2004 年 8 月 15 日 星期日 【晴】

早上起來~哎~小玨子已上機了~佢走o左我又有排悶了~><

我終於買o左部數碼相機lu~^^ yeah~ 下午和哥哥一起去買的。我o地去o左好多間舖頭,不過得一間有得賣我想要的那部,結果就買下了la~哥哥把口真的好厲害耶~果然係精明的消費者,我要多多學習先得la~之後我o地去o左大眾買裝相機的袋和掛相機的繩,好可愛的啊~^^ 大約5點幾我o地就回家lu~

P.S. 連續幾天出街,好累呢......

>>August 16, 2004 at 12:28:54 PM GMT+8

2004 年 8 月 14 日 星期六 【酷熱】

下午我去拜祭我外婆,同以往一樣,哭到像白痴一樣呢……唉~

小玨子明天回加拿大la~佢仲有兩套DVD係我度,所以我同媽咪一起去舅父屋企睇睇佢。佢成日話,一o黎我屋企就要肥3磅出去~計我話,我一去佢到,何止肥3磅,至少肥5磅呀~食完飯又引誘我食蛋糕食生果,好過份耶~^^ 不過d 野食真係好好味~哈哈~算la,我都係忍唔到口o架 la~

之後幫小玨子手執行李~嘩……佢d衫真係多到o丫,我覺得一年365日,日日換一套都得囉~超多的行李,都唔知佢點帶過去~ ^^" 今晚好多親戚去佢到耶~超熱鬧~我o地後來都冇再執行李lu,同大家一起影o下相,睇o下相,傾o下計咁~

大約11:00pm,我同媽咪就走lu~回到沙田差d冇車回家呢~今天好累啊…

P.S. 小玨子,明天要坐穩機呀~仲有呀~快d再番o黎香港玩呀~^^

>>August 16, 2004 at 11:48:43 AM GMT+8

2004 年 8 月 13 日 星期五 【酷熱】

朝早約了阿碧去麥記食早餐~之後約埋阿安去睇《千機變II》。睇11:45am o個場呀~超早啊……但好抵睇~^^ 。本來我冇打算睇這戲o架,因為本人不太like 成龍同佢個仔…….不過近期來講,好似得這戲內容較吸引,所以咪去睇囉~睇完之後…..嘩~覺得好好睇呀!!內容真係唔錯,d角色又型wor~值得推介呀~

之後我o地約埋師父食lunch,行o左一陣街就回家lu…

P.S.師父,去睇《千機變II》啦~真的好好看啊~

>>August 15, 2004 at 1:27:31 PM GMT+8

2004 年 8 月 11 日 星期三 【溫暖】

舅母由加拿大回來了,我都有一段日子冇見過佢了。

佢今日同小玨子一起到我家來食晚飯~舅母只食素菜,所以媽咪就煮o左好多素菜,素湯,當然都有其他餸la~不過我本人都係鍾意d素菜多d~^^ 食o左唔會點肥o丫嘛~嘻~

食完飯後坐o左一陣,佢o地趕住要去另一個親戚家,所以就走lu~

P.S. 舅父,多謝你送對鞋俾我呀~^^

>>August 12, 2004 at 5:40:24 PM GMT+8

2004 年 8 月 8 日 星期日 【酷熱】

小玨子最近買了一套DVD連續劇叫"鬥魚",佢話超好睇wor~所以佢就借o左俾我睇~這幾天我待在家中不停咁"煲",結果……一隻都未睇完……(total 有4 隻!!!)。一開始睇老實講真係有D悶o架,d橋段都幾老掉牙的…不過睇落去就好似越o黎越好睇咁,希望可以係還返俾佢之前睇得晒la….

除o左套劇外,套劇的片尾曲我都非常喜歡~

" Lydia "
詞:F.I.R.、謝宥慧　曲:F.I.R.　編曲：Terence Teo
(八大偶像劇鬥魚之片尾曲)

Por los momentos dif ciles,
ya entennd que la flor m s bella
ser a siempre para mi.
(因著所有的挫折，我終於明白，那最美麗的花朵，是為自己而盛開的?)

Lydia　迷離的眼眶
為何流浪　心碎的海洋

受了傷　連微笑都徬徨
Gypsy女郎　為誰而唱

你會看見霧　看見雲　看見太陽
龜裂的大地重複著悲傷

＊他走了帶不走妳的天堂　風乾後會留下彩虹淚光
　他走了你可以把夢留下　總會有個地方　等待愛飛翔

Lydia 幸福不在遠方
開一扇窗　許下願望

你會感受愛　感受恨　感受原諒
生命總不會只充滿悲傷

Repeat：＊＊

彩虹淚光　啊?

P.S.哥哥煮的蝦真的超好味耶!!!!!

