| 日記 | 日記主簡介 |
||||||||||||||||||||||||||||
2006 年 1 月 12 日 星期四 【晴】 蒞臨朋友聚會 欣賞到恩愛示範 您有人陪 我卻沒有份 一片平淡 好心問我 找不到男朋友 怎麼可習慣 尷尬地說 寧願將工作一天排到晚 謝謝關心 知我 永沒有驚喜 自問不怎麼醜 孤獨無道理 最怕我父母 追問我婚期 循例作答 沒有機 朋友太多 為甚麼失戀要附和或要哭 總是預我 我夠姊妹 最後您倆言和 為何還談論復康經過 我喜歡我 惋惜有用麼 便能得救麼 找遍全球不果 就在火星觀察 看誰容納我 人來人往 日夜奔波 都嚮往浪漫 我再繁忙 我再沒有空 總有期限 不必問我 找不到男朋友 怎麼可習慣 快說服我 遲些初戀 至可心甜到晚 但是通通都當我是個知己 越是心急偏不出現才合理 我也渴望有轟烈兩星期 誰話我已沒有棋 朋友太多 為甚麼失戀要附和或要哭 總是預我 我夠姊妹 最後您倆言和 為何還談論復康經過 我喜歡我 傷心有用麼 便能得救麼 找遍全球不果 去到火星戀愛 我便會拍拖 手鬆點 可不可 避免每次節慶也得一個 情敵 就在附近 也許都開心過 跟公仔同座 朋友太多 為甚麼失戀要附和或要哭 一定預我 我最得體 我認至會難明 全球男孩為甚麼閃過 看清楚我 真的怪異麼 不算可愛麼 走到火星談情 愛我的一位會過來陪伴我 讓我知 上帝原來庇佑我 >>July 30, 2006 at 5:58:51 PM GMT+8 2006 年 1 月 11 日 星期三 【晴】 2006 年 1 月 5 日 星期四 【晴】 2005 年 12 月 30 日 星期五 【陰晴不定】 2005 年 12 月 24 日 星期六 【乍暖還寒】 2005 年 12 月 17 日 星期六 【陰晴不定】 2005 年 12 月 16 日 星期五 【晴】 2005 年 12 月 8 日 星期四 【乍暖還寒】 我媽咪叫個叔叔同佢講，搵到我地又點，我地又可以再改電話號碼唧！唔好白費心機啦！ 跟著個叔叔問我：阿偉！姓咩架？大澳既人可能我識喎！不過我諗左好耐都諗唔起？！ 我媽話：您咁冇良心架．．佢好似姓．．．．．．ｍｕ．．．呀！葉呀！ｏｈ！ｙｅｓ！ 講真同佢一齊過都三年多，媽咪話齋：嘩，人地同您同居三年半呀！姓咩都唔記得呀您！ 令我有個衝動記底我鍾意過既，拍過拖既，暗戀過既，痴戀過既男人記下他們的名字！ 其好多男仔我班朋友都識，因為它也是我們共同成長的日記！有些真的值得懷念．． 更有好多不能盡錄，因為時間太短暫，我只寫住一ｄ刻骨銘心既先，溜左既將來慢慢改！ 第一個：莊建寧 那時我中一，他中六，第一次在合唱團見面，第二次在團契（即彌撒咁上吓既聚會） 當時每人拿著一張Ａ４紙，要找九個新朋友在紙上寫下名字，然後認著他／她的樣子 他就呆呆站著，我走過去問他：您不找人幫您簽？他答：我只想找您！ 我替他簽上唯一的一個名字，還笑說：那全張紙只可有我的簽名，並好好記著我的樣子！ 之後一斷日子保持碰面打招乎的關係，直至有天我請了三天病假，第四天回到學校 一班死黨攬著我笑淫淫的問：您知唔知邊個黎班房搵"詩璇"．．