2004 年 1 月 25 日 星期日 【微冷】

今日起身勁做家務..........eg.洗衫,執屋,洗碗,插花..........
好想打波呀~但係晏d有一大班親戚上黎........."
岩岩做好曬d家務......佢地就上到黎喇~
上到黎我又忙住招呼佢地........妹,爸,媽乜都唔做..........忙死我喇~"

之後6點幾就出去食飯.........食到好飽~返到屋企先8點幾........諗住call班friend打波~
點知個個都not at home........."唯有睇電視........無聊~
聽日要做功課喇~唔係就做唔曬架喇.........(仲係好想打波~)

又唔開心......都係唔知點解~(其實知點解")
見到人地開心我就唔開心架~hahahahahahaha^^............
沖完涼喪寫日記..........好累~"

寫到點零鐘先訓覺.........本來想就d訓架~
聽日要做功課.......諗起就唔想做~唉............."

>>January 26, 2004 at 4:51:59 PM GMT+8

2004 年 1 月 24 日 星期六 【乍雨乍晴】

今日晏就入左去馬鞍山度拜年.........
(叫我個妹起身真係困難.....叫左成九個字先肯起身~佢已經16歲架喇........唉~!!)

去到二姑媽度......食左糖水,西餅........又有利是~^^
不過我響屋企食左兩大碟肉醬意粉........食唔落~
拜年真係幾好.......又食又拎~

好快就到5點幾喇~
我約左當代果d6點去嘉年華........(又去=.=")
我遲左成半個鐘呀~sorry ar各位..........響親戚度好難話走家嘛~

我去到地鐵站~見到又兩個唔識既女仔........
原來佢地係miki同慧d friend黎架..........哦哦~
我仲見到嘉明勁悶勁無奈企埋一二邊囉~.......

之後我地就又去食M記喇~
果兩個女仔仲問個麥當勞姐姐拎氣球添.........(其實我都有份^^)
我好like D氣球架........不過好快俾佢地整唔見曬lu and整爛........"

去到我玩左一個風車機動遊戲.........好正^^goodgoodgood~!!!!!!!!!!
之後班女仔就上身........狂掉公仔~
掉左幾舊水........哇$$$$~"

我以為掉保零好易........點知我幫唔到miki掉中...........sorry~"
最後嘉明都上埋身~但都係掉唔到..........."

我好想玩果個G FROCE架..........但係佢地又話冇曬$$........唔玩~
仲叫我自己一條友去玩添~唔啦.............自從我以前一個人玩過機動遊戲之後~
我都唔會再TRY一個人玩架喇~

跟住就過左旺角食野喇~
我地去左一間"心粥館"既野度食..........入面播果D 80年代既歌........聽到我勁頭痛~>.<"
D野又唔係太好味...........本來我想食埋碗粉架~
但係死人慧叉左對筷子落我碗野度..............搞到我即刻唔想食囉~"""

跟住返到屋企......我好肚餓呀~
食左半包通粉同埋三舊蘿蔔糕添呀..........."
依排肥左........要減喇~^^

(到最後我都係唔知慧同MIKI果兩個friend叫咩名........@@")

>>January 26, 2004 at 4:35:12 PM GMT+8

2004 年 1 月 23 日 星期五 【乍雨乍晴】

大昏迷........頭痛(哎也")

羅陽光........
又話落去打波.........!!!
又唔打返俾我~我好想打波呀..............""

>>January 26, 2004 at 4:03:21 PM GMT+8

2004 年 1 月 22 日 星期四 【乍雨乍晴】

今晚我睇完煙花就過左蘇星屋企度喇~
因為佢間屋冇人........"
成班fr.都有上去......仲有好耐冇見既"川少"~

佢地打左一陣牌,其他人打左一陣機~等埋阿傑放工上埋黎.....就落街買野食喇~"
佢買左好多酒上黎呀~其實今晚都預左醉......."

去到7仔佢地個個都買左好多野食~
不過我岩岩食左"開年飯"飽到上心口.....所以冇買野食~
反而同阿傑再一人買多左一支酒~驚頭先買果d唔夠飲........"

好快返到去星屋企~(阿傑加油呀....!!!)
佢地又再開台喇~...........又打牌,又操啤~
我成晚都冇賭呀~幾乖^^

我響度睇傑仔,川少打機........我飲到醉醉地就噪生曬"(嗯......係佢地話架~)
唔知點解就激走左家倫喇~sorry........."

