2006 年 8 月 21 日 星期一 【晴】

Day 7 - St. Malo > Paris > Nice

22.08.06 (Tue) @Hotel le Petit Trianon

本來諗住晏啲9:30am先起身, 點知因為前一日較了7:30am鬧鐘今朝响咗, 起身時又唔覺係咁早, 亦冇諗過係咁, 結果早了2hrs出發, 又係去返St. Vincent, 除了呢度都冇乜野行, 當我地以為已經行晒嘅時候, 都仲發現有啲小巷係未行過, 買了雪糕吃(€1.8), 相當悠閒!! 同埋我地去了海灘, 喺法國, 海灘係好難得見到的, 而且好大, 一望無際, 個弧形海灘其實有啲似曾相識, haha~~ 雖然陽光猛烈, 但又好大風, 要著Core-tex先得!! You know? 呢個沙灘喺潮脹時會被淹沒架, 我地可以落到去玩其實都幾好彩, Yeah~~

之後返Hotel問住客邊度有Supermarket, 原來離Hotel不遠, good!! 間Supermarket啲價錢好平, 我地買咗水, 生果同麵包都係€1.46, 因此我地決定, 以後去啲地方第一時間就係搵Supermarket!!

咁跟住去車站啦, 我一直都記錯咗火車時間係5:05pm, 原來係4:40pm先啱, 當我地發現嘅時候咁啱就係4:40pm, 架火車啱啱開走咗......天呀!! 眼望住架車離去...好灰...勁白痴!! 即刻第一時間跑去Information Centre問next train時間, 個心跳個出嚟, 呢一刻完全感覺唔到個背囊個重量 >.< 5:20pm (St. Malo > Rennes > Paris), 8:40pm到Paris Gare Montparnasse站, 去Nice班火車9:17pm喺Gare d Austerlitz開出, 得返37mins時間轉車+轉站, 但我諗應該都趕得到。好彩有5:20pm班車, 而Chili都冇怪我, 但其實我非常內疚......

班車遲了少少去到Gare Montparnasse, 兩條友立即奔去搭Metro, #6線再轉#5線去Austerlitz, 去到9:10pm, 嘩~~ 勁緊張, 勁驚險!! 一上火車就開車, 感謝主~~ 又一次趕到!!

搵到我地Sleepers個艙, em...勁細, 每邊有三格床, 空間少到呢...喺床上面根本抬唔到起頭+挺直唔到, 個高度只夠你訓低曲起個膝頭, 有啲辛苦, 但係都乾淨, 都冇乜做其他野, 柄咗兩個背囊喺床下底就訓~~ 由於SNCF出錯, 我地艙有一個是男的...頂!!

最後係一覺訓到天光~~

>>September 22, 2006 at 1:26:26 PM GMT+8

2006 年 8 月 20 日 星期日 【陰】

Day 6 - Mont St. Michel > St. Malo

21.08.06 (Mon) @L'Hostellerie du Malouin

France啲天氣真係變幻無常, 明明1hr前勁好天, 1hr後又會落大雨, 而我地o黎嗰幾日...都係陰天多, 唉......但就唔係好影響個行程。

1st Station: Mont Saint Michel (聖米歇爾山)
尋晚訓得太舒服, 今朝9:30am先起身, 立即herher聲沖涼又執野再上山。11am閃人, 放住啲行李喺Hotel, 誓要玩盡St. Michel的日與夜!! 大佬, 睇怕呢生人都唔會有機會嚟第二次, 幾大就幾大!! .V. 今日Monday, 但唔知點解勁多遊客入嚟, 低B~~ 車龍竟然令到通往山的車路塞車, 仲多車過香榭麗舍大道, 去到係除了見到人海, 仲見到車海!! 好誇張!!

