2004 年 7 月 27 日 星期二 【颱風】

7月24~27日我返左大陸同我阿婆慶祝生日"
佢85歲喇......但係仲好精靈同可愛~so cute^^

我依幾食左好多野呀.....食肥左"
有好多特別既事發生......=

* 村口雲吞勁好食......超愛,由細食到大~驚以後冇得食"
* 婆婆好老.....真心希望佢身體健康.....成年先陪得佢幾日,好內疚"
佢平時一定好悶......做孫既都唔知點先可以令佢可以晚年開心d~
* 我大表哥好大老闆feel.......少年得志既人辦~
* 落D,唱K.......好開心,同時又好火"
大表哥d friend都唔係出黎玩既......自己同自己玩~叫佢地一齊玩都唔玩"
勁唔俾面囉........"
* fing頭fing到條頸勁痛.....>.<"
* 買生日蛋糕俾婆婆時....同表哥搵左勁多間都冇三磅重既蛋糕~
最後用一磅蛋糕放上兩磅上面.......出黎效果ok喎~"
* 買cake時.......俾個"姣西"餅妹出言挑逗......想打佢"~仲以為自己好靚....(嘔)"
* 同我表哥d friend打波......oh~有心無力"
* 大陸好多星.......雲又正,田又靚~好想做一個有錢既田園詩人呀~^^
* 冇去按摩呀.......個身好累+痛........好想按摩!!!!!
* 食宵夜果度勁平......不過d服務勁差~d服務員好似"撞龍"咁~
$8一碟炒螺,$10半打啤酒........哇~去邊度搵!!!!^^
* lastday落左深圳掃貨........buy左=
@...........兩對深圳A貨波鞋
@...........一對木屐
@...........一條滑浪褲
@...........半打船襪

講返今日喇........~
全日打機......夜晚同sunny打波"
勁廢......~

>>July 28, 2004 at 6:03:21 PM GMT+8

2004 年 7 月 22 日 星期四 【晴】

今日我要去理大拍戲呀~"
係mikipig介紹我去既..............~
我叫埋sunny一齊去.........1點鐘就去到果到lu~

首先我地去左李嘉誠樓搵阿morlly姐~
佢好成熟+面善呀~
HI完之後就落左草坪開工喇~
點知一去到.........話未埋得位喎~
咁sunny又未食野..........所以就食lunch先~
佢有俾飯盒我地食架~果一刻個feel真係好"茄喱啡"囉~^^hahaha

我食左sunny至愛既"咖哩"雞飯........而佢就食左豬扒飯~
D飯盒真係有夠難食的囉~!!!!
食左幾啖就要開工喇................我地係做大學生~
響演員後面行行企企,畢業影下相咁........."

同我地一齊拍戲既有.......洪天明,鄧擘欣,林雪,仲有吳家樂黎探班~
幫我地著戲服果個女仔好靚架~又細心又好人.........不過衰在食煙的~"
正當享受緊俾佢幫我著衫既時候........有個麻甩佬走黎幫我打tie喎~頂"
不過個麻甩佬打tie既速度同技術真係令人嘆為觀止呀~!!!!

有個女仔同我地一樣係做"茄喱啡"........佢好多野講架"
不過我覺得佢好似幾like同sunny講野喎.......~
wooo.........sunny d吸引力都幾大喎~^,^

有d出人意表既事:
林雪好搞笑+塊面好爛......."
吳家樂著衫好kay~"
有個阿嬸"茄喱啡"竟然自己叫cut而冇俾人鬧~
我地做完之後話會有利是俾返我地.......hahahaaha
我地今日只係做左3粒鐘就閃~

之後去左大角咀搞d野就返屋企........"
夜晚又同班friend去游水.......~
今晚冇乜點游過但係隻腳都抽根~""
游得都ok開心........sunny學游水學得7788~

返去大圍又扮大叔買酒入茶餐廳食野~
唔知點解好快ring ring地~"
食完就返屋企.........."

