係可以講，今日好豐富！ 感謝主！ 雖然有D位仲可以寫多D，不過都係寫夠Lu。 >>October 30, 2005 at 8:06:58 AM GMT+8 2005 年 10 月 26 日 星期三 【晴】 倒數時計，開始： 十二月三十一Band乘Dance乘Play尚餘六十四日； 第一場高考尚餘一百五十五日。 這是暫時應該倒數的日子。 另外還有不夠十五年，感覺著。
中，Phy，Chem，Bio。 Bio Lab 解剖老鼠！ 首先係一陣陣既消毒藥水惡臭！ 接著輪到阿蛇自導自演，剖了一隻作示範！ 可能我企得遠，所以都只係有消毒藥水味！ 到我地了，一人一隻，嘔心！ 特別是剖解了肚子時，因為新鮮老鼠的關係 佢地既腸胃係仲有一堆未消化物 有人唔小心幫隻老鼠「柯」屎，仲好好玩 邊個「柯」唔出，我都可以幫你開肚推屎！ 到我，開肚，好臭！ 仲要近距離工作，將佢既腸排番好，釘響一邊，之後仲要畫 要留意的是，佢既腸係打晒結嫁！ 慢慢咁左一鉗，右一鉗，我唔小心分開左腸與腸血管 [下刪核突內容五百字] 完成，除了那個小錯誤外，其他都一流！ 去到佐敦，因為時間關係冇去Mc Cafe，直接上去做野 敬拜隊練習，小螢主席，肥雄又缺席，阿華唔知第幾次話要炒佢 因為肥雄唔響度，阿華重點陪訓台上各人 重點係乜？係用最簡單做最多！ 最重要係乜？上面那個父！ 彈性極高的小組生活，我大概還可以接受多幾次的 返到屋企都冇乜心情。明天的陸運會，都冇乜心情...... P.S. 雖然早左成個月，但係買禮物給組員係最開心既！ 不[單只這樣]，買到心水禮物給組員才是最開心的！ >>October 28, 2005 at 4:00:12 PM GMT+8 2005 年 10 月 25 日 星期二 【晴】 倒數時計，開始： 十二月三十一Band乘Dance乘Play尚餘六十五日； 第一場高考尚餘一百五十六日。 這是暫時應該倒數的日子。 另外還有不夠十五年，感覺著。
凌晨兩點四十幾分，聽到房外有人聲，並有人的步行聲。 背景： 小弟睡於天台，晚上理應無人問津，另外加上敏銳的聽覺，晚上應只有蟲與樹的聲音。 夜媽媽，伸手不見五指，聽到有聲，你都米話唔驚。 感謝主，最後都平安地睡了。 其實我應該都唔會俾D聲嘈醒，可能真的因為太多壓力，太多憂慮，太多心事吧 搞到小小野都可以嘈醒我！
起床，原來是爸爸凌晨上天台禱告，他說他被神呼喚，所以到天台祈禱。 返到學校就做野，唔知點解，我都仲係好似返工咁。 蛇得就蛇，完全冇諗過要為自己賺取一點點的知識...... 點解我仲可以咁嫁？係唔係癡線嫁？唔想讀就退學啦，仲響度托！
借左某組組長句野，今日用得著： 第四份工...小組... 首先...想同所有既組員說句對不起... 我對於要認真做的事情就真係得個做字，甚少講解 等你地都好似唔知做緊乜咁...請原諒我... 不過...做你地既組長...都真係好辛苦... 好多時...好多野我都不自覺地用負面去睇... 我真係好想大家都可以委身多少少... 我真係好想大家可以有發自內心既關心... 我真係好想大家有事時都會想到向組員們分享... 我真係好想可以快 D 開到核心會... 我真係好想可以有穩定既小組時間... 我真係好想「妳」可以同我一齊為小組祈禱... 我真係好想大家俾多點回應... 唔知你地有冇 D 咩係想做架呢... 以上既...我知你地都可以做到... 而講真...以上既...我都有好多項做唔到... 所以...大家一齊努力...死多 D 快活 D... 小組唔係我既...而係大家既...可唔可以一齊努力呢... 我加左一兩句，大致上內容相同。 唔知又有幾多個會睇到呢？
唔知今晚訓得好唔好呢？ >>October 27, 2005 at 3:30:31 PM GMT+8 2005 年 10 月 24 日 星期一 【晴】 倒數時計，開始： 十二月三十一Band乘Dance乘Play尚餘六十六日； 第一場高考尚餘一百五十七日。 這是暫時應該倒數的日子。 另外還有不夠十五年，感覺著。