鬼知咩！講啦！婆婆媽媽！ 當聽到他著急地來班房找我的時候，嚇得心如鹿撞，又驚又喜，不過上堂鐘響起了！ 先上堂小息才找他吧！急如星火的我終於等到小息，飛撲上４樓，他不在課室．．在那？ 他的同學笑說：他和您一樣．．他去找您呀！我不想一龍去二龍追！我企定定等他！ 怕一走開他找不到我，終於見到他，三天．．足足三天沒見面，掛得我心肝脾肺都掉了！ 多想撲上前抱抱他，訴說給他知我有多想他！不過他怕羞，我俾他更怕羞！大家都面紅紅！ 呆站著！他先說：您身體冇事嘛？！我說他知，只是發燒感冒！休息多天才上學！怕傳染！ 他的同學在班房鬧得熱哄哄，我跟他說：我先回班房了！他問我：趕時間？我：係呀！ 其實我知我塊面好紅，再唔走我怕響佢同學面前出羞！回到班房心一直噗噗咁跳！我戀愛了！ 直至有天發夢成個人紮醒，我夢見佢要移民呀！我不停咁喊．．個夢實在太真實！唔好呀！ 第二天悶悶不樂，終於由位老師證實了，簡直晴天霹靂！雨天又霹靂！反而他絕口不提！ 心想他是不是想上機那天才通知我，還是這世都不說給我知，一走了知？他就是我的初戀！ 真的，他上機前的４個鐘，他同學打電話給我：璇，您去不去機場？您去我可以帶您！ 我知如果我唔去，呢世我都後悔，去到他只跟我說了一句：您點呀？真係想一巴打佢！ 我仲可以點？不如您話我知我仲可以點！之後他寄了一封信給我！信裡大約說：他找到工作 也預備搬去第二區，叮囑我好好生活，快快樂樂！他就是 －－ 我的初戀！ (他臨走前的某天，我發現初初簽名的紙條，還好好的放在他口袋裡，真的只有我的名字） 第二個：黃偉健（關係：只限互相暗戀，Timing問題！） 點解會咁講，其實我升中二識到佢，果時我仲係非常喜歡莊建寧，所以冇同佢開始！ 佢坐第一行第一個，我就坐佢後面！我好大頭蝦，上堂既時候耳仔明明係聽緊書架．．真架 不過心早就魂遊太虛啦，老師曾經問我：您通常遊魂會去邊呢？ｍｕ．．都去過好多地方！ 我諗差不多全世界都去晒啦咁多年！笑死唔笑死！就係咁我成日都跌野，無論係筆，擦膠 間尺，就連書我都可以跌晒落地既！佢就日日都幫我執，而冇埋怨過我一句既！ 之後有一日小息，佢個ｆｄ(葉志偉) 響窗口望住我，大大聲對住我地講：您就係鍾意佢呀？！ 果刻所有人望住黃偉健包括我，佢即刻拉咗個ｆｄ走，我就俾成班同學望住(呆．．) 不過女仔就係咁，有人鍾意自己喎．．心羅羅攣都正常既！但係之後見親佢個ｆｄ我就避 因為佢係咁叫我：黃太，佢真係鍾意您架！聽咗差不多大半年！經過親足球場佢班ｆｄ都叫！ 總之避無可避，就連班房既同學都笑我，唉．．佢終於要求老師掉位，坐第一行最尾果個！ 本來以為冇事，點知有日人有三急，得我一個自己去洗手間，就俾隔離班鍾意佢果個女仔兇 佢三個人襟我埋牆，叫我唔好同佢爭，我剩係答：ｓｏｒｒｙ，我唔鍾意同人爭野玩！ 佢想打我之滯，我契家姐帶成班人衝入黎，問個女仔係咪想玩野！（呢個契家姐好有來頭！ 全校ｄ黑社會都忌佢三分，佢同我同班，佢成日話我好可愛，仲叫我做佢契妹！就係咁！) 