唔知係咪飲左酒.......諗起俾人話我既野~
沖涼時就喊左出黎........好耐冇喊過喇"
平時諗d唔開心野只係灰..........今次竟然喊喎.........奇奇!!!
跟住就好快訓左lu~

>>July 23, 2004 at 5:00:23 PM GMT+8

2004 年 7 月 17 日 星期六 【綿綿細雨】

今日我同班friend去赤柱游水呀.....^^
約左阿胡,阿傑,sunny,season 10點3響停車場等~
不過season本身已經唔想去,我又唔知點解發脾氣鬧佢....所以佢就唔去喇"
(season d悔氣+細路仔性格要改下喇........不過我d性格都要改~)

齊人出發........~
搭81m去左九龍塘join埋傑仔........就搭地鐵去中環喇~"
去到金鐘........發生左件自由行事件~hahahahaha^^
話說阿胡見到金鐘站.........即刻落車話要轉車喎....."
跟住大家都呆曬囉.......~點知俾阿胡吹得兩吹"
sunny又話"係喎....金鐘去中環要轉車喎~"跟住又落埋車(爆)^,^
勁羊群囉.....~~需知道響金鐘去中環係唔駛轉車架..........hahahahahaha
後尾佢地兩個"自由行"搭下一班車.......追反我地喇~"

經過一大輪恥笑之後........我地就好快咁去到交易廣場搭260入赤柱喇~"
又係話咁快就入到去........我地拿拿臨走左去正灘游~
去到我教sunny游水.........傑,傑仔,胡坐響度曬太陽+"食雪糕"^^
沙灘比我想像中少"比堅尼"........仲要同齡的小女孩都好少囉~失望"hahahahaha
之後我同傑仔游左出浮台..........係我咁大個仔第一次唔係同屋企游出去呀~!!
好勁........游到3點幾.......我地就去左赤柱廣場買lunch食喇~

我地買左好多包咬.........咬到好飽呀~!!!
之後sunny就返左屋企..........我地就改左去聖士提反灣游喇~"
阿傑終於肯游出浮台喇.......我成日都游左四,五轉出去~
不過一d都唔累~^^一路游到八點.........我地就過左赤柱d酒吧飲酒~!!

好貴架酒吧........要成六,七十蚊一杯~
不過一場黎到點都要試下架喇..........我地3K叫左一杯唔知咩既basketball飲~
果杯野要用火燒著佢........再用手cup熄佢~
嗅一嗅就一啖飲曬佢.........杯野有40幾度架~不過飲完都係冇乜feel的~"
蘇星依個時候就放工入埋黎join我地........佢飲左一杯藥水酒,阿胡酒左杯果汁酒~

浦完吧........我去去左百佳繼續買酒直落~
買左兩知紅酒,一支香賓+大量零食~
又走返去正灘度玩.........玩飛碟,沙灘波,七級珠,鋤大弟~
點知玩到12點突然落大雨喎........我地就好"熱情奔放"咁拎曬d野過返去廣場喇"
去到整頓好d濕左既衫褲........就開始聊天飲酒喇~
期間.........有一件大事發生~好多差佬,記者黎曬.........."
(當時我地唔知咩事..........今日睇返新聞原來係有兩個 i i 打傷左兩個警察逃走~)

一路玩到天光........我地就好疲乏的走lu~
出返去中環..........阿胡又黎料~唔識路又亂帶人行........搞到行左勁lam遠先搭到182走~
返到home好辛苦咁沖完涼........拾好d野~就大昏迷喇"

好開心呀今日........^^

>>July 20, 2004 at 7:31:33 AM GMT+8

2004 年 7 月 13 日 星期二 【微雨】

尋晚成班friend去左阿傑屋企睇vcd........同sunny慶祝生日~
睇到成4點幾........但係因為傷風~
個鼻勁辛苦........猛咁流鼻水~"

