2005 年 5 月 20 日 星期五 【晴】

IELTS

唉...睇o黎今日都兇多吉少, 心情好差......
o係灣仔的試場撞到 DEBORAH, 佢都係今日考, 仲要同一個試場, 勁開心, 即刻心情都好返晒
9 點開始...連續 3粒鐘考了 3份卷, 中間係唔會有 BREAK...想去個 toilet 都唔俾, 但我考第二份卷 reading 時已經係勁想去 toilet, 到考第三卷 writing 時更加係急到震, 好辛苦呀!!! 低能 ga, 又會唔俾人離開試場 ga!!! 有病, 都唔知咩制度!! 最後......考完......即刻奔去 toliet!!

listening 俾我預期中淺, reading 都夠時間做, 但 writing 雖然都係俾我預期中淺, 但仍然都係最難掌握的一份卷...因為要在 1hr 內作兩篇文, 共 400字...梗梗做得切, 但我覺得作得唔係咁好, 算了吧...又過了一關!! 最後 4pm 考 oral, 好快考完, 15mins, 同個鬼佬傾下計咁, 但有時唔係好聽得精楚佢問咩同埋唔係好知佢問咩...可能有o的問題係真係九唔答八......>.<

晚夜,,,那那臨返教會 prepare 聽日坪洲之旅...o係之前我一路都以為自己只係負責聯絡...但原來係要 plan 埋行程 and 定向內容.....我好老實講!! 我真係冇去過坪洲架!! 一個未去過坪洲的人拎住地圖 set 定向路線會唔會有o的問題呢......多得有 carmen and 徐兒兩個 helpers 幫我, 唔係一條友都唔知點搞......set 了兩粒鐘, 諗提示, tasks.....但又預計唔到要行幾耐......實在係有o的奇怪

>>May 24, 2005 at 9:07:18 AM GMT+8

2005 年 5 月 19 日 星期四 【晴】

最後一課。

講真, 今日即使係最後幾堂, 但堂堂都好趕時間, 要教埋o的野 and 對卷, 冇機會同學生 hea, 實在有點那個......

好早就上 1C堂, 有種甩難的感覺, 上完 IC 後好搞笑......o的人係咁搵我簽名, 有o的似明星o既感覺, 當我o係其中一個簽名度簽多了"ADD OIL", "努力", "升上2A" 等字句...立即...被迫...每個人都簽一次...... 其實都係開心o既 ~^o^~, 就係咁簽了一個小息, 仲食o左下一堂 5 mins

今日都冇乜時間同學生影相.......可惜......但慶幸的是收到學生的禮物
有一個唔係我學生...但又識佢, 尋日我話要一合 3 隻 kinder, 佢真係買o左, thx~

放學!! 原來 1C and 2B 都有學生買o左野同我慶祝...哈...我仲以為走o個陣係"輕輕的我走了"o個種感覺
由於有兩班......食蛋糕, 薯片, 汽水, etc....好似開大食會咁, 雖然我仲有好多野未交帶, 但我仍然係好開心 ^^
最後搞到 5 點幾先再返 staff room, 有班1C 學生仲話要等到我走佢地先走, 勁驚!!! 最後請班主任出馬收拾佢地!!
執埋晒o的野, 改野o的野, 交帶返o的野 and 俾 thank you 卡原任都已經 7pm.....

死得...聽日要考 IELTS...因為太遲走, 失晒預算......

這些是 2A 學生, 那男的是2E學生
++ 這是其中一個電腦室, 呢個就係教師位 +++++++++ 佢地o係度扮上堂, ha~

++ taken @ 禮堂外 +++++++++++++++++++++++++++++ 背景係禮堂門口, 係咪好靚, 我都係第一次入禮堂


>>May 24, 2005 at 10:58:44 AM GMT+8

2005 年 5 月 19 日 星期四 【晴】

完結。倒數 0 天。

成 7:00pm 先走...喪無奈......沒有感覺...之後幾日好多野做......實在開心不落.....
IELTS 考試, 坪洲之旅, ASSIGNMENT...PROFOLIO........搵工......唉.....
好想大叫...... 大嗌...好想乜都唔理......好想時間可以停頓......好想一日有 48 小時......
我...突然間感到壓力......

