2006 年 3 月 27 日 星期一 【晴】

WAH
好久沒有在這個版面下寫東西了
其實呢個版面除了個icon衰鬼d之外
都無乜唔好
我其實是很喜歡這種甚麼都沒有的建築啊

anyway
轉左過去就無咁易放棄這個花花世界啦
一開始就沒退路
又係呢句

showhappy話我已經300日無在這裡打日記了
300日bor
多麼巨大的一個數字
如果說我有300日無睇書
或者300日無睇戲
或者300日無上網
或者300日無食橙
都好似好得人驚咁的


唉
我竟然覺得有點厭倦xanga的日記呢
好似無左靈魂咁
那裡最方便的
都只不過是可以"now reading/listening/watching/playing"
同埋可以方便朋友留comment
甚至方便strangers黎睇whatsoever
但我覺得
至少我是
轉左xanga之後好似有一點甚麼從心的簡單失落了的樣子
我唔知係甚麼原因呢


我好害怕有一天我會覺得自己好虛假


死啦
我真係好鐘意呢種唔洗打標點
唔洗shift+enter都可以行行痴住的打法
我好喜歡啊!

同埋另一點是
我在這裡post唔到相片
咁究竟post唔到相好定係post到相好呢?
對於這一點我是有些質疑的
相片對我來說
都幾chaotic的
其實有幾大程度
大家認識我係透過我的相片既呢?
又有幾大程度
大家認識我係透過我的文字呢?
識我本人可以唔計啦
雖然我本人都未必最可信
但又其實
我個日記係俾人認識我定係呃下人扮下野咁呢?
真係不得而知


又或者我應該懶不負責任地拋下一句
咩姐
我寫下無聊野寫下自己野
都無諗住有d咩影響啦對人地


oh
果然showhappy係有某種力量
或者係激發左我某種力量
去寫d咁長氣又咁發自己深省的東西
個d力量會唔會係「正能量」呢?
真係諗下都起哂雞皮
yeah!

>>March 28, 2006 at 10:43:51 AM GMT+8

2005 年 5 月 31 日 星期二 【晴】

親愛的朋友
我謹宣佈
我已轉投了xanga的懷抱
勿念

www.xanga.com/bombaa_iris

>>May 31, 2005 at 4:18:53 PM GMT+8

2005 年 5 月 29 日 星期日 【晴】

繼續休養生息中


看畢《金玉良緣紅樓夢》
琪姐話一邊睇書一邊睇埋部戲
更正
此話果然不假
我一路都唔係好明點解ｄ人話王熙鳳陰險
到了最後終於明白了
又唇紅齒白脂粉生光的林青霞
真像惹人愛煞的哥兒
張艾嘉也有種出塵的黛玉美
但米雪的寶釵真的是有點牽強了
反而狄波拉的紫鵑蠻不錯啊
然後那黃梅調子娓娓道內大觀園內的愛痴
雕欄玉砌
流水落花的景緻
看得人心蕩神往的
特別醉心黛玉葬花的一段
婉若的曲子
流轉的眼波
一池鋪滿落花瓣兒
真令人有點目眩頭昏的
黛玉玉人自憐憔悴
真有夠惹人伴消傷的：

儂今葬花人笑痴　他年葬儂知是誰？
試看春殘花漸落　便是紅顏老死時
一朝春盡紅顏老　花落人亡兩不知

葬起落花於花塚裡
真真是浪漫有餘


引至我繼續怒睇《紅》


仲睇左《精武家庭》
我這人真是十足的精神分裂
這邊廂還在紅樓中醉生夢死的
那邊廂就已經呀SA阿嬌黃秋生


打鬥場面又真係幾過癮
可能係袁和平的關係
竟然有一點點matrix feel
馮德倫亦有心建立起自己的風格吧
繼《大佬愛美麗》後的另一套很young很有勁很好玩的片
當然故事性就無乜特別
但係d打交幾好玩
d young演員又幾好玩
秋生亦克盡了單親爸爸的任務了
都幾開心的
亦幸好無上次阿杜文澤式爛gag
唔錯
港產片係時候應該要少一點包袱多一點玩味嘗試了
雖然係好嫩
但係就係要持住嫩試多d玩多d嘛


