2005 年 8 月 6 日 星期六 【清涼】

星期日放假，終於都放假，ｇｏｏｄ！昏迷到９：３０醒左！見個工人走黎走去！

糖糖就跟著個工人走黎走去，我媽就一眼都冇望過我，我冇出聲坐響沙發雲遊四海

去完洗手間我終於同我媽講野，就係問佢尋日去打麻雀打成點，佢剩係答我：輸

隔左唔夠一分鐘，佢就不停口話我：尋日又話早ｄ番黎湊糖糖，又懶街懶到天光先番

我同老豆番到黎，糖糖又冇乾糧，又冇水，咩都冇得食，您點做人老母架．．又話眼角膜發炎

病得您咁精神既，食左藥唔眼訓既咩，您又話個朋友唔舒服，兩個唔舒服既人去左成日

十幾個鐘，睇咩戲呀，睇十幾廿套都睇完啦，您話十幾個鐘兩個人去左邊．．下刪過千字！

跟著我火都黎"能"埋，我大聲答佢：病我都唔想，成日話我好病，冇忽好肉，講到我好想病咁

跟著我其實仲有好多野想講，算．．我眼好痛，唔講哪，不過我媽仲不停響樹講，又唔理個仔

又點點點，頂．．沖涼入房，我都唔明ｄ阿媽，響屋企又鬧交鬧，唔響樹就成日打電話黎

訓多幾個字換衫同爹地媽咪出門口，聽日二舅父就要番美國，同佢飲多次茶

訂左荃灣鴻星飲茶，我都唔明佢訂位既定義，去到都仲要人等，呢ｄ叫攞位，唔係訂位囉！

>>August 8, 2005 at 2:01:47 AM GMT+8

2005 年 8 月 5 日 星期五 【清涼】

如果感情係咁易放得低，咁容易忘記，我相信呢個世界唔會有咁多人為情自殺！

呢句說話係我１０年前同人講，宜家我同呢位叫 "Ｊｏｈｎｎｙ" 既朋友講多次

希望我既朋友唔好厭我長氣，又講呢個道理，無論您地覺得呢個係道理又好

係強詞奪理又好，其實可以令自己開心一ｄ既咪當道理囉，好似男人去搵外遇一樣

佢講好多野都話係道理，女人聽進耳裡都變得強詞奪理，如果可以咁易可以忘記"舊屎"