今朝訓到晏就2點先起身........."牛"響屋企成日搞"機"(電腦)~
我一路都克制自己唔去諗尋日d野~

夜晚又同成班friend去游水.........好開心"
之後去左食飯,食糖水.........本來諗住飲酒吹水~
但係食得太飽喇..........搞到我地最後坐響公園度聊左聊天就返屋企lu~"

聽日要補中史呀.............!!!!
唔諗.......我係開心既~

>>July 17, 2004 at 3:37:59 PM GMT+8

2004 年 7 月 12 日 星期一 【微雨】

極唔開心呀......."
今日社際戲劇比賽輸左不特只........仲包艇添~
曾幾何時........我響沙循拎左5個獎~
今日................唉~

雖然成日都唔開心........不過今次真係極哀"
係繼2/1/03之後既令一次差唔多既傷心~
我真係好努力去做架..........但係"

真正輸既原因唔知............不過我覺得係個劇本深得濟d人睇唔明~"
我問過好多人都話我套劇唔知想講乜...........但係有人就睇得出~
其實真係我寫得深..........定係d人低b睇唔明??

比賽前............我好有信心同人講話我地贏梗~
一半係講笑...........一半係我真係對自己有咁既信心"
由細到大........我俾人既評語都係冇自信~!!!
自信係從成功中累積返黎既.........~
咁冇成功...........又點會有自信呢??

我最有自信既係..........art,drame~
但係依兩樣都令我受創............我仲有咩值得我自己自豪丫??
我想搵野證明我唔係一個廢人..........可惜我搵唔到"
我可以話係一無事處"

今日見到人地得冠軍喜極而泣..........我就要扮大方強顏歡笑~"
識我既人都知我係一個細路仔~
我唔係d真係成熟到可以放得低任何野既人..........
我唔係睇重得失個獎...........而係一份認同"~

本來諗住響五育戲劇界能有一番作為~
但係由上學期既劇本創作比賽輸左開始...........
聯校戲劇比賽做男主角俾人劣評.............到今日社際比賽一個絞都拎唔到之餘,仲要包尾"
輸唔緊要..........輸俾真係差過自己既戲就點都會唔順~"

最慘係冇乜人睇得出個個劇既技巧...........所有人都只係好膚淺咁睇表面"
老師就好"娘"咁睇套劇既教育意義~
連背台,細聲講野,哎字唔正依d大問題都贏我地0依d錯既戲..........!!!!!
大膽d講句...........觀眾加評批連咩係戲都唔識~
雖然我都唔係好勁...........但係其他識少少做戲既人都話我地ok~"

輸左之後...........我已經跌左入谷底"
但係冇乜人理我.........講真係好難安慰我既~
而亦都冇人有咁既時間同責任去安慰我...........依個都係我唔開心既原因之一"
其實我個劇本都係充滿左缺憾.........但未至於差到受千夫所指"

今日司儀問邊個應該係第四名時..........所有人都話黃社"
估唔到我既嘔心瀝血竟然被世人所厭棄..........果刻(直到宜家)我都好想喊~
有d懷才不遇..........更覺自己孤單~

一個人獨力擔起一台劇~
第一次剩係做導演..........負責台前幕後~
第一次面對人地既奚落而將笑容推上面"
第一次感到自己再冇用處.........想喊,
唔係.........其實個心已經流出眼淚~

俾人笑我........怒"
唔係嬲人地笑我...........係嬲點解自己會做到俾人笑~
自卑,自卑再之後都係自卑.....~
今日係特別既一日........生命逐漸腐化既一日"

我轉左新電話號碼.........61039062~
依個no會用好耐架喇.........唉~"

