2005 年 6 月 4 日 星期六 【颱風】

今日媽咪包粽,叫我表姐o黎食,並且拿幾個俾舅父食~表姐走o左之後,媽咪又叫萍姐o來拿~我覺得媽咪包的粽係最好食o架~~~唔止我覺得o架~好多人都覺~~~(好hard sell tim~^^")可是今次媽咪話淡o左d,話糯米同豉油都冇以前用開o個隻咁好~我覺得......一樣咁好味,同以前差不多o者~~~^^

p.s.竟然忘了看鋼之鍊呀.....

>>June 9, 2005 at 2:08:06 PM GMT+8

2005 年 5 月 31 日 星期二 【陰】

不知道自己害怕什麼,只知道早上一醒來,害怕得整個人在震抖…

>>June 1, 2005 at 2:09:44 PM GMT+8

2005 年 5 月 30 日 星期一 【陰】

今天約了小碧,師父&馬騮同佢o地o個兩個附屬(<--呵呵~阿列,baby別來打我啊~)去唱 k~早上醒來,就發覺自己要遲到了…比原定計劃遲了30mins到尖咀……真對不起大家啊…在尖咀唱k的確可以唱多好多時間~唱到3:45先cut,不過師父仍覺得比平日早了cut~唱完之後同師父,小碧去行街,本來打算去一間扭蛋舖,點知好似執o左…行完就回家lu~

是因為我和你,都是不被需要的存在著嗎?

>>June 1, 2005 at 2:04:15 PM GMT+8

2005 年 5 月 23 日 星期一 【陰】

今日去阿列屋企攻打四方城,見返好多好耐冇見的friend~有阿列, Baby, O man, 謙, 弱兒,大家對我說的第一句話大多不約而同 :”好耐冇見la…”雖然好耐冇見,我覺得大家都同以前冇咩分別~講番打牌,我唔係好識打,總是問這問那的,而且打得好慢,俾馬騮話好似同緊阿婆打牌…(嗚…嗚……竟然話我係阿婆T_T)可是最後我總共羸o左$30呀~^^可能真的一開始吸走了小碧的旺氣,Lucky~~~今晚的晚餐,是在師父極不情願下叫hut hut hut 解決了~好味道~^^食完之後同小碧&阿列玩”4行9隻”,玩完一舖先羸得一兩蚊,好累~到o左10點幾,我就同小碧走先lu~

>>May 29, 2005 at 4:45:48 PM GMT+8

2005 年 5 月 18 日 星期三 【溫暖】

今日同小碧去睇 netvigator 的音樂會,坐山頂位呀,好遠呀~~~無法la,不過都睇到o既~周國賢一開始就出場,真係好型呀~^^ 我覺得最好睇的應該係達明一派同 JOEY o個兩part ,好好聽~^^,不過達明一派O個part我覺得時間短o左d~ 而最估唔到的是劉美君同草蜢一出場,超多人尖叫,超多fans 呀~ 雖然我都覺得佢o地唱得好好聽,但總有d 舊的感覺......個場最"慶" o既時候係草蜢唱歌o個part,見到d人都企晒起身~而少爺占扮白小姐o個段好好笑,扮得真係好似~^^

回家o既時候,竟然下大雨!!! 我仲要食緊雪糕tim!!! 超狼狽......結果場刊就俾我用o黎遮雨...^^" 哥哥怕我冇遮,所以去車站接我,但我落車時已經停雨了~不過都 thx 啊~

>>May 29, 2005 at 4:57:24 PM GMT+8

2005 年 5 月 14 日 星期六 【晴】

西田大減價呀~所以我約o左maggie 去行o下~今日超多人呀~搞到o個度d空氣超差,又迫又焗~d人買o野好似唔使$咁,但我想要的東西都冇乜減到,仍然好貴...結果只係買o左個袋到一件T-Shirt, 之後就回家lu~

