| 日記 | 日記主簡介 |
||||||||
2007 年 1 月 6 日 星期六 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！ 
再上再上，第十五天........................唔好玩啦
有咩感覺？坐前面，有D凍 坐下面，有D格格不入 家輝&家聰 兩個真係超柔 然後接到新JOB，希望我有能力應付吧 然後被區牧超不滿怒吼左幾句 EM...........我無理佢.................. 食飯姐，唔駛規定同邊個食呀？ 成個聖誕都無見個嬌拔慈，同佢食飯姐，有幾離譜呀？ ANYWAY，你認為是怎樣就怎樣吧 我選擇吃該吃的飯！
有D唔想返屋企，有D想先洗未來錢 有D想快D K.O.左份變變變變變奏曲 心情麻麻地，不過頂硬上吧
P.S. 妳的「山牙」超好看，七年後的妳原來是這樣 有空再見 >>January 7, 2007 at 11:16:14 AM GMT+8 2007 年 1 月 5 日 星期五 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第十四天........................變變變變，變奏曲
首先更正琴日份功課 16個Bars只是變奏曲未變的部份 阿SIR話要變佢幾次喎 今期真係死得人多
話時話，真係好搞笑，壓力底下居然可以享受甜品 當然，前面既路，還是要一步一步的行 甜品真係好死甜，不過食完就要走 想講咩？ 大概是謝謝天父所給我的甜品吧 也在說我會繼續與祂同行
一個夜晚就可以睇到我既未來？ 有冇咁堅先 我淨係知道，如果係眼看手勿動的話 我寧願唔睇 未來，當然是又食又拎啦 得個睇字？我冇咁蝕 >>January 6, 2007 at 3:57:13 PM GMT+8 2007 年 1 月 4 日 星期四 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第十三天........................一冷一熱，一熱一冷，小心身體
今日真係正！簡直刺激！！！！ 今個星期返去四日 雖然係SEM BREAK前夕，完全冇諗過真係有咁多野殺到埋黎 好衰唔衰，仲要呢四日先同我地講................真係咀都O晒 中文： 剪報評論 X2 500字 作文 X1 800~2000字 人際： 剪片 X1 勁花時間 感想 X1 700字 專題 X2 700字 英文： PRESENTATION X1 15min above 樂理： 變變變變變奏曲 x1 16~24 Bars 下星期交 請問壯觀否？
最正都係樂理份野，因為星期一放假，所以今日星期五兩班一齊上 但係份功課要下堂交..............星期一 星期六日都行程緊密，真係腳都震！
放學收到兩個電話，一個開心，一個唔開心 EM..........講開心野啦 小學同學飯聚飯聚 十四個，佢地話已經有半班喎 有D真係唔認得，個個都靚晒，靚到認唔到 我想話，我見番佢，見到另一個佢 真係好似 相似度：我會俾九成似 個涵超似，個殼差D 留低左電話同MSN，希望冇寫錯啦
又喜又悲，又高又低，又冷又熱，又上又落，又左又右 咖啡可以溝奶茶，奶茶可以溝華田，雪碧可以溝可樂，可樂可以溝芬達 但係自問呢D真係溝唔起 人都癲！ 聽朝開工！ >>January 5, 2007 at 4:41:45 PM GMT+8 2007 年 1 月 3 日 星期三 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第十二天........................超技練習，有得睇，冇得練
就黎放SEM BREAK，不過SEM BREAK之前有兩三個拼命的星期 學了點「超技練習」，可惜沒有時間練習.............. 打算用盡所以的乘車的時間來練習 今日一上車就「腳印印」，個小朋友猛咁望住我 放心啦，我冇o拍丸，都冇柏甘遜 的確，有目標係唔同D 睇下年尾又怎樣吧
巴士超技練習！！！！！ 一月四日，現在才開始有寒冷的感覺 地球先生病倒，看來大家都習慣了，而且不願改變 >>January 4, 2007 at 3:37:43 PM GMT+8 2007 年 1 月 2 日 星期二 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第十一天........................沒有時間停下來
即使停下來，都也趕快地休息去 話時話，買左套鼓返屋企咁耐，都未比大家睇過添 從前的房間在天台，有一張床，一個書柜，一張書桌 現在的房間在天台，有一套鼓，一張書桌
購物慾在體內湧流著 買八角型練習鼓板：大：$200，細：$180，未折 兩者我都應該有九折 兩者面積相差一倍，理論上較大者較抵 實際上較細者可以方便周圍練習 買電子拍子機：$120，內置TUNER，超值 一直都係用緊「原始上鍊柏子機」，不方便 再買大D 買DOUBLE PADEL，$1740~$4300 這個是最遜的型號 這個是較好的型號 再再買大D 買波浪型隔音海棉，貼晒成間房應該要$500
等新年...................只怕新年紅包數字不過三位.................... >>January 3, 2007 at 2:33:39 PM GMT+8 2007 年 1 月 1 日 星期一 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第十天........................又返學LU
一番去就唱歌同ARUL 未開聲又未開耳 呢兩個禮拜將會係超忙，要交貨既交貨，要考試既考試 要寫譜既寫譜，要練琴既練琴，要剪片既剪片，要作文既作文 不過今日放學照舊，練鼓練到八點食飯
吹漲！ 今晚訓唔著 >>January 3, 2007 at 1:42:21 PM GMT+8 2006 年 12 月 31 日 星期日 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第九天........................哲古華拉少年日記
一個旅程改變左一個人 一個被改變既人改變左一個世界 WHO ARE YOU ? WHO AM I ? YOU AM I ?