日頭的Mont St. Michel冇夜晚咁靚, 但就熱鬧好多, 周圍都係遊客, 由於太多人, 我地決定放棄進入修道院, 而因為正值潮退而落了平時見唔到的泥地行下, 仲用石頭寫了"Po & Chili到此一遊"幾隻大字 ~^^~ 唔知中國人喺山上望落嚟見到會有咩感覺~~ 哈哈!! 原來喺山上係有Post Office, 仲有好靚獨立的Mont St. Michel Stamp & Chop, so買了兩張postcards寄了俾Siu Ling同Aunt Ling, 深信佢地收到張postcard肯定勁想嚟, 呵呵~~

2nd Station: St. Michel Super Market
Hotel對面有間Super Market, 啲野食同紀念品都平過Paris好多, 嚟咗幾日第一次食Chocolate & Chips, wow~ 好好食, 我地仲叫咗2杯café喺露天茶座high tea, 十分之他條同寫意, 呢度沒有Paris的繁榮, 很寧靜及悠閒, 心情很暢快的一個早晨及下午!!

3rd Station: Saint Malo (聖馬瑙)
走o既時候又出奇地塞車...天呀!! 班車原本4:20pm到, 結果遲了20mins, 幾驚趕唔到4:55pm喺Ponterson開去St. Malo o既Bus, 好彩最後又係有驚無險咁趕到, Yeah!!

1hr後到了St. Malo, em...好似唔係我想像中咁呢, 我以為係一個古老的小鎮, 去TGV站reserve聽日返Paris的車票, 然後好快就搵到Hostel settle down。呢個時候大家都唔想行, so搭bus去St. Vincent古城遊覽(€1.2/程), 古城才是St. Malo最有特色o既地方, 城內好多食seafood的餐廳, 街邊畫棚, 又有用碎石鋪砌而成的街道。古城其實很熱鬧, 但係就近海邊凍咗啲, 登上城牆可以望到海洋&沙灘, 古城原來都幾大, 行行下入了一間畫店, 店主係畫Sketch &水彩的, 經常幫報紙畫插圖, 我估佢應該薄有名氣, 所以賣啲野都幾貴, 但傾傾下佢竟然送咗兩張postcards俾我地, 係佢自己的畫, 哇~~ 十萬個意想不到~~ ^u^

可能St. Malo啲人都會出海, 賣的都係印有水手圖案的禮品, 我地都買咗啲, 然後行咗陣Chili話想飲湯, 想坐低食野, 經一輪掙扎後揀了間€13.8一set的餐廳, 呢餐係我地幾日嚟食得最豪又最好的一餐, 有蜆又有三文魚, 仲要有dessert, 啲蜆唔同平時HK食到嗰啲, 是黑色呈三扇形的那種, 蜆同煎三文魚份量都好多, 完全唔失禮, €13.8其實都值得一試, 食完11pm, 坐bus返Hostel, 寫下野就訓lu~~

>>September 22, 2006 at 12:06:54 PM GMT+8

2006 年 8 月 19 日 星期六 【晴】

Day 5 - Paris > Mont St. Michel

20.08.06 (Sun) @TGV: Paris > Rennes

尋晚好努力咁寫返之前的diary, 又問埋店主St. Michel Camp Site英文解釋, 店主勁好人, 又俾我上網睇資料。今朝7:30am起身Pack野, 尋晚同Chili提過我想去Musee d'Orsay, 經商討決定把行李放喺Hotel, 我去Musee d'Orsay, 而Chili去行下, 去唔到會係我一個遺憾......

1st Station: Musee d'Orsay (奧塞美術館)
去到Orsay已經有好多人排隊, 排咗近半hr先到counter, Sunday Ticket係€5.5, 我覺得超抵呀真係!! 入到去第一時間拎咗Guidebook, 勁快極速咁mark低晒想去的地點, 對於印象派畫家, 我認識的有Van Gogh, Monet, Manet, Renior, Matisse, Degas, 哈哈~~ 原來都唔少。Orsay同Lourve唔同, 因為Orsay係一間純美術館, 展品主要為繪畫同雕刻, 確認地點後第一時間跑
上5/F, 直奔去目標的展覽廳, 我要爭取時間睇最多畫!! Orsay係准許影相的~~ 勁開心呀!!