果個女仔疊著我膊頭，同契家姐講：點敢呀Ｌｉｎｇ姐同佢玩吓唧！(我就一ｄ都唔覺得好玩) 後來契家姐叫我盡量唔好一個人去洗手間囉！我番班房同黃偉健講：您叫您條女控制吓自己！ 佢(無奈)．．之後佢ｆｄ都有同我講：佢真係鍾意您！心諗咁又點？您呢個又唔係問題！ 您要我表示ｄ咩？就係咁升中三大家唔同班！果時我先發覺．．我鍾意咗佢！ 第三個：郭錦文（朋友 & 情人 之間決擇） 終於都升到中四，我兩個ｆｄ（ＧｉＧｉ同Ｌｉｎｇ）話我知佢地鍾意咗個中五既男仔！ 我陪佢地去籃球場睇吓咩咁正囉，兩個同時鍾意一個男仔，初初覺得佢唔太吸引，係高大囉 之後我地一班ｆｄ買左個排球打，其實鬼鬼屎屎想接近佢，終於我有日我鼓起勇氣衝埋去 啦佢講：我兩個ｆｄ鍾意您呀！佢：但我鍾意您喎！？當時我同佢塊面相差０．１距離 右手邊企住一個班主任，他後方企住一個佢既ｆｄ(何金聰)，右上方有ＧｉＧｉ同Ｌｉｎｇ 我著地面通紅了，我地．．做緊咩呀！呆左１分鐘，之後放學，我剩係識講：嚇死我！ 第二日星期六約佢兩隻死野去西九！咁岩撞到佢(超，其實佢兩條友知人住麗閣村想撞人！) 真係俾佢地撞到又走左去！衰人！我咪幫果兩條友問佢拎電話囉，反而俾佢襟我埋牆： 我想問您攞電話！我同佢講笑：俾咗個電話您我用咩？（傻笑！）之後都梗係俾咗佢啦！ 佢打吓俾我，我又打吓俾佢！我同兩隻野放學去西九，夜晚約佢出黎響長沙灣道等車．． 晚晚都等最後一班我先上車，之後佢叫我唔好咁辛苦，佢走黎荃灣海濱公園陪我 話唔洗我走咁遠．．好開心！！但就係咁兩個ｆｄ傷心？我唔想因為咁冇左兩個朋友！ 有晚屋企冇人我叫左佢黎陪我！佢食左兩個杯麵同一罐啤酒．．啤酒！！大鑊！ 跟住佢面都紅晒拉我入房！佢話傾計喎！入到房我同佢講：我唔想我兩個ｆｄ唔開心 不如我地唔好見咁多啦！佢話：我鍾意您而唔鍾意佢兩個，就算冇您，我都唔會鍾意佢地 您明唔明！我明！不過Ｌｉｎｇ唔明！之後我地再次哄得好埋！不過最後冇ｋｉｓｓ！ 佢氹我訓著就走咗了，之後佢要會考，又要籃球比賽，我亦都準備會考冇咩搵佢了！ 第四個：黃子男（有緣無份） 中五畢業之後一年都冇野做，主力減肥，由１７８磅減到１２３磅，之後就去左舅父公司做 就係咁ＧｉＧｉ去我公司教我玩ｉｃｑ同開ｃｈａｔ ｒｏｏｍ度同人傾計！識到佢！ 頭２日我都有同佢傾電話，第三日佢要去深圳做野就冇傾電話了，佢話會上去２日 我番公司一直等，３日了去咗邊呀？！心急如焚既我怕佢有意外，怕佢呼天不應！ 終於第四日番到公司開了電腦，見到佢．．真想罵他是個大白痴！擔心得我要死！ 但靜了下來想，我是他什麼人，識了二天的普通朋友？還是生命裡的過客？我是什麼？ 那時電話響起了，他第一句就說：對唔著要您擔心了！我今次番大陸帶左２５萬去做生意！ 途中俾人搶劫了！我忍不住的眼淚奪眶而出！真想緊緊擁著您說聲：對不起，錯怪了您！ 不過他要開會了，因為他的上司要問話，想知道是否熟人做！不情不願收線了！ 開完會佢就打電話給我，說他很快就要去韓國工幹三年，下午約了舊女朋友食飯！ 我沒有反對，因為佢陪我講電話講到餐廳門口，食完飯佢又打電話俾我報告！ 