>>August 11, 2004 at 9:31:10 PM GMT+8

2004 年 8 月 3 日 星期二 【晴】

最近胃口大增呀~我自己又節制唔到wor…(其實係冇打算節制~^^")再咁落去實變肥企鵝la,雖然本身已經係……

突然想起以下這歌~哈哈~^^

"黎根之歌"

尋晚，食了六個餐包，可惜我依然覺得仍未十分飽。
尋晚，食了磅半方包，可嘆是我依然覺餓，不夠頂肚。
傍晚，食了六個叉包，可惜我依然覺得仍未十分飽。
傍晚，食了十個雞包，可惜是我依然覺餓，不夠頂癮。
年少，練了六套腳法，可惜我依然未覺夠用。
年晚，又培育了珊珊！
可惜我依然未覺......但我依然未覺......
尋晚，食了六個餐包，可惜我依然覺得仍未十分飽。
尋晚，夢見下塌包山！

可嘆是我只含住個包，無力挽。

P.S.從今日起,又要開始閉關了...唉~

>>August 7, 2004 at 4:07:03 PM GMT+8

2004 年 8 月 2 日 星期一 【酷熱】

中午同小玨子出去食lunch。佢無la la 話想食魚片河,咁咪去食囉~之後係新城市行o下街~佢好似都幾喜歡行新城市咁,話咩類型o既商店都有,好采o者,我總算冇待客不周~^^

下午經過"龍城",見到少爺占本"愛說話3"呀~上次去書展唔知係我搵唔到,定係未出,今日剛好俾我見到呢,仲要係last一本,lucky!!!於是我立即買下了~^^

回到家,超累耶~but休息一會後,好多了,下次都係唔好出去咁耐la…..

P.S.阿碧~"翼"出O左LA,記得買O黎借俾我睇啊~ (呵_呵)

>>August 4, 2004 at 12:56:13 PM GMT+8

2004 年 8 月 1 日 星期日 【酷熱】

嗚...嗚......好傷心啊.......(T_T) 我d friend 昨天竟然瞞住我成班人走o左去打牌呀……我已吵吵嚷嚷成幾個月話要打牌,仲同阿碧講過出去記得約埋我,佢o地竟然都唔叫我wor…..仲要咁"arm"我昨天係available可以出去玩tim~>_< 佢o地已經遺忘o左我這個friend lu.....唉~

我本來真係幾down o架,但後來我約o左小玨子去行街睇戲瘋狂食o野,就開心返晒lu~ 所以呢~今次我就"大人不記小人過",原諒大家一次la~ 嘻~ 不過下次要叫埋我玩啊,我好掛住大家啊~ (哈哈~要應付我這任性的企鵝還真麻煩吧~^^)

講返今日睇o既o個套戲----"I ROBOT",真的是一套不錯的戲。一開始睇我覺得有d悶,但越睇越吸引,值得一看。嘩~小玨子好厲害啊,我都係第一次見人可以一口氣吃咁多爆谷,不過都係因為我話要買咁大桶,佢先勉強吃下去,真羨慕佢成日食咁多零食d皮膚都仍keep 得咁好~

睇完戲後,行o左一陣街就叫埋媽咪一起去o左食hut hut hut ,試芝脆批。但我覺得個批好似味道太濃了,我最近成日食o野都食得好唔清淡,真係係時候節制o下了。食完o野行o左陣街我o地就回家lu~

P.S. 小玨子,下次再請你個身食爆谷la~哈哈~

>>August 2, 2004 at 9:55:55 PM GMT+8

2004 年 7 月 29 日 星期四 【溫暖】

幾經辛苦,我終於把企鵝仔砌好la!!!

話說早陣子小玨子買o左d類似摺紙o既o野俾我玩。就是那種先摺幾百個基本三角形紙仔,然後再將佢o地一個砌一個,砌成一整個大公仔o個d呢(唔知大家明唔明,唔明算了~^^ " )。

企鵝仔出世la~佢除了頭有點歪,眼睛有點"鬥雞",左右手有點不對稱,身體有點不平衡,下盆有點不穩之外,都冇乜不妥善的地方~嘻~^^ 雖然我砌到累得要命,但砌好之後有很大的滿足感呢~~~~~

>>July 29, 2004 at 9:35:47 PM GMT+8

2004 年 7 月 27 日 星期二 【晴】

哎喲~最近我使$使得太勁la~

一早出去到下午回家,我就已經買o左幾件衫la~我又唔係成日出街,買咁多衫都唔知為乜,屋企有好多衫都未著過,我真係要節制o下la....如果唔係遲d手緊o個陣,真係要搞個拍賣會賣晒d新衫褲( 如果d friend 肯買的話 ~哈哈~)

不過.....現在的我........還想買多對波鞋~嘻~所以la.........都係讓自己任性多一陣子吧~^^

P.S. Sana,多謝你呀~^^ 得閒多點找我玩啊~

>>July 27, 2004 at 5:58:33 PM GMT+8