首先拜會了Manet > Matisse > Monet, 終於到了 Van Gogh館, 勁感動!! "Self-Portrait", "Bedroom", 仲有其他, 實在不太相信自己可以親眼睇到Van Gogh真跡, Van Gogh啲畫比其他印象派畫家用色更重, 顏料厚厚的印在畫布上, 可以咁近距離感受到個質感同影相, 令人興奮到唔捨得離開, 比起Lourve, 我更喜歡Orsay!!

繼續向前就是Cezanne同Renior, 對於喜歡畫的人, 能夠親眼見到喜愛的畫家超過一百年前的作品, 感覺真係太美妙, 每到一個館只能"嘩~~"一聲, 說不出話來!! 去到最底層, 有好多Rodin的雕像, 雖然對雕素認識不多, 但都會感覺到Rodin的作品所表現出來的生命力, 唔怪得Chili個friend極力推介去Musee Rodin啦。好快咁過了2hrs, 買了各一張Van Gogh & Renior的postcard (€1/each), 而家有點後悔冇買reproduction, 熱愛Art的人, 一定要嚟參觀, 唔係會後悔的!!

2nd Station: Hotel Luna Parc
1:00pm去到Hotel附近的McDonald食午餐, 低能的, 成€6一個meal, 份量同HK一樣, 痴咗線咁貴!! 唉…但有Salad同Coke, 咁又係幾滿足o既, 算...豪一餐。

3rd Station: Gare Montparnasse
哇!! 去到Metro Montparnasse已經2:40pm, 我地要搭3:05pm TGV, 由Metro站去Gare站又唔近, 第一次用Eurail Pass仲要開證, 又要搵車, 揹住個大袋係咁跑, 最後勁燘水都叫趕得切, 3:00pm先上到車, 又一次有驚無險, 暫時旅程都叫順利呢, Yeah~~

但...有點唔捨得離開Paris......

4th Station: Mont Saint Michel (聖米歇爾山)
搭咗2hrs TGV去到Rennes, 再等了1hr Bus, 巴士站就喺火車站隔離, 喺Bus上竟然遇到2個HK女仔, 勁啱, 好難得!! 佢地嚟歐遊2 weeks, 會去France & Switzerland, 沿路上見到很廣濶的綠油油草原, 一望無際, 司機又播啲好Classical o既音樂, 簡直置身於美國的公路上!!

Yeah!! 終於到了St. Michel, 離遠望真係激似"天空之城", 係一個小島上的城堡, 那條惟一與外界連接的車路在潮脹時會被淹沒, 同Chili兩個勁興奮, 而我以為Camp Site喺入面, so喺山腳落車, 點知問完路先知唔係, 頂!! 真失策, 揹住個背囊行成0.5hr離開了車路都未搵到, 於是一氣之下搵了一間2星的Hotel Formule Verte住下, 2人房都只係€50.5, 間房原是4人房, 有兩層, 入到房覺得好靚, 有電視又有獨立浴室, 簡直超值!! 極力推介~~~

Settle down後又行返入去St. Michel, 此時已近黃昏, 天空又冇乜雲, 夕陽下的Mont St. Michel仲靚, 冇想像過座山係咁靚, 自成一角的城堡, 好靚真係好靚, 直頭大開眼界!! 喺山外狂影相, 未去過都真係唔知有幾靚幾型!! 入到去其實已經好夜, 行行下啲舖頭都閂門, Chili話入面好以九份呢, 而我就覺得好似入了城門後的小鎮, 話咁快就11pm, 行咗冇耐就離開lu~~

哇!! 點知一出去嗰下先係最靚, 一來座城堡開晒燈, 靚到好似假o既一樣, 用童話故事的公主城堡形容最貼切!! 二來由於車路係冇燈, 四圍潻黑一遍, 一出城門見到o既係360度滿天星星, 就好似置身於太空館的"天象廳", 因為太黑, 望到啲星星多到有啲誇張, 同Chili不禁讚嘆咁辛苦都係值得!! 從來都見過咁多星星的天空 o^^o