但他說給我知，剛剛送她走的時候，她從後抱著他．．說捨不得他！聽了心中不是味兒！ 他知我唔開心，但我叫他出來見見我，是總是推三推四，我們最後的兩星期裡都傾電話到天光 由家傾到回到公司，由公司上網傾到放工，放工又傾到回家，總有談不完的話題！！ 他曾經問我喜歡什麼公仔，我說：我不是小孩，不要送我公仔！他誓不罷休！就說他知吧！ 旺角有個商場２樓精品店，有隻半個人咁高既獅子，我諗佢係Miffy朋友掛，成個廚窗都係公仔 就因為佢企響Miffy隔離，我當佢係Miffy朋友架哪，佢話得閒就揸車去睇下，成二千蚊睇黎做咩 我估佢一定會買俾我，不過照舊每星期我都會同GiGi（我ｆｄ）去睇下隻獅子，因為鍾意囉！ 點知就係果個星期獅子唔見咗呀，我差ｄ喊左出黎，獅子您係咪俾佢買咗呀？！求神拜佛呀！ 咁又係行左成年我都唔捨得買，人地都要做生意架嘛，我好大膽入去問個售貨員幾時賣既！ 佢話尋日有個男人黎買，咁都唔代表係佢架！低ｂ！番到屋企打電話俾佢：行完街了！ 男：有冇食野呀？（因為減肥，長期折食！） 我：有，少少啦！ 男：食咗咩呀咁？ 我：粥囉 男：做咩冇心機呀？ 我：獅子唔見咗 ^^. 男：唔洗唔開心啦，周圍都係公仔！ 咁即係．．．係咪佢買咗呢？！攪到我一舊雲咁！最終到佢走果日了！佢唔俾我送機！ 我唔敢留響屋企，怕自己會喊，我搭車周圍去，唔知去邊，總之唔想留響屋企囉 去到油麻地佢就響機場打電話俾我，話交換三個願望，他：第一唔好再為左減肥唔食野 第二：影幾張相俾佢，第三：要開開心心等佢番黎！我第一個願望：一定要番黎搵我 第二：每日打個電話俾我，第三幫我好好照顧自己！他走了！第四天有個男人打電話俾我 話響我公司附近等我，男有野俾我！GiGi果日響我公司！原來果個係佢老闆！睇唔出！ 三十出頭又靚仔竟然做信鴿．．哈哈！佢拎左束紫色玫瑰花同好大舊野俾我！我知係獅子！ 男老闆（黃志偉）三十歲，單身！正式鑽石王老五！佢話：您拎著咁大束花同公仔！ 不如我車您番屋企，番到屋企放低ｄ野，我叫佢車番我出尖沙咀，本來我就係去行街既！ 我真係好開心，見番隻獅子！開心到唔識去形容！喊又喊唔出！總之太開心了！痴咗！ 去左糖廟食野，男打電話俾我，問我唔陪佢老闆食飯？我唔知佢有冇人約嘛！男話佢冇人要！ 孤零零一個揸車番左屋企食公仔麵，笑死人，咁大個男人咁靚仔，會冇女朋友！ 第二日我主動約佢老闆食飯，佢要開會叫我番屋企等，九點左右佢黎到我樓下 車咗我唔知去邊食飯，果度好靚，冇咩人，我怕我會鍾意左佢！因為佢太有風度，太．．好！ 食完飯我地去左深水灣沙灘坐，佢買左兩支酒仲有包咩．．淘哈多！嘜鬼野零食冇味既！ 之後我地晚晚都去遊車河，深水灣．山頂．淺水灣．西貢．．無幾耐男打電話俾我 問我：如果您從未識過我，您會唔會鍾意我老闆！我唔想呃佢！我會！佢就收左線！ 之後就冇再打電話俾我，第二日我話左呢件事俾佢老闆知，連佢老闆都冇再搵我了！ 佢老闆最後果日剩係問我：您同我一齊唔怕悶咩？我成日都唔講野！唔怕您唔講咪我講囉！ 過左半年左右，聽說他和另一個網友女仔響埋左一齊，但其實個女仔自作多情囉！ 