看《紅》
聽著《the world of nat king cole》
聽著《5x2》soundtrack

好像有點文不對題

>>May 30, 2005 at 1:33:38 PM GMT+8

2005 年 5 月 28 日 星期六 【晴】

WAH!!!
Show Happy 真係令我好氣憤
我已經預備好蟬過別枝了
雖然我都唔多鐘意xanga
但至少可以寫到日記先啦


我有好多日都有好多野想寫
但係而家真係憑記憶去reconstruct
同埋心情已經不是當時的那樣子了
可惡


過去呢個星期
經歷左german intensive的midterm與final
oral exam好好玩但又有d緊張
坦白講我幾鐘意學語言
當我對住d本身完全唔明既符號
感受著自己由無到有
感受著別的民族之間的感通
我覺得好有趣
當然master唔到又係另一件事
加上而家有去freiburg呢個咁重大的目標
我會俾心機去做beginners的


看完了《少年維特的煩惱》
看畢的時候是深夜
我想是最佳的時間去讀完這本書的
讀著讀著
覺得眼前這位少年有點像哥哥
當然我無可能知道哥哥係點樣
但憑感覺吧
多愁善感的人
可能對於某些慣於俗例庸俗不堪的人是眼子裡的沙粒
簡直慘不忍睹吧
但我卻感到這是他們這類人的特長啊
好像身體上的每一根毛髮每一個毛細孔都在接受著平常人沒能力接收的事物
甚至是比事物更根源更深邃更類近於本質的一些東西
不能言明
傷春悲秋後能做些甚麼又或甚麼都不做
也都是一種取向吧
在這個不平衡的世界中
人與人之間有著種種不平衡的關係
至使我們有著自己能批評別人對不對的錯覺
權力的不對等或位置的不平衡都是人為的吧
而我真的十分羨慕那些時刻能近乎忠於自己的人
當然我不相信有人能百分百忠於自己
即使連維特也不可以吧
對於維特抱持的態度與世界觀
我是有一點點感動的
我覺得他愛的不止是夏綠蒂
而是生命的源頭


當然當中有許多關於神的論述我是並無感受的
但是否欠缺一個宗教信仰
甚至一個 (所謂) 人生的信念
我就已是一個不能忠於生命的人呢?
講真
我真係有少少doubt
由細到大我都有少少漫無目的地生活下來
可以講我好幸運生活上做到好多東西
對好多人黎講都可能係一d奢侈既目標
但我就是這樣渾沌又而輝煌地就活了過來嘛
沒有必要要扮成一些甚麼樣的人吧
而此刻
我依然可以告訴我自己及別人
我真的沒有好好的在把握住些甚麼
為甚麼呢?
如果我一直都無一種好強烈的意識或者信念
我是否仍能像此間浮游地走下去?


我覺得如果我好似少年維特咁細時已經會諗d咁既野
我遲d應該會係一個artist
做d搵唔到食既野
有d殘障
覺得自己0岩哂世人錯哂
仲會好早死
然後我一死我既作品就會好值錢
正


好彩呢d問題對於我黎講
從來都係一d過眼雲煙
我一定會諗
但係諗完又係咁生活
有幸有不幸


睇左賈樟柯的《站臺》
賈說故事的能力真的很細膩
一個橫跨中國自文革後的十多年
一群中國年輕人的愛慾成長
真的感受良多
看著那列在沙塵中滾盪而至的火車頭
著實是帶有時代意義及強烈解放熱情的象徵吧
很喜歡崔和娟時常在來回踱步的城樓之上
很喜歡崔踏著單車的樣子
還有他倆時常一光一暗一個走出來一個躲開去的對峙
我想
這除了是愛情關係的描述外
也隱藏著絲絲對中國政治民生暇想的空間吧
賈用我們能感知的語言
去呈現出他心目中的中國甚至是新生代年輕人
慢慢
靜靜的捕捉
很多思索的空間


