2004 年 4 月 3 日 星期六 【微冷】

今日本來要同 包包 去自修室, 但後來 包包 唔舒服, 所以我地就冇去到, 留o係屋企一齊玩 game! 都玩左好耐下~~~
到左 5點左右, 我就同媽咪一齊幫 姨姨 拎行理去同 嫲嫲 會合! D行理超重呀~~~ >.<" 又冇得拖喎?! 只可以拎住~~~ 到左之後, 就見到有架車剛剛走左. 咁我地就等啦~~ 但係等左好耐都冇喎?! 又驚會遲到, 最後就搭的士lu~ 早知係咁, 就唔駛拎得咁辛苦啦~~~~~
等 姨姨 佢地走左之後, 我就同媽咪去食野. 開頭有講下野, 但之後就好靜, 冇乜點講過野...... 都唔知似乜? 可能我地太少一齊出街喇~~~ 記得上次一齊出街ge時候, 係我話要返大陸時, 先一齊出去買野. 距今都有兩個月喇...... 唉~~~ 冇法啦~ 佢忙時我就得閒, 佢得閒時我就唔想出去~~~
不過食完野之後, 我地一路行返屋企時, 總算似返以前咁, 有講有笑!!! ^.^

>>April 4, 2004 at 9:38:07 AM GMT+8

2004 年 4 月 2 日 星期五 【微冷】

今日 9點幾就起身. 本來都唔係幾想起身, 因為仲有D累. 不過我都決定早D起身, 但唔係溫書, 而係玩game ! 幾乎都玩左成日, 跟住又睇下小說~~~ 搞到好累哦~~~
聽日會同 包包 去自修室, 希望唔好再訓著啦~ 聽日都會幾早去, 因為我要早D返屋企.
姨姨同嫲嫲聽日要返大陸喇~ 我可能會送佢地. 哎呀~~~ 姨姨返左大陸, 我又要食自己喇....... 真係慘慘呀~~~

>>April 2, 2004 at 8:51:20 PM GMT+8

2004 年 4 月 1 日 星期四 【雷雨】

今日考Maths, 卷一雖然唔係好識, 但我都好努力咁做, 做到最後一刻!!
不過 MC就唔得lu~ 做唔夠一半, 就好想訓. 但我都等做完先訓~~
今日放學後去自修室溫書, 不過我都冇溫過. 因為聽日唔駛返學, 所以我就諗住搵本書睇下, 但搵左好耐, 竟然連一本想睇ge書都搵唔到...... 之後就返去搵 包包, 跟住就訓著左lu~

>>April 1, 2004 at 5:45:57 PM GMT+8

2004 年 3 月 31 日 星期三 【暴雨】

呢兩日考緊試, 好辛苦呀~~~ 今日份中文卷又做唔哂喎~ 寫都寫到手指痛...... 我溫ge佢冇出, 佢出ge我冇溫, 好無奈呀...... 不過我都將我所記得ge寫哂落去!!
今日考完試, 我就同 包包 一齊去自修室溫書, 但我實在太累喇, 所以就訓著左lu~~~
聽日就考Maths喇, 我睇....... 唉~~~ 我都唔敢祈望咁高呢~
聽日我地都會再去自修室的, 努力呀!!!

>>March 31, 2004 at 7:47:45 PM GMT+8

2004 年 3 月 29 日 星期一 【暴雨】

Re : 聰子. 咩屎呀?! 係你運氣差呀!! 就算唔係我幫你玩, 你都唔見得贏得好多~~~
今日都幾早就起身, 唔知點解訓唔著?! 我都好想訓耐D ga!! 之後就online, 直至下午時就去 杏子 到一陣, 不過冇耐就走左lu~
返屋企時見到 豬喱, 佢俾一個肥女仔拖住! 個樣好似好慘咁... 佢係咁回頭望我, 我覺得佢認得我!! 果時我真係好想過去攬住佢!!! 但.....無奈地, 我唔可以咁做........

>>March 29, 2004 at 8:05:50 PM GMT+8

2004 年 3 月 28 日 星期日 【暴雨】

由尋晚直至今日, 果種感覺仲一直係咁纏繞住我, 唔止我個腦海, 仲有我個心......... 我覺得有D累~ 不過無論點都好, 我都會理行我ge承諾!!!
今晚同 Sara傾左一陣, 雖然我地只係十幾歲, 但已經開始話當年~ 諗返往年, 真係幾開心!! 不過今年我都過得好開心!! 兩種開心, 係唔同的!! 以前果種開心, 只可以懷念~ 而家呢種開心, 係要珍惜的!! 我愛我而家所擁有ge一切!!!