回程路上, 因為條路冇燈, 而側面啲車係快到無影咁喺隔離"片"過, 大家都竭力邁步, 好想快啲返到Hotel, 大概呢個地方都唔會再有機會嚟~~

>>September 22, 2006 at 12:05:16 PM GMT+8

2006 年 8 月 18 日 星期五 【綿綿細雨】

Day 4 - Paris

19.08.06 @Hotel Luna Parc

又好似尋日咁, 搞咗一大輪10:30am先出門口, Chili好快就著咗對新鞋喇, 睇嚟佢勁開心, 今日target係梵爾塞宮+聖母院。

1st Station: Chateau de Versaille (梵爾塞宮)
Chateau de Versaille喺Paris的西南部, 搭Metro去到Gare d Austerlitz轉RER Line C去尾站, 點知...呢part RER服務已經冇咗, 頂!! 啲Notice又唔清晰, 入咗閘先有工作人員話我地知取消了, 痴筋ga, 又會企喺閘入面o既!!? 咁就嘥咗一程Metro Ticket, 啲service勁差lor, 好彩出了Sortie問到原來可以搭Shuttle Bus去Invalides再轉RER咋。搭bus有個好處, 係可以沿途見到好多景點, 經過Musee d'Orsay時, 真有衝動落車入去!!

終於去到RER C5尾站Versaille R.G., 行去Versaille都只係數mins, 去到天色唔好, so望埋去都只係得個大字, 完全唔係想像中的金碧輝煌, 入去參觀要€7.5, 只參觀Garden就€3, 不過今有音樂噴泉就要€5.5 (學生價)。唉...啲指示又係太唔清晰喇, waste了45mins排錯無論隊...灰咗!!

入到去Garden都點幾, Garden激大, 大到離晒譜, 一路行你係覺得到唔到盡頭, 當時路易十四一定係要騎馬先可以行得完, 極盡奢華, 真係想像唔到宮入面係會有幾咁豪華!! Garden其實都幾靚同好綠, 有好多不同大小的水池, 但又唔係話特別到非參觀不可, 不過個"十"字湖都真係幾型 ^^ 然後等到3:30pm有音樂噴泉, 幾乎所有水池都會噴水, 仲有配樂, 嘩~~ 即刻唔同晒, 成個花園都活潑晒, 充滿生氣, 大家嚟Versaille一定要揀Weekend呀, 會開心好多呢~~ 結果行咗3hrs都行唔晒...太癲...都係時候出發去聖母院。

2nd Station: Cathedrale Notre Dame de Paris (巴黎聖母院)
返落車個RER站, 唔知點解張通用Ticket係咁彈票, 喺冇辦法o既情況下我地惟有...捐過去, 好彩冇工作人員發現, 車~~ 當係補返今朝嗰程!!

到達Invalides先搞笑, 出閘口隔離有個Ticket Counter, 唔可以就咁捐過去, 正苦惱冇Ticket出閘, 諗住補飛之際, 發現出閘口隔離竟然有個冇掩的鐵閘, 啲人喺嗰度出出入入都冇人理, so我地好輕易就出去了, 估你唔到呀!! 哇哈哈~~ 搭了霸王車!! 然後轉Shuttle Bus去聖母院lu~~

聖母院入場時間到6:45pm, 我地又死好命咁啱6:30pm到達, Yeah~~ 有得入去!! 入面好大好靚, 正進行宗教儀式, 有神父在講道, 似係崇拜, 但又俾人入去參觀同影相, 好古怪, 好多人但好靜, 氣氛好莊嚴同肅靜, 我地靜悄悄的參觀同拍攝, 好彩入到o黎, 簡直大開眼界!!

3rd Station: Hotel Luna Parc
喺善心人指導下搵到適當o既路返Hotel, 途中經過一個鬧市, 同Paris其他地方好唔同, 好熱鬧, 似係嘉年華會, 有band show, 有game counter, 有人好他條飲啤酒, 有街頭競技...etc, 每個人都流露出喜悅的笑容, 十分之寫意悠閒, weekend o既Paris真係好good~ 亦好慶幸經驗到法國人的生活~~

行路返Hotel途中一間super market都見唔到, 之前明明見過有super market, 駛唔駛咁早閂門呀!!? 哼!!