今天最後一日...發生o的乜容後再打......因為我連沖個涼o既時間都就o黎冇咁濟

已過了 34 天。上課日子︰倒數 0 天。終於完結。

>>May 24, 2005 at 8:29:27 AM GMT+8

2005 年 5 月 18 日 星期三 【晴】

捱到了!! 終於都捱到了。倒數 1 天。

搬o左落教員室,,,,,,簡直係悶到我成日都勁眼訓, 之前o係 606 o個陣間中學生經過都會入下o黎傾兩句......而家得我一丁友......好似自閉咁...又驚恰眼訓會俾人睇到, 無奈 >_<
全日都在做做做...自問都真係冇停過, 皆因有 4 堂係上堂, 其餘時間就係改野, 登分, 追功課, 執埋o的手尾
明明諗住呢幾日都準時走,,,但最後日日都,,,5:30pm 後先走得

今天收到學生的小禮物 and thank you 咭...但實在不知怎的...沒有太大興奮及開心......我覺得這種反應有少少唔正常,,,我諗,,,係俾 IELTS 搞成我咁......我o既心只係掛住 IELTS 考試

但其實...我已感到我o既細胞正在雀躍中 ^o^

已過了 33 天。上課日子︰倒數 1 天。

>>May 19, 2005 at 2:04:44 PM GMT+8

2005 年 5 月 17 日 星期二 【晴】

仲有 7 堂。倒數 2 天。

當所有同學都係得返 3/4 堂o既時候......得返兩我o既我, 竟然仲有 7 堂..都好難唔灰
而且晨早收到個消息...我要搬返落教員室坐! 哇, 唔制呀!! 咁我呢兩日咪冇電腦用 lor,,,哇, 已經夠悶...仲要同其他老師掙 5部電腦!! 我邊好意思掙呀!! 呢兩日睇o黎都好難捱......>.<

今日上 1C 堂, 有個梁姓學生又係唔停咀係咁講野, 然後......
我鬧佢: 你個口係咪合唔埋 ga!!? 下!!
梁姓學生: 係
我: 合唔埋丫嘛, 咁你一路擘大個口到落堂lor
梁姓學生: ........(冇出聲)
不過......條友仔勁有性格又唔寸得......佢真係擘大個口到落堂......見到佢個樣都唔知好嬲定好笑

已過了 32 天。上課日子︰倒數 2 天。

我在基道的工作間, 桌子上的東西都是本人的 ^^ +++++++++ 她是 2B 班的癲妹學生, 佢都幾 hyperactive, 幾 cute, 仲叫我做 pangpang


>>May 18, 2005 at 3:11:11 PM GMT+8

2005 年 5 月 16 日 星期一 【晴】

唉呀,,,咁又一日喇。倒數 3 天。

因為 IELTS 的關係, 今日本來諗住逃學的...但最後都過唔到自己...還是返了..真冇用
一日都唔想返學o既我...一o的興奮o既心情都冇...只係想唔好有人煩我...
改兩班的功課又用了我兩個多小時, 幫原任追功課又用了我半小時...加上備課...一日就咁就冇o左
而我是打算夠 4:15pm 即閃人的, 但4:00pm 的時候竟然...有2A, 2B學生o黎搵我吹水, 我心裡實在唔想...但還是應酬了他們, 這樣又花了我個多小時....如果唔係要考試...我的確係會好樂意招呼他們
唉,,,我想要o既係屬於自己o既時間呀!!! 我可唔可以有自己o既時候, 做自己要做o既野呀!!?

聽日!! 我定要做快閃黨, 3點靚鐘好閃埋一二邊, 等o的學生見唔到我, 然後 4:15pm 即撇!!!

