2005 年 3 月 10 日 星期四 【暴雨】

繁忙, 咁快又一個星期

幾日無寫日記, 好多好笑野想記低, 但都唔記得lue~
記得, 跟mandy, sonnie食上海野, 雞絲粉皮好味.
記得森美係日本返來, 都記得我, 有手信, 我件T 呀,,哇哈哈~

我都唔知自己忙咩, 時間分配唔好, 攪到我成日開夜車. 加上自己又懶訓.唉
我唔想日日都咁忙, 我想去玩, clubbing. 好似新年咁!
~~~~~~~~~~~~~~~~~~~~~~~~~~~~~~~~~~~~~~~~~~
今日
eco test, 唔夠時間做, 但係result 都ok, 接受到.

打羽毛球, 好爽呀, 好耐無嗅到自己的汗味. 仲打到唔想走, 無上一堂lecture.

逄星期五都係美食日, 今晚去左 (每人想一個地方, 包剪x, 來決定)
九龍城食泰國菜, 好味呀, 好耐無食個菠蘿炒飯係半個菠蘿上. 仲有紅豆沙西米,,哈哈哈~~食死我, 我食埋大Den 果份.
發覺, 大den同mandy越來越夾, 佢地同一時間拎起隻碗, 對望3 秒, 勁攪笑.
sonnie係好低b呀, 佢把高而走音聲, 次次笑料都生佢身上, 真係比個服字.
winne, 好愁呀, 我地笑時, 佢唔笑, 好cool~

今日仲玩記電話, 好差呀, d記憶力, 比人話愚蠢.

同學們, 我地仲有好多野未做
踏單車
坐熱氣球
睇畫
睇頭髮展
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我真係想做空姐.
我要keep fit, 因為夏天到, 收起我的byebye肉, 肚腩.
要著s 背心, lowcut, bikini, short pants貼身褲.
真係想試真空. 我覺得唔用bra, 係好sexy, 去外國 我一定會!

>>March 11, 2005 at 4:28:53 PM GMT+8

2005 年 3 月 4 日 星期五 【陰晴不定】

又是開心的一天

買野食, 我完全見到邊d男仔係有風度, 邊d 無.
有風度的, 會幫你.
沒有的, 就算兩手空空也不會問你, 重嗎?

到hall打邊爐, 點解男仔間房會整齊過女仔那間? 好奇怪呀~
食得好似好飽, 但又唔係喎.
跟莊員玩得好開心, roy and patrick 笑死我.

我實在太懶, QM 死定了.

To zoe:
我地4 個真係好惹笑, 昨晚真係勁開心,
我地仲走去扭蛋, 就算dennis認為低能都要迫佢
我地扭同一部機, 次序係mandy, sonnie, 我, dennis
扭完要收埋, 唔比人知(包括自己)
到最尾, 一次過show出黎
我, sonnie係抽到高飛電筒, 而mandy, dennie 係抽到唐老鴨男同女.
哇哈哈, 佢地真係有緣.
而我, 點解會同sonnie 一樣ga??????

你係咪好羨慕呢? 返黎香港啦...就可以同我地玩~~

>>March 5, 2005 at 5:39:14 PM GMT+8

2005 年 3 月 3 日 星期四 【颳風】

實在的滿足感

我唔上堂排隊買古巨基演唱會, 激死我呀, 早30秒就買到前一行!

我過得好開心, 因為
我, mandy, sonnie, dennis走左去天后食粥, 今期"飲食男女"介紹的那間. 搵左成個鐘先見到間野, 滿足, 係堅持.
滿足, 他們知道我們是冒名而來, 介紹特別的"煎腸粉加蛋"
滿足, 係肚子裏, 食滯咁
滿足, 每人都不用20元

我肯定自己是愛享受生活, 今天我做到了.

>>March 5, 2005 at 7:07:04 AM GMT+8

2005 年 2 月 27 日 星期日 【微冷】

暢所欲言

星期五, 跟sonnie大談外國人, 滔滔不絕, 好唔想停.
越另類, 越少見, 越吸引.
我不想要人家輕易得到的, 滿街都是的!

淩晨時分, 跟Sean傾計, 講起以前, 係佢改變了我
愛上英文歌, A1.
指定要到世貿間M記, 皆因對住海.
帶我到石提, 訓係度望住個天, 望住咸蛋黃, 望住d人坐遊艇, 望住一海之隔的尖沙咀, 另一個角度的會展.
同佢一齊係, 無壓力, 好爽.

他是我最浪漫的男性朋友

今晚真係好正, Tell me what happy and what unhappy! that"s what he said to me~

>>February 28, 2005 at 5:44:09 PM GMT+8

2005 年 2 月 25 日 星期五 【颳風】

東平洲

本來約7:15係沙田等, 點知我起身時已經6:45..差少少就遲到, 嚇死我呀! 怪不得我訓得唔安樂, 我個電話鬧鐘跌壞左. 攪到個鐘無響.
7:35到達大學火車站, 完全係極速. 仲可以同其他莊員食早餐. 哇哈哈哈...
等人, 上船, 勁舒服囉, 行去船頭對住個海, 因為我已經對繁榮但嘈吵的大城市感到討厭!

東平洲, 望去真係好平, 行得好舒服, d石又奇怪, 一層層咁, 景就一流.
有個點叫更樓石, 係兩舊石到食lunch, 又爬上d石影相, 爬到上去時, 係度yoyoy大叫, 感覺超好~
組員話我好, 下次我做阿媽, 一定要入我組! 因為我帶左好多野食比佢地, 驚佢地唔夠食嘛. 比人咁讚, 我係好開心. 不論佢出自真心, 又或是假話.

完左就去沙田食pizza. 我係累到唔想出聲, 但無悶場, 皆因氣氛超好, 大爆笑.
志富同德基居然可以一次過食半個大厚pie, 傻ga?

走, 拖我疲憊的身驅, 回家後, 大洗, 立刻訓覺.

>>February 27, 2005 at 4:00:39 PM GMT+8

2005 年 2 月 23 日 星期三 【微冷】

潮濕

都唔知咩天氣, 唔喜歡.
又係好容易過的星期四, 返兩堂, 就放學, 我覺得每一個星期都過得好快, 又快到周末.

我諗過喇, 要學法文, 我一定要去歐洲, 到時就會大派用場, 哇哈哈~~
仲想學社交舞--->拉丁舞(皆因女伴的跳舞衣好性感, 跳拉丁, 身形一流)
學飲酒, 絕對唔係啤酒, 係雞尾酒, 紅酒, 白酒, 香檳....

我承認自己係"崇洋", 見到外國人, 對眼就會望到實.
我絕對有機會嫁個外國人.