>>September 20, 2006 at 6:42:17 PM GMT+8

2006 年 8 月 17 日 星期四 【綿綿細雨】

Day 3 - Paris

18.08.06 (Fri) @Hotel Luna Parc

今朝終於可以嘆一個正常的早餐 (福麵+Chocolate), 又可以好遲先出發, 雖然7:30am起身, 但hea到9:30am先出門口, Yeah!! 起身後執下野, 沖涼, 早餐, 然後俾了€1用internet send email返HK後就出發。

路經一個市集買咗兩個apples, 店主呃人又話好近, 行咗幾個Metro站先去到Gare d'Est (東站), 行到好攰呀!! 兩程TGV Reservation需€41 (Paris > Rennes & Paris > Nice Sleepers), 好貴!!

1st Station: Montmartre (蒙馬特)
Then搭Metro去Montmartre, 好期待, 一去到就見到聖心堂, 是一座宏偉的白色教堂, 感覺好聖潔。我地o係街邊食個apple/biscuits就行教堂前的樓梯上去, 嘩~~ Paris的建築好矮, 上到去可以睇到Paris全景, 呢一刻好好天, 可以望到好遠好清, 令人一見鍾情。

入去聖心堂係free的, 我地當然唔放過, 第一次感受到外國教堂的宏偉同莊嚴, 個圓頂好高, 彩繪玻璃好華麗, 爉燭點綴得教堂好有氣氛, 突然覺得天主教好有錢, 個個教堂都咁grand, 唔俾拍照結果當然又拍了 o^^o

2nd Station: Montmartre市集
之後去了附近的Montmartre市集逛逛, 簡直令我欣喜若狂, 很愛這個充滿藝術氣息的地方, 到處都有人畫畫, 售賣名畫複製品, 同好多好多café, if今日天朗氣清, 呢度肯定勁正!! 可惜......冇啦啦落雨, 天呀~~ 行行下見到有間café €2.7一個sandwich同€2.2一杯Espresso, 我地就決定坐低嘆咗喺Paris第一個餐廳菜, 感受一下歐洲人的悠閒, 又滿足了大家的慾望。

3rd Station: Moulin Rouge (紅磨坊)
因為當年睇《情陷紅磨坊》而認識Moulin Rouge, 由Montmartre行去Moulin Rouge好近, 大大個紅色風車同招牌好易認, 又顯得好有特色, 附近成條街都係啲sex商店, 好多性感o既廣告吸引客人, 夜晚行過呢度肯定勁得人驚!! 順帶一提, Chili喺行去Moulin Rouge途中買咗對€29的鞋呀, 好特別的款式, 我都想喺Paris買啲野俾自己~~

4th Station: Tower Eiffel (艾菲爾鐵塔)
搭Metro去到Anvers站, 一出去就落雨, 天呀!! 但冇幾耐就停雨, 行到去竟然仲見到彩虹, 嘩勁開心~~ 日頭的Tower Eiffel比我想像中普通, 感覺不是太強烈, 反而個草地就幾靚, 同Chili喺草地上勁影相, 又用魚眼鏡影啲跳起o既相, 勁得意勁靚~~

持學生証都要€3的樓梯登塔費, 可以去到2nd Stage, 又行, 仲要係樓梯!! 行咗300級先上到1st Stage, 6點幾, 喪影相又在欄杆留埋言 ^^ 影咗好耐先再行多300級上埋2nd Stage, 個view正好多, 今次真係睇晒Paris全景同浪漫o既塞納河, 玩到咁上下下塔, 又在樓梯拍video。落到去等Eiffel著燈, 終於都等到呢一刻, 真係好靚, 影影下個塔仲閃白燈, 激靚!! 除了影相仲拍埋video, Tower Eiffel一定要夜晚去呢~~

Then行返去凱旋門嗰邊影夜景, 影完後去搭Metro, 點知miss咗最近個站o既入口, 行到勁遠先去到另一個Metro站, 人都癲呀!! 經過夜晚的香榭麗舍大道, 的確係仲熱鬧仲靚 ^^

寫了postcards俾Tik & Office, 好累...又冇食野就訓了......