但三個多小時真的有點太累人


不過如琪姐所講
3個小時對於中國廿多年來的改革與變遷
實在是九牛一毛的時間罷了
很愛賈樟柯的這種熱情
不是白講的
而是侵入了他的電影裡


開始了也斯的《島和大陸》
有點迷上了他啊
細膩的情感由他的筆尖穿透了紙頁
雖然我拿著的只是眾多再生版本中的其中一份
但我好像也跟著那些故事裡的人物一起去了一個島
或一個大陸
而也斯也就是當中的一些路人甲或丙
時而指著我們嘻嘻笑
時而像利劍穿過我的心
當他談論長洲的搶包山時
我會想像廿多年前與早個星期的太平清酬
是否壓根兒都是一碼子的事?
然後我又幻想著如果我也把這些人們的事記下來
會否能像他般把情感寄生在紙上
讓人們日後能反芻出來?
這部短篇小說集說的盡是一些島與大陸上的人們的生活
有的是香港的小島
有的是外地的大陸
但不相異的應該都是人們內心深處不泛漣漪的微弱情感
那些我們不想讓人窺探洞悉的小心眼兒


聽著林一峰的《一個人在途上》專輯
聽著2046的原聲碟


我想到離島過生活
在海邊曬乾濕透了的一對襪子
然後拿一把沙
逆著風帶拋物線的拋上飛著一只只海鳥的藍空中
然後就這樣等著潮漲潮退吧
那就好了

>>May 29, 2005 at 4:04:28 PM GMT+8

2005 年 5 月 22 日 星期日 【晴】

無驚無險又數天了
今日考完german midterm
星期五就final+oral exam了
會唔會快了一點？


now reading:
紅樓夢41回
董啟章《說書人》
羅蘭巴特《戀人絮語》
歌德《少年維特的煩惱》


upcoming movies:
《站臺》
《藍白紅三部曲之藍》
《sin city》
《嬉戲時間》
《downfall》
《鯊皮男與蜜桃女》
《下妻物語》
《七劍》
《charlie and the chocolate factory》
《黑社會》
《小企鵝大長征》
《情尋色香味》


當中
一千萬個想睇《七劍》
改自梁羽生的武俠小說《七劍下天山》
黎明楊采妮甄子丹劉家良陸毅
徐克導演
救命呀好想睇呀
7月底先上..........


upcoming theatre:
進念‧二十面體《corbu》
《saturday night fever》


短期目標：
董啟章
Italo Calvino
german beginners I A++++++++++


YEAH！

>>May 23, 2005 at 12:52:46 PM GMT+8

2005 年 5 月 18 日 星期三 【雨】

GOD
滿心期待的睇左《天邊一朵雲》
好難受


點解蔡明亮會忽然變得如此外露囂張肉慾橫陳仲要攪到有點倒胃口？
小康不似小康
楊貴媚也不太能認得出
整套戲由一開始到結尾都開宗明義但又左閃加避地戲玩肉慾
但我實在受不了
意淫的程度真係可以令人食唔落飯
西瓜的意象
今次會唔會用得太過了一點火？
蔡的前作都是比較沉鬱內儉地表現台北人的寂寞空虛
主角們慢慢的靜靜的動態都是令我喜歡的元素
然而今次電影雖然都好似係以都市人的缺水
去表達他們人際關係及自身靈魂的乾涸
但以極度意淫的象徵去傳遞
會否嘩眾取寵得過了頭？
佢又唔係明刀明槍係度攪下野做下愛咁
而係用ｄ可以用核突黎形容既symbols去包裹著
之唔係咁樣令人更難受lor
即係好似有好多條毛毛蟲個d毛毛係度了了下你塊面咁啦
又或者係俾d蝸牛爬左上黎咁
唉
一言難盡的辛苦
特別是最後的一場
簡直將我的不安提升到頂點
姑勿論電影背後是否有雄圖大志想要表達些甚麼
我真係被嚇窒了
雖然今次佢係破格地將歌舞融合在劇情中
亦都有ｄ台灣獨有式笑話
但總覺得這一次的蔡明亮像鬼上身似的


