2004 年 5 月 30 日 星期日 【晴】

sometimes it is better to be alone


做左廿年人
一到左呢d咁既時候都仲係覺得好沮喪
anyway
fix唔到既都要fix
唔得既都要得


唉
中過咁多次招都唔識得學精d
呢個就係iris cheung


心情越攪越糟的一晚
唔知呢d咁既晚上仲有幾多呢?


我現在需要隨意門
and靜心

>>May 30, 2004 at 5:02:16 PM GMT+8

2004 年 5 月 29 日 星期六 【晴】

今日學完琴返屋企
雨後既海怡半島簡直係湖光山色
令人飽覽怡人既景致
星期六既四點零
迎面而來既全部都係一對對的
在公園中耍樂
無不令我望而興嘆

望見人地一對對個d
每一pair無論係外形性格以至年齡都南轅北轍
但見佢地相處融洽
真係覺得好奇妙

無錯
個d一對一對既之唔係爸爸同仔仔又或者係媽媽同囡囡lor
^_^

假期中既海怡每一個角落都充滿了一家大小
見到人地天倫樂family day緊既時間
我第一時間諗到既竟然係香港奇低既出生率
唔通我有事？

行行下見到有個小ｂ好高興咁衝向前
係個種剛剛識走既ｂｂ
一邊走一邊依依呀呀咁叫
好得意
更得意既係跟在佢後邊既爸爸
一邊氣喘一邊學個ｂｂ叫
wah
個一剎那我明白人點解要生仔
all you need is love

見完d咁活潑可愛既BB
令我諗返起我個d BB
1年前佢地仲成日we wa 鬼叫又打交又爭野食仲咬我
但係而家就乜都無
原來流動既除左時間之外仲有俾好多雜物壓住既情感
流到黎呢一刻
我忽然好sad
我諗我而家係一隻gloomy bear
仲要係嗜血個種
英氣黑毛蕃薯殊殊and your babies
hope you guys are having fun in heaven
there is one thing that I need to confess
somehow I leave you guys for a reason
but then I don’t want to admit that is part of the reason
我知道你地從來未遇過咁唔負責任既mother的
如果有下一世既話
我諗我應該要變做葵花籽或者係磨牙石先可以抵銷返
希望我肥大美味d啦

download了一堆歌
對以下呢d特別有印象：
Take me out
The dark of the Matinee @Franz Ferdinand
Everything @Alanis Morrisette
This Love @Maroon 5
Summer Sunshine @The Corrs
Take your mama out @Scissor Sisters
今日做了英倫pop友哩～～～～

睇電視見到一句：
奢華但孤單既生活

我敢講我地而家每一日過緊既生活都同呢句野有同曲異工之處
奢華講緊既唔止係物質
可能係我地對情感上既一d索求
一d非理性非點到即止既奢求
一旦有條borderline過唔到
我地就會用孤單黎define自己

究竟係做用物質黎填滿自己生命既人高章d
定係做太過清楚自己心靈上既虛位既人會比較接近真理？
Anyway
我好清楚自己係一個又要野食又要野玩又要學識又要精神生活既麻煩友

>>May 29, 2004 at 5:33:37 PM GMT+8

2004 年 5 月 28 日 星期五 【晴】

我而家日頭在演藝學院返下工做下打雜
雖然無pay
但係都叫做幾happy既

最最令我驚訝既係我而家既一個同事
竟然係我一個中學老師既妹妹
係啦
就係耳仔超易紅既david hung個妹呀!!!
佢個妹似乎同佢一d都唔同
上至外貌下至性格簡直完全係一個相反
同佢一齊做野真係幾開心
佢今日仲俾我睇左佢隻狗狗同佢男友隻狗狗既相
超級可愛呢!!!
係一對圓碌碌肥嘟嘟既北京狗仔呀!!!!
唔怪之得我地咁0岩傾啦～～～～
原來大家都係愛狗之人　^_^

所以話呢
個世界真係仲細過一盤波子棋
識黎識去既人都係同一個跳盤上面既波子

今日我至愛既彭彭去左in我而家做緊個樣野
見到佢真係超開心
但係值得寫既並唔係呢件事
相信中大校友遍天下呢件事大家絕對無異議
今日除左彭彭之外就俾我再撞多一個
係一個睇落無乜野實則好攪野既gap男

