2006 年 10 月 1 日 星期日 【微冷】

是日心情　～＞【忍】
我受夠喇～！！！！！！！！！！！
我頂唔順喇～！！！！！！！！！
呼～

講下咩事先

話說～我公司請左個新人
咩名就唔講喇～係女仔黎既
佢返工前一日，
我都講笑咁講：佢黎左之後我一定會好專心一意做野嫁喇
之後個個都話我好衰呀　咁講野
（因為個新女同事唔靚囉，咪要專心做野囉）

佢９月８日入職既，到而家我先講，已經比足面你啦
第一日已經摸我隻手喇，非禮呀～！！！！！！！！！！！
把聲又嗲喎，又扮哂嬌嗲，
你靚都話同你玩下丫，唔靚就彈開啦，唔該
（本人對撒嬌既行為係非常討厭，不論靚與否，只會毛管動）
佢次次講親野我都毛管動呀～！！！未試過咁驚，係真係會震一震
好喇，講下佢行為先
一日總會有一兩次無啦啦觸住我隻手，佢坐係我左邊姐
嚇到我又彈起左，我係好專心做緊野丫麻
無啦啦有隻〔冰〕手，係人都震啦
之後問佢咩事，原來又唔係件大件事，吹漲～

我而家都好少同佢講野喇
佢入黎個時，我都有教佢野既，
但係次次佢都話得得得，叫我唔好嘈，心諗：咁叻你整埋佢囉
叫我點教你做姐

佢係一個好鬼煩既女仔
一日到黑係咁講野，冇時停
比佢攪到神經都失常，嘈到我要去第二個位先真係做到野

食親飯都冇同事同佢講野
我都冇坐佢間隔離，不過坐佢對面都唔好得去邊
佢只會黑口黑面對住你，
食飯姐，唔使咁呀？

個人又鬼死咁八喎
咩都關佢事，我同ｓｔｅｖｅ講野，佢又要加把口

最緊要就唔好攪到佢
一有ｄ咩變動呀，出糧前有多一個人返工都哎支哎左，口水多多
大佬呀，多一個人返工都要出糧嫁
做咪做囉，使咩咁多野講姐
我唔要多一個富嫂係我隔離呀～！！！！！！！！！！！！！

總之千祈同事之間有咩要幫手既，都唔好搵佢
佢只會做自己既野，好驚做蝕底咁
”搵呀邊個啦，我做唔哂呀”
只有人地幫佢做野，做完之後．．．．唔該都冇句

當我見到ｍｉｍｉ都唔同佢講野既時候，哈哈，真係想笑死我
ｍｉｍｉ出名人緣好，都冇野同佢講，可想而知．．．．

今日我計到個頭都就爆喇
仲要係度煩住哂，又怨呢樣又怨個樣
我都冇平心靜氣既時間去諗下究竟我有咩地方計錯，計漏
佢咁．．．．．．我地點同佢合作呀
大把機會合作．．．到時一句車埋黎話～～我唔知呀
到時我真係唔知點

個個咁既女仔，如果有男朋友，係”如果”呀
如果如果如果有既話
我諗個個男仔一定好完美，可以頂到接近全香港既女仔既脾氣


唉～～～而家我好似受緊苦咁呀
成盤司機糧都冇信心．．．．到而家為止，真係冇信心計岩
可能我自己問題掛
但明明上個月好有信心岩哂嫁啵
唉，錯就容易捉到，做岩就真係好難

我好想對佢講粗口呀～！！！！！！！！！！
你知唔知自己好煩呀～！！！！！！！

舒服哂．．．．．
我好想講好耐嫁喇，請原諒我發癲
都係早ｄ訓把啦

Ｐ．Ｓ．
ＴＯ：既喇
哈哈，你真係會夠膽係我日記講野嫁啵
講親野既人都會比我嚇到講唔到野嫁喇
哈哈～～～～ＴＨＺ～

>>October 1, 2006 at 1:53:28 AM GMT+8

2006 年 9 月 1 日 星期五 【晴】

【我的性格】

好想用一天的時間了解自己的性格
可能連我自己也未必清清楚楚地了解自己
如果要我用這日記的框框描寫自己
我想：這個框框一定無窮無盡‧‧‧．．．

盡我所能，把我已知的性格寫出來吧

用我屬鼠的生肖開始吧
我屬鼠，
也擁有老鼠的性格

『鬼鬼祟祟』～以前真的像老鼠，﹝船頭驚鬼船尾驚賊﹞，即是什麼也驚，一事無成
近幾年已經改善了很多，開始膽大，應對及行動上都也有一定改善
可能因為工作而改變呢

『逃避』～我喜歡逃避，尤其是感情上的問題，我會一直逃避很多大大少少的問題
問題也不會向任何人透露，可能我已經不會相信任何人了，給別人出賣的感覺太痛了
每一次將自己的感覺講出來，就像向所有人公佈一樣，這就是我不信人的原因
我不喜歡別人將我的私事當作閒話一樣，正如我不會將別人的私事評論一樣，這可叫作尊重吧
如果不透露內心之私就是逃避的話，我想我未試過正面面對問題
我內心是立入禁止的

