2003 年 12 月 28 日 星期日 【微冷】

11:00am約o左Irene,Natalie,阿嵐返去做MKT project
哈哈...睇o左BSA分...我又合格啦...
之後傾o左點分工就走~~~
因為係Jimmy生日
所以我o地同o左Haley,Cyrus,Alan
同佢去青衣城食飯慶祝...
去o左別府...我食o左冇骨雞翼拉麵...$53呀...貴...
唉...真係衰...我o地係AA制...
之後我就返石籬同人補習...2個鐘
雖然好好賺...都好辛苦...
要不停咁講野...喉嚨又痛

其實今日仲有3個人生日...但係我冇搵佢地...真係衰女...
不過我send o左ICQ同o係度講返
張少輝...祝你生日快樂~~~
阿鍵...祝你生日快樂~~~
陳偉強...祝你生日快樂~~~
Jimmy...祝你生日快樂

>>December 30, 2003 at 10:17:38 AM GMT+8

2003 年 12 月 27 日 星期六 【乍雨乍晴】

約o左鹵味11:00am去北葵溫書...
點知佢成1:00pm先出到o黎...
之後陪佢去買冷~~~
之後就溫唔到啦...
哈哈...我o地再去埋漢都食飯...
回味o下以前返學o個時既日子...
個餐都特別好食...
之後就返屋企...
約o左個fd出黎~~~
去o左吉野家食飯...
叫佢揹住我行同跑...
之後尾班小巴都走埋...
唯有搭巴士...

留言Da~~~~梗係啦...你係我既好朋友仔黎ga ma~~~

>>December 29, 2003 at 10:16:56 AM GMT+8

2003 年 12 月 26 日 星期五 【晴】

嘩嘩嘩...今日好開心呀~~~
今朝9:30am起身 之後就煮早餐食
又係好豐富既麵...
煮煮o下...有人禁門鐘,仲好急咁~~~
咁我咪去開門...唔係煤氣公司d人...係郵差叔叔
以為係有掛號信啦...
點知佢又叫我開門...原來係有禮物收
係住o係新加坡既2個fds寄黎...
佢o地可以講係我既哥哥姐姐...
好大個盒呀...可以裝到dudu同momo咁大...
好surprised...都冇諗到會有禮物收...
打開之後~~~(笑)...
有2隻chip&dale...訓o係裡面...
都ok大...佢地好似好眼訓,又好舒服咁~~~
真係好開心呀...繼鹵味份禮物之後又一surprise既禮物
開心死我啦...多謝佢地呀...
不過我阿媽叫我掉噤d公仔...話冇位...
我要努力讀書...遲d住大屋就可以擺佢地出黎...
......但係當我拎d pure maths出黎做o個陣...
真係想死...因為唔識做...都做唔到...唉~~~
我諗要聽日繼續努力~~~
夜晚冇乜野做...留o係屋企睇TVB...
諗起<狼來了>呢個故仔...
到底o個個細路做咩要講大話???真係好好玩咩???
佢點解唔諗o下個後果先去做???
到最後...佢有冇真正後悔過???
咁佢之後又點???個結局係佢死o左???
定係之後d人唔再信佢...定話佢知錯...d人信返佢...???
現實又係點樣???
我可以肯定我識既人裡面有呢種人...
但係我唔只信過佢1次...信o左好多次...
我發覺我唔可以再信啦...到底要受到d咩教訓佢先會改???
唔通要下世???咁我諗我都係唔等啦...
(以上全部都係講o下o者...唔使心多同問我做咩咁打出黎)

>>December 27, 2003 at 11:24:16 AM GMT+8

2003 年 12 月 25 日 星期四 【乍雨乍晴】

今朝訓到9:30am督就起身~~~
之後就煮o左碗勁豐富既麵黎食~~~
1:00pm約o左鹵味出旺角睇<地下鐵>...
我地買o左好多野食入去食~~~
有許留山野飲,cheese cake同薯片
都唔係咁好睇~~~悶悶地...
哈哈...之後我地行o左陣...
又買勁辣'鹵鹵'食~~~
之後又買野飲...食到好飽~~~
唔...今日係Boxing Day...
佢送o左份禮物俾我...可以拆~~~
係chip&dale個盒仔~~~
好開心...又好鍾意...
因為之前都送o左個俾Ada...自己都想買ga啦
哈哈...而家竟然收到~~~多謝你呀~~~鹵味
我會錫晒你...聽你話...開心d~~~

>>December 27, 2003 at 10:14:24 AM GMT+8

2003 年 12 月 24 日 星期三 【颳風】

今日係我期待o左好耐既聖誕節
今朝訓到成點鐘先醒...個頭好痛
即刻沖o左個涼同叮野食
之後上o下網...打o下日記...聖誕節都要留o係屋企...
唉...都係自己羅黎...
不過都好...Hill打o左長途電話黎...
傾o左10mins~~~我要立定決心
考好個AL...咁就可以離開IVE...
唔...不過得會好唔捨得o係IVE既朋友仔ga...
Merry Christmas and Happy New Year to every friends~~~

==CINDY==~~~係啦...我識諗啦...我又點會唔開心喎...一年前或者兩個月前既我咪又係咁過~~~
　　　　　　 噚日同你地一齊都好開心 雖然我冇話事權~~~
Jessie~~~哈哈...我都係講o下既o者....我都同Ada睇o左啦...真你好好睇~~~你睇o左未???快d去睇
　　　 啦~~~!!!唔...快d搞d班會活動啦~~~
河邊仔~~~哈哈...merry x'mas to you r~~~親愛既爸爸~~~我都估到你會睇ga啦~~~真係好好睇~~~
　　　 　 哈哈...你又覺得點???同邊個去睇呀???

