2005 年 5 月 1 日 星期日 【晴】

心不在焉。倒數 13 天。

每逢要返學o既前一日...我都係顯得好唔自在, 個人係 down 晒, 提唔起精神, 完全唔想做任何事 (包括玩)...真係好唔妥,
我真的不喜歡返基道, 其實我諗主要原因學校安排太多堂, 太多班俾我, 以致我不能集中做好一班, 無形中亦造成我精神上的壓力......>_< 講真...我真係好討厭......ok!! 你安排我教兩班 maths 冇問題, 大佬呀, 你唔好安排到係教兩級 maths 丫!!! 頂!! 我實習 ga ja, 唔係你學校o的原任呀, 唔似佢地備課備得咁快 ga, 日日預備教兩級 maths 你估好易呀, 仲要教 IT 呢!!!? 咁樣安排, 教得唔好你自己o的執手尾咪仲衰, 有病!!

呢間學校真係好有問題, 校長經常請病假, prefect 全日只需朝早在學校門口當值 20mins, 學生會連會長係邊個都未知, 社長又係...樣都未見過......完全冇學會活動咁濟, 又冇中央留堂機制, 又冇簿架, 又冇人負責收功課, 每日都係要老師親自去收, 勁冇系統, 又冇紀律......都唔知搞乜......怪唔得o的學生都冇乜規矩啦 -_-"'

已過了 21 天。上課日子︰倒數 13天。

>>May 2, 2005 at 1:44:36 PM GMT+8

2005 年 4 月 30 日 星期六 【晴】

real Sunday。倒數 13 天。

終於都覺得今日係星期日 ^^ 主要原因係聽日放假, 唔駛 prepare 返學o既野, yeah~
之前幾個星期日都覺得好匆忙, 返教會, 開組, 開會......夜晚備課, 這就一天了...
而今天,,,真係可以休息呢 ^^ 可以有時間去周文屋企睇碟, 有時間訓覺, 有時間睇電視, 有時間偷懶 ^o^

自 sars 後聖餐就轉了買返o黎o既餅, 冇味的圓形小餅, 好似法泡膠...
但 sars 前係焗一塊大餅, 然後牧師擘餅分給大家, 好似好好食咁 ga, haha
今日終於都轉返焗餅喇 ^^, 我同周文都覺得第一次在領聖餐時食擘餅有o的緊張, 呵

已過了 21 天。上課日子︰倒數 13天。

>>May 2, 2005 at 8:40:24 AM GMT+8

2005 年 4 月 29 日 星期五 【晴】

大埔單車遊。倒數 13 天。

感謝主!! 今日天氣很好, 雖然間中有微雨, 但大致都是在陰天下進行活動。

是日 eXzone outing 的日子 ── 大埔單車一天遊, 21人
11:30am 大埔墟租車出發, 地點大尾篤, 而我選了的架黑色的波車 ^^, 好耐冇踩波車, 好唔習慣......
12:45pm 已到了大尾篤......坐底嘆了豆漿午餐, 豆腐花要10皮!! 喪貴!! 講真, 去o個程完全唔覺辛苦, 亦都唔覺得遠
yeah~~ my dream partner 都o黎埋, 到齊人, 2pm 再上新浪潭, 成程路有 1/3 都係推車 >.< 雖然不喜歡推車, 但我的朌望是...辛苦完就有斜路衝落去 ^o^, 我是極度喜歡衝斜路, 如果唔係o係馬路, 我一定會唔剎車咁放晒去衝, wow~~

4pm 左右返回大尾篤, 阿廸提議踩堤壩......好長, 最少有幾公里, 一路約 15-25mins 啦, 完全直路, 很好踩~~又很輕鬆地到了盡頭.....然後就係要返轉頭....有人提議分兩批, 一批喪踩, 一批慢踩.....而我當然係想喪踩!! o係出發時有少少誤會...當大家都走晒o既時候...我同 dream partner 先出發...oOoo, 已俾人放了數百米, oh,,,點追呀!!? 但我地兩個冇放棄...喪踩..逢人過人...當我地過 jimmy 時!! 聽到他的聲音很驚訝, hahaa, 而我這時已覺得, 架車好似踩極都快唔到咁......=_="'

