2007 年 3 月 13 日 星期二 【晴】

是日心情　～＞【別】
從今日開始，本日記不再寫了
轉了以下網址
http://www.xanga.com/lok_li
並將會日後由系統自動關閉


>>March 13, 2007 at 1:43:13 AM GMT+8

2007 年 3 月 10 日 星期六 【暴雨】

是日心情　～＞【二】
好耐冇打過曰記了，好似冇咩動力打咁
死啦，愈來愈懶喇我
點好呀．．．

今日去左重慶大廈食印度野ｗｉｔｈ昇，平，勳＆ｃａｔｈｙ
打左一陣機先入　－０－
真係好ｌｉｋｅ打個擲波仔，但６蚊好貴啵，平ｄ就好了
打左２次，都係食咩野個關拜拜左，冇人破到個紀錄，１６個（２０個食物先過關）
之後去左目的地　－　重慶大廈
ｄ阿叉呢，真係好煩．．．．真係好雜
加上對印度野未食過，冇特別喜好，所以一般對佢既感覺都幾負面
希望今次我會改觀吧，當比個機會囉
未入之前，呆等２０分鐘，５個人都冇位，唔係麻．．
一拎起張ｍｅｎｕ，都唔平啵，樣樣都４ｘ～５ｘ
心諗，可能好抵食呢，第二ｄ　ｆｄ都話好食既（只有ｃａｔｈｙ食過）
我都聽左唔少好評，驚喜既係送個薄餅囉，幾得意既
９：３０點菜，
～咖哩角ｘ５
～新德里炒飯
～青咖哩羊肉
～咖哩雞肉
～芝士烤餅
～乳酪
諗住叫住一半先，睇睇咩樣再叫
點知，等左好叉耐都未有一碟黎
整左成個鐘都有了，龜速～！
你叫我點敢再點呀

ｄ野食黎到，羊肉同雞肉少到好似係大家樂食咖哩牛腩飯個隻碟仔咁，分分鐘大家樂仲多過佢
就係單單個２碟仔野，就１００蚊了，真係好想用粗口ｘ佢
算～　個芝士烤餅都ｏｋ既，冇咩味，芝唔芝士都一樣姐
個炒飯．．．蛋白炒囉，加少少咖哩，都ｏｋ既，不過我相信我炒得好食過佢
漏單，咖哩角同乳酪都冇黎，個待應係咁唔好意思，好快好快。我都冇理佢，叫佢埋單
我心諗，個咖哩角都唔方好得去邊嫁喇，廢事食
埋單１７５，叫佢食蕉啦，我食和民都唔食佢
４樣野１７５？你當我水魚呀

落左樓好似冇食過野咁，肚空到呢．．．．
即刻去食左個越南野先２ｘ蚊都ｆｅｅｌ到飽啦
３ｘ蚊好似冇食野咁．．
今日真係第一次一日食２次晚餐，
我從此ｂｌａｃｋ　ｌｉｓｔ左呢間野（榜首丫唔該），
冇服務，冇速度，冇份量，冇平野，冇野好食～！！！！！！！！！！！
以後唔會入重慶～
並唔會對印度野有好感

ｕｍｕｍ～　火影真係幾好睇啵　－０－

>>March 11, 2007 at 5:00:22 PM GMT+8

2007 年 2 月 14 日 星期三 【晴】

是日心情　～＞【假】
放假既感覺真係好正
可以想做咩就做咩
但只係冇收入囉

反而我覺得放假個時
出街仲多左．．．
哈哈～我阿媽同我講個句〔你愈窮愈見使〕
即係話我咁窮仲出咁多街使錢
我都計下計下．．．
好似一個星期先返屋企一兩日食個飯
哈～～

講返今日先
今日去左我好想去既ＡＩＡ了
一入去之前．個人都震左一震
因為．．．．乜ｄ野原來咁高嫁？
玩左好多野，兩個水造既滑梯
（死火，都唔知點講．．．．我諗如果玩過一隻電腦遊戲叫ｒｏｌｌｅｒｃｏｓｔｅｒ　
ｔｙｃｏｏｎ　會一定知囉，因為可能呢隻ｇａｍｅ係抄佢囉）
玩左一個轉到頭到暈既
玩完之後真係有ｄ想嘔．．．（好ｃ呀你）

