2003 年 10 月 10 日 星期五 【綿綿細雨】

今朝又唔識起身啦~~~都係自己懶啦...o尋晚3:30am先訓 攪到今朝起身再訓~~~所以遲到~~~
死啦...呢排成日都咁~~~唔夠訓好慘ga~~~皮膚差左~~~個人又out~~~
約左Hugo,Ekin,阿慈同小花...我呢排冇分鐘 所以冇聽小花電話 點知入集之後打返俾Hugo
佢竟然話想o係葵芳食...頂~~~唔好玩啦~~~好彩最後都係出旺角食 不過阿慈冇出黎...
之後去左花園餐廳食鐵板扒...之後因為小花要早走 我o地食完就去影貼紙相啦~~~
哈哈...佢地好似被迫咁 Hugo好搞笑 個樣勁似賊 佢地好野~~~竟然唔要d貼紙相~~~
小花走左之後我勁慘lol 佢地2個話要睇戲 我都冇興趣~~~仲要有百老匯唔睇~~~要行去GV
好遠lol~~~去到之後時間唔arm又冇睇~~~所以就去行街啦~~~都係行新世紀~~~
Hugo係double-park買左件衫同條褲 咁就$800 lol~~~我又想要件tee~~~但冇錢買lol
之後又去左食許留山~~~好好味呀~~~之後又陪Hugo食飯 要講明得佢食咋~~~因為佢之後要返工
都係食吉野家咋ma~~~之前我返工時都成日食ga 我覺得好味ga 但佢食到好慘咁~~~
之後就同Ekin搭MTR返歸 約左鹵味o係太子一齊走~~~
死啦...連佢地都話我爛口o左 我唔死都冇用啦~~~我真係要控制o下啦!!!

河邊仔~~~組爸 你個日記人氣好勁呀~~~太難追啦...記住遲d睇波搵埋我呀~~~識到你真係好
--------------'有免費飛睇波' 你好搞野呀~~~拍o個dDV跳上跳落~~~
hill~~~哈哈...好耐冇見啦 sorry呀~~~有冇嚇到你呀~~~我都唔知點解呢排可以玩得咁喪~~~
--------我知我唔arm啦...唔敢玩啦...我會專心啦~~~'我以後都唔同佢地d衰人玩啦!!!~~~'


>>October 11, 2003 at 2:44:02 PM GMT+8

2003 年 10 月 9 日 星期四 【微雨】

今朝唔識起身 要返9:30am 原本要8am起身 但我唔知點解到9:30am先識醒~~~
即刻用15mins搞dim出門口 遲成1個鐘lol~~~之後同我班d人出去食...撞到Cathy咪同佢一齊~~~
之後就上堂啦...勁眼訓~~~放學之後踢左陣毽~~~之後就到今日o既戲玉~~~Fun Club O night!!!
哈哈...我俾人掉組lol 好唔捨得原本o個組d靚仔~~~又多左阿爸阿媽 識左阿朱同阿枝
d game都ok好玩啦 有d兒童不宜 好彩之前玩過猜猜畫畫 我好dim~~~可惜贏唔到~~~
不過最好玩同最癲都係之後...我拍o左阿高同Benny下面啦...哼~~~睇死我唔敢呀啦~~~底死~~~
>_<...都唔知點解會夠膽做啦...咁我就冇左我o既第二次啦~~~我好似癲左咁~~~
之後又俾死人黑仔用沙律整...咁我咪還拖lol...都係唔夠佢玩~~~俾佢整到成頭都係...要洗頭!!!
我個曲髮就咁就冇左~~~仲要咁樣衰...我真係要戒啦...唔可以咁癲>_<
之後咪返屋企...同Winky同香香一齊...超好笑lol...我地都可以投考TVB藝員訓練班~~~


>>October 10, 2003 at 6:43:22 PM GMT+8

2003 年 10 月 8 日 星期三 【微冷】

今朝約o左阿sun早d 8:30am返IVE教我account~~~都學到d野 唉...都係唔夠時間 唯有照抄~~~
一個鐘之後就上堂啦 我今次同我o個班d人一齊坐...Debbie佢地~~~之後又同佢地去食lunch~~~
仲識左波波阿哥...葉宏苢(kui)~~~哈哈 唔識讀呢~~~食完就上左library到溫書 但溫唔到~~~
1:30pm開始上普通話 上完陪左高妹去食T 3:30又上Econ seminar~~~我都冇心機...於是上左一半就'鼠'落去打籃球 我同阿sir講話我肚痛...就去左搵Jimmy,香香同燊爸佢地 我有入波ga~~~
之後又玩pair牌 '字典'wor~~~我都未聽過~~~不過好好玩...玩玩o下 Hazel就叫我上去拎返書包
唔...之後燊爸表演左個魔術~~~好勁!!!約左鹵味去食龜苓膏 所以要早d出荃灣...同燊爸一齊走~~~
今日係阿朱生日 所以食完之後又去食飯~~~又係'稻草人' 唔...o個度d人肯定覺得我地好煩~~~
搞搞震~~~好開心可以一次過見到晒佢地...又影左超多人貼紙相...12個人~~~
之後就返屋企啦~~~