到了堤壩盡頭, 我地兩個已追近了帶頭o個幾個, 心諗...太好喇, 終於追到, 點知班友仔癲 gaa, 仲可以係咁踩, 我已經冇力喇.....呢個時候又俾佢地放甩o左, 蜜桃, timothy, carmen, 仲有 bird 都o係我前面, 但我又想繼續追返領先車群...放是摶了老命係咁踩...初時 fish 都諗住追我地...但好快唔見了人...haha...我地 5 個實在太喪......^u^

真係覺得架車好有問題, 速度好似有上限咁, 明明已經踩到盡, 條鍵已經帶動唔到個軚, 架車仍然冇我想要o既速度...勁灰!! 這時我已覺得冇晒力...完全係憑鬥志喪踩落去...而家先發現條路好長, 眼見佢地o係前面幾十米...就o黎追到...我覺得側面o的人見到我地 5 個 O 晒咀 lor, 低能 ga, 勁似片車, 而當我過了兩個踩單車的陌生男子時, 聽到他們說︰「你睇!! 又俾人過o左喇。」超癲!! GO GO GO!!!

大概喪踩了40分鐘後...已經累到爆...竟然遇上微斜路, 但由於我同 bird 都冇力, 最後推車...就係咁俾佢地 3 個放甩晒...連影都冇埋...我地兩個真係 O 晒咀 lor, 變態 ga o個 3 條友仔, 快到離晒譜 @_@!! 我地兩個已經好盡力, 交足晒貨, 而我對自己體能都有一定信心...但都俾佢地放甩晒, 癲到爆!!

然後我地諗住應該都追得返, 於是繼續喪踩,,,我再強調我真係冇晒力, 幾乎到了極限 >_<, 一路向前踩...結果偏離了正路 ── 迷路, 兜o左半個大埔先搵到還車點...灰爆!!! 這時我們才發現, 我地一路追趕的目標是虛無的, 勁爆笑!! 兩個提早還車去 m 記大休, 落樓梯時真覺得自己會跪低, 我們坐低後...一路回味剛才的過程, 一同大笑, 真係......好正~~~

從來未試過連續喪踩單車 2 小時冇停過....好累, 對腳好似斷了, 但我同 dream partner 都好開心, 好興奮 ^^ and 我地覺得我地兩個係可以踩住單車去外國流浪, and 參加環法單車賽, haha

已過了 21 天。上課日子︰倒數 13天。

>>May 1, 2005 at 11:33:00 AM GMT+8

2005 年 4 月 28 日 星期四 【晴】

忽然一週。倒數 13 天。

今個 friday 特別開心, 因為唔駛趕住做功課, 又可以o係上晝上晒堂, yeahyeah!!
因為 lunch 後冇堂, 而 lunch 基道又有社際籃球比賽, 於是同 arnald & jessie 去睇比賽
見到場外的學生幫自己的社打氣, 當對手射入罰球報以「噓」聲時, 三個不其然地愐懷起中學的生活來 ^^
當很多中學生都夢想快些長大時, 我卻想返回中學的生活......一天......hahah
想返中學, 也想返大學......校園生活真好

已過了 21 天。上課日子︰倒數 13天。

>>May 1, 2005 at 10:16:33 AM GMT+8

2005 年 4 月 27 日 星期三 【晴】

so tired......。倒數 14 天。

很不喜歡星期四, 要上4堂好痛苦......>.<
聽日又睇堂,,,,,,好鬼麻煩 ga, 唔理喇......自己輕鬆最重要 ^^

有件事係幾 happy 的, 就係之前實習教過百分法, 咁o岩而家又係教百分法, 可以唔駛預備咁多教案, yeah!!
話時話......我一定係 maie 裡面上最多堂o個個 lor, 真黑仔......