數算數算，去過越南，去過台北 可是，又如何丫？ 我還是沒有太大的改變 眼睛還是看不清，浪費金錢 甚麼是不能模仿的？甚麼是土生土長的？甚麼是與身俱內的？ 我究竟算是有？還是沒有？
點解成日打親日記都有人搵我嫁？？？？ 我是自閉兒 不，自閉兒根本就不受騷擾的 所以我應該是個想自閉又自閉不能的可憐兒 算吧，是我心散
P.S. 今日練左兩個半鐘鼓，練到好慶 響天台幾乎出晒汗 我是穿著短褲跟短恤的 p.s.2 吒o宅： 大家都開始醒覺，那就太好了 讓我也加入戰團吧！ >>January 2, 2007 at 4:27:45 PM GMT+8 2006 年 12 月 30 日 星期六 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第八天........................冇大冇細
喜歡怎樣就怎樣，就是冇大冇細吧，頂我 今日起身就即刻練鼓，好滿足地練習 跟住又TUNE正左幾個TOM TOM既聲，然後搵左塊好大好大既布 用黎蓋著套鼓 下期儲錢買一堆海棉貼牆，吸吸D撞聲 講真，唔係好大聲打，樓下都聽得好清楚，村屋，勁應聲 不過咁耐以黎都冇人鬧
五點出去九龍城 七點去佐敦 勁SET野 跟據阿華提供既資料，青城區會將D音響搞到七國咁亂 果然！冇得頂呀！！！ SET完套鼓MIC，然後SET好D線，仲有音響 連阿莫坤菱話影相都唔記得同佢影添...................... 之後玩啦，仲有玩啦，同埋玩啦 不過我都係響工作&緊張中渡過
上台： 一人一結他， 就咁就俾我一支公，企左五分鐘 講真，傾果時我都冇諗過會搞成咁 上到台先識驚，個腦一塊空白，背左幾多稿就有幾多 想再多D？完全無可能，根本就諗唔到野，就算諗到都唔合羅輯 果種感覺好難形容 一條友對住咁多條友，正！ 好驚講錯野，但係見到個個人都眼仔LOOK LOOK咁，好搞笑 玩弄群眾確實係正，不過唔好打我
咁又一年 一年一年妳又再出現 來年給自己的空間有幾多？給神的空間又有幾多？ 給朋友的空間又有幾多？ 給未來的預備又有幾多？ 一切盡變美好吧
P.S. 新年擁有的新音樂 [ 對我來說而矣 ] 東京事變-大人 東京事變-修羅場 X JAPAN-BEST OF X 大頭佛-大頭樂園 咖啡因公園-FROM NOW ON 臨記-我起係臨記 >>January 1, 2007 at 2:31:28 PM GMT+8 2006 年 12 月 29 日 星期五 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第七天........................有提有醒
試左無頭鼓棍，無預期中咁好 輕就係輕，不過都係唔得 甚至可以用劣字來形容
開組，勁！ 爆左場，我地四個就上左天台開組 黃婷真係呆呆地咁 阿龍成日話佢係「呆婷」 菠蘿今日都好似冇乜火氣 總括而言，可以！
夜晚學鼓，其實放假成個星期，我都好似無乜點練過鼓 淨係練過D FINGERRING TECHNIQUE 練到兩隻手都有D拉傷咁 同埋於理論上更上一層樓！ 今日阿SIR繼續上次首ENDNESS RAIN 同埋玩多首GREEN DAY 既 WAKE ME UP WHEN SEPTEMBER ENDS ENDNESS RAIN： 全首歌總共有三個全BAR既六連音FILL-IN 加一個三十二音符既全BAR FILL-IN 以我呢個星期既練習，只係K.O.到第一個全BAR六連音 GREEN DAY 既 WAKE ME UP WHEN SEPTEMBER ENDS 講真，呢首歌簡直係簡單到無得再簡單 成首歌BASIC BEAT兩種，FILL-IN幾乎都只有兩種 講真，唔駛教，聽過都可能會識得打