~~~~~~~~~~~~~~~~~~~~~~~~~~~~~
Briefing Session
遊戲好好玩呀, 好氣氛, 組員合作, 仲有風趣的Ryan, 我覺得唔會悶親囉~
男仔做三文治, 真係第一次聽見.

我預左做莊員要付出好多時間, 心機, 唯有少玩電腦, 我不要再浪費青春!!
人家的青春, 來投資一個男人.
我的青春, 來投資我的未來, 學歷高, 所認識的人也會高層次些吧; 去玩多d, 識唔同人. (比藉口自己去玩).
唔係話要襯人, 係睇多d, 睇下人家平常消遣活動係咩, 唔通永遠都去"仙跡岩", 唔識去酒店High Tea. 永遠都行旺角, 尖沙咀, 唔行中環置地, 金鐘太古廣場.

人際關係真係好重要, 有時間真係要諗下, 數下自己朋友的數目.

終於有人同我同月同日生, 就係莊員Jessie, "緣"字講哂.

>>February 24, 2005 at 6:43:17 PM GMT+8

2005 年 2 月 19 日 星期六 【乍雨乍晴】

大城小事

事1: 今日得9度, 阿爸出門口前, 我問佢:你著咁少衫, 唔冬咩?
佢話: 你阿媽都唔知收左我d冷衫係邊.
跟住, 我同佢一齊搵, 我見到佢笑, 我諗, 佢開心-因為我關心.
可惜, 最終係搵唔到.

事2: 1件$49的外套, 有對公公婆婆走黎問我, 有無得平呀?
心諗, 已經好平, $49 喎..
公公話:$40啦.
我: $40, 唔得, 無錢賺~
公公: $41啦
走去問慧, $45肯賣
我去同佢兩老講, $45賣比你啦, 佢地兩個係好開心, 想跳起咁~ 公公比錢.
我同婆婆講: 你睇下, 公公對你幾好.
婆婆話: 係呀, 佢又真係對我好好, 好鍚我. (佢真係笑得好甜, 係由心發出)

我係呢對公公婆婆身上, 感到恩惠, 羨慕.
關心你愛的人, 比送名貴的禮物好~

我好鍾意大四方LV斜揹袋, 估計7000大元
發夢先.