雖然我唔太喜歡呢套戲
但有一場都好感動的
就係陳湘琪赤腳站在小康的腳背上
環抱著小康
小康一步一步像跳舞般
在橋上用腳負著琪走回家
這個情景很熟口面
只有很愛很愛才會這樣做吧


我暫時唔想再睇核突野住
各大導演可唔可以收一收手先

>>May 19, 2005 at 3:29:18 PM GMT+8

2005 年 5 月 17 日 星期二 【晴】

OH
我真係太懶了
作為一個莘莘學子
我竟然將呢度荒廢
原因當然係唔想好似而家咁講埋哂d無聊野


返intensive的日子
真係令我重拾中學的上學感覺
指既當然係一早起身整裝待發
放學回家努力複課
晚上看完電視看一會兒書
便早早的上床睡覺了
不
應該是小學上學的光景
天
我真享受這樣子


最要confessed的是
上個weekend
連著三天的假期
我藉著為自己充電的緣故
整整放了自己三天假
看了一套漫畫《death note 死亡筆記》(其實不是一套,因為仲未出完)
但由於故事複雜
都睇左我一天
跟住睇左《飄零燕劇場版》
太好睇啦實在！！！！
令我一百個想睇返哂成輯電視劇！
以往童真無機心的歲月真值得懷念
我無話而家無哂童真
但在一個只要不follow rules就是abnormal的世代裡
能有幾多苟延殘喘的我們的部分剩下來？


就係咁
連讀書會的書也無睇過
就咁過左個幾日假
我諗假期之所以叫做「假」期
一定係同個種「下？咁就過完啦？真架？」既「假假地、不真實的」感覺有關


卒之我地既讀書小組（我覺得３個人還不能算一個會）
放棄了《紅樓夢》
轉投roland barthes的《戀人絮語》
及歌德的《少年維特的煩惱》
但我希望我不會放棄《紅》吧
咁遲先開左個頭
無可能的！！！
我要發奮！！！


簡單來說
我個德文course已經進入左mid-term既範圍了
無錯
而家已經係sem 1既10中左右啦
真係死得
當然我係唔會咁快就pair的
而家仲有少少返學的熱情在我體內
不過返中大真係好燃燒自我的
應該唔會有皮膚癌掛


聽過老師說德國的學制以後
真的十分羨慕
同時亦發現好與壞真的是相對的
思辨性的訓練真的不比機械性的問答操練重要嗎?
答案也許太複雜亦包含了太多不止是二元對立性的問題
但如果能抱著學習是研究學問的心態去上學
腳步該能放輕鬆愉快點吧


好懶
連戲都只係睇左一套
《柏林蒼穹下 wings of desire》
一套由名字到內容到拍攝技巧都愛煞了的電影
最愛它的顏色
以及許多人聲絮語的場景處理
每個人都有許多喃喃自語而總有些會被人聽到吧
我想知呢部戲有冇出劇本？
它的字句真的深深地在我的腦中敲了很多下
與其生吞硬背the waste land
不如試下背左呢部戲既對白
仲有更深刻的感覺