真係唔識形容喎～
不過我覺得最好玩個個．．．跳樓機丫（第一次玩咋我）
ｕｍ～水造有直落個個都正（冇咁濕）
吊腳個個過山車都幾好

唯獨有個差既係個影院囉
整到我腰都痛，一ｄ都唔ｅｎｊｏｙ．．．

有一個真係唔敢玩．．
個個ＧＦｏｒｃｅ囉，成１０幾層樓咁高．．．
咁高．．．．大佬．．仲要唔知轉幾多下．．（好似係７個圈）
有時又反轉咁轉，聽到都驚啦
點知，有人仲話未驚過．．．救命．．．

我玩左咁多，最驚咪跳樓機．．．
有三個轉到頭都暈既．．．我都幾驚嘔，好瘀嫁麻．．．

之後就去左ａｐｍ食野了
估唔到９點幾仲大把人排隊
成１０點先食野
成日都冇食過野．．．．ｈｅｌｐ～

今日玩得真係好開心
多謝妳～　情人節快樂

>>February 15, 2007 at 1:35:55 PM GMT+8

2007 年 1 月 22 日 星期一 【颳風】

是日心情　～＞【脫】
通常我唔打日記既原因只得２個：
第一：唔記得打
第二：好忙及冇心情打

今次隔左成個月都冇打日記，我諗唔會係第一個原因掛
我自從今個月既４號開始，就調左過去發行部
發行部係咩黎？
當比一個例子了解下先啦
當Ａ公司出左１０００本書咁啦，
當然一定想發比普通街檔啦，就一定分比所屬區域
當然唔會平均分哂啦，因為有ｄ區多人，有ｄ少人
咁發行部就負責分配書比每一區
Ａ區有１５０本，Ｂ區７０本，如此類推．．．

Ａ公司書－－－＞發行部－－－－＞全香港１８區－－－－＞街檔，便利店，書局

公司唯一賺錢既地方就係呢一度了
例如Ａ公司既書係原價１００元，Ａ公司只會收７０元，發行部比書街檔，有Ｄ收８０元，有Ｄ收７５元，即係

出版收７０元－－－－＞發行部收７５ ｏｒ ８０元　即係每一本賺５～１０元（如果原價係１００元的話）
如果成功賣哂，即係大約７０００至１００００元

唉，不過做死我喇
我頭幾日個頭係痛到諗野都諗唔到，有幾次仲爭Ｄ發火鬧個客．．．
ｄ電話又多，做野又多，時間又長，星期六都冇埋長短週
同個上司講，問佢人工幾多，又話要商量下
商你條毛咩，我同自己講，星期六唔答我就唔做
結果星期五佢比左封警告信我，話我疏忽職守，個封信根本就係想砌我既
話我係人事部個時見到個區頭代簽名都唔出聲喎～
食佢個屎啦，而家先黎捉，之前都係咁啦，佢又唔係唔知
擺明搵我祭旗姐，好呀，簽就簽囉，橫掂都唔做啦，發行部咁辛苦
之後放左工　我搵番比警告信我個個上司，叫佢比封在職證明我
話ｐｏｌｙ個邊要，ｇｒａｙ都知我作故仔，好彩冇踢爆姐
佢都幾快比左我
之後第二日我就話要去讀書，唔做了
唔做之後，真係好舒服，
不過我ｌａｓｔ　ｄａｙ個日，直頭想鬧人
成日吹我做野，我明明做緊，仲吹，把幾火咪車左人一句
又唔係坐係度．．．麻鬼煩～！