『聰明』～跟老鼠一樣，我有小聰明，如果我未來工作成功的話，
我相信７分是聰明，２分勤力，１分幸運的
我現在還未發掘我的小聰明
只知道一點，如果我專注一件事，我會比人看得多
雖然我眼細細，但．．．觀其寬，微如塵
甚至可以想你所想，快人一步
當然，這些還在學習中

生肖之後就星座了
雙魚座～
『雙重性格』～很多星座書都列明雙子座有雙重性格，我反而覺得就連我也感染了
當很多人未認識我的時候，我冷靜，獨立，自我，還有的是～～酷（即ｃｏｏｌ）
當結識了我不用半月時候，我開朗，健談，主動，還有的是～～豪（即豪玩、食）
當我自己一個人靜坐時候，我文靜，思索，主見，還有的是～～呆（即發白日夢）

我最不喜歡是ｃｏｏｌ的性格，有時是迫不得已，所有人都不認識，
不認識就要裝ｃｏｏｌ保護自己了，哈～酷是裝出來的

最多時候是我玩的性格，多言，怕悶，開朗，樂觀，玩．．．等等．．．都是我交友的性格
也最多人喜歡我這一種

最後的那一種性格相信有時會流露出來
但真正見過的朋友可算是零
ｓｏｒｒｙ，內心是立入禁止的．．．這個原因我上文也提到了
很可怕呢，一個人有咁多性格～　我想我也快人格分裂了

『濫情』～見到星座書經常都用這個詞語來形容雙魚座的人
我想我也會受到一些形響吧
我會容易對一些常在我身邊出現的人有好感
有時也會不知不覺愛上了
當然，思想上和行動上會有一些距離吧
不會主動出擊，只會等待時機
但真真正正令我喜歡的，我想只是寥寥可數
我承認，我濫情；我也承認，我專一

『優柔寡斷』～不可不認吧
有很多部分時間，我也很難決定一些問題
例如：今晚吃什麼？
因為太多選擇，很難決定
但認識我的人都十分了解，我是一個沒有所謂的人
允其食方面，我只可以分辨好味與否
對食來說，只有好味就可以了
但是，當你遇到一些比你更沒有所謂的人就頭痛了
只會令我的臉上帶了一些不耐煩的樣子

現在，我相信我在感情的字典裡才找到這個詞語吧

『理性』～這是我的基本性格
可能因為我出身於理科吧
數字總比英文敏感，促使我學習到邏輯的性格
好多事情，開始前都會先考慮一會，
結果如何，才會實行
例如：飲酒
先考慮明天是否要上班，現場環境，心情，甚至幾時走，如何回家等等．．．
衝動對我來是機會很少的
近年學了機會率，還把現實的生活加上去，
即成功率大於７０％　才會去做，否則就不加嘗試
但，近幾個月才明白到，
理性原來會令我帶來很多隱性的問題，而一時意氣反而可以令我解決問題
沒有信心就不加嘗試，真的會令我失去很多機會而後悔

真的需要學習：
如何令自己任性？

『自信』～自信這一個詞語真令我又愛又恨
自信，自我，自大，自滿　都是一線之差
很容易令人混淆，
我對我自己有充足的自信，
做每一件事之前，我都會預計了結果
所以動手之時，即是我有信心可以做得到，
有時也會不自覺地留下了自信的笑容及說話
但自信暴露於空氣之中，就很容易氧化為自大
所以都有好多朋友覺得這個係我的缺點之一
認同，也會加緊留意
〔小朋友，請謙虛些〕

『義』～　義氣
哈～我也談不上這個比較黑色的形容詞
不如將它轉轉～成了一個重朋友的形容詞
會比較好一些
我還稱得上為重朋友呢
約會我，容易不過，只需撥我的電話，就到
我想：我暫時會將友情放在第一位，直到結婚後才放下吧（這個信念一直都沒有變）
朋友是自己選擇的，有關心你的朋友也很難得
哈～很老土

『自由』～
對～！　我絕對喜歡自由的感覺，或是沒有人管的感覺
我主張喜歡做就去做，當然是突然間的事
做完之後，問我原因的話，我只會答「我喜歡」
購如是，食如是，樂如是～
請不要管我～！否則只會當作嘮叨論～！


（我會ｋｅｅｐ住打，希望有新鮮感啦）

Ｐ．Ｓ．這篇是我內心的一部分
你可看到這篇小小的散文是你的榮幸，也是我的榮幸

>>October 15, 2006 at 2:02:48 AM GMT+8

2006 年 8 月 27 日 星期日 【晴】

是日心情　～＞【別】
暑假就黎冇喇
我既陽光與海灘都就黎報銷
所以呢
就﹝拿拿林﹞約昇哥同豬勳去海灘游水
不過我喉嚨都咳咳地了
算啦，唔理，
去左先算

一去到清水灣
頂．．．．．．
３點勁多人，呢個都唔係問題
搵到位，訓．．．．
之後落水．．．．．又　頂．．．
污穢到．．．．都唔知係唔係比人游嫁
游左冇５分鐘就即刻上岸了
～灑手擰頭唔敢游～
之後等太陽落山囉
日光浴囉
哂黑ｄ　ｍａｎ　ｄ　麻
ｈａｈａ