>>September 22, 2006 at 12:00:34 PM GMT+8

2006 年 8 月 17 日 星期四 【晴】

Paris

We have arrived Paris for 2 days and we visited Musee du Lourve and Arc of Truimph. We just finished breadfast at Hotel Luna Parc with noodle and chocolate. The weather is not good today =.=, kept raining in every night... many scene can be reached by foot...so we just kept walking, hahaaa. Our foot are nearly broken lu.

Anyways, we like Paris so much. The buildings are beautiful and grand and we take photo everwhere. Hohohoho.

Just stop here...since we have to pay the internet.

>>August 24, 2006 at 7:15:10 PM GMT+8

2006 年 8 月 16 日 星期三 【晴】

Day 2 - Paris

17.08.06 (Thur) @Hotel Luna Parc

晨咁早7:30am起身準備向羅浮宮出發, 好好好期待!! 哇去到仲要係天朗氣清, 勁開心呀!! 同Chili喺門外狂影相, 正!! 羅浮宮真係好大好大, 好宏偉好靚, 要用魚眼鏡先影得晒, €8.5入場費勁抵!!

1st Station: Musee du Lourve (羅浮宮)
首先我地去雕刻, 好多, 唔係好識,有啲姿勢好趣怪, 我地跟住佢做, 仲要影相!! 行咗好耐, 我終於都睇到Michelangelo o既作品, 哇~~ 嗰一刻真係好感動, 好興奮!! 然後去繪畫部份~~ 嘩~~ 係Raphael o既真跡呀!! 癲晒, 真係唔敢相信眼前o既景象, 即使嚴禁拍照我都照拍 (偷偷地), 比起Mona Lisa, 我更興奮可以睇到Raphael的作品, 可惜睇唔到Van Gogh的"Sun Flower"。行咗4/5個鍾Chili頂唔順, 其實佢對Art都真係有乜興趣, 咁我惟有自己再周圍行下, 呀...好想去埋3/F的法國繪畫呀!! 漏了提一樣野, 就係拿破倫三世個故居, 極其奢華, 太過份, 真係好鬼誇張!! 前陣子睇咗本《西洋繪畫史》, 可以喺Lourve見到真跡, 真係好奇妙, 好想一直睇, 一直逛, 真到關門......

2nd Station: Arc of Truimph (凱旋門)
羅浮宮其實同凱施門遙遙相對, 見得到以為好近, so我地決定行去。沿著杜樂麗公園一直向前行, 今日天氣太好了, 綠草如茵的草地, 又有公園林蔭大道, 又有湖, 隋處見到法國人悠閒地坐著, 看看書, 細路周圍走, 已經感到好舒服, 所以我地又學下, 睡在大草地, 真係好爽呀, haha~~

一直往前走, 見到有postcard €0.3一張, 同Chili每人買咗幾張就喺街頭搵個位坐低寫, 感覺都真係幾舒服 ^^, 寫了張給自己, 寫了張給Steffie為生日咭, 今日係佢生日呢~~ 因為冇帶其他人的address, 今晚再寫。去到香榭麗舍大道先有post office, 寄返HK要€0.9, 希望快啲寄到返去啦!! Well~~ 然後去到LV旗鑑店, 有成3層, 好大, 好多款, 但display出嚟的冇Celia個model, 可能太普通了。香榭麗舍大道兩邊都名店林立, 有好多Coffee Shop, 又有街頭表演, 好多人好熱鬧, 好喜歡啲咁熱鬧o既街道。幾經幸苦, 行下hea下終於在3hrs後抵達凱旋門, 不禁大叫 ^^ 就喺呢個時候, 天氣突然轉暗, 頂!! 落雨......行咗3hrs, 影咗都唔夠3mins就落大雨, Chili勁狼狽咁跑入去避雨, 為了保護相機不惜一切係咁奔, 連水都跌埋要我幫佢執返。低能ga, 呢度啲天氣勁唔穩定, 話變就變, 仲要勁大雨!! 好彩都叫影到一輪相, 好tired呀~~ 已經冇晒力再行......惟有返歸......

