| 日記 | 日記主簡介 |
||||||||
2006 年 1 月 5 日 星期四 【晴】 倒數時計，開始： 第一場高考尚餘八十六日。危險期..... 這是暫時應該倒數的日子。 另外還有不夠十五年，感覺著。 
放學之後去左gilbert屋企睇戲，有d野想同你講 但係想像到要講的時候就有點奇怪 ENJOY >>January 8, 2006 at 10:42:56 AM GMT+8 2006 年 1 月 4 日 星期三 【晴】 倒數時計，開始： 第一場高考尚餘八十七日。危險期..... 這是暫時應該倒數的日子。 另外還有不夠十五年，感覺著。
十八年來一直都很怕一樣野，唔知大家有冇察覺到呢？ 今年要面對番，吃力！ >>January 8, 2006 at 10:38:31 AM GMT+8 2006 年 1 月 3 日 星期二 【晴】 倒數時計，開始： 第一場高考尚餘八十八日。危險期..... 這是暫時應該倒數的日子。 另外還有不夠十五年，感覺著。
終於都開估，暫時可以唔需要參與太多，都會係一個唔錯既安排 危險期，大家都係專心讀書好！ 返學放學，無聊的一天。 再從同學口中聽到一句說話：「溫書啦你！又唔係唔得！」 唔知呢，好多人都係咁講，但係.........大家都可能俾我呃左，我未必真係咁得 但係我會試下！
承擔！ 呢個字又究竟點解呢？呆。 >>January 6, 2006 at 11:00:55 AM GMT+8 2006 年 1 月 2 日 星期一 【晴】 倒數時計，開始： 第一場高考尚餘八十九日。危險期..... 這是暫時應該倒數的日子。 另外還有不夠十五年，感覺著。
本來今日要返學，不過......返唔到，我病病 因為媽媽既一句，我又記番起細個D野，不過今次我決定要解決左我細個既所有陰影 關於「回憶小時候認識今天」既呢個FILE都應該可以CLOSE， 可以唔駛咁刻意去猛咁打開佢 不過其實有幾多個人知道我開左呢個FILE呢？ 又有幾多個人會為自己開一個咁樣既FILE呢？ 真既，今次真係全日響屋企休養，冇玩！！ 去到夜晚，先收到VICKY既MSN，大家知道佢聽日走嗎？ 但係佢今晚先至約人囉.......真係擔心佢過到去唔知點....... 祝福佢成長成熟到脫離父母的路上靠主得力啦！！！ 搞點好聽日個約會之後就同阿紅傾左陣，佢冇得用電腦 又冇人搵佢喎，真可憐，難道大家真的只能透過電腦交通消息 幸好，我搵左佢，當然講完以上公事後，有私事講啦.....
繼同果日阿芝傾完，加埋阿紅，我有些結論： 1. 當你發現你因為忍受一個人，而反令好多個人都要忍受你的話； 當你發現你因為等候一個人，而反令好多個人都要等候你的話； 當你發現你因為照顧一個人，而反令好多個人都要照顧你的話...............ETC 我今日決定唔再為左一個人而忽略其他人 對任何一個人都不公平！ 2. 「似係」或者「未係」都應該歸類為「唔係」 唔好呃自己，唔好將D注意力放響一D幻想上面 ( 其實可能同1號結論差唔多，只是我用另一堆字去講 )
還是阿華說得對，接觸一些人，一些生命，應該可以睇多D！ P.S. 有人話：「朋友就是同一個靈魂生存響兩個驅殼內！」所以...... P.S.2. 我堆字係有味嫁，如果生吞既話，可能你去吃嬰兒菜會好味D <--------傻了，不用理會 >>January 4, 2006 at 12:46:08 PM GMT+8 2006 年 1 月 1 日 星期日 【晴】 倒數時計，開始： 第一場高考尚餘九十日。危險期..... 這是暫時應該倒數的日子。 另外還有不夠十五年，感覺著。