相信要等我死果日，因為佢帶俾我太多野，您試過真真正正去愛一個人未？

不過男人都自私的，他們永遠都愛自己多過愛人，但我好蠢，我愛佢多於愛我自己？！

今日星期六，本來兩個老細今日番大陸，我好他條，仲要細老闆叫我１：００走得

可惜尋日放工落到樓下，隻左眼痛到不停標眼水，又不停流鼻水，最後隻左眼睜唔開

呢刻我好驚，我又諗起佢，好想打電話俾佢，但．．佢仲會信我咩？仲會理我咩？

我唔敢打，最後用手蓋著隻眼，慢慢行去搭巴士，我好叻我冇喊，以前既我少少事都喊

剩係識撒佢嬌，宜家冇左佢就緊記 "咩都得靠自己" 番到去媽咪煮飯我食，唔知安慰我定想我死

我媽話 : 無事既，可能眼角膜脫落唧！訓醒甩左咪無事囉！哦，我宜家先知原來咁叫冇咩事！

不過我知眼角膜脫落係唔痛既，所以我唔驚！訓醒左隻眼仍然都係好痛！換衫去睇醫生！

出到廳見到媽咪望著個衣櫃，又話冇衫著，都唔知ｄ女人係咪想日日唔同衫，明明幾百件衫

都日日話冇衫著，要佢將ｄ衫著晒上身都唔知佢點算，番工都要換制服架啦．．女人！

媽咪話冇衫著唔番工，啦我去睇醫生喎，扮病都有架？！我本來諗著睇完醫生番工！

媽咪又話想幫爹地去會展拎果隻音響展既ＳＣＤ喎，不過唔抵喎，今日老細又唔響度

無啦啦請一日假，明明番幾個鐘就收工，算啦．．換衫出左荃灣食早餐，再去大窩口睇醫生

睇完醫生搭車去會展，嘩 ~ 人地ｄ音響差幾遠，雖然屋企果套咁野都成四萬幾蚊

但人地果ｄ剩係個中置都講緊係１８萬，怪唔知咁多人發燒，為呢ｄ音響發燒

成個音響展得我同媽咪係女人，其餘有ｄ係老婆陪個老公黎，好少女士囉！

臨走經過門口有間賣ＭＰ３機，媽咪買左部俾爹地，部機ｄ聲幾靚，仲送Ｓｏｎｙ大大舊耳筒

出面剩係買呢個耳筒都三舊水，宜家ＭＰ３機送埋耳筒都係＄８９９抵都爛啦，買！

我啦媽咪經過人地ｄ試音室，有百幾人坐響樹果ｄ呢，我見有個耳筒位，我指俾媽咪睇 ~

我媽話：您唔好亂黎，我唔識您架下！ｋａｋａ！冇錯！我想試下個耳筒！不過梗唔係咁試！

唔俾人拉，都俾百幾人圍打，拎人地幾百萬既音響試Ｓｏｎｙ耳筒，笑死我！低ｂ精！

去完會展同媽咪去左銅鑼灣．．又食野！食完行左陣！我約左既ｆｄ已經到左銅鑼灣！

我行緊過去途中，佢打電話俾我話佢唔舒服想嘔，嚇得我快ｄ跑過去啦佢去睇醫生

原來佢尋晚去朋友屋企飲酒，仲要飲左半支紅酒，半打啤酒，生日唧．．人出酒佢出命！

陪佢食左ｄ藥食ｄ野又食ｄ藥，佢話好番好多，本來想送佢搭車番屋企抖，佢又話唔洗

第時唔舒服話我知，約左我．．我都可以番屋企架嘛，遲ｄ可以再約過咋嘛，俾您激死

我又食野．．今日第三餐，搭的士去左ｉｆｃ想睇阿嫂，但原來ｉｆｃ冇上喎，頂 ~

搭船落左尖沙咀睇，睇完戲我地又搭番船去中環，再搭的士去銅鑼灣ＣＥＯ唱Ｋ

唱到點半鐘超眼訓，番到屋企都唔知幾點，剩係知超級無敵眼訓，雖然見爹地媽咪黑晒面

我都直行入房，一訓落床就昏迷左！！

>>August 17, 2005 at 10:09:18 AM GMT+8

2005 年 8 月 4 日 星期四 【清涼】

突然愛上 ~



>>August 8, 2005 at 8:25:17 AM GMT+8

2005 年 8 月 3 日 星期三 【清涼】

Sorry．．今日您生日都陪唔到您？！星期六出黎啦您補番慶祝下 ^-^" p.s. 生日快樂?!

今朝一早起身period到，個個月都黎兩次，我就黎失血過多，之前睇左幾次中醫都話我身子太虛

我不但冇唔開心，仲有ｄ安慰既感覺，因為我諗起佢，應該搵一個比我強壯既人照顧佢

身子虛弱又多病痛，佢唔要我．．對佢黎講，絕對係一件好事?! 本來起身想同媽咪講唔番工！

我一話唔舒服，佢又即刻話我 : 又請假?! 唔係．．宜家咪換緊衫囉! 個肚痛好似俾泰臣打幾拳咁

真係唔舒服先想唔番工唧，又唔係偷懶響屋企玩，唉．．我痛到就黎死?!

番到公司死下死下食左個早餐，玩電腦玩到成十一點老細先番黎，講講下又到食晏時間

老細問我有冇帶飯，冇都話有啦，番工又對住您，食晏都要我對住您，不如您殺左我吧啦?!

一夠鐘閃落樓下 "o丁" 飯，就算唔肚餓都閃，廢鬼事俾老細捉去食嘜鬼元綠壽司，咪傻啦~

食完飯本來想請下晝假番屋企休息，但老細突然間同我講：下晝我唔響公司！

就係呢句．挨埋果半晝囉！二來，爹地今日放假，番到屋企佢響樹ｆｕｎ機，又係冇得休息！

終於自己一個戇居居挨到５點半老細番黎，佢番之前打電話俾我，問我食唔食麵包

唔食呀．．都話唔食咯！佢仲不停咁問食咩包！頂！豆沙包啦！佢竟然問要幾多個！！

不是嘛．．咩麵包舖黎架．光天化日賣豆沙包，差ｄ想報警咁滯，係咪痴線架豆沙包都賣！

唉．．一個啦?! 佢自己肥死就好啦，硬係鍾意 "質" 肥我，呢ｄ人咪黑心囉！

我老細姓雷，成鬼日得把聲，又做唔到都咩出黎!! 仲記得前幾日同ｋｉｎｇ對 "對"

