2004 年 1 月 27 日 星期二 【乍雨乍晴】

因為我尋日先返香港, 所以要到今日先至去舅父到拜年!
我地下午去, 本來諗住夜晚返屋企食, 點知舅父又話要留o係到食埋飯先, 佢又好快咁走去買菜, 所以我地就o係佢屋企食飯喇!!!
我發覺自從表弟升讀中一之後, 成個人都識諗左! 即係乖左~ 以前日日都同我鬧交, 但而家冇lu~~~ 可能係相見好, 同住難啦~~~
不過, 今日我都幾開心!!!
Christine 靚左好多呀!!! 掂呀~~~

>>January 28, 2004 at 10:56:20 PM GMT+8

2004 年 1 月 26 日 星期一 【乍雨乍晴】

今日12點幾先起身, 之後我地去左飲茶. 飲完茶, 大約2點幾, 我就同 阿公 返香港先, 杏子 佢地就住多幾日~
哇~~~ 過關時, 好多人呀!!! 都幾迫, 搞到我暈暈地, 冇乜精神咁... 跟住有個貌似 金魚仔 ge人o係我面前出現, 所以我就望多兩眼, 點知俾佢發現左我望住佢?! >.<" 搞到佢行到邊, 都望一望我~~~ 幾尷尬呀!!! 但真係好多人, 所以一過完關, 就唔見左喇~~~
今日無論係o係九鑯定o係巴士都係咁多人... 搞到鬼死咁累~~~ 不過返到屋企, 就舒服好多喇!!!
始終都係屋企好!!! ^.^

>>January 26, 2004 at 10:24:31 PM GMT+8

2004 年 1 月 25 日 星期日 【乍雨乍晴】

今日訓到中午, 直到阿公佢地o黎到深圳屋企, 叫我我先醒! 一起身就食飯~ 食完飯後, 睇一陣電視, 我就同阿公佢地出去! 因為 杏子佢地未返, 所以得我地自己去!!
我地先去蛇口, 果到得隻船, 就冇咩好睇喇~ 但D舖就有D外國feel~ 都算幾靚! 之後我地就坐巴士去南頭ge中山公園. 開頭都幾無聊, 不過行行下, 見到有隻馬可以騎o黎影相, 我都有騎. 咁先好玩D咋!! 我幾鍾意隻馬!!! 跟住就有條大莽蛇可以抱住佢影相, 但我冇影到! 因為都唔知條蛇乾唔乾淨~ 直到黃昏, 我地就坐的士返屋企喇!!
哇~~~ D 的士鬼死咁臭, 成陣臭男人味咁!! D巴士又爛, D坐椅又唔好坐... 唉~ o係大陸, 始終都係自己車好坐D!!!
今日我發現左樣野! 原來阿公好有愛心ga!! 我地去公園時, 有個細路女乞食, 阿公都有俾佢! 到我地就走時, 見到有個女人打個細路女, 好似係鬧佢乞得唔夠多錢, 跟住又打個細路女!!! 阿公竟然行埋去, 同個女人講, 叫佢唔好打個細路女, 然後阿公俾左$10佢地喇!!! 其實阿公都幾好ga!!

>>January 26, 2004 at 10:11:16 PM GMT+8

2004 年 1 月 24 日 星期六 【乍雨乍晴】

杏子 今日仲未返, 我都冇咩做~ 今日成日都o係屋企. 食完lunch, 諗住睇一陣書, 點知睇睇下就訓著左~~~ 一直到下晝先起身, 起左身之後就一直睇電視直到食晚飯!
因為下晝訓過, 所以直到而家 2點幾(零晨) 我都未訓得著......
唉~~~ 近日成日都食零食, 全都係熱氣野食, 搞到喉嚨有D痛... 唉~ 仲之就慘啦~~~ 我自己又忍唔住喎...
有D想返香港tim~~~

>>January 26, 2004 at 9:41:23 PM GMT+8

2004 年 1 月 23 日 星期五 【乍雨乍晴】

今日都係中午先醒, 不過醒左之後冇即刻起身, 因為同 杏子 o係床到打交!!! 開頭係搶被, 後來就愈玩愈癲, 但最後都係起身!
因為Dad去廠到拜神切乳豬, 所以我地食杯麵做lunch~ 跟住睇VCD! 大約2點 Dad打電話o黎叫我地換衫, 話車我地去食飯, 原來大陸有D野都幾好食ga!!
食完飯後, 佢地先車我返屋企, 跟住佢地就去廣州, 因為我唔多想去, 所以我就自己一個人留o係屋企.
杏子 今晚唔返o黎, 所以今晚我要一個人訓,感覺怪怪咁, 有D悶~

>>January 26, 2004 at 9:27:05 PM GMT+8

2004 年 1 月 22 日 星期四 【乍雨乍晴】

今日訓到差唔多中午先起身, 第一餐就係食飯, 不過都食得落!
今日下晝, 我地先去買煙花, 都買左幾多. 跟住再去超級市場大掃貨! 之後就o係車開餐喇!! 我地先去廠到玩, 去到廠都快天黑, 所以我地即刻放煙花! 今次D煙花就比尋日o既好好多喇!! 起碼似返D煙花!! 因為買左好多煙花, 所以都玩唔哂. 唯有拎返屋企~~~
開始掛住屋企喇~~
P.S. 我夢見佢..... ( 到底真定假? )

