| 日記 | 日記主簡介 |
|||||||
2004 年 8 月 27 日 星期五 【颱風】 今日訓到晏晝先起身，睇返尋日電視劇集食少少野咁啦！其實都冇乜野做。 Man佢食完飯就搵我，出面仲要勁大雨，不過佢照樣來陪我啦 ^^ 。 >>August 30, 2004 at 10:06:07 AM GMT+8 2004 年 8 月 26 日 星期四 【雨】 今朝起身冇再打風啦，事關尋日一號，話有機會打三號嘛！ 大約四點左右，我就出去啦！約左Christy五點左右九龍灣啦！去到展貿都未到集合時間。今日係「I Love U Boyz 903萬人迷大作戰」呀！今晚係袓兒呀！等左兩個鐘終於入得場啦！好正呀，好感動呀個場面，佢今次仲唱左「分身術」呢隻新歌。差唔多十點完Show，Christy話追車，咪陪佢囉！等左半個鐘，但袓兒一出來就開車走啦。我咁大個女都係第一次「等車」，哈哈，一生人梗有一次試下掛！ 今晚又識多個Fans啦，佢幾靚女架喎，哈哈！ 五點先訓，事關要攞今晚套電視劇集，唔係追唔到劇情嘛！ >>August 30, 2004 at 10:00:52 AM GMT+8 2004 年 8 月 25 日 星期三 【雨】 今曰都係咁上下啦！唉~~整爛左眼鏡塊鏡呀，真係唔小心呀！所以食完野就去左佩眼鏡呀！我估出來個效果會幾好掛，事關今次轉呀，唔玩紫色同粉紅，玩紅色呀，仲要連鏡片都係呀，睇下到時會點啦，我估唔差掛？！ FansClub打來，聽日開始，一連三日都有Function呀，哈哈！不過我去兩個，唔去咁多啦！ 今晚Man放工入左來探我，嘻嘻！好早就訓啦，十一點呀，真係好耐都未試過呀！ >>August 30, 2004 at 9:49:15 AM GMT+8 2004 年 8 月 24 日 星期二 【雨】 今日起身之後就試下上回o係~H2O+買o既化妝品。嘩~好唔掂呀，d質數真係……唉！食完野之後咪返屋企囉！ 今日病好左少少啦，真係好啦！夜晚都係咁啦！ 仲Winnie講左陣電話咁，但我都係好夜先訓到呀。 >>August 30, 2004 at 9:43:23 AM GMT+8 2004 年 8 月 23 日 星期一 【雨】 今朝一早起身同mum食野，之後都係咁啦！病情又惡化呀，唉~~真係慘呀！ 今晚食完野，睇下電視上陣網就去休息啦！ >>August 30, 2004 at 9:39:17 AM GMT+8 2004 年 8 月 22 日 星期日 【晴】 生日快樂！今日係Winnie生日呀，又大一歲啦，真係……開心呀！ 唉~~病情惡化呀，好辛苦，所以食完野就返屋企休息啦！不過都要幫d鼠鼠清潔啦，已經之前因病懶左幾日架啦！ 今晚食粥呀，冇計啦，都食唔到d乜。睇左「魔幻廚房」，一般啦，唔係太好睇。之後就睇電視，沖涼，上一陣網就去休息啦！好辛苦！ >>August 23, 2004 at 4:52:43 PM GMT+8 2004 年 8 月 21 日 星期六 【暴雨】 今日訓到一點，病都好得七七八八啦！兩點幾我就出去，事關約左Man太子等呀！出到去食左我o既早餐「魚蛋」之後，買少少糖糖就去左TST啦！買飛，行無印、Extravaganza、Westwood，仲有去~H2O+買少少野咁啦！d sales好衰，成日屈人買d唔需要o既野，次次都係咁喎，今次都有，不過屈左少少。之後我地就睇戲啦！睇六點一o既《 餃 子 ﹕三 更 2 之 一 》。睇完之後，就去Citysuper買野，行去旺角，之後就去打邊爐。食完都十一點幾啦，咪去搭車返屋企，我諗大約兩點幾就訓啦！ >>August 23, 2004 at 4:45:13 PM GMT+8 2004 年 8 月 20 日 星期五 【陰】 最終，尋晚我都係六點幾先訓到呀！今日都仲係未好返呀，不過都叫做好左架啦！ 今日我send左個「生日」SMS俾亞新，事關佢今日生日。雖然我地好耐冇聯絡，而且佢亦都唔會搵我，不過我覺得始終大家以前都係朋友，係佢唔知點諗啫。 我訓到兩點幾先起身，都係冇出街呀！休息下，做下其他野咁，都係咁過啦！ >>August 23, 2004 at 4:35:15 PM GMT+8 2004 年 8 月 19 日 星期四 【晴】 唉~仲未好返呀！ 今日訓到兩點幾先起身咋！洗個頭食少少野咁啦，都唔敢食d乜野啦！ 成日就留o係屋企，咪上網整下個日記本囉，美化呀~哈哈！夜晚整少少野食，事關都冇乜胃口啦，之後就睇電視沖涼。 到而家都未訓到呀，四點幾啦，可能訓到好晏呀，訓左十幾個鐘喎，呵！ >>August 20, 2004 at 8:22:12 PM GMT+8 2004 年 8 月 18 日 星期三 【綿綿細雨】 |
|
乜你講到好似出監咁ga→唔回頭望