爸爸病了，父傳子，我也病了。 早上沒有回校。 下午回校做Chem Lab，煲要野，煲成個半鐘。 無聊到極點！！真係佩服那些讀Pure Chem的人！！ 聽聞大學還要日夜狂煲！ 都癡線！ 交番D功課，寫左封檢討信，交埋俾訓導 事情應該了結。 Hea日。 >>October 26, 2005 at 10:26:15 AM GMT+8 2005 年 10 月 23 日 星期日 【晴】 倒數時計，開始： 十二月三十一Band乘Dance乘Play尚餘六十七日； 第一場高考尚餘一百五十八日。 這是暫時應該倒數的日子。 另外還有不夠十五年，感覺著。
第一堂，物理。 大家都黑口黑面，恰巧輪到我坐前面........... 唯有乖乖地，溫物理，靜靜地睡覺！ 其他同學都一樣，自修既就自修，睡覺的睡覺。 訓導果邊要開會，中七上堂睇報紙要記大過，天大的笑話！ 他們未開會，我仲有時間做下樣。 認衰仔， 我會覺得頗奇怪，同樣別人也會； 因為突然的轉態，好像有點虛假。 前面點做，我想好了。 就等到師生關係斷絕時[畢業]，我才展開全面攻勢 現在要面對高考戰場才是正確的方向 如果缺點要臨到，唯有出動家長。 如果我可以控制自己的話，就把這事處理為「暫時『 各』置類」。 回家與爸爸傾了一會 沒錯，我咁搞，隨時搞到阿蛇連工都冇，老婆同個女都冇飯食。 但係另一方面，我又係唔係要俾佢繼續自欺、自以為是、繼續誤人子弟？ 自己的事，應該自己承擔。唔掂擋的，不應該受到保護。 算吧，得閒先搞佢。
晚上開始凍起來，加了一張冷氣被 但係個鼻都係要受冷風所襲。 回想起小時候，因為流鼻血流得太頻密，所以做了一個小手術，將入要條血管整走 之但係宜家個鼻少左血到，好易就凍親，好敏感。 有陣屎，有D野，有又衰，冇又唔好得去邊。頂！ P.S. 終於都搵到佢喇！無花無假，無改板！ 不過好似上面個句咁 有又衰，冇又唔好得去邊。 >>October 25, 2005 at 2:48:27 PM GMT+8 2005 年 10 月 22 日 星期六 【晴】 倒數時計，開始： 十二月三十一Band乘Dance乘Play尚餘六十八日； 第一場高考尚餘一百五十九日。 這是暫時應該倒數的日子。 另外還有不夠十五年，感覺著。
一有壓力，我會去邊？ 玩自閉，自閉玩。 今日去左。 就這樣的一天過了。
想起琴日阿華舉例： 牧養是要有目標的，例如牧養到關係可以到他會自動致電給你 唔講唔覺，一講就好覺。 宜家有兩個會自動致電[聯絡]給我，謝謝謝謝 可惜不是核心。苦笑。 來自妳的問候意見支持，真係好開心 而且妳也是最有資格給我這番話的，哈哈哈哈 道友會從哪裡得到最大的鼓勵？當然是已經戒掉毒癮的人！ >>October 24, 2005 at 1:10:01 PM GMT+8 2005 年 10 月 21 日 星期五 【晴】 倒數時計，開始： 十二月三十一Band乘Dance乘Play尚餘六十九日； 第一場高考尚餘一百六十日。 這是暫時應該倒數的日子。 另外還有不夠十五年，感覺著。
一朝早就去醫院問姑姐取藥， 之後就會合同學去港大。 他們曾經不信我，但到最後還是要用我的方法去港大！ 沒錯，我是有一個星期到港大的經驗的！ 去到港大，大家就分道揚鑣喇 我就有一句鐘的活動時間，因為要一點許離開兩點返佐敦傾小組野。 去了 音樂系： 情報：中大比港大更睇重AL成績，而不睇重香港技巧；港大則相反 而且有人三條E都入到港大！！ 哲學系： 情報：因為無論學生同教授都有好快既轉數[腦筋]所以成日都有得搞Get 上堂氣氛應該很不錯！ 文學士建築： 情報：有人做工學士，得個計字，但比起工學士，做文學士的建築會是一個更佳的選擇！ 回到佐敦，一點五十八分： 我電了晶姐，問她去到哪裡[其實主要係想Check下佢知唔知今日要兩點返]。 