跟住阿傑係唯一一個同我飲到咁醉既人.......但係佢一打完牌就去左訓覺喇~
我唔知點樣無聊到天光~乜都冇做到...........冇人理我~
醉下醉下就一晚lu~

阿傑天光走左~我就開始訓喇.........sunny都有訓~
阿胡同蘇星就打機~

10點零鐘我地就一齊返屋企喇~唔知點解........之前起身都好地地~
但係一出到電梯口.......我就突然覺得好辛苦~勁暈,勁冇力........連睇野都睇唔到~
其間我好似跌左落個垃圾桶度.......(都係阿胡同sunny符唔實我~")
之後又跌落個地下度.........坐低左~
個"實Q"出到黎問我地咩事.......我可能俾d風吹一吹,所以就醒返曬.......

見到自己坐左響地下.......所以就彈起身~行左返屋企之後就昏迷喇........"
(阿胡同sunny仲以為我扮野添........其實我真係暈架~
不過唔知點解個"實Q"出到黎我就冇曬事之嘛.........kakakakakaka^^)

＊今次醉左冇人陪我~唔開心呀........"

>>January 26, 2004 at 3:51:59 PM GMT+8

2004 年 1 月 21 日 星期三 【颳風】

我今日兩點零鐘就起左身喇~因為要拜年.........
去完大姑媽度拜年之後......就返左屋企喇~
今日係初一,冇肉食.......要食齋......好淡~"
夜晚響屋企睇電視........無聊~

我個妹又同阿爸噪~我阿媽又唔知煩乜........
個妹俾阿爸踢左一腳之後又喊........成家都勁煩"

今日好無聊......又好眼訓~勁累"
深夜........睇到另一個某人既日記.......知佢唔開心~
我希望佢響新既一年開心d啦~^^

>>January 22, 2004 at 5:12:43 PM GMT+8

2004 年 1 月 20 日 星期二 【乍雨乍晴】

今晚係年三十晚.........同大家拜個早年~恭喜發財,身體健康,學業進步,心想事成~^^

我今日好晏先起身........點零鐘同阿傑出左去新城市買鞋~
我好快就買左一對銀白色既 reebok籃球鞋喇~
just$329.......我覺得幾抵吖~最仲要係唔駛我出錢嘛.......我屋企俾錢我買架^^

之後去買褸.........不過d褸好貴呀~又唔係太靚所以就冇買到喇......."
跟住我就去左UA門口等五育d同學.........因為約左佢地睇戲嘛~
點知等左一陣,丘智偉奔到黎........話改左睇五點喎~
真係煩呀........!!!"

所以我地就同圍行.........打發時間等到4點半其他人出埋黎喇~
行左一陣........阿傑夠鐘返工~送左佢返去之後就繼續同圍行喇........"
我地響行商務既途中.........得出左一個結論 : 就係ART依一科係有錢人既玩意........kakakaka^^
因為d美術用具喪貴~............hahahahaha(無聊=.=")

無聊左一陣,終於到四點半喇~.........^^等齊人我地再去惠康買埋野就入場喇~
我地睇"The Last Samurai"...........好like japanese 武士刀呀~............(迷*)

睇完我就返左屋企食飯喇~食完飯就換衫出去行花市...........由於我阿爸,阿媽都響度~
我剩係可以著一套普通d既衫出街~又冇得化妝...........個樣超殘~"

等到阿傑10點鐘放工就出去新城市搵佢喇~今晚得我,阿胡同埋阿傑三個...........
我地出左去旺角~因為我地都覺得維園會喪多人..........

點知旺角都勁Q多人..........都唔知d人年三十晚仲走出街做咩呀~哼...........!!!
我地響條街度迫下......買下野食.......睇下野咁~
不經不覺已經點零鐘喇~........."我地係仲未去花市囉.......

但係條街比我地出黎果時仲多人........迫到行唔到~跟住阿傑GF.電佢~話出去尖咀傾計喎.............."
咁我地就搭左地鐵出去喇~去到尖咀.........鬼影都冇隻~
我地諗住去海旁聊.........但係唔知乜Q滙演封曬成個海旁~所以我地只好走去麥記坐喇............

傾到3點鐘.......阿傑GF要返屋企~咁我同阿胡就去旺角食住野等阿傑......因為佢要送GF返屋企嘛"
我地首先食街邊野......之後去許留山食糖水~今晚真係好凍呀.....所以我地都買左對手襪...."
半個鐘到......阿傑就返黎喇~我地繼續下半場.......^^我地決定去旺角花市~

一路行一路迫.......條街仲係喪多人~乜D人唔駛訓覺既咩??可能係D交通工具通宵既關係掛...."
我地去到花市行下行下.........好快就黎天光喇~D人開始執野收鋪...........
我地開始執平花..........^^我地見到有檔賣5蚊一盆吉~我地梗係即買啦.........
之後我再用5蚊買左一札銀杏,而佢地兩個就買左一枝五代同堂~但係要五蚊支喎~我覺得唔抵囉"