>>January 11, 2004 at 8:19:06 AM GMT+8

2003 年 12 月 23 日 星期二 【颳風】

今日係平安夜~~~
朝早返去oral test 都ok~~~
secondly去library做功課同去canteen食早餐混醬腸粉~~~
thirdly上MKT...見到阿sir喊都覺得佢好慘~~~
but...知道自己MKT合格~~~
真係恭喜晒大家...因為好少人唔合格~~~
then同Ada去食北京拉麵T~~~
afterthat我o地就join埋sara,cindy去買野去katy屋企煮飯仔
其實仲有阿占,阿dull,rico...整o左豉油雞翼,白汁意粉,芝士腸同沙律
我地仲同Ada補祝生日...食芒果芝士cake
送禮物俾佢...我都收到聖誕禮物
之後仲黎埋湯志成,阿叔,ivan
katy o個兩隻狗仔好得意...dudu同momo成日走黎走去
哈哈...我抱住佢地打牌同影相...成個闊太咁~~~
好彩佢地冇o係我度賴尿 仲好乖tim...真係好開心...
我o地又一齊過渡聖誕樹~~~
等到emma同阿wing黎 我地一部份人先至走...
返到屋企都成2點...

>>December 25, 2003 at 7:19:21 AM GMT+8

2003 年 12 月 22 日 星期一 【微冷】

朝早同Ada,Cindy,Katy,Sara,Emma,阿朱佢地返石天~~~
我一心諗住探阿sir~~~所以返到去真係咁~~~
d show做晒~~~唉...之後留o左陣我同Emma就早走~~~
我要返IVE practise oral...返到去就同Debbie練~~~
之後我就收到Winky同Erica佢地既聖誕禮物~~~我真係好surprise同開心ga
因為呢排咁...都唔expect會有禮物收~~~多謝晒~~~
之後我就又信錯人...早o左出去...
足足自己一個坐同行o左成兩個幾鐘街~~~
齋行聯合~~~買o左d野~~~
我一定唔會再信錯人ga la...
之後終於都等到Cindy同Katy~~~
之後影o左隻新同靚靚既貼紙相~~~Katy走先~~~
我再同Cindy行旺中~~~買o左d平平耳環
好激氣!!!之前o係荃灣我買o左兩對$20
而家五對先$20~~~
之後就買Ada份生日禮物~~~
我又食o左d好辣既野!!!
之後我就出海旁等Jimmy黎~~~
超悶同煩...d人一pair pair咁圍住我...>_<
我咪走去7-11買o左罐500ml嘉士伯飲住等~~~
之後佢地黎到就去影貼紙相~~~好開心!!!
之後返返去...飲多罐355ml都冇事...幾勁~~~
依家仲打埋日記~~~哈哈
我下次要飲三罐~~~

>>December 23, 2003 at 6:04:12 PM GMT+8

2003 年 12 月 21 日 星期日 【颳風】

今日係我好好好朋友Ada既生日~~~
朝早...上A/C同MKT...我都完全冇心機上...
其間...我不斷咁搵fd叫佢地陪我睇戲~~~
我好唔想上堂呀~~~所以就走o左BSAo個堂...
同Ada去青衣GH睇...The Return Of The King
我地買o左18件麥樂雞同支柑桔入去~~~
真係飽死~~~超好睇呀...
不過最衰要坐第一行...又比平時貴$10~~~
之後返o左屋企食飯~~~
到10:30pm...先出去尖沙咀~~~
11:15pm先join埋Jimmy,電鑽,Mabel佢地~~~去海旁飲酒...
我飲o左一罐就ring ring地啦~~~
之後同Jimmy一齊搭尾班車走~~~

>>December 23, 2003 at 5:42:46 PM GMT+8

2003 年 12 月 20 日 星期六 【晴】

朝早同鹵味,陳偉強同阿叔去睇<真的戀愛了>
又見到Cindy...好耐冇見你啦...你電o左髮我都唔知...
我有好多野想同你地傾...你好靚呀...搞到我都想電tim~~~
套戲好好睇呀~~~有咁多戀愛故事...
俾我好多感覺...雖然我都仲未知咩係愛...
睇緊o個時我都覺得好warm...但係一諗到自己就...
之後去食飯...蘇眉之後都黎o左...
之後一齊影貼紙相...好開心...
但係之後我就一個人返屋企...
諗o左好多野...我都唔想諗ga..
明知諗黎都冇用...只係會更加唔開心...
但係我控制唔到呀...好辛苦...
點解我唔可以好似戲裡面d人咁...過一個幸福既聖誕...

>>December 21, 2003 at 12:04:10 PM GMT+8

2003 年 12 月 18 日 星期四 【乍雨乍晴】

今日要返去present...所以要著suit...
對鞋唔arm著...著到我想死...
行都行唔到...痛死~~~
又凍喎~~~搞到我遲到...
之後present都ok...因為只係用o左1日做~~~
之後都冇咩特別...影o下相咁~~~
放學之後約o左Ada出葵芳
因為我o地太耐冇見~~~好掛住大家...哈哈
去o左許留山食o野...傾o左陣計~~~
發覺此終都只係朋友會關心我...
佢o地會明白我點諗...
我對佢地好...佢地都會知道同對返我好...
真係好多謝你地...好感觸~~~
之後就返屋企啦~~~

jessie~~~我唔去呀...咁貴~~~都冇心情去啦...你又唔同我去睇<魔戒3>...唉...你唔遵守之前既約定~~~

>>December 20, 2003 at 2:24:59 PM GMT+8