雷聲大．雨點小，ｋａｋａ！有同事真係開心！得閒可以一齊咀咒個死人老細！

放左工諗住爹地買送，媽咪煮定飯等我，點知媽咪打電話同我講：爹地話唔好煮，出去食！

後來媽咪想約二舅父食飯，點知二舅父以為我地約埋公公婆婆，又啦埋佢地一齊食飯，笑死

讀得書多都係蠢ｄ，算啦多個人都開心ｄ既，我同老細講早走半個鐘，廢事屋企人等我食飯

不過第時要補鐘．．唉?! 今次我聰明左，今次我轉東涌線去青衣搭的士，等我周圍搵的士站！

後來去到個的士站我呆企左好耐，唔係因為冇的士，而係．．我記得我同佢黎過呢度！

上年佢生日，我問舅父借左架車遊車河既，夜晚就車左佢妹妹個男朋友黎呢度轉地鐵

呢刻好多好多片段響眼前閃過，最後．我上車了?! 咀角微微笑! 因為這些回憶都係甜的！

是我和他的，或許他忘記了，但我還曆歷在目，您呢？您還記得我嗎？還想我嗎？還愛我嗎？

您跟綠茶都一起了嗎？這都是我最近很想很想發ＳＭＳ問他的個問題，不過都收回去

就是怕答案都是接受不來的，不敢問！我想您．．我真的很想您！

Queenie話唔好俾佢知道自己咁掛著佢，我最明白這心情，生怕他知道會嬌傲，會自以為視

會恥笑我既痴情，會恥笑我低Ｂ，會可憐我，這一切會不會發生都好，我仍想他知道

我仍然想他！

>>December 22, 2005 at 4:25:24 AM GMT+8

2005 年 8 月 2 日 星期二 【清涼】

情人偶然無淚，有淚，也許要......在失去時才流下來，也許....在思念時就流下

我最近愛上Lego，總覺得情人不是Lego積木，不能讓您任意亂砌，有時，要懂得 Let Go。

Happy Birthday~

上年既今日，我寫左上面的一段感想，我同佢仍然響埋一齊，不過面臨分手，

一年後既今日，我買左一盒Ｌｅｇｏ，我和他不但分左手了，亦都好幾個月冇通電話

有時好想打電話問候一句，但好記得他上次跟我說那一句 : Sorry，我對您變左？！

我唔知係佢個心已經完完全全冇左我，定係想同我劃清界線，對我黎講其實冇分別

既然由陌生到相識，由相識到相愛，又由相愛到陌生，都不過是一場夢，夢醒了

但為什麼痛仍長埋心中，現實中他已離我遠遠，他的心亦都跑到另一女人去了

但為什麼每晚亦在夢中折磨我，夢裡那感覺實在得令我疾息，如果我地既分手都係一場夢

我好希望可以快ｄ醒，我並唔係怕發這個惡夢，只係想可以快ｄ醒番，爭取時間對您好？！

但這一切實在的令我未能否認，我不得不向我親朋戚友承認，他~已經不再愛我？！

他的心裡已有她，他早已將我忘記得徹底，世上最大的傻瓜．祝福您．生日快樂！

>>September 13, 2005 at 4:27:13 AM GMT+8

2005 年 8 月 1 日 星期一 【清涼】

早上去左柴灣，本來係拎封信去人地公司收錢，不過響個工廠區行左成個鐘

後來搵到座大廈先知道，原來就響地鐵站對面，頂．．嬲爆！

去完柴灣要再去灣仔拎Ｔｅｎｄｅｒ，今日心不在弦，坐地鐵番過灣仔

坐坐下聽到．．下一站金鐘！！不是嘛！上番一層搭番轉頭！

上左車企企下又聽到，下一站銅鑼灣．．攪錯．做咩事呀．灣仔去左邊呀！！

又上又落搭番車番轉頭，唉．．今次黐住度門，一開門就衝出去！唔係我死俾您睇！

全日就金鐘．銅鑼灣．金鐘．銅鑼灣．．痴咩線！拎左Ｔｅｎｄｅｒ番公司！

下晝請病假番左屋企訓！



最近發覺自己聰明左，用手提電話影相，再用藍芽掉番ｄ相落電腦，好方便？！

不過ｓｈｏｗｈａｐｐｙ唔可以直接放相，唯有將ｄ相放響第二個日記網頁

再轉貼到這裡，雖然麻煩，都叫做放到相先，其實當冇人響身邊照顧自己

咩都得靠自己雙手，無論係照顧自己，或是氹自己開心！是嗎？！

>>December 22, 2005 at 4:26:06 AM GMT+8

2005 年 7 月 31 日 星期日 【清涼】

好眼訓，晚晚都唔夠訓，今朝媽咪提醒我，今晚係咪約左人去街唔洗煮您飯？係喎！去街喎！

番工，銀行，銀行，又銀行．．頂．間間銀行都咁鬼多人架，下下排成半個粒鐘先到我

突然排排下隊悟出一個道理，就係唔理您有幾錢身家，拎著２０萬既支票都一樣係要排隊

今日ｋｉｎｇ番左黎陪我俾人鬧，鬧鬧下放工，ｋｉｎｇ係都捉我陪佢搭８號落京華中心落

要人行咁遠趕時間嘛，我個朋友４：３０放工，要佢等幾個鐘已經唔好意思架啦．．唉？！

又係銅鑼灣世貿食野，食完搭的士過去會展，我ｆｄ陪我去買熊貓俠，真好？！

雖然話冇書展咁多舖頭同咁多人，但對我黎講迫迫迫．．都係好．熱鬧，好唔開心呀？！