雖然今日早咗返去, 但實在係攰到無, 兩條友涼又冇沖, 野又冇食, 牙又冇刷, 但有洗面, 換件衫就扒上床訓...真係勁累...由返嚟到熟睡只不過0.5hr ~^^~

聽日去Montmartre lu, 好期待~~ Yeah!!

>>September 20, 2006 at 6:45:14 PM GMT+8

2006 年 8 月 15 日 星期二 【陰】

Day 1 - London > Paris

#後篇#

16.08.06 (Wed) @Hotel Luna Parc

去到London, 13hrs完全冇起過身, 癲咗線, 但原來13hrs飛機都唔係想像中咁辛苦, Yeah!! Heathrow Airport同市區其實都唔係好遠距離, 咁我地落機後要選擇搭咩去市區(Underground/Heathrow Express), Express要1x磅去到Paddington(15mins), Underground只需4磅去到Paddington(55mins)。班機早到咗, so我地有足夠時間, then買了4磅的Underground tickets去Waterloo, 我地要喺Waterloo搭Eurostar去Paris (12:09)。頂!! 勁白痴, 明明Underground入口喺售票處隔離, 買完飛後竟然睇唔到右面大大個"Underground"路牌就轉咗左, 行到好遠, 去咗搭Express都唔知, 上車俾人check飛先知搭錯車......O晒!! 惟有死死氣原車return返去機場, 浪費了45mins, 同一時間, Chili唔見咗相機鏡頭個cover!! 唉......

終於去到Waterloo, London Eye就喺附近, 但我地出了Underground又行錯咗反方向, 哇!! 勁 tired呀, 揹住個咁死重o既背囊, 人都癲 .V."' 最後都係問路人先去到London Eye, 好巨型的摩天輪, 就喺River Thames旁, 轉0.5hr, 可以睇晒London全景。但上去勁貴, 11磅, so放棄了, London同我想像中冇咩分別, 啲建築同天氣都係書上的copy!!

去到Waterloo International, 冇拎定張Eurostar車票出嚟, 豬!! 搵咗好耐先搵到, 嗰一刻真係好驚自己留底咗, 好彩最後反轉了個背囊都搵到...時間just fit 11:30am!! Well~~ Eurostar都唔靚o既, 失望, 跟住坐喺後的仲要係個勁白厭的黑人細路, 勁嘈, 好想打佢!!

因為delay, 去到Paris已經4:30pm, 買了Metro 10張套票(€10.9), 單程€1.4, 去邊個站幾遠都一樣價錢, 好快咁去到Premetier, 我地出咗Metro, 又行錯路喇, 天呀!! 明明好近, 但繞了大圈, 勁辛苦先搵到Hostel!! Umum...比我想像中殘舊好多呀, 間房有個馬桶, 用得但冇門的, 勁古怪!! Settle down後已經7pm, 但出面o既天色仲好似4pm咁, 勁光, so我地出去都唔驚, 行下行下......落雨...>.<"' 折返拎遮...最後行咗好耐到了Opera Basetille, 然後去埋Hotel de Ville, BHV (Bazar de l'Hotel de Ville), 只係路過, 但已經覺得好靚!! 最後去埋Musee National d'Art Moderne影埋外景先返Hotel。

返到Hotel太tired, 都唔想寫任何野...求其食咗公福麵就訓lu...zZzz......

>>September 20, 2006 at 4:49:22 PM GMT+8

2006 年 8 月 15 日 星期二 【清涼】

Europe Trip Starts!!