第五個：孔憲裘（愛由瞞騙開始） 隔左一排識到佢！有晚佢揸車黎同我遊車河，去左淺水灣，我記得果日好熱，風都冇滴 企企吓佢攬著我，話佢鍾意我，但佢問我知唔知佢咩人，我ｆｅｅｌ到佢唔係一個平凡人 佢應該係警察，不出所料，佢係灣仔區交通部高級督察，佢叫我打側坐響佢大脾 佢攬著我．．我突然諗起，我唔記得帶身份証．．ｋａｋａｋａ！佢仲話我傻妹！ 但係真係太熱我地去左七仔買水！用支水洗左個面，嘩！佢ｄ三頭肌二頭肌．．嘩！ 不得了！但係我知佢好多野呃緊我！包括佢年齡，家庭狀況，佢唔講我唔問．． ＧｉＧｉ話只 = 瞞騙！最後一天佢黎公司搵我！我ｆｅｅｌ到係最後一次見到佢 我攬著佢問佢：您有冇愛過我？！佢諗左幾秒：有！我跟他講：就算連呢句都係大話都好 多謝您！之後佢就冇再搵我了！但係我就識左佢下屬！佢亦都冇詳細同我講佢上司既野 剩係話：佢鐘意左您，但係．．．就係咁我為佢喊左兩個幾月，亦曾經為個呢個男人死 就係唯一的一個可以令我放棄生命！最後我無死！因為響我手起刀落既時候，湊大我既外婆 打電話俾我，同我講：連死您都唔怕，有咩您俾挨唔過架，傻妹！ 第六個：陳廸霖（我們真心愛過嗎？） 我已經唔記得係上網識定係玩Line識佢，我剩係知佢鍾意就上我屋企曳曳，唔鍾意就唔搵我 有段時間我真係鍾意過佢，不過總覺得佢唔嗲唔吊咁，問佢當我係咩，佢又支吾以對喎！ 當我找到第七個既時候同佢講分手，佢就緊緊咁攬實我，果刻我終於感覺到．．佢愛我了！ 可惜人要長大，我唔想成世都散拖，半年之後佢打電話俾我，話我知佢要去澳洲工幹！ 佢係做飛機工程！祝 早日安定！ 第七個：吳天文（將最珍貴既都交給您） 我都唔記得響邊樹識佢，剩係知第一日識就一齊左，胡哩胡塗？！總之一齊咗囉！ 識佢果排係新年前夕，咁岩果排大舅父買咗間屋響佐敦放租俾人，俾咗鎖匙我同媽咪帶人睇樓 年三十晚我帶左佢上去傾計，十二點幾入房訓，之前同第二個男仔都試過無數次都曳唔成功！ 同佢．．天意，唔洗試得左！不過就流好多血未做完就停咗！我衝左入洗手間！超勁痛！！ 痛到阿媽都唔認得，佢響門口係咁拍門，我痛到都唔識形容，到天光我都仲係好痛！ 佢仲問我：您唔係第一次下嘛？！好奇咩？！佢好似有ｄ內疚！送我番到公司樓下！ 我落左去地庫買早餐，撞到班同事咪堂食囉，佢又打番電話黎，話唔放心想陪多我一陣！ 佢落到黎班同事淫淫笑，話佢好靚仔，又高大！佢陪我食完野送埋我上公司！夠鐘佢先走！ 放工佢又打電話俾我，大年初一攪ｄ咁野，想睇醫生都唔知去邊搵，唉．．真夠特別！ 之後佢著草走左佬，我都唔知咩事，見左佢幾次，佢就問我跟唔跟佢走，唔好玩啦！ 我２０歲咋，走佬咁剌激唔岩我玩，您番黎再搵我啦下！有緣先再見啦下！ 我媽成日同我＆家姐講：大個ｄ搵個特別ｄ既日子失身，唔好學阿媽矇矇下都唔知咩事！ 年初一仲唔夠難忘咩！不過您問我有冇後悔，我冇！因為我果刻諗得好清楚！ 之後上網玩Line，試過一腳踏七船既我，玩世不恭，最後覺得好累，所以續個講分手！ 好多已經唔記得名，記得有個叫（江強）有個叫咩（梁家俊）有ｄ叫咩都唔想記！！ 最後揀左個老老實實既！ 