１７吋熊貓俠一早賣晒哪，小姐！頂！行左好耐，買左好多好得意既野，本來想去Ｌｅｇｏ

不過由始至終都超多人排隊，我同我ｆｄ等最後果幾分鐘衝過去排隊，好想懷念童年玩意

最後我買左幅Ｌｅｇｏ一間別墅＄３９９，我ｆｄ話做得咁辛苦買野當獎勵自己囉．．

唔買可能您會後悔架．頂．買．唔諗哪．好煩？！最近自己唔知做咩鬼！真係三心二意到死！

１０點正漫畫展關門，我同ｆｄ打的落左銅鑼灣飲野！去左間新舖頭！響百德新街樓上舖！

好似係我想開既舖頭咁，有好多狗走黎走去，有野食有野飲又有狗玩，差左一個漫畫閣而已

同個ｆｄ冇得閒玩狗，埋頭切Ｌｅｇｏ，遲ｄ放相俾您地睇下，一路飲著花茶（最近"０考"喘）

唔想飲凍野，另外叫左個小食，又有影低相，我ｆｄ叫左個嘜鬼野凍茶，佢話好好味喎 ~ ~

唉．．唔飲得凍野就係咁慘，睇人飲？！我地切到１２點幾先走！死！聽日仲要番工添架！

所以決定聽日下午請假，因為上午要拎根德道Ｔｅｎｄｅｒ，有生意做，老細仲成日叫窮既？

今日１號，大老細番黎話過多幾日先開票出糧俾我，好彩大把人俾錢我晒唧，等您開飯餓死啦

好眼訓呀～～呢個故事教訓您～聽日番工，今日就唔好去夜街啦？！攞黎賤！





>>August 8, 2005 at 8:32:48 AM GMT+8

2005 年 7 月 30 日 星期六 【微雨】

今朝八點幾醒左，典黎典去，好一個非典型，非常"典"既型，ｋａｋａｋａ

典到十點左右，個工人黎左我就起身，沖涼刷牙湊兔兔，今日應承兔兔要買番張床俾佢

本來諗著同媽咪去飲茶，點知果間咁既茶樓，次次都要等百幾張檯，佢都痴線既！

唔飲茶又求其搵間餐廳食早餐，茶樓下面開左間先餐廳，ｏｋ啦～唔太難食，飲品就好難飲！

食完野行街買衫，我媽都洗５分鐘就買左成１０００蚊衫，女人~　真係好恐怖！

上個月睇中西莎狗糧送果張床，６９９蚊狗糧送床床，狗糧我買黎送俾人，床~我Ｂ要！

拎著ｄ狗糧冇手買送，媽咪買左兩條魚就走，今次要坐的士番去，一盒有２４罐狗糧

一共５盒，６９９蚊１２０罐狗糧，都抵．．響吉之島賣＄６.５一罐，不過拎到死死下

拎左張床仔番去，舖著我Ｂ平時訓開果張毛巾，佢好疑惑，不過有佢陣除，佢都照訓

沖個涼又換衫出去，今日又一家人去三舅父屋企食飯，陣二舅父未番美國之前食多兩次飯喎

明明都話"科發道"落，個的士佬去到隔兩條街既法國醫院，想行死我咁鬼遠．．又熱？！

去到都差不多六點多，不過要等埋大舅父，今日大舅父要響香港大會堂演講，政府邀請佢

講咩樓市定係估市，開飯前三舅父話要去放煙門後面搬個大圓檯出黎，搬到入屋三舅父大叫：

我數一．二．三就出力，好！跟著三舅父鬧佢個仔：行開啦，我數一．二．三．．打您架！

數到個三我張成張檯抬起左，不過果刻先望下，嘜冇人幫手既．．成家人笑到標眼水

原來我舅父鬧緊仔，叫佢數３聲好行開，點知一數到３我就抬起成張檯，一家人真係開心！！

食完飯成班表弟表妹響度打機，佢個遊戲機唔洗用線，拎著個保齡球向電視作勢掉過去

我大表弟好叻，掉左４個全中！表妹最低分！後來就打拳！又係唔洗用電線！帶著拳套！

兩個表弟肉緊到衝埋個電視機度，差ｄ電視都打爆，九點多就走，同媽咪番到屋企都十點半

喂兔兔食埋奶，就訓？！好累！



當天 您喜歡了一個人 因為他 您笑過 也哭過

埋怨過 也恨過 但到了最後 他 原來只是一個過客罷了

生命中 走近您身邊的人多的是 又何必太在意已走遠的那一位

時間可以沖淡一切 曾經刻骨銘心既事

今日已經變得淡而無味 因為時間已經幫您磨滅左佢對您既重要性

當日既事已經唔再係今日既事 無了期的等待 可給您的或許是一片空白

那為什麼還要等 等一樣連自己也觸摸不到的東西 值得嗎

鬆開您的手 離開您左右 向前走 這會是 真正的解脫

>>August 1, 2005 at 2:30:01 AM GMT+8

2005 年 7 月 29 日 星期五 【微雨】

終於．．終於都挨到星期六，兩個老細又唔響香港，嘩 ~ 今次我仲唔發達？！

今日好早番到公司，不過番到公司冇耐老細就打電話黎，以為佢咁賤格ｃｈｅｃｋ我

原來係ｃｈｅｃｋ我同事，我得一個同事 "King" 佢做地盤監督，成日都唔響公司陪我俾老細鬧

尋日地盤落晒石屎，所以King要番黎做個ｒｅｐｏｒｔ俾屋宇署同建築師睇

不過唔知點解佢今日好衰唔衰，老細唔響度先黎玩遲到，差不多１０先番到黎

老細慶過火屎，打電話問我：璇，您冇話俾ｋｉｎｇ知我搵佢咩？！

有又點唧，人地係未到就未到架啦，識飛咩？！都白痴既！個同事番到黎打電話俾老細！

又俾個變態老細剷獲金既，我真係慘．．夾正響中間，又要聽老細鬧，又要聽同事呻！