#前篇#

16.08.06 (Wed) @Flight to London BA28

尋晚7:30pm o係IFC Spaghetti House同親愛的eXecute dinner後, 就揹住個2KG的背囊搭12:35am BA28出發, 因為太緊張, 成晚都勁胃痛, 好似發夢咁, Tik講得啱, 唔係咁多人可以喺年青時實現自己的夢想, 要放下同犧牲的事情實在太多。然後Phoebe打電話祝福我, 佢認為一趟1個月的旅程需要3項要素: 時間, 金錢&勇氣, 而人生每一個階段總會缺乏某種條件。因此我覺得自己其實很幸運, 因為我一直認為我有這冒險的決心, 而因為這決心令我有金錢及時間, Take Action就係決心的表現!!

回想由籌備到今天出發, 我絕對感受到神的同在及帶領!! 好順利買到機票, 搵到partner, 金錢上的供應, 直到最近mom的身體and恐怖襲擊, 神一直在保守, 叫各事情都恰到好處, 現在我不再用為這些事憂慮, 亦放低了內心許多不安, 真的很感恩!! Jesus I love you!!

喺IFC check-in問了BA, 原來可以hand carry, 勁好!! 跟住Bon啦, 肥波啦, 學文啦見我咁唔掂即刻教我點用&揹個back pack, 哈哈~~ 我真係好唔識, 試嗰陣俾佢地笑到扒地, check-in前又勁多蝦碌野俾佢地勁笑, 佢地應該仲不安過我, 呵呵~~ 但我真的很多謝佢地為我墊行 ^^, 同埋佢地o既支持, 好感動呢!!

有樣野我一定要mark低, 就係搭機場快綫時, 將個袋同登機證放在椅子上......由於掛住傾電話...落車o既時候留了張登機證!!! 天呀!! 勁O!! 癲晒, 去到閘口先發現, 立刻herher聲折返, 但架車已走了......點算!!? 勁大鑊!! 好驚呀真係!! 跟住有理冇理衝去BA喺機場的counter, 一輪咀係咁講完我留低了xxx, 實在太奇妙, 佢可以出個張新的俾我, 勁勁勁開心但又好驚險!! 死得啦, 喺HK都已經係咁 >.<"' 好彩最後都平安上到機, 呢一刻先去唔到我會癲ga!!

嘩BA啲機艙雖然有點迫, 但都叫ok, 要坐13hrs實在太癲, 而家訓下醒下先過了9hrs, 仲有4hrs先到呀!! 今次我坐window位, 見到日出同地平線, 立即覺得發明飛機的人真係好偉大 ^^, 頭先因為同Chili都訓咗, miss了飛機餐!!

第一之搭長途機, 所有野對我來說都勁新奇, 仲喺window上見到雪花呀!!

>>September 20, 2006 at 4:48:35 PM GMT+8

2006 年 8 月 14 日 星期一 【晴】

我要出發喇!! Dream comes TRUE!!!

好唔真實...27 hrs 後我就o係 london...好難以置信!!
今晚我就要實現我的夢想之旅, 真係好緊張好緊張, 尋晚執野o個陣仲緊張都胃痛 ^^
由Chili 決定 join 同買機票o個一刻起...我就知道呢個唔係夢 o^^o
中學時睇《電波少年》, 已經幻想自己將來一日可以好似佢地咁去流浪, 好想去體會一下外國的生活節奏同充滿驚喜o既人生, 好想去探索一下神創造o既世界
結果就o係明天 16 Aug 2006 要實現了!!! (雖然我只係去旅行)

計劃旅程o既時候有好多好多問題, 好多陌生o既事情, 好多行裝要準備, 實在係太感謝朋友們的支持!! 你地真係幫o左我好多 ~^^~ 非常感謝 Thomas, Sylvia, Vincy, Ping, Egg, Tik, Ivy Lau, Michelle, Siu Lai, Siu Ling, Steffie, Hok Man, Larry...etc, 仲有我好 partner Chili!! 同埋要多謝今晚同我墊行的 lovely eXecute!!

為了讓大家能緊貼同分享我的行程, 特意開o左個 online album, 一有機會一定 upload 相上來的, so 要經常o黎睇呀 ^^

>>April 28, 2007 at 12:16:05 PM GMT+8