走左之後去左將軍澳囉
睇下有咩新事物囉
行左２個超大陸商場
想走之際
見到一架免費巴士
橫死掂死．，　死去搭一次啦
去左個將軍澳中心
嘩．．．．正好多
有番香港的感覺
之後食埋野就走了
聽日仲要開工呀～！！！！！！！！！！

>>September 3, 2006 at 11:49:08 PM GMT+8

2006 年 8 月 11 日 星期五 【暴雨】

是日心情　～＞【平凡】
一返工有少少毛毛雨啵，冇帶遮哦
星期五又要應付班大帝
攪攪下攪到食飯了
之後做到４點，無啦啦有少少偏頭痛，
一陣仲應承左班友去飲酒，哈哈
放左工就去左尖咀囉
去到，佢地都唔係點飲既
半打百威之麻，女仔飲ｊｏｌｌｙｓａｎｄｙ，，，，
之後佢地走左去飛標
我一個人同個姐姐玩骰 " 中 "
哈哈，好攪笑囉，　我又輸唔哂啵
不過可能有少少代溝，．．．哈哈　佢都四張野都黎啦
同佢冇野好傾咁
好彩佢地岩岩好玩完．．．．唔係就死火了
之後１１點幾就走左了
我塊面又紅哂．．．哈哈
返去大覺訓

>>August 12, 2006 at 11:45:07 AM GMT+8

2006 年 8 月 10 日 星期四 【寒冷】

是日心情　～＞【ｆｉｒｅ】
今日真係頂佢個肺，
一早就比人鬧

話說今日有個離職既司機
佢返黎拎票（一望都知唔好老脾）
我梗係問，麻煩身份證丫（完全冇問題丫）
佢答：又身份證！
（我諗：唔好拎丫笨）
佢問：做咩咁遲出
我答：我地跟勞工例出了（下次唔應該講，應講已經盡快出）
佢答：而家幾號呀，１２日喇，你同我講勞工例！
我答：因為唔係我跟開你個ｃａｓｅ，我會同我同事講番了（因為我都係見我同事忙，同佢出去拎張票比佢姐）
佢問：咁ｏｔ錢呢？
我答：今個月ｏｔ上頭未批，有我地個比番你
佢問：咁都要知道有幾多ｏｔ嫁？
我答：我真係答唔到你，因為我地都未入機（呢樣真係要插上頭，攪咁耐都唔批，都唔知我地比人插到幾時）
佢問：咁你都要比我知道個數嫁，上個月你都比到個數我，今個月冇？
我答：（大致同上一句一樣）
佢講：咁你解釋一下啦
我答：咁呢個就係你人工啦，呢個就係補番你３日例假既，１日就事假要扣番一日咁啦，呢個就係補你ｏｔ同６月有一日咁，呢個就係你薪金啦
佢問：咁你做咩咁麻煩姐，補２日例假就得啦，做咩３日又１日呢
我答：咁我地要比上頭睇清楚個數丫麻，（已經好唔耐煩了我，佢想簽名之際）一陣唔清楚又話我地唔清楚啦
佢答：我好唔滿意你態度，我唔簽呀而家，你已經遲比我，而家幾多號呀，上個月又遲１２號先出糧，我先唔做咋，你同我講勞工法例，我隨時告得你呀
我答：咁你唔滿意去告我囉
佢問：你叫咩名
我答：我姓李既（完全唔驚，哈哈）
佢答：我而家唔簽呀
我答：咁好啦
（我拎票想走之際，我上司就出左黎了）
之後佢咪又係死死地氣簽左
挑，我驚都未驚過你啦，嘈嘈嘈，係度吠
我同我同事頂左呢攤屎之麻，我管理個ｄ人不知對我幾好呀
個個都唔該前唔該後咁
邊有養狗嫁
我上司都冇鬧我一句，提都冇提，唔知佢點諗呢

>>August 12, 2006 at 12:08:08 PM GMT+8

2006 年 8 月 7 日 星期一 【酷熱】

是日心情　～＞【牛牛地】
一起身個頭就好痛咁，加上琴日飲左少少酒
痛到就黎爆咁
一落街先記得琴日使剩１０元
早餐都買唔到，真係大頭蝦
不過都唔緊要啦，平時都唔多食早餐既
一返到公司第一時間買罐咖啡先
唔係就一定死得
一路做呀做
做到中午就去左禁個錢同埋比家用阿媽
食飯個時，又叫左一杯咖啡
妖，好ｑ酸，又苦又酸，好難飲
不過都要飲丫，唔飲邊做到野呀
之後頂到６點鐘就即閃喇
因為ｄ咖啡因過哂了
個頭又開始痛到想死
返到去即刻訓先啦
訓訓下，頭痛到醒左
食飯．．．．之後當然係打機啦　哈哈
（有點兒想學飲酒）．．．．．．


>>August 8, 2006 at 8:39:52 PM GMT+8