>>January 26, 2004 at 9:13:31 PM GMT+8

2004 年 1 月 21 日 星期三 【乍雨乍晴】

今日一早我就醒左, 唔知係唔慣, 定係因為肚痛?! 我發覺我o既腸胃真係唔係幾好!!
同 杏子 落去買麵包, 深圳D麵包種類唔係好多, 不過就幾平, 但就唔係特別好食~~~ 食完早餐之後, 就先同 杏子 去換鞋. 哇~~~佢隻腳仲大過我兩個碼呀!! 唔知係我腳細, 定係佢腳大呢? 換完鞋之後, "有人" 就車我地去買衫, 其實我都唔多想買, 因為我都係鍾意香港o既多D! 不過Dad 叫到, 點都要買返少少. 因為要改褲, 所以我地就留o係車到等, 一邊聽歌, 一邊玩. 因為等左好耐, 所以Dad就打電話o黎鬧人, 之後我地就嗱嗱聲返屋企!!
返到屋企冇耐, 又出返o黎. 因為要去廠到拜神, 原來間廠俾我想像中整齊, 都幾完善!!
之前, 我好鍾意幫媽咪包利是, 但經過今日, 我就冇乜興趣喇! 因為佢地負責整野拜神, 我就只係坐o係到, 負責包利是~ 我足足包左3大疊錢! 我都係第一次包過咁多利是!! 好似機器咁一直包, 包左成個幾鐘...所以我都冇哂感覺, 原來錢只不過係一張紙咁大把~~~
我包完D利是, 都已經夜晚喇!! 所以我地就落去食飯. 今晚食盆菜, 係同D工人一齊食, 有4圍. 盆野真係好大! 但有好多我都唔鍾意食o既~ 所以我食得唔多! 都唔知底果D係乜? 見到D工人同Dad敬酒時, 真係幾搞笑~ ^.^
食完飯之後, 杏子 就同我周圍行. 我地先去睇狗仔, 因為隻狗尋晚生左5隻狗仔, 但俾隻大狗踩死左2隻......睇完狗之後, 我地就去買D細型煙花玩. 放完煙花之後, 我地就去員工宿舍到逛左一圈, 跟住就去娛樂室玩, D男仔唱歌唱得好難聽 >.<" 可能佢地都覺, 所以佢地就跳舞~ 間娛樂室都算唔錯, 有哂射燈果D野! D工人跳到癲哂, 我同 杏子 就睇佢地跳, 佢地跳D舞都幾奇怪, 又搞笑!!!
到10點幾, 我地就坐車返屋企, 因為屋企未拜神. 我沖完涼之後, 就覺得好肚餓, 所以我地就再食野. 原來Dad煮o既一品:梜ㄜ蠵�!! 不過D飯就差D...
今日真係好累哦~~~

>>January 26, 2004 at 9:02:11 PM GMT+8

2004 年 1 月 20 日 星期二 【乍雨乍晴】

今日返學好凍, 得10度, 我都著多左件冷背心. 由於聽日就開始放新年假, 所以有好多人都已經心散. 今日我又聽到一D野, 又呢樣, 又果樣~ 唔止我聽完之後唔開心, 就連Sara 同 阿包 佢地都好嬲!!!
今日一放學, 我就即刻返屋企, 一邊收拾行裝, 一邊換衫趕住出門! 因為今日要同Dad,杏子 佢地返深圳. 大慨4點左右出門, 7點就到深圳. 過關時都幾多人, 但都算過得快!! o係香港已經好凍, 但一過深圳就再凍D tim!! 一到深圳就"有人" 揸車接我地, 跟住就先去超級市場買D野, 然後就去花墟到買花, 都買左幾多花ga!! 唔單止真花, 仲俾我見到煙花tim 呀!! 我話好想放煙花呀! 杏子 就話聽日就有得親手放 tim~~ 真係好喇!!
行下行下, 都快10點lu~ 所以我地就返屋企喇!! 間屋都幾大, 有兩層, 仲有一個小魚池tim~~都幾靚ga!! 沖完涼, 食完飯之後, 我地睇左一陣 VCD就訓喇!!
因為屋企部電腦有D問題, 所以我就冇得online喇~ 真無奈~~~
哇~~~ 我o係車到聽到電台話聽日會仲凍D tim~~ 最低5度咋~~~
唉~~~ 有D掛住 Sara 同 阿包 佢地tim~~

>>January 26, 2004 at 7:33:04 PM GMT+8

2004 年 1 月 19 日 星期一 【乍雨乍晴】

今日第一次同 軒 去食lunch. 食完飯之後, 我地就買飛準備放學後去睇戲! 放學之後, 我地就去睇 "鬼馬狂想曲" 套戲都幾搞笑~~~
睇完戲之後, 就返屋企. 我地一齊搭小巴, 因為佢要去球場. 跟住我就走去配藥, 然後就返屋企喇~~~
今晚打電話俾爸爸, 問佢聽日到底係點? 但佢好似好忙咁, 所以佢話聽日先搵我喎~~~ 不過我覺得聽日去深圳o既機會唔大!!! 算啦~~ 又唔係第一次ga喇........

>>January 19, 2004 at 8:05:50 PM GMT+8

2004 年 1 月 18 日 星期日 【乍雨乍晴】

今日我收拾好我的書櫃後, 就同姨姨出去行街買野! 點知o係地鐵站度撞見 包包!!
大概7點左右, 我地就返屋企. 真係好累好累~~~
今日係我媽咪同爸爸o既生日! 我打左電話同爸爸講"生日快樂" 之後就傾左一陣. 佢問我新年假返唔返深圳過, 我都幾想返ga!!! 不過要問過媽咪先得!! 但我今次應該會返!!!
爸爸講左D幾搞笑o既野, 佢話如果有男朋友仔, 就記得要帶俾佢見下! 佢話佢唔會反對我拍拖.
不過媽咪反對就已經係一個大問題啦!!! 但我知道媽咪都係為我好隈~~

>>January 18, 2004 at 10:10:44 PM GMT+8