| 日記 | 日記主簡介 |
||||||||
2007 年 2 月 23 日 星期五 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！ 
HIDE & SEEK：READY OR NOT, HERE I COME，第二十二天........................BASS ON STAGE
朝早練了一小時三十分鐘的鼓，時間過得太快了 硬係練唔夠，吼！ 然後開組，OK啦，係有D悶囉 然後落二樓做大後備BASS 一開始右手隻食指已經起左水泡，然後到中指，或許是昨天的練習耗損吧 然後就輪到用無名指，最尾用PAC彈 左手反而冇乜野，彈BASS確實很易耗損 一向彈開BASS的阿洋，辛苦你了，主必看顧！！！！！！！！ 雖然三首歌都係E MAJOR，但係都彈錯左幾粒音囉 不竟我都只係後備，仲要係大個隻
夜晚學鼓，阿SIR終於都肯教D技術性少少既野 DOUBLE STOKE 不過我想講，其實我識囉.......................... 我直情練緊再HIGH一個LEVEL既野囉...................... 練左一個月到，右手OK，左手差少少 盡快考到五級就盡快跳槽 目標係畢業前考到八級，至少畢業之後可以正正式式有張沙紙搵飯食
好，一二三四五六七，多勞多得！ 明天又開工了！ >>February 24, 2007 at 3:53:35 PM GMT+8 2007 年 2 月 22 日 星期四 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第二十一天........................彈BASS
朝早返學，英文課，今期的WORK LOAD重了許多 或許上個SEM太HEA了！！！ 放學跟同學吃午飯後就到尖咀一遊 椎名林檎的「平成風俗」要三月頭才出售 然後到HMV買了一CD，蠻貴，但在外[ 二手鋪跟國內正版鋪 ]找不到，冇法 然後順道到「桶你」琴行，幾個TARGET： 一： 問下有冇AXIS的DOUBLE PADEL-------------->冇，因為AXIS一件過，壞左冇得整 退而求其次，應該都要二千大元 二： 睇下有冇新鼓棍o岩駛，想用左張$100現金卷------->冇，諗諗下都係用到現有的爛晒才算 經驗累積，決定以後不用木頭鼓棍，實在太唔化算 下次試下 燒賤的5A DIP 膠頭 三： 睇鼓書--------------------->有貨！！忘了格價 但最後決定買FOO FIGHTER的FULL BAND譜，給HEART SELL練，慕求同聲同氣 四： 在「桶你」撞到肥鴻跟華，世界真細小
然後一起去了二手鋪&國內正版鋪 買了七十塊，兩隻雜錦碟，付了錢，才發覺好像洗費超標了，冇法 往後的日子要慳D洗 未拆利是，初七拆，希望可以幫輕下
今晚敬拜隊因為臨時改時間，有好多人都要申請遲到或請假 阿洋有事唔黎得，希望大家都平安啦 阿華呢期想操練肥鴻，然後我通常都做音響 然後阿華無端端叫我上去彈BASS，我都O左咀，就試試吧 剛好今期三首歌都E調，果然萬事互相效力！！ 我成了後備席上的一員
P.S. 被稱贊的感覺確是GOOD 今天被贊了蠻多回 心情輕鬆 >>February 23, 2007 at 4:10:47 PM GMT+8 2007 年 2 月 21 日 星期三 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第二十天........................習慣
成功地陪養出手痕就練鼓的習慣 全靠SEM BREAK，今朝起身食完早餐就走左上天台練鼓 然後，又習慣地右手用電腦滑鼠，騰出左手來練習超技 爭取時間，因為經已夠鐘！
星期四又返學，不過返一個鐘咁多 不過呢一個鐘可謂非常漫長 因為又要學琴.......................救命 我隻手可能因為練超技，好硬 兩者未知有否相沖？？？ 學新野，好似好難咁 三首歌仔 又有Bb，又有細七CHORD 有時真係寧願齋進修鼓算 不過以我呢個狀態去進修，又好似未夠班喎 ANYWAY，努力！