話說今日我既呀head們interview 6個人想請多個intern
咁其中兩個都係中大人黎既
彭彭其一gap男其二
gap男講野實在非常坦蕩蕩
人地問佢：點解你要選擇參加演藝學院呢個internship programme呢？
正路你都應該答得比較冠冕堂皇先安樂架
誰不知佢竟然黎個盡訴心中情
開口第一句竟然係：

唉，我都化哂lor……

哈哈哈哈哈哈
如在現場既話好笑程度達10級！！！！！

跟住佢繼續講：
自細我呀媽就迫我學琴
我都唔鐘意既
而家就叫做薄有成就考左個８級
但係我做其他野個時又成日符符碌碌
無樣掂
故此我諗係整定我要做返ｄ同音樂有關既野lu……

好一段真情告白!!!!

我個兩個同事差d忍唔到笑笑左出黎
我心諗
這裡有gap人　　這就是中大

中大既人
一係好叻
一係好gap
真棒！～


臨走前拎左ｄ單張睇
有ｄ想睇dr luk既摯愛《the glass menagerie》
有個話劇團做
「我的人生比獨角獸更孤獨」
「假如獨角獸沒有了角，就可以跟所有普通的馬兒生活得十分開心。」
「媽媽叫我離家飛到月亮去吧！但我相信，我不會去月亮，我會去得更遠。」
孤獨得很的獨白
我都話架啦
悲觀都可以係一種charm
睇完呢幾句promotion dialogue
我突然有少少覺得好感動


以下既人如果有睇我diary既話請留返個言俾我please ^_^

讀中醫的你：
你過完你既３年零８個月未？快ｄ約我去同你食下野放鬆下啦！～
我驚你會有退役軍人症候群呀！～

好想睇旺角黑夜的你：
咁０岩我都好想睇bor！～有親愛既彥祖哥哥我地點可以錯過呀！～CALL我一齊睇啦！～

６月中返香港的你：
你邊日返黎？等我親自去恭迎你既聖駕呀嘛！～一定要出黎聚聚啦！

其實仲有好多野想同唔同既人講
不過一時三刻留咁多言０係度好似好鬼肉麻咁
大家如果鐘意肉麻的請表表態
讓我可以毫無保留地肉肉麻麻吧！！！！


有冇聽過有人同你講
佢鐘意一樣野既程度
鐘意到全世界既老虎都好似牛油咁溶哂咁鐘意？
係咪好難明
但係好得意？

如果有個咁既人
我一定要收埋佢０係我個袋裡面
成日偷偷地望下佢

>>May 28, 2004 at 5:27:52 PM GMT+8

2004 年 5 月 27 日 星期四 【晴】

哈
竟然唔記得寫尋日發生既一件攪笑既事
簡直為我雙十年華既人生帶來新希望呀

事緣我同我細佬因為無所事事的關係
落左去屋企樓下既公園度行下
點知行下行下我細佬話好似見到個同學
仲要係同個女仔坐埋一齊陰d陰d
咁我就梗係主張不停來來回回地徘徊直至我地睇夠本為止啦

hee
來回得幾轉
呀細佬朋友甲卒之見到我地啦
佢仲要天真爛漫到即刻用手掩面
oh
我終於明白「掩耳盜鈴」係真有其事的

跟住我地一於好少理
起勢行黎行去
務必令朋友甲乖乖投降自動同我地打招呼
但係最終雙手掩面既朋友甲都係要由我細佬去打破呢個困局
我brother主動同佢hi and 揮手
朋友甲亦迫於無奈地回禮
接著
戲肉來臨了


細佬：周定國，ｈｉ喎
周生：喂，ｈｅｌｌｏ喎．．．唔阻你呀下～～～～


唔阻我細佬？？？？？
哈哈哈哈哈哈．．．．．．
果然係天真爛漫
周生竟然以為我係我細佬個女朋友　^_^


正當周生滿以為已經「law」到我細佬之時
我同佢講左句：
周定國，我認得你呀，以前見過既呢我地．．．我係佢家姐呢，認唔認得我？
周生當場被我們反「law」了


點到好
我0係呢度都要鄭重地向周生至謝
多謝你令我重拾我既自信
hee
我細佬今年form 2
唔知係我既身高令人誤會呀定係我真係如此不被年華侵蝕?