>>February 20, 2005 at 4:48:28 PM GMT+8

2005 年 2 月 17 日 星期四 【颳風】

癲

收到Zoe的信, 勁得意, 係我記憶中, 打直, 咁傳統寫法都係第一次收到~超開心, 張支票, 我覺得比有錢更有意思. 謝謝你~

係啦, 昨天由6:30開會直到10 點, 痴線ga, 睇黎都要時間適應, 因為未來的一年, 我們要做好個莊!
同佢地都幾夾呀, 又好玩, 又好笑; 原來patrick同sonnie 係認識, 世界真係細!

我要享受生活, 想做就做:
1. 好似條佐敦徑, 成日經過都唔行入去, 我今日終於決定要入去, 同行的有sonnie, mandy, 大den, 條徑好靜, 空氣好 (比柯士甸道, 吸塵路好百倍).
2. 諗唔到食咩, 用最原始的方法, 一人揀一個地方, 再猜剪刀, 石頭, 布來決定.
3. 我可以大聲話比人知, 我有個嗜好, 就係收集頸飾, 手飾. 買左尖東海旁伯伯的"名字頸鍊".
4. 充分用盡break 的時間, 經海旁再返學, 欣賞維港的景.
5. 還是學生的時候, 我們可以說低能, 白痴的事, 在街上大笑也無防. 很高興我的同學們都能跟我一樣傻.

去Fancl買洗面的東西(不是水), 員工阿me勁好禮貌, 有賓至如歸的感覺, 真係抵佢賺~如果我再買, 一定再找佢!

我很愛洋人, 有機會, 我要周圍去, 體驗各地生活, I am not a typical Hong Kong people!

>>February 18, 2005 at 5:15:05 PM GMT+8

2005 年 2 月 15 日 星期二 【雷雨】

又濕又焗

完全未投入到返學
第一日返學, 無返上午
第二日返學, 遲到, 係為左睇衫而遲到
我每一堂都要錢ga, 唔可以再走堂.

超心散, 我好驚呀, d功課直迫過來~

阿媽明天去旅行, 原本我都係去旅行ga!!!

>>February 16, 2005 at 2:06:59 PM GMT+8

2005 年 2 月 13 日 星期日 【晴】

情人節

Dayoff, 又是早早給家人叫醒去飲茶, 然後就回家online.
聽到一個消息, 個心真係好傷心, 好激氣, 顧住玩, 都要小心d 啦, 唔係個個香港人都咁好.

阿媽取笑我, 話我今日居然留係屋企
我一於問森美, 叫佢去睇戲, 到沙田UA睇"Meet the Fockers", 勁低能囉, 我話比人聽睇meet the fuckers, 比人笑呀..
套戲ok 啦, 我又唔覺得太好笑, 但係就有條友笑得勁大聲, 無人笑時, 佢又笑; 人家笑時, 佢笑聲最特出.
係沙田見到麥家琪, 原來佢真人ok, 唔肥, 但係無氣質囉~

再出銅鑼灣, 為左Joe 的farewell , 係地鐵站見到Joe, 我係有心唔叫佢ga. 因為嬲佢..所以唔叫, 但係諗下, 又好衰仔, 話哂佢係旅客, 唔識黎就麻煩.
飲酒, 傾計, 玩, 就係咁, 我, Joe, Arron, Lu 過得很開心.
玩Lucky經常輸, 攪到我塊面好紅, 有少少醉...暈..

那個吻別的kiss, 真係難忘, 極唔想你走.

返到屋企都4 點, 竟然仲打麻將, 我細妹和她的男友, 我表妹和她的男友. 無眼睇, 就訓覺.

~~~~~~~~~~~~~~~~~~~~~~~~~~~~~~~~~~~~~~~~~~~~~~~
無情人的情人節都過得很快樂
1. 跟家人一起
2. 和森美看電影, 送我朱古力和頸鍊
3. 還有熱戀的感覺

>>February 15, 2005 at 3:39:26 PM GMT+8