好彩記得.....sunny happy brithday~

>>July 13, 2004 at 4:02:57 PM GMT+8

2004 年 7 月 10 日 星期六 【綿綿細雨】

由朝早8點一到去到晏晝5點~
都係排戲........."
累~

夜晚同班friend去游水........"
好耐冇見佢地喇~
好開心咁一齊玩........~

我游水d狀態返黎喇.......!!!!
游左6個直池都唔累~
如果唔係夠鐘.........我可以繼續游落去架~
要游多d水呀!!!~

非常享受浸響水入面同成班friend一齊既時刻........^^

>>July 13, 2004 at 1:30:36 PM GMT+8

2004 年 7 月 6 日 星期二 【綿綿細雨】

今日我俾人恥笑呀........!!!!
唉.........都係我自己既問題"
我好傷心啊........~

為左依件事我唔開心左成晚"
（唔係因為俾人恥笑而傷心.........
而係我確認為我係值得人地恥笑........
而對自己感到可悲"）

最後忘情於工作(整drama音效)~
咁先至唔記得左唔開心..........但係做到好累呀~!!!

男仔係唔係唔應該咁易唔開心呢??
唉........可惜我係一個9月13日出世既處女座男仔~

>>July 7, 2004 at 6:39:23 PM GMT+8

2004 年 7 月 5 日 星期一 【綿綿細雨】

出曬成績表喇~
我all subject pass........hahahahahaha"
中學既生涯唔知點解愈讀d成績愈好~
由form one的兩科合格........到宜家如此驕人的成積~

蝕呀...........我中史同文學都係全班第二,可惡~
早知努力d啦........傳說話有分科獎嘛~
最勁的係估唔到英文都合格囉.............真係奇奇奇呀~"
我全部成績都higher than 45 marks~
好勁呀............英文咁差都有46.8"

唉............我覺得我升到大學架~
英文雖然有進步........不過仲未夠料同出面d人揮囉~
所以應該我都係死響英文手上"

依排繼續排戲...........感覺到時間唔夠~
各位演員.........希望佢地生性d啦~
我就黎頂佢地唔順喇"
只要佢地做到我心入面諗出黎既效果...........真係冇得輸囉~
我今晚第一次做音效呀........原來我都幾勁~哇哈哈........"

考完試到宜家咁耐我都未真正咁休息過~
個心仲係好累呀..........又成日都唔開心"
宜家俾我知道左睇漫畫既網點用喇...........正在發力追睇,成為宜家唯一的娛樂"

>>July 6, 2004 at 7:16:18 PM GMT+8

2004 年 7 月 2 日 星期五 【綿綿細雨】

今朝勁早就起身返去排話劇~
好辛苦呀........"

雖然我以前都有做過導演,但係今次真係好辛苦~
可能係d演員做唔到我心入面所想咁啦~
我真係好想做一套成功既驚嚇舞台劇出黎架~
不過........多種因素加埋,我硬係覺得出唔到個效果"

教佢地做戲真係令到我心力交瘁呀"
得我一個一朝就講點做.........冇停過的直落幾個鐘~
喉嚨好痛呀.......!!!!

晏晝好累咁響屋企攤抖........."

>>July 5, 2004 at 5:04:42 PM GMT+8

2004 年 7 月 1 日 星期四 【清涼】

考完試喇.........但係一d都冇輕鬆到~
因為之後我要為社際戲劇比賽做導演......"
我諗應該唔比考試辛苦~

放學訓左陣.......同家姐,妹出左去銅鑼灣~
食KFC,去左一間整衫既鋪頭~
睇到深田恭子"下妻物語"既寫真集........"
佢個妝化得好靚,d衫同首飾都好靚........有大大westwood頸鍊,N咁多loiter衫~
好想睇果套電影呀~!!

落旺角,白行.......all shop close~
成2點先返到屋企........激累~
聽日要7點起身返去排戲.........help~!!!!"

荷蘭,捷克都出左局.........真係估佢唔到~
希望希臘win到葡萄牙啦........我唔like葡萄牙~!!!

>>July 3, 2004 at 5:22:04 AM GMT+8