2005 年 4 月 14 日 星期四 【晴】

意想不到

返學好驚呀, 急急腳, 我都唔知點解自己會咁, 但後尾諗起, 有d無聊, 比人話我.....

買禮物給John, 左揀右揀. 去佢party, 無理由要空手去ga..

晚上, 約了coco, wai 吃飯, 再到cwb登龍街.
好多人, 完全唔識--->變左識幾個好朋友, 大部份都係美女, 哇哈哈,,,其實我幫Arron 識, 免得佢悶; 勁比人誤會, Arron 係我男朋友, 我地一齊黎, 識朋友, 各自搵食.
離普, 咁大個人仲打交, 令到差人上黎2次, 好無癮. 最後cindy, stephine and vinci 去蘭桂芳, 咁我就同Arron 走去join 佢地..跳舞...好玩登龍幾多!
Cindy, what a nice and tall girl.
Stephine, got a tatoo, she is so cute and look like a little girl, everyone want to protect her!
Vinci, look like Korean, but 100% LOCAL!

Someone wants to chase me, god! you are not my cup of tea. Actually I am thinking of Joe on that moment! I promise, i never ever be anyone gf until i got the answer!

>>April 16, 2005 at 9:08:55 AM GMT+8

2005 年 4 月 11 日 星期一 【微冷】

Sonnie Happy Birthday

由下午的27 度降至晚上20度...

打邊爐慶祝sonnie 生日, 菁係度爆笑, 我厭自己未夠放!
一日一日流走, 唔想cram, 實牙實齒, 今天起, 要開始讀書....何況, 我極度不喜歡最尾的感覺!

>>April 13, 2005 at 3:07:59 PM GMT+8

2005 年 4 月 9 日 星期六 【晴】

9/4/05

起身做IT 功課, 再跟mandy, dennis 到apm, 蝴蝶, 糖果姐姐好攪笑, 有個係poly 讀, 好彩大den叫停我, 走去同佢影相, 好尷尬的,,,唯有同其他女影, 不過d姐姐都唔夠佢靚.
到quicksilver探carine, 傻妹好忙呀, 超多人..仲撞到人, 唔好成日咁q啦...又係你地!
initial 返左好多新貨, d鞋好正呀, 不過唔要露腳趾..
好多人, 新廣場係咁, 又迫, 又無空間感! 見到黎諾懿, 追星,,,好白痴, 但係又好刺激..正正!

回到尖沙咀, 吃飯, 走去睇古巨基..
好差呀, 鄭少秋. 成日唱愛與誠, 係勁歌金曲到, high 少少, 同sonnie, 斜上人叫.
又夜訪poly--->旺角石磨坊--->回去.

10/4/05 行山
行頭段, 想死...不停咁上, 我不停咁叫自己, 唔好放棄.
上到去, 一片大霧, 咩西貢海都唔到~
食飯最好笑, jessie 同個小朋友撞衫, 成套都撞.
玩遊戲, 解手最有難度, 解左兩個圈出來....有美中不足, 係另一班解到, 我地唔得!
我一時想講野, 一時唔想講野. 懶理其他人..
返到去, 訓覺, 放kitty 飛機, 實比佢鬧死, 不過我心諗, 你地個個之前都放我飛機啦, 我要你地感覺, 比人甩底ge 感覺, 係極不好受!!!!

明天deadline, 我仲未揀科.

>>April 10, 2005 at 6:20:06 PM GMT+8

2005 年 4 月 5 日 星期二 【晴】

總有心情低落的一刻

就只有這一刻, 我的心情是低落的. 不是要溫書的關係, 不是憂心什麼. 只是想感到心情低點時候..是....怎樣的. 因為我許久沒有悲傷, 沒有為誰難過了. 我是故意看那張草草了事的contract, sim card 裏的短訊, 記起一點過去的事, 可是, 感覺大不如前了, 只有懷念, 沒有被刺中!

剛看完rainbow 借給我的鄭梓靈新書
人, 就那麼需要愛情嗎? 以前我倒覺得需要的, 忽然, 大概是一年前, 覺得自己一個更好, 不用背著愛人的感覺, 可以做瘋狂, 不可理喻的事! 只有親情, 友情才是我必要的! 所以, 請我身邊的朋友, 從不像樣, 扮轟烈的愛情中醒來, 不要再浪費時間, 不要沉醉自己認為愛得要命的關係. 也許, 你說得對, "你永遠都清醒, 只因你愛得不夠深!"

人, 那麼願意等嗎? 等車也感到煩的香港人, 甘心等一個未知的結尾嗎...不太可能吧! 可是, 人求知慾是非常強的, 我們等, 就是為了答案!!!
曾經多麼相信我會等, 他是值得的, 他總有一日會知道的; 可是, 時間告訴我, 你不必傻了, 等另外一個吧! 現在的另一個他, 如果那些話是由他親口/ 手的告白, 不經任何人告訴我, 無論如何, 等一等也無妨!

人, 那麼能夠抑制自己所想做的事嗎? 我第一個做不了! 想做就做, 錯過了, 又在怨自己為何當初,,,不...癈話! 我最厭惡事後孔明.