>>May 28, 2004 at 1:25:47 AM GMT+8

2004 年 5 月 26 日 星期三 【晴】

好耐無認認真真咁寫過個日記lu
日記既功用好明顯就係將某一刻既感覺記低
好似幫d書加下label同ISBN No.咁
第日搵reference都易d呀嘛
可能呢個功能令到我confuse左一排啦
究竟我想唔想自己而家既feeling他日仲記得有得refer to?
在呢種如此混沌既思想下
我唔想亂咁寫呢

今日靜靜地在屋企過左一日
睇完左村上春樹的《挪威的森林》
突然好有衝動想再寫下野
突然好認同男主角既生活模式
佢成日都係自己一個人做d一個人做既事
但佢好少覺得孤獨
可能因為有個frd同佢講：唔好同情自己，因為呢件係世界上最壞既事

好一句說話～

之前一直都覺得自己一個人好白痴
睇vcd check email睇電視睇書聽歌訓晏教
好似燒緊d時間咁
電話日日開住但永遠無人搵
有一段時期真係覺得灰爆

但係睇完本書之後忽然好欣賞自己既life style
各位
相信大家好耐都未試過全日在家煲書煲到條頸「例」左哩？
然後又練琴練到出哂汗
跟住仲睇埋我既favorite哈姆太郎～
YO！～
或者以前我會覺得自己好似好頹過埋哂Ｄ退休生活咁
但係我今天終於都得道啦!!!!
我知道我絕對唔應該同情自己以為自己好孤獨
因為咁樣諗正豬兜!!!

又忽然諗起林一峰既《離開是為了回來》
(親愛的大家，別羨慕，早兩晚林一峰在銅鑼灣某coffee shop在我背後飲咖啡兼寫野，我們簡直是零距離)

我同某人既關係呢半年黎可以講得上係畸形得很
我諗我係一直都唔想處理呢個問題
可能係覺得連諗一諗都唔想
我知道當我會以「畸形」去形容我地既相處模式
就即係表示我仲有問題
我承認過去個半年我簡直好似一pat溶極都未溶哂既棉花糖咁
成日痴住痴住死唔斷氣
晚晚都好似憶子成狂又或者係思覺失調
好彩無拎刀仔拮大脾
自從我多左好多free time之後就成日覺得個人百無聊賴
做咩都唔係路咁
我成日都覺得係某人所致既

但係呢排唔知係咪睇得書多左個人都知書識禮d呢
我忽然覺得我一d都唔嬲佢
我諗每段感情其實在某程度上都係畸形的
因為我地呢班不健住既人活在一個不健全既世界
邊有可能有健全既感情呢
所以
我知道我唔可以嬲佢的

我而家睇緊卡爾維諾既《如果在冬夜，一個旅人》
佢有一度大概既意思係咁：
作為一個讀者，你可享受的除了是與書溝通以外，還通往了與曾讀過此書的人的世界
嘩～～～～～～
真係輕輕諗一諗都覺得好浪漫
每當我睇一本書既時候
我都好似同睇過佢既人交往緊咁
仲要唔可以想像到究竟邊個人會係下一個睇佢既人添
原來睇書一d都唔lonely

希望呢d咁既想法出左街之後
無人會黎勸我去睇下醫生啦
anyway
我決定左要做返隻自己最驚最怕既四眼圖書館怪物

>>May 27, 2004 at 3:58:07 PM GMT+8

2004 年 5 月 26 日 星期三 【晴】

好耐無認認真真咁寫過個日記lu
日記既功用好明顯就係將某一刻既感覺記低
好似幫d書加下label同ISBN No.咁
第日搵reference都易d呀嘛
可能呢個功能令到我confuse左一排啦
究竟我想唔想自己而家既feeling他日仲記得有得refer to?
在呢種如此混沌既思想下
我唔想亂咁寫呢

今日靜靜地在屋企過左一日
睇完左村上春樹的《挪威的森林》
突然好有衝動想再寫下野
突然好認同男主角既生活模式
佢成日都係自己一個人做d一個人做既事
但佢好少覺得孤獨
可能因為有個frd同佢講：唔好同情自己，因為呢件係世界上最壞既事