個同事知我呢排三心兩意又心大心細，諗成日諗到放工都唔知食咩好，所以佢約左我食晏

因為尋日咩都冇食過，好肚餓，食晏前ｋｉｎｇ去左搵建築師傾野，各自去吉野家等！

呢餐佢請，食完飯佢帶我去買番張Ｌａｎ咭，番公司冇耐我放工，本來ｋｉｎｇ放６：００

不過佢話送我落灣仔轉車，佢真係當我未去過屯門咁款，又話過晒屯門公路第一個站落車

激死，我係好耐冇去屯門唧，但５年前都響屯門住，大大話話都住左３年半，當我低ｂ咩！

貶眼同之前個男朋友分手都２年半有多，唔知佢宜家點呢？！佢媽對我咁好，宜家又點呢？！

媽咪話咁大雨唔好去佢公司接佢，初時真係以為自己已經唔記得晒ｄ路，因為果時ｅｘ拖我行

自己好多時都冇心去認路，以為佢會拖我一世，咁我認黎做咩喎，點知又係分手收場 ~ ~

媽咪叫我自己去Delifrance等，幾驚唔識路，點知自自然然覺得條路好熟，好似番左屋企一樣

您叫我去將軍澳都冇咁熟，雖然話岩岩分手果個男朋友帶我去，但始終響將軍澳日子都係好短

或者係我同佢一齊既日子短吧，坐坐下．．食左個下午茶媽咪都仲未黎到，等．寂寞到夜深！

今日諗住同媽咪去買下美白去痘面膜，媽咪又諗住睇內衣，點知個叔叔打電話俾媽咪

問媽咪去邊，我媽咪話：同阿妹去行街！個叔叔話：我６：３０先過到黎，您地行著先

咁就收左線．．ｋａｋａｋａ．笑死我，我媽都冇話預佢，呢招好得，賴皮！！

冇端端打電話俾人，嘩．．去飲野呀，我 9:30 過到黎，Bye Bye？！咁都得？！？！

等我媽又唔好意思睇內衣，我又唔記得自己買嘜鬼，買左好多唔知咩，咁就番屋企，撞鬼！

番到去我整番張Ｌａｎ咭落去個電腦樹，點知插著晒，個Ｍｏｎ著左黃燈，畫面黑媽媽

冇野睇，激死我，張個死人電腦搬黎搬去，重到死，又整唔好，唔鬼整，曬埋ｄ衫訓！



>>August 17, 2005 at 10:10:50 AM GMT+8

2005 年 7 月 28 日 星期四 【微雨】

又要番工．．唉？！冇工番又煩，有工番又厭辛苦，做人真矛盾！好想快ｄ去旅行！

呢兩日老細又唔知做咩鬼咁好口，成日都同我講：璇，宜家ｄ野咪似樣囉，做得幾好！

宜家就算我想點改番份文件都知咯，咁我以後仲搵咩鬧您好呀？口臭架喎？！變態即係變態！

日日都掛鬼住鬧人，唔係精神分裂的話，就係思覺失調，做ＰＭ都係鍾意鬧人，當我係地盤佬

放工好趕好趕咁番元朗，生日個ｆｄ話就我去元朗唱ｋ，我話我成日都冇食過野想打邊爐多ｄ

佢又鬧我扁桃腺發炎，您食得咩？唱ｋ有咩好食喎！佢話有麵又有粥！最好有白粥添！

痴線去ｋ食白粥，不如番屋企食白果，唱完ｋ去買左ｄ生果番屋企，佢送我上車就走左

今晚佢又俾左１０００蚊我，自己生日俾２０００蚊人洗，世界上有ｄ咁既傻佬！

番到屋企喂完糖糖，睇左陣書，飲埋涼茶就訓，都好呢兩日都訓得唔錯，雖然都係訓下醒下！

>>July 30, 2005 at 1:39:15 AM GMT+8

讀者留言 |  路人留言   | ☆★☆★☆★☆★☆★☆★☆★ < >>November 6, 2008 at 5:50:17 AM GMT+8 <br>**只要可以給的願意給 >>March 5, 2008 at 5:44:07 AM GMT+8 糖糖媽,首先祝你鼠年開開心心!! >>February 22, 2008 at 6:03:50 AM GMT+8 對對對!!!沒有他,我的日子 >>June 21, 2007 at 6:14:27 PM GMT+8 *0*" 勁開心...超開心.. >>June 19, 2007 at 8:16:53 PM GMT+8 唔記得問 果隻兔仔 叫咩名 幾頂 >>June 19, 2007 at 11:43:26 AM GMT+8 嘩嘩嘩.....你個blog, >>June 19, 2007 at 12:59:47 AM GMT+8 hi there, just d >>June 10, 2007 at 12:23:09 PM GMT+8 Below is the lin >>May 24, 2007 at 3:17:29 PM GMT+8 hehe.. i've been >>May 15, 2007 at 5:44:08 PM GMT+8 他比我大4年。