| 日記 | 日記主簡介 |
|||||||||
2004 年 9 月 6 日 星期一 【晴】 今日又唔舒服呀，唉~都唔明點解身體會咁差架！正呀，電視有袓兒唱歌，仲同埋o個羅雪娟合唱喎。原來尋日機場有龍捲風呀，咁近我都唔知真係失敗呀！ 唉~今晚冇得睇「金枝慾孽」呀，冇計啦，所以我搵左聽日o個集，夜晚時就睇左啦！本身諗住訓，點知亞哥叫我陪佢睇「HarrtPotter2」，所以睇囉，一睇睇到五點，好累呀！ >>September 9, 2004 at 8:40:53 AM GMT+8 2004 年 9 月 5 日 星期日 【溫暖】 今晚又做「天國的階梯」，起初以為做兩日就完啦，點知仲有排做啦，下個禮拜又做過。結果，今晚我係上網拎晒成套片呀，費事追咁頂引呀！起碼仲要追一個月左右先完嘛，唔追啦！ >>September 9, 2004 at 8:40:35 AM GMT+8 2004 年 9 月 4 日 星期六 【晴】 >>September 9, 2004 at 8:40:01 AM GMT+8 2004 年 9 月 3 日 星期五 【晴】 >>September 9, 2004 at 8:39:31 AM GMT+8 2004 年 9 月 2 日 星期四 【雷雨】 今日起身就同mum食野啦！之後就陪亞哥出左九龍，陪佢睇野喎！夜晚都係咁，睇下電視上下網就一日啦！ 唉~勁cheap囉，尋日上左「三更2」，早知唔睇「餃子」先啦，但係收到風足版係有頭有尾d囉，而上緊呢個加左其餘兩個故事，而「餃子」就做到有少少唔知點咁，可能始終都係有d趕住收工咁掛，都要睇過先知。或者用三十蚊睇，又或者到時買VCD掛，我最想睇都係其餘o個兩個故事架啫，睇下有冇人陪我睇先啦，始終要翻睇多次「餃子」喎！ >>September 3, 2004 at 6:27:57 PM GMT+8 2004 年 9 月 1 日 星期三 【晴】 今日訓到好晏，個頭總算冇再痛啦，不過仲有d唔舒服。食少少野就拎眼鏡俾人睇下關唔關事，所以放低左。買野……今晚自己一個人o係屋企，所以我好晏先整晚餐食，一路睇電視一路食，平平淡淡咁又一日啦！有少少懷念年輕時「生日慶祝三日」o既日子呀！ >>September 2, 2004 at 5:12:22 PM GMT+8 2004 年 8 月 31 日 星期二 【晴】 今日生日呀，又老左一年啦！真係唔係咁想囉，但歲月不留人嘛，無奈。 訓到十點倒就起身啦，事關約左Fan，不過等車等耐左，要佢等我添，真係辛苦佢啦！本身唱Lunch K架，點知勁多學生呀，好似唔洗返學咁呀，可能返半晝掛，所以要成一點先有房，GreenBox仲話要兩點幾，癲架！去左M記食少少野就唱，都係唱得o個兩個鐘多少少就俾人趕啦！今日唱得唔係咁好，可能病未清啦，唱一句就……哈哈！唔講！之後我地就行街，Winnie放工打俾我，原本佢o係附近，所以見左一陣，但佢好似趕住走，所以冇留佢啦！買左好多野呀，又Eyeliner、Eyebrow同Mascara，當然Fan都唔執輸，哈哈！好早六點幾就去食野，去左元氣，佢話未去過喎！唉~新出o個d壽司好難食呀，都係以前食開o個d正d。食完行左一陣就返屋企啦。返到去都係八點幾，睇電視啦，哈！ 今晚唔知點解個頭超痛，可能新眼鏡有問題啦，我未試過咁痛架，仲想嘔添呀，mum知道就俾左Panadol我食，仲要extra，事關我連手都震埋咁激呀！所以好早就訓啦！ P.S. 今年，我又送野俾自己啦，可能冇乜人送野俾我，加上朋友少啦，所以改唔到送野俾自己o既習慣。今年o既禮物係……BurberryBlueLabel袋一個。 >>September 2, 2004 at 5:07:09 PM GMT+8 2004 年 8 月 30 日 星期一 【微雨】 尋日o個半日都係好似平時咁過左啦。 今日一早起身去做下facial咁啦！我終於o係吉之島搵到Man隻生日熊啦，真係開心呀！返到去就食野，亞姨都o係度呀！食完野就去行下屈臣氐，之後去拎眼鏡啦。 今晚Man來搵我，事關我聽日生日嘛，但係……咪又係我煮飯洗碗，陪下我睇電視囉！夜晚一到十二點就開佢送o既禮物，想知？唔話你地知…哈哈！一個人睇ATV播緊o既「太陽計劃大匯演」，睇完咪訓囉！ >>September 2, 2004 at 4:52:58 PM GMT+8 2004 年 8 月 29 日 星期日 【微雨】 好耐冇寫啦，一方面我出Function，一方面我病冇心機啦！不過而家已經update返舊o個d啦！ 唉~~唔知做乜鬼野有個新留言，仲要中傷我，上次又係咁，都唔明點解d人咁鬼無聊架，可能得閒過頭冇野做掛，哈哈~以為咁樣我會唔開心，我先冇咁白痴為d假野煩呀！ 今日都係陪mum食野啦，之後就update返日記，然之後就未知啦！事關而家先過左半日。 >>August 30, 2004 at 10:29:36 AM GMT+8 2004 年 8 月 28 日 星期六 【颱風】 今日食完野就出去啦！勁大雨呀，但係今晚個Function冇取消啦！去左EEG換袓袓Poster，之後去左Sogo，買到我隻生日熊啦，哈哈！但係Man就……早知我上次見到時就買啦，我估有架嘛，點知又會搵到自己o個隻冇佢o個隻喎，唉！搵左幾度都冇呀！ 五點就集合啦，今日係「太陽計劃2004」呀！等左兩個鐘倒先開Show，仲要落左幾次雨，我又著涼鞋喎，而我地係企草地位，所以……隻腳唔知似乜咁啦！差唔多十點幾袓兒先出場，唱左三首歌。唉~早知一個人去啦，要Man陪我企左五六個鐘。估唔到，最後JayJay出場唱兩隻野呀，我亦估唔到我對佢o既熱情竟然仲未減退呀，我仲嗌左出來，袓兒我都冇咁激呀！不過佢地兩個冇得比o既，一個係我「夢想」，一個係我「偶像」。去搭車，十一點半去到旺角，先食野咋，我地食到一點幾先返屋企。今晚三點幾先訓啦，隻腳超軟呀！ >>August 30, 2004 at 10:18:08 AM GMT+8
|
|
乜你講到好似出監咁ga→唔回頭望