而家心情　簡直係正～

>>January 22, 2007 at 2:04:11 AM GMT+8

2006 年 12 月 24 日 星期日 【颳風】

是日心情　～＞【記】
今個聖誕節真係好難忘．．．．．．
因為我咁大個仔都未試過聖誕節先黎病
原本諗住既計劃，要改哂．．．
唉．．．

事件係咁既．．．
我２２號星期五個日，
中午去左一間食台灣野既鋪頭食飯
同平時一樣同同事食
叫左一碟沙爹排骨炒河
食完之後返到公司飽飽滯滯咁
都冇咩事
返到屋企覺得有少少唔妥，好飽好漲個肚
冇理就即刻去左訓
訓到１１點左右，諗住起身沖個涼啦
點知．．一起身就想嘔，
飛左去ｔｏｉｌｅｔ嘔左一次，
係中午食個ｄ，不過剩番ｄ水ａｎｄ汁
開始覺得真係唔妥了
沖完涼又飛去訓
訓到１點半，又飛去ｔｏｉｌｅｔ痾了
痾到一半又嘔．．．．
名符其實上吐下瀉
之後我都唔知瀉左幾多次了
２３號都照返工，不過都好唔舒服，之後請左半日假
訓到７點去睇醫生＆拎病假紙
直到２４號都係有幾次痾
好辛苦嫁．．．行行下街想去ｔｏｉｌｅｔ都唔知邊度搵比你
攪到我好冇ｍｏｏｄ行街囉
好彩我識搵時間買野姐．．．

>>December 31, 2006 at 2:40:44 AM GMT+8

2006 年 12 月 20 日 星期三 【晴】

是日心情　～＞【鬆】
終於都考完了，可以告一段落了
忙都忙完了，可以抽時間陪下你同埋你地
今日個科．．．．甭提了，炒左
早知唔溫咁耐．．．．

考完之後，同馬莉食ｄｉｎｎｅｒ．．．
不過係我自己食．．．
之後就返去了
真係好ｔｉｒｅｄ．．．

今日要你等左咁耐，真係唔好意思．．．

Ｐ．Ｓ．
ＴＯ　Ｓ
唔比人訓嫁咩，你夠上堂訓啦．．．
車～

>>December 21, 2006 at 1:10:03 AM GMT+8

2006 年 12 月 18 日 星期一 【乍雨乍晴】

是日心情　～＞【凍】
天氣凍左好多好多，
好有聖誕ｆｅｅｌ了
今日溫左一陣．．．又訓左一陣　ｈａｈａ
差唔多５點左右先正正式式咁溫書
都算係咁啦
約左班友８點打邊爐（琴日先岩岩係屋企打完－．－）
我預左遲一兩個鐘去嫁喇
小赤就８點左右打左個電話黎
小赤：你到左就話我知啦
我：你地打住先啦，我遲ｄ到
小赤：又打住先
（嘟嘟嘟．．．）
個時聽到佢ｃｕｐ我線，幾火呀．．．
幾想同佢講，唔去．．
又唔識為人諗下喎，
大佬，我考ｆｉｎａｌ都同你食飯
都算係咁喇麻？
至憎人比面色我睇同發我脾氣．．．
之後冷靜ｄ諗諗．．．應承左人在先，都係算吧
之後玲玲打比我，問我幾時黎
我都答佢，要考試麻，遲ｄ黎，實會到
之後佢都冇小赤咁火
哼～～～

之後去到，我食食食　ｈａｈａｈ
冇飲到酒呀．．．聽日又要溫書．．
唔飲得－０－
成晚都冇同小赤講過野
我發覺我自己憎一個人呢．．．真係好易比人知道
就係唔會同個個人講野，同其他人嘻嘻哈哈，就係唔會同憎既人講半句野
就連玲玲車我，我都費事同小赤坐埋一駕車

不過我嬲完人之後就唔會再埋既
唔會同人〔加息〕既．．．哈哈

沖完涼個時
有５個ｍｉｓｓ　ｃａｌｌ
即刻打比玲玲
我：大佬，咩事呀，使唔使５個奪命狂呼呀？
玲玲：喂，你唔會呃我嫁可？（我想：一定唔會係好野）
我：咩事先？
玲玲：你答左唔會呃我先啦（我想：一定關我事）
我：咁都要知你問咩嫁麻．．．
玲玲：咁即係你會呃我啦（我想：睇你個樣，一定想８野）
我：睇問題啦，會嫁
玲玲：咁得喇，你比左個答案我喇（我想：都估到你問咩了）
我：你問咩先？（睇下我估得岩唔岩先？）
玲玲：ｘｘｘｘｘｘｘｘ
我：ｘｘｘｘｘｘ
．
．
．
（秘密）－０－
玲玲真係愈來愈似師奶
仲學人從良．．．．．
真係唔知講咩好　ＨＡＨＡ