可能我真的不配合他 >>May 14, 2007 at 9:15:17 PM GMT+8 無意間睇到妳的日誌，好欣賞妳可以 >>May 13, 2007 at 4:09:50 AM GMT+8 Hi, so nice to m >>May 9, 2007 at 6:22:03 PM GMT+8 hi 你好, 我無意間來到你日記 >>May 7, 2007 at 10:43:28 PM GMT+8 不小心就衝左入黎... <br> >>May 1, 2007 at 10:05:29 AM GMT+8 是的，一個人最錯吾係做錯事，而係 >>April 24, 2007 at 12:44:33 PM GMT+8 我明白到如果要我忘記他，我祇得找 >>April 23, 2007 at 12:38:24 PM GMT+8 其實我還很掛著我的舊愛，可惜!事 >>April 23, 2007 at 12:35:06 PM GMT+8 仔細看一看你近幾日日記，我才發現 >>April 23, 2007 at 12:29:39 PM GMT+8 照你所講，也許新既吾薄A舊既又 >>April 19, 2007 at 1:13:35 PM GMT+8 您好! 也許我真的不夠成熟，這些 >>April 17, 2007 at 12:08:06 PM GMT+8 如果真係甘容易放得低一段感情，那 >>April 16, 2007 at 1:08:00 PM GMT+8 不小心發現你的blog..卻發現 >>September 7, 2006 at 11:36:10 AM GMT+8 共鳴人 <br>我都好想跟您好好 >>April 25, 2006 at 8:28:08 AM GMT+8 SORRY.... <br>我諗 >>February 12, 2006 at 7:05:21 PM GMT+8 ICQ:172075850 <b >>February 3, 2006 at 1:35:01 AM GMT+8 看過妳的日記，真是感人流淚， < >>January 22, 2006 at 4:12:00 AM GMT+8 最近睇完套戲(如果．愛)學識左一 >>January 6, 2006 at 7:36:14 AM GMT+8 你好呀~~ <br>我應該係唔識 >>December 26, 2005 at 9:41:30 AM GMT+8 唉～失戀＜＜勁唔開心囉．．．．． >>December 8, 2005 at 5:22:34 PM GMT+8 我好似你咁遇到一些不懂,珍惜自己 >>December 2, 2005 at 6:41:51 AM GMT+8 我很喜歡你的日記~ >>November 23, 2005 at 10:57:04 PM GMT+8 who bought you f >>November 16, 2005 at 7:45:33 AM GMT+8 you are so brave >>November 12, 2005 at 2:42:12 PM GMT+8 Happy Birthaday! >>November 11, 2005 at 3:26:36 AM GMT+8 你是我喜歡的路人 - 應昌佑 >>November 2, 2005 at 1:14:44 PM GMT+8 you have a baby? >>October 29, 2005 at 3:48:42 AM GMT+8 愛是什麼,我有在世界做什麼,勇氣 >>October 21, 2005 at 10:26:11 PM GMT+8 在愛的&#36807;程 往前看 >>October 19, 2005 at 8:39:05 AM GMT+8 Really feel "sum >>September 23, 2005 at 3:08:23 AM GMT+8 e...點解無同你chat幾日 >>September 13, 2005 at 3:26:56 PM GMT+8 why? why do you >>September 12, 2005 at 7:48:18 AM GMT+8 朋友：可能我因呢件事成長&#21 >>August 11, 2005 at 9:45:29 PM GMT+8 朋友：唉！出&#21655;去做 >>August 10, 2005 at 7:56:51 PM GMT+8 朋友：呢兩日都冇見到你寫&#22 >>August 7, 2005 at 9:18:44 PM GMT+8 我睇完你搭車個段，真係唔知講咩好 >>August 7, 2005 at 1:38:35 PM GMT+8 朋友：往事只係用&#22175; >>August 5, 2005 at 5:31:04 PM GMT+8 朋友：不要灰心，人生係一場遊戲， >>August 4, 2005 at 8:13:54 PM GMT+8 人生本&#26469;就有很多坎 >>August 3, 2005 at 1:36:59 PM GMT+8 同是天涯&#27814;落人。