已過了 20 天。上課日子︰倒數 14 天。

>>April 28, 2005 at 10:55:31 AM GMT+8

2005 年 4 月 26 日 星期二 【晴】

又開始倒數。倒數 15 天。

過了4日統測, 又正式返學上課......全日都勁唔得閒 lor
備課, 對卷, check 學生o的 file, 追功課+筆記, 改筆記......總之好多瑣碎事情一齊做
今日先發覺......之前o個幾日真係好他條, 好 happy

又要上 1C 堂.....>.<
and 收到 1C 一個學生o既禮物 ^^, 佢覺得因為我幫佢溫書, 所以統測合格, 其實都幾開心 ^^

已過了 19 天。上課日子︰倒數 15 天。

>>April 28, 2005 at 10:55:44 AM GMT+8

2005 年 4 月 25 日 星期一 【晴】

上海小籠包。仍然倒數 16 天。

今朝突然記得肥 win (my roomate) o係尖沙咀返工, 同紅磡好近, 而我又放12:30pm, 可以搵佢食 lunch
10點幾打俾佢話一齊食 lunch......聽都聽得出佢覺得好顎然, haha, 估佢唔到
放學便乘巴士去尖沙咀, 同佢一位同事一齊o係 「上海小籠包」lunch
好難得有咁早放o既日子 ga, 可以的話我都好樂意搵下o的朋友仔食 lunch

已過了 18 天。上課日子︰倒數 16 天。

>>April 28, 2005 at 2:50:32 AM GMT+8

2005 年 4 月 24 日 星期日 【晴】

捐血。仍然倒數 16 天。

放得早, 去了 causeway bay 一倘, 買了條短褲 and some sweets for students
經過商務對面見到 "紅十字會捐血站", 突然有股要去捐血o既衝動 ^^ 因此便上了去
對上一次捐血原來已經係 2002 年尾o既事, 有兩年半係冇捐血, 有少少緊張 >_<
而我發現...原來o係捐血站捐血係唔駛等...
嘩, 平時o係科大捐 always 都好多人, 次次都等成半粒鐘以込先有得捐, 好似捐血有錢收咁 ^^
由於小女子已捐了 5 次血, 因此有一張好簡單的紀念獎, haha

o係紅磡食飯時撞到小龍, 真巧合, 而家先知佢o係紅磡返工
thx for 大頭 emmily, 等你封信呀, 呵呵

已過了 18 天。上課日子︰倒數 16 天。

>>April 25, 2005 at 3:50:52 PM GMT+8

2005 年 4 月 23 日 星期六 【晴】

壞了。仍然倒數 16 天。

唉......屋企部電腦down鬼o左......搞o左成個下晝都搞唔掂
睇o黎要快o的問人借返隻 work o既 windows xp 裝返先得......

已過了 18 天。上課日子︰倒數 16 天。

>>April 25, 2005 at 3:32:46 PM GMT+8

2005 年 4 月 22 日 星期五 【晴】

趕功課。仍然倒數 16 天。

●現在是早上 5:25am, 4am 起身, 仍在趕功課中
唉, 今次真係一"pat"屎......
呢份係我最唔想做o既功課, 一個最廢的 lecturer 俾o既功課.....頂......都唔知要寫o的咩, 又唔知有咩要求

頭先起身見到 armi 仲 online, 佢又係趕功課......但做完去訓了.....
又在 msn 見到 deborah online, haha, 還有其他, 原來他們也在趕功課, i'm not alone!!

●現在時間 5:18pm, o係 20mins 前終於完成了功課, 多謝 deborah 幫我交功課, 等我唔駛返 IEd
呢份野......做完後都唔再覆第二次, and 功 超字 lor!!!

已過了 18 天。上課日子︰倒數 16 天。

>>April 23, 2005 at 9:19:47 AM GMT+8