哈哈
放假點都會令人覺得要有種輕鬆點的感覺的
所以我都拎返董啟章既《練習簿》來看
真係有種重回中學年代的感觸
其實呢本書係《紀念冊》、《小冬校園》及《家課冊》的合輯
或許有些東西真係只有我地個代先會明白會意的
甚麼劉張郭黎四大天王的閃卡
真的是很魔幻的一種經歷
但如果純粹以一本中學生讀物去理解這本書
恐怕又把它太簡化了
我覺得就算而家讀
都依然覺得它是有深度的
也許還能夠令人年輕一點吧~


wendy bb
你返工如何?
不太勞累的時候可以找找我
很勞累時更應如此～～～


致所有返工勞動生產中的同學朋友們：
感謝你們對社會所作出的貢獻
假若你們感到對這個世代所存在的假面有所厭惡及煩擾不安
請你想起我
咁應該會更不安
而令你們忘記了對工作及辦公室政治的不安


致所有未返工無野做閒hea既人們：
你們太醜惡了！！！

同我一樣

>>May 18, 2005 at 3:16:19 PM GMT+8

2005 年 5 月 12 日 星期四 【晴】

wahahahaha
尋晚回復小學時期的睡眠習慣
11:30訓左
今日
精神超好
心情超無敵勁極靚
所以好似有少少口多多


上完堂即上UC借碟
本來諗住借返套star wars返去睇跟下而家個風
點知淨係得vhs
於是借左一直都好想睇的《wings of desire》
雖然我一定少少都聽唔明
但係襯返我而家學german既雄心壯志先
然後又借了紅白藍三部曲的《紅》
及楊德昌的《一一》
呢d咁既出名戲
係好應該在暑假趁機睇下的
仲有李祖喬借我的《飄零燕劇場版》
yeah
這個weekend真高興


跟住同浪哥哥及道道出了william介紹的蘋果餐廳吃飯（！？）
哈哈
我好似做左中介人咁成日介人去食飯
道道同我這個暑假將會無緣再會了
而浪哥哥９月也走去日本試下個ｄ十分出名的xx交際了
只係得返我
留響而家（麥mug菠蘿油王子，200x年)
明年今日
如果有幸會面


因為要等牛牛
和浪哥哥在旺角裡差不多行哂所有可以行的地方
2樓書店s
朗豪坊
信和中心
潮流特區
好耐無認真地行過旺角
但係行完之後
都係一樣咁熱愛銅鑼灣
真係天變地變情不變


然後卒之去看《愛神 eros》
裡面分左3個故事
the hand 手 由王家衛操刀
equilibrium 夢 由史提芬蘇德堡操刀
the dangerous streads of things 慾 由antonioni操刀
係3個關於人的自我慾望特別是性慾的故事
其實「eros」呢個字已經好能夠convey到套戲的meaning
亦令我諗起Freud成日講既「Id」即係人的潛意識自我層
一開始由配樂到有點像水墨畫的片頭已經有種濃重的糜爛感
個人很愛那些穿插在故事與故事之間的水墨畫
然後坦白講
3個故事我只能說我睇得明王家衛的手
噢
王導演說故事的方法似乎越黎越照顧常人了
詳細既內容唔講
由第一鏡影著塗了髮蠟唇上蓄著小鬍子又緊抿著唇的張震
便愛煞了這個故事
比《2046》更完整及悅目
給鞏俐做的旗袍也真的是目不暇及得很
總覺得她與那些甚麼章子怡劉嘉玲是不大相同的
豐潤的身材半張的眼微開的咀還有那時常帶一層霧的眼神
張震也真還不賴
冷靜又不冷靜青澀又不青澀的神情舉止
內地男演員我也還真喜歡他
有某些片段
我是看得鼻酸酸的
但這個故事可不是那些煽情或是感動的甚麼
別弄錯