她答：「都未夠鐘，仲有幾分鐘呀！」 但係實際上佢只係去到太子，而且遲了幾個字 算吧，她知道我已經很高興。 不過都唔緊要，因為仲有人遲過佢............... 傾傾傾，傾唔夠就要開始練敬拜了，還有一半，加油！ 丫，下周小組到九龍城，黃昏六至八 之後都冇乜精神，敬拜講道如常。 與嬌拔慈及他舅舅&媽媽吃飯！ 謝謝豐富的晚餐[包括吃進肚與吃進腦的！] 很久沒見了！ 回家的路上遇上同學，GOOD！ 去到要自己走的路上，對祂說： 「今天真的豐富，真的很豐富，感謝主！ 但總覺得欠了你，欠了你天上的豐富。」 還有，當獨個兒的時候，醒起了 「其實今天所看的港大前程，會否只是一個美夢？ 因為星期一要發生的事，我也不知道。」 回到家，當日問祂有關「拿弗他利」的事，祂給了我答案 以賽亞書 9:1 但那受過痛苦的，必不再見幽暗。從前 上帝使西布倫地和拿弗他利地被藐視，末後卻使這沿海的路，約旦河外，外邦人的加利利地得著榮耀。 要得著榮耀，必要先見過幽暗、受過苦、被藐視。 但未來必有福音從此湧出！ 不用急於榮耀自己，乃要專心清心的對著主！ >>October 24, 2005 at 9:40:42 AM GMT+8 2005 年 10 月 20 日 星期四 【晴】 倒數時計，開始： 十二月三十一Band乘Dance乘Play尚餘七十日； 第一場高考尚餘一百六十一日。 這是暫時應該倒數的日子。 另外還有不夠十五年，感覺著。
陸運會初賽日，今年都是同樣出秘技[鉛袋戰術] 110M欄，18秒34，全體排名第二。第一果個18秒21[大約] 不過響我果組，有人臨尾收步，佢係專業運動員！ 所以到決賽時，可能金牌都未必有 有人見到施蛇於看台上睡覺，最衰我冇相機 如果有相機，又被我影到佢的話 佢就真係輸到底褲都冇！ 呢個戰場[陸運會]大概是最後一個的小型戰場 遲點就再沒有了。 要去到更大的。 五點番屋企，開組，還可以吧 大家都很喜歡亂搞我的東西！！！ 原來我也有些東西是不想給他們搞的！！！ 潔癖乎？ 今天晶姐請假與春梅玩耍，我批了 大家都很累
關於施蛇單野，我決定 認衰仔， 我會覺得頗奇怪，同樣別人也會； 因為突然的轉態，好像有點虛假。 前面點做，我想好了。 就等到師生關係斷絕時[畢業]，我才展開全面攻勢 現在要面對高考戰場才是正確的方向 如果缺點要臨到，唯有出動家長。 如果我可以控制自己的話，就把這事處理為「暫時『 各』置類」 有錯就認，才有尊嚴！ 認衰仔不是抓破自己的臉 至於他要否自省，我才不要教他。 到Last day時，我出一份試題「投訴信」給各同學作練習用 當然是投訴他吧！ 全民攻勢，我要他到哪間學校，信就去到哪間學校！ 他真的只是一名物理大學生，不配成為教師 空有知識者 絕不能讓他誤人子弟。 星期一，還是需要大家的禱告！ 先謝了 >>October 23, 2005 at 2:56:50 PM GMT+8 2005 年 10 月 19 日 星期三 【晴】 倒數時計，開始： 十二月三十一Band乘Dance乘Play尚餘七十一日； 第一場高考尚餘一百六十二日。 這是暫時應該倒數的日子。 另外還有不夠十五年，感覺著。
頭一堂...............PHY CTP[Class Tutor P......]池蛇又講琴日，講長氣的說話 老實說，池蛇經已 多次於PHY蛇[達吉]與各學生之間作中間人 大家都知道甚麼事，不過，池蛇也要講講訓訓話 今次他特別講到，師生之間有時候是真的沒有平等 即使如何亦師亦友，師，永遠都在生之上 特別是自尊心高、自卑的老師 他絕不能容許學生能超越他，絕不能「不恥下問」，絕不能讓學生的能力[包括學科上]蓋過他 絕不能讓學生發現他的錯誤，絕不能由學生糾正他的錯誤 就是這樣，對著「達吉」，我就犯了以上的錯誤。 CTP之後，到了PHY堂 「達吉」第一句係：「因為陳志誠態度好，所以算吧；但係另一位同學[我]就會...............」 