跟住我地行過水仙鋪......想睇下水仙平唔平啦.......點知揾唔到個檔主喎~
響其他人口中得知個檔主走左.......D野歸食環署架喇~其他人聽到....就走埋去拎佢D水仙喇~
我地梗係唔執輸啦........我同傑一人拎左一盆~^^就算食環署D人趕,我地都照拎呀~hahahaha^^

正所謂執開有條癮~我地周圍發掘睇下有冇花執喇......."
經過兩個幾鐘既瘋狂執花~我地三個執到一大箱...........hahaha^^
幾經辛苦先拎到d花返屋企..........d花好重呀~"

響阿傑樓下分返d花之後我就返屋企喇~d花多到花樽都插唔落........
我阿爸見到咁多花梗係好開心啦~但係我就好累喇........
之後同阿爸拜左年之後,就即係撻落床訓左喇

>>January 22, 2004 at 5:13:49 PM GMT+8

2004 年 1 月 19 日 星期一 【乍雨乍晴】

今日我做社際辯論比賽既主持呀~
好緊張........同我拍擋既係F.4既小妹妹........"

我覺得我地表現幾好呀~
大家都係第一次做........算係咁啦~
唯一缺憾係我講錯左一個女仔個名........失敗~

今晚團年呀~
夜晚就同我家姐買衫........~
今日我覺得超爆凍呀~不過咁先有d新年氣氛家嘛~^^

>>January 20, 2004 at 10:09:14 AM GMT+8

2004 年 1 月 18 日 星期日 【乍雨乍晴】

今日放學約左同當代d同學去行花市~

我一搞掂戲劇組d野......就返屋企打電話~
問下"慧"仲去唔去嘉年華~因為當時有少少雨~
點知佢話今晚團年~乜都唔去喎......"
咁惟有ok囉~...........!!!

我跟住就化妝......換衫.......get頭~
搞左成粒鐘........抱住一個勁興奮既心情去赴約喇~
(又俾我阿媽話我著到鬼五馬六咁........so無奈")

去到天后地鐵站.......我早左一個字~
但係三個字之後........依然係一個人都冇........."
冇耐之後.........嘉明就出到黎喇~
我地再一齊等多三個字~........鬼影都唔見隻~

打電話俾佢地,先知道俾人集體放飛機~"!!!
咁我地都出左去咯~咪惟有照行囉..........
我去左食大家樂,之後行維園,買左個鬧鐘.......假野~just$5......"
跟住去許留山食完糖水就走喇~

我諗住12點幾仲有火車搭架嘛~
點知收左~惟有搭巴士.........但係都收埋~
最後搭左80M........要響新田圍落車~行勁n遠.........累死"

我好嬲今次當代d同學放我飛機呀......!!!
諗住聚舊.......搞到灰曬~枉我仲著得咁靚........哼!!!!

>>January 20, 2004 at 10:10:04 AM GMT+8

2004 年 1 月 17 日 星期六 【雨】

唔知你地睇唔睇得明我早幾日打咩呢??
可能連睇都冇睇過...........~唉!!
所以我都係打返平時咁算喇~"

今日起身喪做功課,本來諗住夜晚同星去買鞋~
點知佢又要團年喎........無奈~
今晚應該去阿傑度剪頭髮........希望佢剪得好d啦~

終於做曬d功課喇~.............特別係果篇令人想死既2000字文學讀書報告~
sorry ar傑仔~我真係幾窮困,所以送唔到生日禮物俾你.....but anyway 生日快樂~^^

我做完功課上網睇其他人既日記~
我睇到一d唔關自己事,但係好心痛既野~(第三次痛")
希望係我自己諗多左啦.........唉~其實都唔關我事既....."
但係我真係好唔開心呀~...........好想大叫~哇......................................"

我好想走入去自己個心入面睇下自己想點~
我希望我身邊識既人,全部都可以開開心心咁過依個新年啦~
依個係我"癸未"年既最後一個願望.................

>>January 18, 2004 at 11:45:11 AM GMT+8

2004 年 1 月 16 日 星期五 【陰】

補習仍舊依然........含意卻早已遠逝~

今晚是與"嘉明","慧"歡聚的時刻.........

遲到成了今晚的主題~以為趕上了........但卻白白浪費了汗珠"

久別重逢........仍舊依然~仍舊依然~

裹腹,原來也是困難的指標.........麥記的懷抱看來是最好的~

添馬艦的燈光伴著煙火盛開~意想不到的景象帶來了一刻的浪漫......

遊戲滿目但卻觸不到........恐懼存在那倆人的心窩............可憐我只好無奈接受~

換取公仔成了最後的決擇.......幸運地~槍林彈雨之下得到了醜陋的猩猩.........

可惜.............為何幸運只降臨於這個晚上??或許這是神的眷顧吧..........!!

虛幻的晚上用快樂的面具來掩蓋...........歡笑之下仍舊依然~"

>>January 20, 2004 at 10:11:09 AM GMT+8