哈哈
然後《夢》我真係無乜野講
因為唔多明想做乜
故事都唔好講住啦可能大家會睇
如果睇完最好可以同我討論下
我唔想做大海上的一條浮木
總之呢
大概就係個主角好似經歷緊兩個世界
一個就係佢既夢境
而另一個就係真實世界
兩個situation都有好多相連的東西
例如相同的人物、相同的物件
但係就全都有著不同的身份或功能
睇完戲之後牛牛既朋友話覺得應該似夢境0個個situation先係真實既
反而好似真實0個個就係夢
我自己反而有另一個諗法
我覺得導演核心想表達既未必係一個真同一個夢既世界
而可能係兩個根本平衡出現既世界
就好似有時我都會有既奇想
在呢個世界裡面有一個我
同時在另一個世界裡面都可能有一個我做緊d相同或者唔同既野
而我地之間係有某d聯繫既
一旦我地互相知道左對方既存在
又或者察覺到呢個唔應該被察覺既世界
就會出現「失衡」的狀態
而一個世界既失衡就會牽連到另一個世界
可能係唔同形式唔同degree既牽連
特別深刻既一幕係講主角一直覺得自己0係個夢入面係唔記得個女人係邊個
同埋淨係記得自己聽左個電話之後個 (綺)夢就被中斷
而最後一幕係show到個男人在0個個所謂既夢裡面
慢慢打開一個佢之前唔敢打開既手袋
跟住裡面原來有一塊鏡令佢照到自己個樣
個一下佢好驚咁就醒左
我覺得呢度講緊既就係個種發現左另一個自己既存在既個種失衡同恐懼
你試下諗返自己平時
通常發夢一係就夢見自己係第一身一係就好似god's eyes咁睇緊一d野既進行
當你係發前者既時候
你多數都唔會見到自己個樣
因為你對眼就已經係個視點
如果突然間見到自己個樣
感覺都真係幾心寒
好似呢個或者0個個其實都未必係自己
唉
我都唔知自己講乜


antonioni既《慾》呢
我就無乜feeling lu
可能係我無睇過呢位極出名既導演既戲啦
無得cross reference下
同埋可能仲思考緊《夢》既時候就播啦消化唔切
景靚啦
畫面調度好整齊
成個故事都俾到我好肉慾既感覺
講一對男女成日嘈交
因為個女朋友唔肯同男朋友做
係對purity既執著
跟住有日行沙灘嘈完交個男友就同左另一個奔放異常既女人上床
成個故事都幾明顯既
但係我唔多明最後一幕啦又
兩個女子都先後脫光衣服
在沙灘上亂舞
奔放女子玩完就訓在地上
跟住男人的女友就發現左呢個女子
佢地在近距離相視
然後露出曖昧笑容
完
牛牛朋友話覺得可能兩個女子本質上係有東西相同的
雖然好像一個純淨一個發姣
所以最終都會互相發出引力而發現了大家
我初頭有個奇想架
就係兩個女子其實都係同一人
只不過係兩個極端的desire的表現而已
但係呢個諗法太Q K了


由此可見
《手》以壓倒性姿態贏得我的喜愛
無他
我明他做甚麼然後那種以手去間隔著的帶距離的情與慾
很得


唔該搵人做下好心
睇完同我講下套戲啦
謝謝

>>May 13, 2005 at 6:18:54 PM GMT+8

2005 年 5 月 11 日 星期三 【晴】

一連幾日返intensive german
好累
早起真係很要命的
教得好快
日日都要溫
好似中學返學咁
幾得意
可惜d同學唔會變成好似中學同班同學咁熟
見到大家的咀臉
已然知道又是一個各自為政的世代了


慘
照我而家呢種進度
想睇既書一定少少都睇唔切
想睇既vcd一定積返哂0係度
人地一日又係咁多個鐘
我一日又係咁多個鐘
點解我咁unproductive


尋日卒之同pumbaa劉A及nelson在美心飲了茶
噢
奶皇包啊
蘿蔔糕啊
好久不見


今天和琪姐李祖喬進行了第一次讀書會
其實都唔太似一個想像中的讀書會
哈
可能因為我地每一個都未達標吧
《紅樓夢》
我第一次睇
又因為咁老先睇第一次
所以我都幾用心睇
又好彩我個版本有註釋好多野都解得明
唔知幾時睇得完120回?