第八個：葉志偉（同居生活） 玩Line識佢，有晚我諗起孔憲裘，好唔開心．．喊到死死下，就係佢１２點幾響屯門黎荃灣 為左氹我開心，果晚．．我都唔知係想搵代替品，定想發洩自己既懷才不遇，同佢發生左關係 第二日各有各番工，我放工佢打電話俾黎，問我係想同佢一齊，定係想當尋晚咩事冇發生！ 我唔係ｄ咁唔負責任既人，不過都雖要時間去處理囉！幾日後我主動去搵佢！ 我想做您女朋友，就係咁住下住下．．長住三年半，初初梗係開心架啦，一齊踩單車！ 一齊釣魚，一齊去澳門，咩都一齊！不過時間過得好快，沉悶刻板既生活我再忍唔到落去！ 每日７點起身番工，晚上７點番屋企，８點落樓下食飯，睇電視訓覺！我就快悶死！ 佢係個好慳家既人，除左番工好少行街睇戲，總之要洗錢既免得就免，咁您話死唔死 廿歲咋嘛，退休後生活咁款！不過佢有樣野都值得讚，就係我話買咩佢都會買！ 包括Osim按摩椅，２萬６蚊現金俾我買張咁既野，其實講真佢對我都算係咁架哪！係咪？ 沉悶既生活令我開番三年冇玩既 " 電腦 " 上網識到佢！ 第九個：前度 " 不願提供姓名 " （曾經真心相愛？） 上網識到佢，我冇呃佢，我講俾佢知我有男朋友，佢仲話唔會搶人女朋友，所以唔會鍾意我 同佢傾電話，上網又傾，都唔係好記得傾咩，總之大家都好多話題，認識三個月後！！ 我就同葉志偉分手了，他的出現好似條導火線，我搬媽咪度住，本來預備俾我既房間 三年半冇人住，都變成雜物房，雖然話自己提出分手，不過都傷心架，我諗係唔捨得唧！ 加上望住自己間雜物房，半邊床位另一半全部係媽咪既行李箱，感覺悲涼！那段日子！ 冇咗佢我都唔知點過，他多次提議見面做朋友，ｓｏｒｒｙ我想要冷靜，俾ｄ時間我！ 一拖再拖，避無可避我跟媽媽番深圳，那時媽媽公司在深圳做租售主管，我游手好閒休息！ 不過那時開始．．我知道慘哪，我．．我會掛著佢！成日想打電話俾佢！想聽佢把聲！ 番到香港想解解悶，打電話約朋友睇戲，散場了，電話響起！他說：我在樓下等您！ 我．．心想如果佢見到我．．唔鍾意我咁點呀，好驚喎？！算！早死遲死！早見早心息！ 見到佢感覺真係好熟，好似識左好多年既老朋友，有講有笑，不過我唔知佢點諗喎！ 佢帶左我同佢ｄ朋友唱ｋ，之後佢送我番屋企！佢第一次錫我！嚇到我！心都差ｄ跳出黎！ 不過我知道．．我早已經愛上您了！大家都係差呢步唧！第二日我同朋友唱ｋ！佢又話黎！ 唱完ｄ去左我ｆｄ個男朋友屋企玩大富翁，我嬴晒！！哈哈！ ｓｏｒｒｙ．．約左人睇演唱會．．下次再講埋佢！ｓｅｅ ｙｏｕ！ >>July 30, 2006 at 6:03:26 PM GMT+8 2005 年 11 月 29 日 星期二 【晴】 2005 年 11 月 25 日 星期五 【晴】
|
人氣: 54852 Design & Scripting by ShowHappy.Net |
Ｅｘ超勁冇品，１２月３１日我ｓｅｎｄ左ｓｍｓ俾佢，祝佢Ｈａｐｐｙ Ｎｅｗ Ｙｅａｒ！
今日約左朋友去中環食野，再去買哈利波特首影，場場都爆滿，唯有訂12:55a.m.果場啦！
☆★☆★☆★☆★☆★☆★☆★
<