今日成日都響屋企，休養休養，夜晚出左去食「歡送派對」 想做功課，又想訓，不過勁頭痛同勁咳，搞到兩樣都做唔到......... 坐響度，唔知做乜........呆 [附加側頭動作... 側]
睇左各大日記，原來我都冇乜多謝邊個，仲有未寫咩前瞻........ 或者真係冇乜特別邊個要多謝，或者又驚俾人話我寸掛....... 前瞻方面，真係可能對自己失去信心，所以都冇意欲要前瞻 要多謝主[耶穌基督]，呢年好多的管教，刺激，鞭策...........勁！！勁多的去預備我，忍受我....... 要多謝華區牧，雖然我好少，你都好少搵對方，但係我知你有你既一套牧養方式！ 要多謝阿紅，於眾多中五同學仔[女]中，你係同我KEEP得最好既！ 要多謝嬌拔，心照啦！！HEE HEE 要多謝菠蘿，於一眾組員中，我稱你為戰友！只可惜...... 要多謝組員們，神透過你地對我有好多的預備！ 要多謝阿女，心照啦！！HEE HEE 要多謝HEART SELL，神透過你地對我有好多的預備！ 要多謝CLARIE，每個星期四的支持！ 要多謝芝姐，介紹服務。 要多謝阿強，自發性既行動對於我係好多既支持！ 要多謝好多兄弟/姐妹，雖然少接觸，但係關係無間斷 致勇、蟻哥、建華哥、芝、基表哥、之爺、莫.......... 唔想濫多謝人，雖然可能冇你個名，但係唔代表我唔記得你。 要多謝子軒，我學識咩叫放手；咩叫講拜拜；咩叫唔好亂咁 俾人 / 幫人 霸位。
前瞻： 繼續去尋找，活現以下身份、靈魂： 「FREE RUNNER」「擔旗手」「SALESMAN」「鹿」 認真的擔起戰旗，於異象上承擔，戰鬥，奮鬥，召集！ 承擔，會係一個整年既課題！ >>January 3, 2006 at 9:06:42 AM GMT+8 2005 年 12 月 31 日 星期六 【晴】 倒數時計，開始： 第一場高考尚餘九十一日。危險期..... 這是暫時應該倒數的日子。 另外還有不夠十五年，感覺著。
凌晨三點幾先返到屋企，沖完涼，食左個蘋果就開始打日記 做乜唔訓？D咖啡藥力未散，而且仲超精神 打左好多，但係發覺越打越多....... 六點先至去訓。 響BAND & DANCE 倒數SHOW學左好多野 其中一樣是，如果要我搞，場地方面一定不會用大場 台上台下不能打成一片，觀眾只是觀眾者就是用大場的缺點 試回想前年的九一二，互動完全不夠！！ 我寧願興起更多人，分開不同的地方，讓不同地方的人都可以共樂樂！ 反正教會只有一間，誰舉行都沒有分別！！ 十二點幾起身，睇左NINJAI GANG，有些意思！！ 睇到三點幾左訓過，HEE HEE，七點幾出去食飯，周身骨痛，好似想病咁樣 好辛苦呀！！ 但係，總要回顧一下！！
回顧零五，我應該成長緊，但係......好辛苦 有以下重點 異象：音樂------->有迷失、有懷疑的時候，但昨天的倒數，我肯定了。 學業：沒有長進 九型人格：三號，不太感覺到自己的三號 眼淚：很多，比從前加起的更多 如果要用一個環境黎形容零五： 好像是整年也在流沙池裡渡過，偶然會有一兩個激勵士氣位，但係情況都係一樣 依然的續小沉降。 生命依然像那隻吸食別人名字的怪獸，但依然找不到自己。 膠著狀態，混亂！！未明朗。 當天阿芝的夢似乎成了真。 環境或物品依然不及心意，亂！電話、房間、袋、衫褲鞋襪。 我好像有很多喜歡的事情都變得不喜歡或者需要其他形式去表現。 十八歲的生日。 