最最好笑係連麗君老師都知我地讀書會睇《紅樓夢》
佢好似覺得我地好攪笑
有幾?


週末
唔該你快d黎
我就黎乾了

>>May 12, 2005 at 2:06:00 PM GMT+8

2005 年 5 月 8 日 星期日 【乍寒還暖】

最後一天如蛇般hea在家
一起身食返個豐富早餐
然後分秒必爭地睇左隻碟
oh
一朝早實在係唔應該睇d咁既碟的或者
《台北晚九朝五》
其實我未睇過香港個套
所以唔知邊套「勁」d
都係講個ｄ廿零歲既人成日玩成日蒲
好似渾渾噩噩唔知做緊乜咁
但其實每個人背後都有一點甚麼的是他自己的一點不被人見到的東西
肉慾
糜爛
縱情聲色
好像就是個ｄ爛玩爛蒲的人的代號
我們是否有一點不公平？
講真
我真係無膽亦無本錢咁樣玩法
但係有一陣子一剎那很羨慕很嚮往那種生活
不是渴望沉浸肉慾而已
更是無止盡的生命力和滿足自我的勇氣


之前靜靜地讀完了也斯的《剪紙》
它是很適合靜夜裡有一點涼風的時份慢讀的
看時心裡慢慢的流動著
不會急
也不可以急
因為就是那份昨日的閒憩在動作著吧
是兩段帶點魔幻性的情感的敘述吧
兩個女子都與剪紙有著帶點歇斯底里但又按捺著的情感
想像著剪刀慢慢的冷冷的沿著紙邊剪啊剪
心也是默默地抽動
曾經我有一陣子很想快一點讀完它
不停翻動書頁數算著還有多少頁才讀完
但
根本完全不行
一旦我的心急起來
我就不能進入那個步伐節奏完全與我的生活不一致的宇宙
亦讀不下去
這是剪紙的魔魅在作祟嗎？


然後又看完了村上龍的《寄物櫃裡的嬰孩》
我原以為村上龍應該與村上春樹的頹廢魅力相去不遠吧
誰知看畢才驚覺村上龍根本也許與頹廢沾不上邊
這個故事是關於兩個在出生數十小時後便被生母遺棄在寄物櫃裡的孩子
兩個人一個內向一個外向
但都是極具破壞力的人
他們一直在找尋著在出生前聽到的母親的心跳聲
在找尋生的同時他們亦不停破壞面前所有
看得我的心緊緊地縐成一團
很難透氣似的
很恐怖
也許村上龍說的是社會問題
也許他是比喻世界就是寄物櫃而我們都是這樣長大的
總而言之那種「生命就是破壞」的感覺太強烈了
很嚇人
令人很不舒服
裡面用了很多長串的文字去表現事物的壓迫性與及人物的複雜帶點迷幻的心情
層次多得我時時不知迷失在那裡了
那種具破壞性的力量與村上春樹實在差太遠了
看完村上春樹也許會覺得想過一下頹唐的生活
但看完村上龍
我會想問問自己我是否在過著那種生活？
如果是就太可怕又太真實了
我寧可無原因的往下沉
都不願意發現只有破壞自已以外的東西自己才得以存在
好像有點存在主義的甚麼似的


晚上收到pumbaa的電話
敬賀petsi電了個爆炸性的髮
pumbaa你的問題只要過多一會兒就不再是問題了
有時候有點小東西煩惱一下
都是證明自己在努力活著的憑證啊
enjoy~~~~~


看著李歐梵早年寫下的小說《范柳原懺情記》
我有點不能想像眼前言情的字句是出自該位充滿睿智的老者

>>May 9, 2005 at 3:41:02 PM GMT+8