好一句說話～

之前一直都覺得自己一個人好白痴
睇vcd check email睇電視睇書聽歌訓晏教
好似燒緊d時間咁
電話日日開住但永遠無人搵
有一段時期真係覺得灰爆

但係睇完本書之後忽然好欣賞自己既life style
各位
相信大家好耐都未試過全日在家煲書煲到條頸「例」左哩？
然後又練琴練到出哂汗
跟住仲睇埋我既favorite哈姆太郎～
YO！～
或者以前我會覺得自己好似好頹過埋哂Ｄ退休生活咁
但係我今天終於都得道啦!!!!
我知道我絕對唔應該同情自己以為自己好孤獨
因為咁樣諗正豬兜!!!

又忽然諗起林一峰既《離開是為了回來》
(親愛的大家，別羨慕，早兩晚林一峰在銅鑼灣某coffee shop在我背後飲咖啡兼寫野，我們簡直是零距離)

我同某人既關係呢半年黎可以講得上係畸形得很
我諗我係一直都唔想處理呢個問題
可能係覺得連諗一諗都唔想
我知道當我會以「畸形」去形容我地既相處模式
就即係表示我仲有問題
我承認過去個半年我簡直好似一pat溶極都未溶哂既棉花糖咁
成日痴住痴住死唔斷氣
晚晚都好似憶子成狂又或者係思覺失調
好彩無拎刀仔拮大脾
自從我多左好多free time之後就成日覺得個人百無聊賴
做咩都唔係路咁
我成日都覺得係某人所致既

但係呢排唔知係咪睇得書多左個人都知書識禮d呢
我忽然覺得我一d都唔嬲佢
我諗每段感情其實在某程度上都係畸形的
因為我地呢班不健住既人活在一個不健全既世界
邊有可能有健全既感情呢
所以
我知道我唔可以嬲佢的

我而家睇緊卡爾維諾既《如果在冬夜，一個旅人》
佢有一度大概既意思係咁：
作為一個讀者，你可享受的除了是與書溝通以外，還通往了與曾讀過此書的人的世界
嘩～～～～～～
真係輕輕諗一諗都覺得好浪漫
每當我睇一本書既時候
我都好似同睇過佢既人交往緊咁
仲要唔可以想像到究竟邊個人會係下一個睇佢既人添
原來睇書一d都唔lonely

希望呢d咁既想法出左街之後
無人會黎勸我去睇下醫生啦
anyway
我決定左要做返隻自己最驚最怕既四眼圖書館怪物

>>May 27, 2004 at 3:57:39 PM GMT+8

2004 年 5 月 17 日 星期一 【晴】

Change your heart, look around you
Change your heart, it will astound you
I need your loving like the sunshine
And everybody's gotta learn sometime
Everybody's gotta learn sometime
Everybody's gotta learn sometime

This is a track "Everybody's gotta learn sometimes"
sung by Beck in "Forever Sunshine of the Spotless Mind"

套戲中譯"無痛失戀"
譯得無比地衰

一開場
已被soundtrack吸住了
拍攝既手法都幾0岩feel
我覺得自己好似唔知0係邊個時候走左入去jim carrey既世界裡面
同佢一齊行黎行去
故事老土到不能再老土
講兩個人分手
想用洗腦服務將d唔開心既記憶forever刪除
幸好director將呢個咁港產片式既故事拍得好好睇

最被攝住的係佢既配樂
成套戲即時變得唔俗
帶我返左去某一個時間
我唔知係咩時間
可能係一種cross space and time既感受
i can feel the power of music

jim carrey做得超出意外的好
不誇張
仲有d靚仔添

唔知套戲係咪contextual- and experiencial-specific
我就好感動
或者你睇完會有少少love actually feel
但係比love actually多一種darker tone

luckily
we don't have such kind of service that rinse everything up and dump away our important someone's memory
we might be hurt at some time
we all do
we might act stupidly and impulsively
we all do
yet
we will miss the part that is missing from us if we really got sth erased from our mind
we all do