希 >>August 3, 2005 at 7:50:49 AM GMT+8 睇妳寫&#21874;日記、妳都 >>July 31, 2005 at 4:40:33 PM GMT+8 妹妹，其實愛情只是人生其中一個點 >>July 31, 2005 at 1:54:59 AM GMT+8 美妤的過往是回憶 <br>痛筈的 >>July 31, 2005 at 12:09:27 AM GMT+8 無意中睇了你&#22021;日記 >>July 21, 2005 at 8:26:22 AM GMT+8 Qee,我又想睇你日記,Send >>July 20, 2005 at 7:44:30 PM GMT+8 haha~唔好講多謝呀 <br> >>July 19, 2005 at 2:57:27 PM GMT+8 完全係講中心聲... <br>多 >>July 17, 2005 at 2:29:57 PM GMT+8 記掛一個人一生　曾經很上心　 >>July 17, 2005 at 11:27:28 AM GMT+8 人氣爆Sa登!!你好受歡迎呀!祝 >>July 16, 2005 at 10:23:52 AM GMT+8 其實我都同你好似... <br> >>July 15, 2005 at 11:36:27 AM GMT+8 多謝您地．．我都好想好似您地講得 >>July 15, 2005 at 4:49:33 AM GMT+8 人生有多少巧合..相遇很難!;要 >>July 14, 2005 at 3:52:48 PM GMT+8 在人海中遇上某個人，彼此相愛，她 >>July 14, 2005 at 3:49:50 PM GMT+8 歡迎您..阿睛^_^ <br>您 >>July 14, 2005 at 2:09:42 PM GMT+8 Hi!我今次第一次來拜訪!我覺得 >>July 14, 2005 at 10:27:40 AM GMT+8 25歲不明白您寫什麼有問題嗎？或 >>July 14, 2005 at 1:54:51 AM GMT+8 越來越多人有好奇心想知道我的一切 >>July 13, 2005 at 6:51:01 AM GMT+8 Hi!你叫乜名?!**我想問有冇 >>July 12, 2005 at 6:16:59 PM GMT+8 其實講真的，雖然沒有完全從頭看完 >>July 10, 2005 at 5:08:46 PM GMT+8 睇過妳&#22021;日記我真係 >>July 10, 2005 at 1:48:05 PM GMT+8 才離開沒多久就開始擔心今天的妳過 >>July 10, 2005 at 1:33:15 PM GMT+8 你好叻呀個綱頁整得咁靚,日記又寫 >>July 8, 2005 at 12:11:17 PM GMT+8 全靠你當天喜歡過錯的人 <br> >>July 5, 2005 at 9:10:11 AM GMT+8 自欺欺人 <br> <br>女 >>July 4, 2005 at 6:49:42 AM GMT+8 雙失情人節 <br> <br> >>July 3, 2005 at 2:25:17 PM GMT+8 特登寫俾wingo睇下，唔通打您 >>July 3, 2005 at 8:03:50 AM GMT+8 哈哈哈~~~篇野我特登寫到咁架~ >>July 2, 2005 at 11:16:02 AM GMT+8 妹妹&#21035;哭，相信明天 >>July 1, 2005 at 2:21:50 AM GMT+8 能&#20026;&#29233 >>July 1, 2005 at 1:53:17 AM GMT+8 Sorry~改左都冇通知您添 ^ >>June 29, 2005 at 1:07:13 PM GMT+8 咦~篇野你改得幾好喎！有無列明小 >>June 29, 2005 at 12:19:53 PM GMT+8 好漂亮的网&#39029;，又那 >>June 27, 2005 at 7:23:19 AM GMT+8 我是大&#38470;的朋友 < >>June 26, 2005 at 1:03:36 AM GMT+8 你要呀?