已過了 31 天。上課日子︰倒數 3 天。

>>May 17, 2005 at 10:50:35 AM GMT+8

2005 年 5 月 15 日 星期日 【晴】

7 M

bird~ 我最後都頂唔住去了 3 樓~ hahaha

今日竟然竟然 (下刪100個竟然.......) 見到崔 sir, 係我讀 form 6, 7 的班主任, haha, 原來佢教會去 day camp
同佢傾o左成粒鐘, 佢仍然都好似一個o靚仔, 真係估都估唔到見會到佢, 自上次返母校實習後都有年半冇見, 感覺好似老朋友重遇多過似師生重遇, haha, 人大了真的昇華去了另一層次 ^^
計計下, 7M 都有兩年冇約出o黎食飯, 各有各忙加上我地班本身都唔係好團結, 但畢竟都做了兩年同學, 共同經歷了 a-level, 一齊去 ms li 家拜年, 一同在長洲渡假屋等天光放榜, 其實我都想見下大家, 希望崔 sir 你今次係認真 plan 聚會啦, 等你消息呀!!

中學。的確是叫人懷念的日子 ^^

已過了 30 天。上課日子︰倒數 4 天。

>>May 16, 2005 at 11:36:12 AM GMT+8

2005 年 5 月 14 日 星期六 【晴】

隔岸觀火。倒數 4 天。

今晚見到閃電呢, 好精彩, 最精彩莫過於見到閃電係唔駛驚, 唔駛避, 因為實在距離太遠了, 見到o既係對面岸烏雲密怖, 而閃電就不斷咁o係雲與雲間劃過, 真係劃過!! 仲聽到電流的「舌舌」聲, 又聽到身邊的人都在嘩然, 都睇o左幾個"字", 係我有生之年第一次欣賞閃電, 真係覺得超正~
,
已過了 30 天。上課日子︰倒數 4 天。

>>May 16, 2005 at 1:45:34 PM GMT+8

2005 年 5 月 13 日 星期五 【晴】

DEATH NOTE．L is dead。倒數 4 天。

前兩天o係學校附近見到 death note 出了第6期, 因為怕俾學生見到所以冇立即買, 但我當晚稍後時間忍唔住買了 ^oo^
睇完都仲未夠喉, 今日上網追埋落去, 睇了幾回後!! 實在令人震驚!! L, 那個超有性格, 勁聰明, 勁型的 L, 竟然死o左, o係俾死神殺了...嘩, 我實在太唔相信, 我一路都認為 L 係主角, 以為佢會同夜神月一路鬥落去, 完全冇諗過佢會輸俾阿月, 冇諗過佢會死, 重覆睇o左o個幾頁幾次, 實在太震撼, 有追開 death note 的人一定個個 O 晒!!! 到而家我都係仲未接受到, 勁期望呢個係作者佈o既局, 期望係假像, L 係未死!! 唔好死住呀, 你仲未捉到夜神月 ga, 我仲未知道你o既真名呀!! 嗚......

今天跟鍾太學水墨畫^^ 很有趣, 畫了 竹 及 蘭花, thanks 鍾太, 希望有機會再學畫其他的~

已過了 30 天。上課日子︰倒數 4 天。

← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ← ←



>>May 16, 2005 at 1:32:07 PM GMT+8

2005 年 5 月 12 日 星期四 【晴】

我愛週末。倒數 4 天。

嘩, 好期待下星期返學時o個種興奮心情, 哇哈哈, 終於都甩難了~
其實一個人坐晒一間課室都幾好, 冇人昅住, 做乜都得, 又可以一個人全日用晒一部電腦, 唔駛o係教員室幾十人爭 5 部電腦, o係呢兩分面o黎睇都係一件好事

放學路過 2A 課室入去吹了一陣水...然後同佢地打o左陣籃球 lor!!! 估你唔到!! 但著住裙真係好唔方便
諗住閃人...但俾兩個 2B 學生纏住...跟住我返我個 room, 又唔肯返屋企喎, 結果同佢地 hea o左成 45mins 終於我頂唔住...話我要走了先離開.....最終我係失約了...sor ar >.<

如果有人問我會唔會唔捨得o的學生...其實唔捨得的會係 1B, 2A & 2B, 而 1C...有o的人真係唔想再見 -_-"' 尤奇係那兩個姓梁的!!! .v.

已過了 30 天。上課日子︰倒數 4 天。

>>May 13, 2005 at 7:12:55 PM GMT+8