p.s. 返到屋企有點想發燒的樣子,嚇得我o丫...好彩冇事~

>>May 11, 2005 at 11:40:32 PM GMT+8

2005 年 5 月 4 日 星期三 【陰】

今日我又收到郵局叫我去拿包裹的咭,於是下午去拿。結果...又係小玨子寄給我的 !!! 都唔知佢係咪故意將我個名同地址用中文寫,等我估唔到係佢寄的~收到禮物好高興啊~^^ 不過唔知郵費會唔會好貴呢?希望佢下次唔好浪費 $ 寄o野俾我la~

p.s. 多謝你啊~小玨子~^^

>>May 15, 2005 at 6:43:48 PM GMT+8

2005 年 4 月 27 日 星期三 【晴】

今日返cityu交資助表格,剛好小碧打算回校溫習,咁我就叫佢早點陪我去。佢叫我10:45am phone佢,叫佢起身,結果我11:00先打俾佢。我諗住佢應該已經起o左身,所以打去佢屋企,點知...卻出現了以下的情況：

企： 唔該xxx o丫~
碧的姐姐： 佢未起身wor...你遲d打o黎o丫... ( 一副給電話吵醒的模樣 ...)
企： 呃...麻煩你,可唔可以叫佢起身聽一聽電話...?
碧的姐姐： ..........................................
企： ...........
(大家沈默了三至四秒之後)
企： 呃...一係我打佢手提la...)
碧的姐姐： 好~

於是我就打佢手提,點知...佢個手提打唔通 !!!!!! (TOT) <---受到文化衝擊狀

打了半個小時的手提都冇人聽,之後再打去佢屋企,竟然又係冇人聽...本來打算放棄了,但不一會兒佢打返俾我!!!原來佢已經起o左身15min,剛剛在洗頭所以冇聽我電話...點都好,總之又照原定計劃返city了~

好耐冇返過去了,唔知點解覺得怯怯地,如果今日得我自己一個人的話,只怕會流連在門口不敢入去。我仲以為會有不少人交form,去到時卻水靜河飛,可能因為大多數人都已經不用上堂了~交完form後,同小碧逛o左陣又一城,之後我就走先lu~

P.S. thx呀小碧~辛苦你了,要你那麼早起~

>>April 29, 2005 at 5:09:01 PM GMT+8

2005 年 4 月 22 日 星期五 【晴】

今日要去朗豪坊換 netvigator 音樂會的飛。阿安真係太好人la~~~~~晨早陪我去旺角~^^ (其實都唔算好早了,10點幾11點~)我o地坐火車去,去到九龍塘站竟然掛住傾計唔記得落車轉地鐵 !!!! 結果比預期遲o左去到。去到等o左差唔多成個鐘,先換到飛。

之後同佢係朗豪坊行街。記得之前maggie 講過o個度有條扶手電梯好恐怖,於是我就去試下,結果......真係幾恐怖...... (扶手電梯o黎講) 尤其是係上去o既時候望番落去......(－o－) 手心冒汗......1點左右,阿安要走了,我就自己繼續行街。經過一間舖頭,見到對水晶耳環,於是買o左諗住送俾媽咪做生日禮物~媽咪放工出o黎 join 我行街~6點左右就回家lu~

P.S.阿安,thank you你呀~陪我山長水遠去排隊~
唉~咁早去換飛,換到o既位竟然係咁後...激氣......

>>April 29, 2005 at 5:11:31 PM GMT+8

2005 年 4 月 19 日 星期二 【晴】

今日隻耳仔好返好多la~不過已經約o左睇醫生,咁就照樣去睇la。結果用o左5個幾鐘 + $160 換o黎醫生的一句說話﹕"你右耳係比左耳差d,不過兩隻耳仔d聽覺都好好wor~"..........唉~昨天隻耳仔聽唔清楚又冇得睇醫生,今日冇事先o黎睇...最神奇係個覆診日期,竟然係半年之後......冇法la,政府醫院就是這樣的了...個醫生話已經俾早o左我o架la~ 我見到一張寫住新症的約見醫生日期,是2006年4月!!!!!我諗如果有人耳仔有事,排期排06年時已經聾o左lu~

睇完醫生後,join小碧行o左陣新城市,之後就回家lu~

>>April 27, 2005 at 7:13:06 PM GMT+8