還有, 我最討厭的, 人, 會那麼攻心計, 利用別人嗎? 幸好, 我未曾和那些人正面交鋒; 偏偏有一個我認為會利用別人的人, 是我的好友. 她利用的, 只是她身邊的蜜蜂. 能夠令蜜蜂不停獻上花蜜, 這是我最佩服的, 正因為我做不來, 才能令我佩服!

雖然今晚所說的是無聊話題, 但, 全都是我真的想法.

>>April 6, 2005 at 7:09:10 PM GMT+8

2005 年 4 月 3 日 星期日 【陰】

要變身

想想近年, 過得十分平靜.
我係雙面人, 一方面愛平淡, 但另外一方面又想刺激.
踏入2字開頭, 好多新嘗試衝入我腦, 老土講, 來讓我平凡的人生加多點刺激.

我要公開多謝一個人, 唔透露你個名喇. 多謝你咁睇起我, 介紹份part time job 比我..akkakak!

今日走左去, 宣誓, 好惹笑.....

>>April 5, 2005 at 7:16:41 AM GMT+8

2005 年 4 月 2 日 星期六 【陰】

這個不舒適的星期

來個總結

星期一: 不停做hotel project.
星期二: hotel presentation, 影左張嘔心花花相, 勁好笑! 遲d post上網, 笑爆!
星期三: 唔記得做過咩事.
星期四: 三姨今日last day, 去支持下佢, 失落, 我認識佢已經有8年, 從中一開始, 天下無不散之筵席, 朋友總會在心中. 以為阿媽中六合彩三獎, 興奮到成個人跳起, 大叫, 後尾係一場誤會, 原來中得1000, 仲要3個人分.
星期五: 病呀, 消化不良, 無返econ, 準備IT test. 為了明天的qm, 無去singing con, 對不起, roy, 枉費了他的飛, 對不起, rainbow, 不能和你一起狂歡.
星期六: 病住咁去考qm, 都怪自己食唔停口, 咩都食, qm唔難呀, 比一日時間我實做到! 唔夠時間做, 亂做! 20分都可能無! 差d係Parklane 嘔, 快d返屋企休息!
我夜晚再出動, 病住咁去玩, 今日都唔盡興, 我好怕人家去玩, 玩得唔開心.
懷念2月玩得最癲那時!
手掌中間那條線長, 代表你感情用事, 不過, 好多女仔都會感情用事啦!
回家後, 媽媽給我吃藥, 一吃即嘔!

星期日, 昏迷到4 點半, 要買西裙, 面青青, 想快d 走!
究竟英文講得, 定文法重要?

>>April 3, 2005 at 3:22:39 PM GMT+8

2005 年 3 月 26 日 星期六 【晴】

26/3 繼續出動

訓到4點幾, 約了carine10:30出動..join了carine的朋友, frank and michael 就行, 今次入c-club, 其實要比extrance free, 但係有人帶, 比一半, 無咁貴, 就可以叫多杯酒..哇哈哈~!!
到c-club, 基本上係唔識, d男男女女都好細個, 但係個樣唔似, 包括自己, 正一老餅~
又是這樣啦..飲野, 跳舞, 不過今晚跳得好累, 一定係我昨晚行得太多, 無比自己停, 係咁同carine, candy跳舞, 因為我要fing 走脂肪. byebye!
好驚呀, 班人同d鬼佬嘈, Arron做中間人, 我知實無事, 所以都無理...
不過, Arron 就唔開心, 佢咩都係朋友先, 出去玩, 係為開心, 唔想嘈.
carine 同candy都問我鍾意邊間多d, 我兩間都喜歡, 但係唔知點解, 所有開心事, 都發生係cali.

同arron 早走, 但係真係好累, 搭車, 就回去了~
想食雪糕, 二話不說, 就入間鋪, 多謝都煩..

唔記得左, 昨晚由中環行去銅鑼灣, 中途落雨..
空氣好清新. 兩個人係度, 任由d雨, 正.

27/3
訓得3 個鐘, 起身拜山.
唔得啦, 完全不在狀態! 唯有打俾rainbow, 說要缺席.
但我一定要去Eason's mini concert...阿roy話放棄, 要補償, 因為佢唔見左su singing con ticket. 哈..好偉大, 我一定唔會放棄EASON!
到會展join rainbow, jessie, brian, 上去, 哨子, 膠手條會閃ga, 超正..
好好睇, eason唱歌啦, 唔需要講笑話哄我地, 我要歌.

哇哈哈..今日係Brian 生日, 我無講生日快樂(當面)..so sorry!

>>March 28, 2005 at 5:16:11 PM GMT+8

2005 年 3 月 24 日 星期四 【雷雨】

行路日

假期第一日, 都要返學做hotel project, 不過都係做左個雛型, 即是話咁多個人加埋的ppt. 之後就出發到灣仔, 先去新釗記食"沙嗲牛肉麵(多油), 再一杯奶茶走. 講完問題, 就戰戰兢兢到Grant Hyatt, 大堂好黑, Concierge好好人呀, 對答如流, 不夠15分鐘, 就攪掂! 後我地再去買朱古力, 唔知d大酒店朱古力係咪好好食呢. 星期2開估!