就係咁，今堂又過左 我計畫，柏斯呢度繼續學，因為人面廣，又可以同D大粒距離近D 另外左搵下出面D真係真材實料既阿SIR，一個月一兩堂 最緊要唔好拖堂，有問必答，糾正我靠自學學番黎可能錯左既姿勢 下一個目標導師：細威 阿早安話俾佢將卡片我喎，世界真細小小小
近期響網上搵到D新野可以學 單手密密鼓 & 單腳密密鼓 大概可以喪練 好心急想快D練，不過，時間同鐘數都係一大個問題 ANYWAY,聽朝練！
新一年既願望.........唔好聾左、唔好弱聽、唔好失聰 各方面都穩步上揚 賺得D、學多D、奉獻再出力D、又多結D果子 健健康康，夏天唔好太熱，冬天都唔好太熱...................下刪八百字
P.S. 聽日個所謂倒數晚會可以缺席嗎？ 確實無聊至極！ 紫色衫，我順服，我買，我著 下一年，一定要過番過自己滿意既年！ >>December 30, 2006 at 4:51:21 PM GMT+8 2006 年 12 月 28 日 星期四 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
再上再上，第六天........................心急人上
黃氏姊妹生日快樂
是近期蠢頓了麼？還是腦細胞受損？ 考慮一點兒的問題已經沒有興趣思索甚麼 乾脆來個自殺式襲擊，其他免問 連花心機的興趣都沒有，人就開始悶蛋起來 創意到了那裡去？創作又到了那裡去？ 距離零七年還有兩日 今日就是新的開始
無法，今晚要用，聽日又要用，聽晚又要用，後晚又要用 鼓棍，唔買唔得 求求其其見到想買既圓頭輕棍就俾錢LU 剛巧背後有個「阿先生」問職員：「係唔係買四對先有八五折？」 踫巧我對背後的說話總是靈敏 我跟「阿先生」說：「你是否想買四對？不如你買三對，我買一對，一齊要番個八五折啦」 佢點頭！ 八五折！！YEAH！！ 見到另一對都幾係吸引，圓頭超輕，尾較粗，頭較幼 下次先算 問左職員哥哥好多條問題 覺得佢仲勁過我果個所謂既阿SIR 唔知係我阿SIR唔想咁快答我咁多條問題，定還是我阿SIR跟本就唔識 明顯地，我阿SIR係死練爛練而又沒有方法的人，好似我咁 照書學，照VCD DVD 錄影帶學 不過，有D野，確實唔係照書可以學到
對住肥鴻有陣時都真係幾勞氣 今日運左我套舊鼓去佢屋企，見到佢阿媽，認真的佩服 母愛永遠是偉大的 ..............有陣時有D野如果連四十蚊都唔肯付出 仲想要有收獲？ 不如我請你食屎丫，好唔好？
好想可以遇上龔石良所遇上的那個高人 動作指點！ 好可惜，只能買VCD DVD 及錄影帶 晚上H.S.練歌 自己打鼓很難聽 很難解釋啊！就是很難聽 或許，當轉了另一種風格後，就要連同心情、表達、身體動作都一拼要轉換 睡覺去了，各位晚安 >>December 29, 2006 at 4:22:15 PM GMT+8
|
|
<br>感覺你是特別的，生命充人氣: 43103
Design & Scripting by ShowHappy.Net