被迫放棄了很多，有人，有事，有物，有感覺，有希望........ 依然的單身。 浸禮。 膚色漸漸沒有陽光了。 多閱讀了，但有些東西還需要去取捨。 小組人數降至幾乎零，因為這個小組不如小組。 樂理：有跌有起、有悲有喜。 對一個重要的佢多次失望，我唔玩LU。 究竟我有冇知己呢？ 有一個經常出現的狀況，就係D人成日都於唔了解我既情況下亂咁批評， 唯一的解決就係繼續努力做直到你看到！ 不需要與甚麼人交代，也不能期望有甚麼人支持--------->我的「怪」行 最劣的情況就是不明白我的人仍師長們，只有地下作業。 藝術家要所面對的！背上甚麼名字就要面對甚麼壓力與限制， 不要只看到美好的一面，也要有面對困難的心理準備。 四月巴士牧養消失，六月就連餘羹也沒有。 七月十六開始，有好多野我都限制了自己，有好多野我都唔敢想，唔敢考慮， 開始對自己冇信心。 分道揚鑣。 依然覺得自己係活死人，沒有靈魂，沒有所喜歡，所愛的事 尋找靈魂的範圍收窄 「FREE RUNNER」「電影」「建築家」「藝術家」「旗手」 「敏銳觸覺的小孩」「salesman」「鹿」「長輩」「男人」 原來，零五的每天都在回顧著反省著，會是好習慣，還是壞習慣？ 總覺得零五的CHAOS會為零六帶來穩定而上進的姿態 受過流沙池的訓練，相信就算是山地也難不到我！ 期待零六的黎明！
好病，頭痛，喉嚨痛......好辛苦 >>January 2, 2006 at 8:05:43 AM GMT+8 2005 年 12 月 30 日 星期五 【晴】 倒數時計，開始： 十二月三十一Band乘Dance乘Play是日； 第一場高考尚餘九十二日。危險期..... 這是暫時應該倒數的日子。 另外還有不夠十五年，感覺著。 
今日呢篇日記應該會好長，請忍耐。謝謝！ 先有今日的事件記錄，後有零五大事回顧 成晚冇番屋企.........朝早十一點幾先回家 即刻沖番個靚涼，之後就吞左兩件獨立包裝既蛋糕仔 好，拾好行李，出發！ TOP SALESMAN！！ 兩點出到去佐敦，敬拜隊練習。兩點九約了晶姐傾小小東西 對不起，我沒有太多預備，加上剛才的練習充塞腦袋，所以過了五分鐘才入到正題 三時正，聚會開始，要暫停傾談，剛好暫停在衝突的位置 但感謝主，祂提醒我，祂會作祂的工，要祈禱！ 同晶姐祈完禱事情交托給神就去玩遊戲 心裡依然懷疑傾談的內容會否影響她聚會的心，是我信心少！ 到了敬拜，有了經文給她的，感謝主！ 接著是講道，問了她剛才的敬拜神是否對她說甚麼 跟著再傾了多少少，感謝主，有起色了！！！努力！！！ 是耶穌在作工！！ 成哥的道，最深刻的是： 「由細至大的聽力操練」 「我部收音機究竟有冇電？」 「我既責備有否力呢？會否像祭司以利一樣呢？」 成哥的呼召，我出左去。 得罪神既地方就係會濫用神創造我寶貴的身體 例如： 口會在一些蠻夷場合 [粗口橫飛，負面信息橫行] 加入令人跌倒的陣營 大家都守望我吧！
然後就去食飯，打羽毛波。 見到昨天的我，還要比我更強！！ [關於負面的、細路常犯的、成長必經的] 祝福佢啦！！ 晚上九點半想起要幫手set場，在不足的地方盡上我的力 無奈得我一個，見到阿莫坤凌響度傾電話又唔打波，就叫左佢陪我返去 中途整左杯凍啡多甜，怕陣間個SHOW太累欠精神 世界真細小，原來德信既同學仔唔係離我好遠 到了興富，就開始忙呢樣忙果樣，仲要中途接LEO上去，唔知大家仲記唔記得佢呢？ 再上到去，成身汗，換衫，聽到阿女嗌媽媽，可惜太忙啦，好似連正面一看也沒有！ 見到越黎越多人，心裡面只有越黎越興奮，因為將會有好多人可以分享呢個倒數SHOW 可以一同經歷有耶穌有喜樂靈的倒數！！ 本應計劃再抽一點點既時間背歌詞，你知啦，上個星期先作好，仲要今個星期四先改好 可惜............對不起，我的預備不足。 首新歌《YOU CAN》有少少HARD CORE同HEAVY METAL 好怕大家會嫌太嘈。的確，我是冇太多的信心