俾你啦，^^篇野係我個日 >>June 25, 2005 at 5:42:13 PM GMT+8 在世界中心呼喚愛主題曲，首歌名叫 >>June 24, 2005 at 1:49:26 PM GMT+8 唉~~我呢個係隱藏版既花名,(因 >>June 22, 2005 at 1:40:03 PM GMT+8 你好我是msn 看到你的web >>June 21, 2005 at 6:17:59 PM GMT+8 小黑??您幾時改架!!識左您幾十 >>June 21, 2005 at 8:37:51 AM GMT+8 喂喂~~~我終於睇到你個日記啦, >>June 19, 2005 at 3:03:41 PM GMT+8 真係好神奇...好無意間係yah >>May 30, 2005 at 1:26:42 AM GMT+8 今日冇意&#38388;睇到你& >>May 24, 2005 at 8:49:23 PM GMT+8 你好... 我想知你2005年4 >>April 25, 2005 at 2:10:47 PM GMT+8 不要拿我對你的愛作為籌碼 <b >>April 18, 2005 at 7:29:30 AM GMT+8 當一切都已成風 <br>我依然在 >>January 27, 2005 at 6:37:23 PM GMT+8 一個人從有心到無心 <br>一首 >>January 17, 2005 at 6:19:40 AM GMT+8 不要忘記我 <br>如果說擁有妳 >>January 14, 2005 at 4:45:33 PM GMT+8 愛一個人需要勇氣 <br>帶領所 >>December 14, 2004 at 9:16:35 AM GMT+8 你在我眼中是最美，每一個微笑都讓 >>November 25, 2004 at 6:44:44 PM GMT+8 做人最緊要對得住天地良心.他對你 >>October 26, 2004 at 4:50:44 AM GMT+8 有一種感覺，它沒有開端也沒有結果 >>July 8, 2004 at 8:08:29 AM GMT+8 我永遠會記得曾和你在一起的那些 >>May 16, 2004 at 3:24:22 PM GMT+8 哈哈我上左黎喇你都得閒上去我個日 >>March 9, 2004 at 8:27:09 AM GMT+8 The stillness of >>February 18, 2004 at 4:13:36 AM GMT+8 Imagine what a t >>February 17, 2004 at 2:37:33 AM GMT+8 一個識字人教懂妳 煩惱 <br> >>February 16, 2004 at 9:07:55 AM GMT+8 Regardless of yo >>February 15, 2004 at 11:04:50 PM GMT+8 If you conclude >>February 15, 2004 at 5:06:20 AM GMT+8 Smile, and insta >>February 14, 2004 at 1:25:11 AM GMT+8 For something so >>February 13, 2004 at 7:14:46 PM GMT+8 The average girl >>February 13, 2004 at 12:59:29 AM GMT+8 There's powerful >>February 12, 2004 at 9:21:44 AM GMT+8 落日西沉 <br>有時我們內心會 >>February 12, 2004 at 2:32:07 AM GMT+8 以全副精神和開放的心胸來看待生活 >>February 11, 2004 at 8:48:30 AM GMT+8 人家說 <br>一個人會產生無助 >>February 10, 2004 at 4:05:00 PM GMT+8 人生中所有的偉大成就 <br>以 >>February 8, 2004 at 11:40:35 AM GMT+8 人生裡面每個人經歷都會唔同 <b >>February 7, 2004 at 10:30:32 PM GMT+8 傻妹妹: <br>何必為左呢D咁 >>January 8, 2004 at 5:38:23 PM GMT+8 妳個傻妹! 冇左條仔，重有朋友同 >>January 7, 2004 at 1:45:19 PM GMT+8

人氣: 54852

Design & Scripting by ShowHappy.Net