P.S. 二手MAROON 5 DVD，水準一般 P.S.2 就到初七，我估都係唔到四位 P.S.3. 睇黎都要全數撥歸江家宏買音響器材 >>February 22, 2007 at 2:08:20 PM GMT+8 2007 年 2 月 20 日 星期二 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十九天........................上班的感覺
初四，第二學期的第一天開始，搞到好似返工咁 返到去就同D同學一齊做功課，GENERIC WORK-BASED SKILLS 超無聊，但係又要做喎................. 之後上學期尾訂的書今日派發，三大舊磚頭............. 大概可以用[ 買左三本字典返屋企 ]黎形容 救命！！！西洋音樂史 看來都猜中了 這個學期會很難過
開工！ >>February 21, 2007 at 2:18:59 PM GMT+8 2007 年 2 月 19 日 星期一 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十八天........................兩個月後的新年
一向都冇乜新年FEEL 最覺得奇怪既係明明兩個月前倒數完 去到前日又話倒數，又話新年 一向都好想超越三位利是 明明前兩個月又話有咩新PLAN 去到前日又話又有新PLAN 都低能
同完家姐傾，又同晶姐傾 雖然大家傾既內容都唔同，但係都多謝關心啦！ 下星期又要開工 星期三上順利 星期五入深井 錢，確是有血有汗！ 更要用力！
點解成日覺得改假唔夠？係因為每個假期總是做唔晒自己想做既野 但係偏偏就有好多自己唔想做既野要做 頂！ 俾人話日記越寫越少，我都唔想， 冇野寫，有野又唔太想寫 就是這樣，喜歡的話可以問候我
P.S. 山牙確實很多人 >>February 20, 2007 at 4:51:47 PM GMT+8 2007 年 2 月 18 日 星期日 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十七天........................照買可也
唔駛拆利是都夠錢買，入貨LU！！！！ NORAH JONES - NOT TOO LATE 拆左利是就買 椎名林檎 - 平成風俗 初七，等我！
今日繼續執屋，做功課 >>February 19, 2007 at 3:34:02 AM GMT+8 2007 年 2 月 17 日 星期六 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十六天........................無福消受
食左貴野，個胃脹了一整天，極度的辛苦 還是不吃貴價貨好 去拜年 喝了頭啖湯，賺了額外的利是 拿第一的獎品確實不錯
晚上繼續拜，胃繼續脹........照食，無法，長輩叫到 今晚做了「小林專」 蠻不錯的新年 但我依然是沒有甚麼節日氣氛
雖然明知住後一星期都不會到那裡拜年 [ 今天都拜齊了 ] 但照舊，忍到初七先拆利是 一年一次考耐力活動 P.S. 初三的聚會，我寧可竭一竭 但，去就去吧 P.S.2. 連續過兩個新年，然後過「我的半年」 一個又一個的檢視站 TAKE IT or LEAVE IT P.S.3. 琴晚有作歌新IDEA >>February 18, 2007 at 5:42:23 PM GMT+8 2007 年 2 月 16 日 星期五 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十五天........................走火入魔
續昨日 出一出SHOW，真正面對番自己 果真很不濟！ 果一刻真的很難受 就是獻醜的感覺
還有勾起左一堆負面的感覺 有埋怨，有不滿，有不憤，有放棄，有懷疑 點解呢樣？點解果樣？點解咁樣？ 又有一堆問題勾起左 HEART SELL想我，我想HEART SELL [ 唔響度寫 ]