開SHOW，要大家坐著吵耳，總覺得不好意思，未知大家又覺得怎樣？ 美女與野獸，好嘗試，欣賞眾美女的勇敢！！！ 大家需要知道上台的壓力是很大的，其憂慮當然是萬分吧！！ 阿華野獸就........心照啦，哈哈哈 十兄弟[姊妹]，相信你們將來必定是一班很親密的朋友，組BAND就是這樣！！ 感受到你們之間的溫馨並彼此的支持配合 大家需要知道他們都是剛剛出道的，而且人多的時候，會有手腳亂的發生 但見到他們是很齊心的！！！正！！ LOVE SPIRIT，有好多隻舞，真係超PRO，簡直有舞蹈團既份量！ 大家需要知道記舞步，仲要係多首不同歌曲，速度，隊友分佈等等 背後必定有刻苦的練習，長期的動作背誦，時間上的委身也很多呢！！ 大家欣賞她們嗎？？有興趣加入嗎？？哈哈，我沒有收廣告費的 LV，完全是華麗的組合！！帶有CLASSIC的味道，是走優雅路線的，令人有高尚舒適的感覺！ 選擇CLASSIC路線，就是挑戰自己、要求自己對音樂的認真並有一絲不苟的精神！！ 選擇挑戰自己的音樂質素與生命質素是最藉得我們欣賞與學習的！！ 正嗎？？ HEART SELL，我倒覺得有點不認真，特別是我，歌詞都忘記 但很經歷到主的同在，完全無分台上台下，大家都一起唱一起跳一起大嗌 歌詞不能用口去唱都可以用身體和喪嗌去表達，神的創造是應當稱頌的！！ HEART SELL的成員，心之推銷員人數突然增長二十多倍，勁勁勁！！ 因為我相信有份喪嗌的大家都是會竭力傳褔音的人，用心傳福音、牧養的人 你們，我們都同樣是HEART SELLER！！！ MC，兩位姊妹，臨危不亂，台上台下都依然散發著喜樂的生命，有笑容！ 大家需要知道她倆所預備的講詞都經過悉心挑選的，正正正！ 燈光，配合得很好啊！！大家試想想如果整個SHOW的時間所有光管都開了 是否氣氛大減呢？而且他們放棄自由活動的權利，選擇坐定定，堅守崗位 為我們制造視覺上的娛樂 是值得欣賞的！！ 音響，整個場的音量、音色、音質都很好；咪的安排也沒有出錯，讚！！ 大家需要知道於漆黑中面對一大堆的按扭絕非易事！讚！！ POWER POINT，要處理幾百頁依然準確無誤，勁！ 他是我們咬字不夠清晰的補充，是樂曲與觀眾交流的另一重要途徑！！ 而且於漆黑中面對兩小時的電腦螢幕是很傷眼呢！！ 你會欣賞他的委身嗎？ 場務，所有的安排也很恰當啊！！所購置的SHOW物資也很適用！！ 欣賞你們的心思與計畫！！ 敬拜，不用多說相信大家都感受到那種別處沒有的囍樂！！ 感謝主，哈利路亞！！！沒有別的神可以這樣的勁爆爆爆爆！！！ 籌委，是幕前並幕後的功臣，他們的準備正嗎？你欣賞嗎？ 還有他們抽時間去商議，籌備，禱告，聯絡，挑選人手，寫流程等等 沒有錢賺，也這樣委身，就是為要安排這個倒數，絕對抵讚！！！ 還有很多很重要但微小的服侍與背後的禱告我看不到，但我信你天上必有福要臨到你！！ 還有全場參加者的投入，就連職業FANS也要退位，正正正正正！！！ IF YOU THINK YOU CAN , YOU CAN!!!! BECAUSE OF JESUS!!!!!!! AMEN???