I'd rather stint my mind with dirty spots
it's for sure that love has kept these stints in our minds
and it is for a reason

愛是dirt
愛是doubt
愛是forgetfulness
愛是所有的曾經


娘的story
果然會令人諗起d娘野
甚麼"愛是..."
these are odd
but all authentic

>>May 17, 2004 at 7:04:24 PM GMT+8

2004 年 5 月 13 日 星期四 【晴】

如果有神


媽咪今日病左
發冷頭暈肚痾
佢冇去睇醫生
淨係打左幾個電話
同幾個所謂法師既人講左好多我唔明既野
跟住燒符
再跟住唸經
希望菩薩會阻止一眾害佢既牛鬼蛇神

夜晚12點幾
佢仲唸緊經
話今次一定要請到大師由汕尾落黎香港先能夠平息呢場風波

我媽咪在內地出世
讀書讀到中學畢業
經歷過文革既翻天覆地
我諗再不可理喻既事情佢都已經體會過
而家佢40歲
應該係人生最豐盛又得到最多果實既年頭

以前佢拜神
我會幫佢手摺下金銀衣紙
我最鐘意就係摺七彩顏色個種
媽咪又會教我唸般若波羅密多心經
原來family day都唔一定要出去野餐飲茶先至叫做有意義
拜神都可以係家庭活動促進和諧

我望住媽咪
佢唔知我望住佢
因為佢磕緊頭

佢曾經同我講
話有人批過佢
42歲有個大劫
如果化解唔到就會離開我地
呢d說話好似警訊個案呃人錢去做法事
但係而家我有d信

如果大劫既意思係:
一個人迷信到以為日日有人想害你然後燒符唸經請大師
叫一個連佢講咩都未聽得明既呀嬸做"呀媽"
信哂一個應該去瑪花纖體既呀嬸講既野
精神壓力大到連訓教都夢見有人要害佢
病左唔睇醫生淨係求神庇佑
食左成藥好返認為係神庇佑
家人任何人病左又或者係睡眠不足出暗瘡都認為係個班衰人整古做怪落降頭



我好驚
驚會無左媽咪
我諗我係too simple too naive
以為信仰只應該令人心安理得
我唔明點解一個40歲讀飽書有仔有女既女人
會有一個好似80歲婆婆咁封閉既腦
有時候我知道
係我縱容佢至使佢行到今日呢一步
我以為我係尊重緊佢既信仰
點知我成為左幫手侵蝕佢既幫兇

早兩日母親節
我焗左個批俾佢食
我地話
第時佢退左休要開返間西餅私房菜
我整cakes佢整麵包細佬妹一人學整一樣野食


媽咪成日都話:
你地咪理啦
講你都唔明

somehow我唔明唔一定係我蠢
可能係個d野根本已經唔within我可以理解可以接受既程度

我20歲
讀緊大學一年級
個人有時都幾irrational, too sentimental
但係我知咩野係對咩野係錯
我知我媽咪信錯左人
我知邊個先至係真正既牛鬼蛇神
我好憎佢
又好驚佢
我好驚有一日我媽咪會因為佢要令到自己眾叛親離


如果說話係有power既話
i will curse her till the end of my day
until my last breath
she should know that her time will come
i know it


如果有神有天堂地獄的話
我諗我一定會落地獄
因為我等唔切要0係個度見到珍姐

>>May 13, 2004 at 6:25:22 PM GMT+8

2004 年 4 月 30 日 星期五 【晴】

form seven既同學仔就黎考完a level 啦!~
真係值得高興呀
記得舊年呢個時候我都應該係等緊考psycho
唔知係真係a level太難忘
定係個口罩令到舊年所有事都咁難忘
總係覺得
今年過得好不知所謂
特別係考試期間
其實可以既話
我都唔會覺得自己今年有考過試既痕跡
唔係我攞景
而係真係唔係一個讀緊書既人該有既feeling
容許我鬧自己一句
正一讀屎片!!!!

>>May 1, 2004 at 2:04:23 PM GMT+8

2004 年 4 月 12 日 星期一 【晴】

OH
收到個email
話我再唔寫od既話就delete左個account
連之前個d日記都會消失埋
寫好唔寫好?

>>April 13, 2004 at 5:34:08 AM GMT+8