做完正經事, 就發癲, 不過得我同karen癲, 係灣仔海邊扮自由行呀...比大den, mandy, winnie取笑...哈哈.
灣仔(join sonnie)-->銅鑼灣

到銅鑼灣行Time square, 見到關芝琳呀, 佢個滑白背, 遠都望見.
行利園, 我第一次過去, 就愛上那個地方的寧靜, 行Dior, Gucci, 都話今日係自由行啦!
各人都要返屋企吃飯, 得我, sonnie...行行行...食

10:00pm, 由銅鑼灣-->灣仔, 未夠時間出動, 所以送sonnie.
灣仔-->銅鑼灣(係HMV聽歌打發間, 比人趕走, 再迫阿妹同我傾計, 期間我己經由Time Square行去World Trade 幾次).
終於, 12:00, 收到Arron 電話, 搭的士果刻, 真係感到對腳好累!

我對腳仲未有得休息, 因為要跳舞...飲左杯唔知咩, 就暈, 不過我覺得好放. 唔知arron醉左, 佢講左男性睇法比我知; 但係又有d地方唔明.
如果一個男仔真心喜歡一個女仔, 唔會咁易同個女仔上床. 不過, 我覺得所有男士都係下面個頭為先!
希望佢同我講ge 野係真, 我係會等, 我知, 我想擁有佢, 我想佢係度, 我唔要放手, 我唔係咁輕易的人, 但我都做了.

雖然, 今晚得我兩個, 但係感覺超好, 我覺得, 佢當我係阿妹咁鍚, 我亦都當佢係哥哥咁尊敬.
因為佢醉, 唔能搭的士, 我地由中環-->銅鑼灣.

今日仲唔係不停咁行!!!!!!!

>>March 27, 2005 at 10:12:43 AM GMT+8

2005 年 3 月 23 日 星期三 【晴】

我最開心, 係因為今日天氣好好, 有太陽!

做完econ, eng...但係, 黎緊有hotel report, QM, IT....究竟咩事呀...咁多野做!
一連4 日復活節假期, 我就發癲, 要去玩, 幾個星期無出去玩..
今日好滿足, 去南北飲茶, 好飽呀.

再去利時, 件青色花花衫一流!
今年又興番喇叭褲, 必買.

>>March 24, 2005 at 2:24:50 PM GMT+8

2005 年 3 月 20 日 星期日 【晴】

好開心, 剛剛同Joe傾計, 我係好掛住佢ga! Wanna Hold you in my mind!

因為日記有問題呀, 攪到我成個星期無打日記, 咁今日就做總括:

我淨係記得星期二, 大den佢無返學, 因為食物中毒.

星期三, 跟hiking soc, 的新, 舊莊打邊爐, 嘩, 金枝慾葉咁, 好難頂呀.

星期四, 走左去霸王山莊食下午茶, 好好味呀! 收到沙律電話, 佢叫我暑假返去做, 哈哈, 咁快比人mark 左, 唔憂暑假無野做, 會做到訓係度tim. 阿媽話, 我做到成隻牛咁, 人地梗係記得我. 我認ga, 我無對唔住間公司, 我係用心, 聽教.

星期五, 過得常充實, 終於起身上econ 堂; break 去左睇畫, impression~ 再加上黃永玉的中國畫, 我自己個人比較喜歡中國畫, 色彩撞得好美, 就算唔知畫咩, 都覺得幅畫好靚.
法國畫, 好多人, 自己又無帶耳機(有人講解那些), 所以決定要再去一次. 真係值得去睇, 有咩可能d畫, 畫到好似相咁, 零瑕疵!
除左畫, 係文化中心入面望出維港, 係一流!

得我, SONNIE繼續半支持Ms. Kan, 聽佢講又訓覺.

登登登!!星期五, 必定去搵野食
今次又係mandy 猜中, 去九龍灣食! 但係食物介紹係sonnie 囉, 佢帶我地食越南野, 位於牛頭角下邨, 食物好味不再話下...第一次去牛頭角下邨, 彎彎曲曲, 好有feel.

星期六, 跟IVE同學們食buffet, 就是Italian Tomato, 未食之, 去左HMV, 聽左隻Robbie William and Usher, 好想買Robbie 果隻, 如果係屋企自己一個人睇雜誌, 一邊聽, 幾relax. 都唔知係咪比sonnie 感染, 想擁有CD. 聽聽下, 跟住阿風就黎左, 佢話見到蕭正楠, 我就走去望, 都幾靚仔喎, 係我鍾意型, 少黑, 細眼..

食buffet, 開頭係瘋狂地拿蛋糕, 驚無得食咁, 最後, 大家都知道, 係要強迫性食哂d蛋糕. 我同高妹食一件餅都勁滯, 都唔知點解有人話可以食3件或以上. 勁!
意粉, 飯, 沙律都好好食, 係推介!
跟他們吃飯係非常開心, 打成一片, 有時就掘人瘡疤黎笑, 完全無距離!

>>March 20, 2005 at 5:30:05 PM GMT+8