日記太長了，看來零五大事回顧睡醒才寫吧！！免得大家睇到眼花！ 祝福大家，新年各方面都發旺發狂！！ [當然除了神所不喜悅的事啦！！] >>January 1, 2006 at 7:10:50 AM GMT+8 2005 年 12 月 29 日 星期四 【晴】 倒數時計，開始： 十二月三十一Band乘Dance乘Play聽日就到； 第一場高考尚餘九十三日。危險期..... 這是暫時應該倒數的日子。 另外還有不夠十五年，感覺著。
凌晨三點三十七分醒左，望著個天花板 [漆黑一片] 想訓番，但係訓黎訓去都訓唔到，淨係覺得好熱、好熱、仲有好熱 我係唔係發燒？我係唔係已經死左？ 主啊！您仲乜無端端叫醒我？？ 跟著開始諗野，亂諗野，之後祈禱 四點幾，反正都訓唔番，唔好浪費時間！ 起身，沖涼，之後打左呢份日記。 我考慮左好耐，想鬧人，仲要係鬧爆人。應該唔係鬧緊一眾親愛的讀者
信得耶穌，你就經已係~分別為聖~嫁啦，我想問你 你搞D咁既野，同出面D人有咩分別？請問你有邊個器官特別的聖呢？ WWJD既手帶，相信你都有戴過，仲可能有好多條 唔好話要背起十字架，耶穌基督的眼光你又放左去邊？ 仲有，望著你返教會個死樣，好似番教會好辛苦，有人迫你番咁 但係你究竟知唔知好多人都會望到你個死樣嫁？知唔知咩叫影響市容呀？ 知唔知你響度影響緊個旅遊業呀？？？你個樣好衰呀！！ 未完，返教會果下動作，完全毫無期望，毫無準備，番到好似係例行公事咁 唔到最後一班車都唔想出門口，搞到遲到離晒譜，次次都會有意外 唔係塞車就係出門口漏左野，仲有無數條大條道理，仲要問番我：「咁我可以點？」 駛唔駛叫齊所有人等埋你先開始呀？？？ 如果係咁，我寧願你唔好番！！ 一來你咁樣番，番黎都冇意思； 二來你個死人樣，番黎想敬拜定係想殺人呀？； 三來你果D態度，就算影響唔到我都影響到你隔離果個啦！！！ 委身呀！！如果好委屈你、好屈就你，不如你都係唔好番啦！ MOREOVER，俾個~名~你，唔知你會唔會覺得係光榮 你唔想做既可以出聲，我都唔想俾你做 對你有期望，好似好令你難做咁 我睇到既係，你一向都唔會有意識要對自己有期望嫁啦 死霸爛霸，連個名都要霸，唔想要就俾第二個！ 我覺得鬧夠，鬧人真係好辛苦，又要就住黎鬧，搞到好似我錯咁。收筆。 謝謝各界讀者睇左一篇應該唔關你事既文字。辛苦晒！！
沖完涼，感謝主，首主題曲既正歌，唱左十幾次，感覺良好 還要繼續調整調整，努力 等我整好D曲目RUNDOWN，陣間番去練HEART SELL可以俾到大家！ 今日應該好忙，好多野發生左想講，但係得閒死都唔得閒病 人都癲！又到左耶和華大能既手出場！