今日 朝早出去同組員團年食飯 之後返上佐敦，MY LEGS IS OUT OF CONTROL 好奇怪，好似練錯野，有D走火入魔既感覺 其實呢期隻手都怪怪地 ！！I GOT LOST！！
夜晚食團年，睇左墨攻 OK啦 希望今年利是超越三位去到四位 P.S. 我還是一個被寵得壞透的細路 P.S.2. 重果味的紅酒，還是不好喝，還是喝了兩份 遺傳的關系，我還是頗喝得的 還是不喜歡 P.S.3. 今天K小姐的一句，不太喜歡，為甚麼要把我相題並論 P.S.4. 半離群 >>February 17, 2007 at 3:17:24 PM GMT+8 2007 年 2 月 15 日 星期四 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十四天........................遲鈍的我
朝早執左D野掉，一堆舊書最後只值六十塊錢 之後出去三福隊 員 / 長 慶祝喎 見到阿旦，俾左三隻DVD同一隻CD佢 LOVE PSYCHEDELICO, FOO FRIGHTERS, DEAR JANE 希望有一天，我地可以做到自己喜歡的音樂 然後去左旺角，銷費左百六塊錢 CD VCD DVD CD CD 平均都係三十幾蚊隻 都是二手正貨
回正題 放SEM BREAK，對住自己多左，其實都幾難頂 頂我！ 遲鈍的我確實很討厭！ 感覺是我還很細路，且百痴得很！ SEM BREAK左咁耐先至有少少發現，真係............ 做乜無端端講咁多野，其實都好關琴日事 出一出SHOW 聽日先打................. >>February 17, 2007 at 2:35:23 PM GMT+8 2007 年 2 月 14 日 星期三 【晴】 終於要出海了 剩下不夠十五年的倒數，感覺著。 離開模仿，進入生命，活在真實世界，才會有記憶！
HIDE & SEEK：READY OR NOT, HERE I COME，第十三天........................ON STAGE
朝早去左剪頭髮，去左邊？ 去天台剪 OK啦，不過都係唔係好滿意
三點幾就出去佐敦 HEART SELL年廿八練歌 HEART SELL年廿八出騷 好一個豐盛生命堂 好一個F1 CLUB 咁大個仔第一次落D，都真係幾興奮 不過呢個DISCO唔係落，係上 上左兩次好長既電梯 [ 或者都唔係好長，但至少我好享受果刻 ] 然後見到好大既地方 今次算係HEART SELL第一次出街騷 用人地既野，踩人地既場
H.S.既經驗的確很曳，幾乎係零 講真，一路以黎都係玩自己場，聽眾都係自己友 H.S.係點，幾乎連自己都唔敢聽返自己彈既音樂 用人地既野，一定要預到最差： 講我自己個鼓 D鈸又唔同聲，個PEDAL條彈簧又唔夠緊，仲有個SNARE既鼓皮好「淋」 無估錯應該係雙層油隔鼓皮，大概係驚人打爛 獲益良多 呢個故事教訓我地 1. 出騷要帶齊自己野，最少都要有： 自己既鼓棍，自己既鈸，自己既PEDAL，同自己既SNARE 不過後面兩者我都冇 2. 響未有自己野之前，要練好D技巧，以應付各種困境 3. 響未有好技巧之前，請不要用自己野，因為用唔起 大概係講緊新牌仔唔好玩跑車，玩唔起
獲益良多2 講技巧，聽自己，又聽下人地 我地真係差好遠囉 H.S.玩得太濫，甚麼風格也玩玩，就是玩得唔夠深入 聽落去，即使大家都係玩同一種風格 但係我自己就覺得我地玩得好空洞 點講呢？好似得個殼咁 形容得具體D，可以話： 聽人地既音樂我會好投入，可以「FING」頭 但係反聽自己，就硬係唔係好想聽咁 就係做唔到自己喜歡的音樂，頂我！
解決方案： H.S.每個月再練多一次 定好一種風格，其他唔玩 將我既LIVE DVD要佢地都睇過 至少大家都可以同聲同氣就已經很滿足了！ 努力練技，努力進修，努力賺錢
P.S. 我的基本功還依然很曳 >>February 16, 2007 at 2:15:58 AM GMT+8
|
|
<br>感覺你是特別的，生命充人氣: 43103
Design & Scripting by ShowHappy.Net