>>March 28, 2004 at 10:03:16 PM GMT+8

2004 年 3 月 27 日 星期六 【颳風】

今日係 阿聰 ge 18歲生日! 大家一齊去唱K 幫佢慶祝. 佢地一早就先去打機, 到中午時 我同 包包先出去唱K.
o係 K房, 我地都有玩鋤D. 雖然今日係 阿聰 生日, 但佢ge 運氣都冇變過, 一樣係輸最多果個! 今次係我幫佢玩... 不過就算係佢自己玩, 都經常輸啦~ 嘻嘻~~~ 應該唔係我累佢~N?! (但都有呢個可能ga)! 唔通生日ge人都係會咁黑仔? 因為上次 包包 生日時玩鋤D都係輸好多~
除左玩鋤D之外, 我地都有玩"大話骰". 不過輸左有懲罰的~ 但我覺得好似係懲罰我同 包包 多D...... 我同 包包 都有錫錫ga! 所以我同 包包 已經係唔可以分開lu~
唱完 K 之後, 我地就去打機! 好開心呀!!! 我最鍾意玩槍game , 我次次都贏 包包 ga!! yeah~~~
到左 4點半, 我就同 包包一齊返屋企 lu~ 而佢地打完機就會去食飯. 如果媽咪俾, 我地都會一齊食飯ga~ 不過唔可以呢~~~
最後同 聰子 講多次 : 生日快樂 !!!

>>March 27, 2004 at 9:49:52 PM GMT+8

2004 年 3 月 26 日 星期五 【雷雨】

今日係 last day, 但Sara因為唔舒服所以冇返學, 快考試了, 希望佢快D好返啦!!
今日有D感觸. 我冇後悔過揀左重讀, 因為我識左好多好朋友!! 大家雖然只係識左半年多D, 但感情就好過以前識左5年ge同學! 我真係好唔捨得呀!!!
因為Yellow今日冇返, 所以多左一堂Maths堂. 本來 溫sir話要教書, 但大家都唔贊成, 所以就自由活動~~~ 雖然 阿sir話唔可以玩鋤D, 但最後大家都照玩~ 我地由最後一堂一直玩到 5點幾. 其間 阿昇 播左首 "我們的紀念冊" 令我更加想喊, 不過都忍到! 我地走ge時候, 去買珍寶珠 (因為 阿森 玩UNO輸左). 點知買完珍寶珠, 阿昇 同 阿森走左之後, Helen 同 潔瑩竟然喊... 我同 包包 就係咁講笑, 令佢地唔再喊. 因為我地認為今日唔係我地ge last day, 我地距離 last day仲有排. 因為再咁落去, 我同 包包 就真係再忍唔住ga喇!! 如果連我地都喊埋, 場面就真係好難控制得到!!!
我同 包包 去搭車時, 都有講下, 講到眼紅紅... 返到屋企, 心情就平伏返. 當我online時, 就即刻搵返 "我們的紀念冊" o黎聽, 一直係咁聽........聽左好耐......好耐........

>>March 26, 2004 at 8:07:09 PM GMT+8

2004 年 3 月 25 日 星期四 【颳風】

今日到我考 Oral, 點知係同 GP, 大舊一齊~ 真係慘~~~
不過其餘時間都係玩鋤D. 放學之後都有玩, 我都係同人地夾... 所以我又累左人喇.......
我都唔知點解會咁差...... 唉~~~ 真係唔好意思~~~
今日姨姨整親手指, 我都覺得好痛! 希望佢快D好返!!!
因為姨姨整親, 所以今晚ge晚餐由媽咪煮, 好耐都冇食過媽咪煮ge飯lu~ 唔知有冇退步呢??

>>March 25, 2004 at 6:56:03 PM GMT+8

2004 年 3 月 24 日 星期三 【微冷】

今朝一早我又肚痛, 痛到我死咁滯~~~ 但返到學校一陣, 又好似冇乜事咁~ 不過間中都有D痛... 唔知點解, 近日我ge身體好似唔多好咁?! 唔係頭痛就肚痛, 跟住就會暈同嘔?! 到底咩事呢? 可能係我過於緊張啦~
尋日情緒唔係太穩定, 所以悶悶不樂~
而今日ge我, 心情已經平伏返! 上英文堂時都有玩鋤D, 不過只係贏左一局勁ge, 最後都係慘敗....... 雖然唔係我出$$, 但我好似成日連累佢咁......
今日放學後留左o係學校玩鋤D, 不過只係純粹娛樂. 但我都係輸多, 成日俾人炒~ 可憐呢~~~
今日我又用香口膠吐 阿聰~ 經過上次, 佢好似仲唔信我會做得出?! 包包 已經警告左佢, 但佢都唔理! 咁咪算lor~~ ^o^

>>March 24, 2004 at 9:36:44 PM GMT+8