唉..................都預左 琴日放學又話冇事，放我走，宜家又秋後算帳，條友都一時一樣 又要人細心呵護他大男人的心理，又要.............................. 殺一警百立軍威。我認為有實力的，是自然會有軍威。否則都只是靠外在的東西，不是自己！ PHY堂後，中化堂 中化蛇係訓導之一，他一入班房就叫左我出班房外 單獨對我說： 「阿施Sir話要追究，話要記你[我]大過；不過我同佢講，叫佢考慮下。星期一先決定。 你[我]自己小心點，識做，主動點。」 我聽完，都呆左。 上堂睇報紙加上「糾正」老師人格錯誤要記大過 如果這個是對中七生的要求，那麼我無話可說。 但如果這個的確是對中七生的要求，我看全班每個同學都記多個大過！ 仲有，乜叫識做，可否講得明點，陣間越搞越衰就仲死 好煩呀！！！！！我都只是讀中七吧！！！！！可惜的是我是另類！！！ 聽完，萬多個念頭裡其中當然還有前途及解決方法吧。 如果真係記左大過，我既大學旅程必定告吹 反抗。家長攻勢。組織同學攻勢。講道理。...................................... 很難想像，究竟收到一個訊息後，大腦出現萬多念頭，是何境況？ 真係好辛苦，好想放棄，好想逃之夭夭，好想離開，好想退學，好想.................死。 就是幾句的言談，一分鐘多，我就要回到班房裡 繼續面對日常的學習、練習、溫習、實習............. 將所有野交給主，求問主在這事上的心意。 放學，Mc Cafe，睇書 好多人，我見到個卡位其中一邊冇人，問，坐下 原來他也是基督徒，在忙碌工作[包括教會牧養及職場] 我也得努力睇書！ 叫了凍啡多甜多奶，精神。實質是麻醉自己。 「讓自己更清醒來麻醉自己」 好像有極端的矛盾，但的確發生了。 敬拜隊練習，[我]外在的表現都蠻好，但只是華美的穀吧。 幾次，肥雄的失準，被阿華叫我打給他聽，但最後肥雄都卻只是聽，並沒有實踐的機會。 可能因為心裡的憂慮依然，我忘記了對肥雄說一句話： 「可能我真的比你準確穩定，但，我得告訴你，這些都只是經驗和練習的累積，沒有甚麼的大不了，而且你也不要放棄！」 希望大家都多多鼓勵肥雄！佢都真係幾需要被啟發！ 今次真係做到用最簡單的技巧，做最多的野 花巧都沒有用，唯主同在才成 穩定而清楚的節奏加上少量層次變化及少量過門，有時候也很管用 因為大家都可以於「好清楚發生乜野事」裡作最佳的表現！ 回家，獨個兒。Clarie有公事沒有回敬拜隊 路越長，倍感孤獨。 P.S.我好想換眼鏡[框] >>October 22, 2005 at 4:36:11 PM GMT+8 2005 年 10 月 18 日 星期二 【晴】 倒數時計，開始： 十二月三十一Band乘Dance乘Play尚餘七十二日； 第一場高考尚餘一百六十三日。 這是暫時應該倒數的日子。 另外還有不夠十五年，感覺著。
今日真係超級不滿，不滿D乜？我又講唔出喎 或者只是這一刻未組織好。又關自己事，又關阿蛇[SIR]事，又關制度事........... 於七樓高的教員室的門外有想過退學，也有想過跳下去............放心，我冇事，想抗議吧！ 順道勸大家小心魔鬼隨時的謊話！ 做甚麼不重要，重要是心裡發生甚麼事。但係，我都係未組織好。 可以形容的是： 我就像一頭高速行駛的列車，若走在正軌的確是一件美事 但，每當走錯了，自己又改不了的時候 祂就握著重鎚，毫不留情的痛擊，以致我不至於離得太遠 若我不是那麼高速，可能要承受的力度不用那麼強 只可惜，過山車，總是那般的刺激！ 刺激！ 想強調番，今日係刺激地唔開心嫁！ >>October 19, 2005 at 2:28:08 PM GMT+8
|
|
<br>感覺你是特別的，生命充人氣: 43111
Design & Scripting by ShowHappy.Net