十點九出到去佐敦，首先係練band show既野，之後食飯 跟著返上興富採排，我知道左好多黑暗野，好黑，非常黑.................. 採排完就上堂，好多野都重複再次於腦海出現，上完堂去吃飯 同公公那邊吃團年，見到好多正面野，又記起好多野......... 之後我冇返屋企，所以大家見唔到我on-line係正常既 今晚都想起記起好多野 主啊！你想點？ 成日搞咁多野，如果都係無意思既話，不如你直接d同我講 唔係想埋怨你d乜，但係我真係唔知做緊乜！ 唉......長歎 人都癲！ 冇啊，唔想寫咁多野。 P.S.再次為以上「鬧爆人」的文字向大家道歉，浪費左大家既時間 不過，日記呢家野好似應該係我想寫乜就寫乜？！ >>December 31, 2005 at 4:15:11 AM GMT+8 2005 年 12 月 28 日 星期三 【晴】 倒數時計，開始： 十二月三十一Band乘Dance乘Play尚餘明日； 第一場高考尚餘九十三日。危險期..... 這是暫時應該倒數的日子。 另外還有不夠十五年，感覺著。
！！TOP SALESMAN！！ 犯錯，努力拼搏，ASH 今日，收到阿華個ORDER，佢買唔到BAND SHOW隊員頭飾 要我買，好啦。買啦，之但係我是足不出戶的 路痴者是也！ 之後同阿芝出左深水埔。 時間太短，有太多野要講。無辦法........ 原來都真係好耐無同佢講過野 原來我可以咁樣.........
傾到有個位，傾到日記 個日記寫到似懂非懂咁，係因為有野想收埋，唔想講俾人聽 個日記無乜點寫個日做過乜，係因為有時真係有太多自己都唔想做既事要做 反正自己都要忘記這些不願做的事，又為何要寫在日記上 個日記成日都淨係寫我個日所思所想，其一係有D非法勾當唔方便公開但思想仍可向大家交代 其二係整天幹了這麼多的事，總覺得整理一下自己的思維與身心，比較實際！ 其三，我的確想訓練自己多想 奇怪的是，好像大家對我的無聊事更有興趣？！
敬拜隊練習： 我竟然覺得自己打得好難聽 每一下都係，每一個響聲都係，好難聽 我就覺得好大鑊，人都癲！！ 究竟發生甚麼事！！ 由小巴至返到屋企，打左俾一眾組員 我的心，痛！ 欲哭無淚 >>December 29, 2005 at 4:05:37 PM GMT+8 2005 年 12 月 27 日 星期二 【晴】 倒數時計，開始： 十二月三十一Band乘Dance乘Play尚餘三日； 第一場高考尚餘九十四日。危險期..... 這是暫時應該倒數的日子。 另外還有不夠十五年，感覺著。
今日個腦好混亂，迷糊 乜都有，要乜有乜！ 還有一個感覺，就是覺得對誰說也不好 不是因為有甚麼秘密對誰講也不好，而真的是對誰說也不好[廢話] 想封咀
多年沒有理會的傷口，到今天依然的痛 但傷口的位置似乎早已被我遺忘了，在哪裡呢？ 找不著。 事情重複又重複的發生，明顯地必定有些東西出錯 有想入森林的感覺。另一方面對三號的感覺好像很陌生。 是我嗎？很複雜
連自己也找不著，憑甚麼？ 但，誰說一定要找到自己才可以 誰說的才是謊話？很混亂 謝謝謝謝您努力去看我的日記，努力去看這堆不知所謂的文字 謝謝 >>December 28, 2005 at 3:47:37 PM GMT+8
|
|
<br>感覺你是特別的，生命充人氣: 43111
Design & Scripting by ShowHappy.Net