>>December 21, 2006 at 1:08:55 AM GMT+8

2006 年 12 月 10 日 星期日 【晴】

是日心情　～＞【刻】
今日一早就起左身
姿姿整整攪到中午先出門口
要返ｐｏｌｙ溫書呀
照舊都係　係圖書館係搵唔到位嫁
愈來愈憎係圖書館溫
又熱，又迫，又嘈
頂，攪到我訓左成個中午
冇咩心機．．．．

之後夜晚就出左去旺角囉
我今日一定要買衫呀
尤其係恤衫
去左好多地方．．．又朗豪坊，又新世紀
都搵唔到岩既野
最後去左波鞋街睇
一睇第一間就買左件褸了，ｈａｈａ
幾快手．．．不過都幾貴－０－
之後食埋糖水就閃了
好滿足呀　ｈａｈａｈ

>>December 15, 2006 at 2:19:52 AM GMT+8

2006 年 12 月 9 日 星期六 【微冷】

是日心情　～＞【逛】
今日上午真係好難頂
ｄ同事短週，就做死我呢個頂人位的小文員
個個當我神仙咁
問咩都要即答～！！！！
上司ｄ問題都唔係問我所管轄既範圍啵
係我ｄ休息同事既範圍，
大佬，你當我個腦４００ｇｂ咩，
又唔係我做開，我知鬼佢ｄ野咩，
又要係咁問，又要即刻答．．．真係丫～
所以呢，我成個早上都好唔得閒囉
忙到真係飲水既時間都冇
拎警告信又要比人鬧，頂丫，
我幫同事拎比你咋，食左好多死貓．哼～！！！
做到我都火火地，個個都係咁叫阿ｌｏｋ阿ｌｏｋ．．．
阿ｌｏｋ死左喇～！！！！

夜晚，出左尖咀睇衫，有件褸好想買好耐嫁喇
不過搵唔到．．．哎呀．．．
仲整嬲左大小姐．．．．（好彩唔係發好耐脾氣個隻姐）
不過最後都係買唔到



>>December 11, 2006 at 7:36:50 PM GMT+8

2006 年 12 月 3 日 星期日 【微冷】

是日心情　～＞【口吃】
近排公司太忙了，學校方面又忙到氣都抖唔到
日記一日拖一日，都唔知點補番ｌｕ

今日有一半開心，三分之一是無言，三分之一是趕～
上個星期六（２５號）我阿姨約左我地ｄ親戚去影畢業相
仲約左去飲荼添．．．．
我冇去到呀，中午先出去兆康，去個時累到一路都係訓住．．．
估唔到我爭ｄ蕩失路囉．．．．．
第一個感覺好似一座博物館咁
仲係歷史個一隻．．
去到，ｄ姨媽姑姐就係咁影，水都未飲，氣都未抖．．．
之後先係戲肉呀～！！！
話上去表哥間房，其實係套料的．．．
話說我上到去
去個廁所洗個面姐，之後一出個廁所
個阿姨就問，有冇拍拖呀？
即刻呆左囉，無啦啦問ｄ咁既野
跟住另一個阿姨就答，唔使怕羞喎，你表哥都認左拍左拖２個月啦
我又呆左一陣，加少少笑囉
佢地自己傾左一陣之後（記住：係佢地．．．我冇答過任何野）
我阿媽就問其中一個阿姨：咁係唔係即係拍緊拖呀？
兩個阿姨都話：梗係啦～！！
：有冇相比黎睇下呀？
（仲要望實我個電話．．．．）
表哥就岩岩到喇．．．．
我講，救命呀．．．比人圍．．
表哥：早知你就跟埋我地落去嫁啦，係咪衰呢．．．

至此之後，我媽咪就知道左了．．．
我諗遲下呢，女主角都要現一現身了
哈哈．．

臨走仲問，幾時方便出黎食飯呀？　真係吹脹．．．

我夜晚就飛出去ｐｏｌｙ做個死人ｐｒｏｊｅｃｔ
都冇做過ｄ咩，因為公司又忙，岩岩月尾，忙到死咁滯．．．．
而家做都冇咩心機做．．．
ｈｅａ住做囉，又１１點了

Ｐ．Ｓ．
Ｔｏ：Ｍｙ　Ｄｅａｒ
比我媽咪知道左你既存在了
我諗你要預備一下，同埋學下點服待佢了

>>December 11, 2006 at 7:41:51 PM GMT+8