大豪客~~~我係忍得到就好啦...就唔使o係自己diary度爆啦...~~~
純情少女~~~唔...我都好愛你ga...但係成日都見到d男仔o係你身邊...hap醋死我啦~~~
----------------我唔制呀!!!超勀同眼訓啦我...真係要戒啦~~~

>>October 10, 2003 at 4:08:38 PM GMT+8

2003 年 10 月 7 日 星期二 【晴】

今朝返8:30am 又遲到啦...仲入錯課室tim~~~勁瘀lol~~~
之後直上到12:30pm~~~超肚餓lol~~~之後就同高妹,Ivy,Jimmy&香香一齊出金伯爵飲茶~~~
哈哈...Jimmy揹起我跑黎跑去...整到我好痛...不過真係好刺激同驚~~~我都唔係重啦
d野食都幾好味~~~不過d阿嬸o既服務態度就差d啦~~~而且o個度好多人爆粗~~~勁唔舒服lol
幾十次'xxxx','xxxxx'...d人din ga~~~之後又5個人一齊食雪糕~~~
之後返到去就打羽毛球 我覺得自己manage得好差lol 有時真係好憫 點解d野同我預計既唔同...
又情緒化 都唔知自己做咩...好介意人地講同諗既野...之後又黎左d 'kai仔' o係度阻Q住晒
同香香一路踢毽 一路聽到d唔想聽o既野...勁嬲 好想爆粗~~~
'up乜春呀 咩level呀 打波關你差事?你地好Q醒wor...咁pro又唔見你做香港代表隊 o係乜IVE都out呀~~~學咩人做男人jei...成班八婆咁 切左條野佢呀 笨~~~仆你個街啦' 唔好再俾我見到佢地
唉...真係唔想o係自己個diary到度爆...但係谷住好辛苦...而家好d啦~~~
唔...之後又落返去踢毽~~~好好玩...成班人...好似好勁咁~~~
Wings,Mabel,Jimmy,阿Sun,Winky,細Erica,卡琳,香香,輝輝,Peyo,安仔同我~~~哈哈...人強馬壯...
踢到6:30pm先走...唔...之後咪返屋企lol~~~我唔識做account~~~要問阿Sun~~~thanks
之後又打左俾HILL...唔...都幾耐冇搵佢啦...我仲學左D英文tim~~~真係好快就2個月啦~~~
你快d返黎啦...都幾掛住你...記住同我影貼紙相~~~
哈哈...唔經唔覺...我個diary o既人氣已經超過一千啦...真係感觸~~~多謝大家支持~~~

阿o砵~~~哈哈...見你即刻覆返我 就唔心淡啦...不過都好多人串錯同讀錯~~~
Lesney~~~hello`I'm fine,thanks...how about you???~~~傻傻地咁...條問題好neutral lol~~~


>>October 8, 2003 at 3:46:45 PM GMT+8

2003 年 10 月 6 日 星期一 【微冷】

死啦...我真係要戒啦...如果唔係就冇人鍾意我啦...~~~
唔...今朝搭車撞到Peyo同香香~~~好搞笑lol~~~之後上Econ堂 都冇乜聽~~~
不過又唔係唔專心...因為要教香香同卡琳~~~好瘀lol...我解釋唔到!!!
之後我'咩'阿浩同卡琳 卡琳又'咩'返我~~~好野!!!佢'咩'得起我~~~跟住就踢毽啦~~~
好開心呀~~~踢o左2個鐘~~~之後又上堂...之後就食飯同去library做功課
3:30pm要打羽毛球 咁佢地BPE又走晒...BIS又上堂...我咪同香香一齊去lol~~~
之後再加埋Dennis同Jimmy~~~不過之後因為有d 'kai仔' 搞到我好嬲~~~又想爆粗~~~
咁咪走返去踢毽啦~~~同佢地+阿高+燊爸~~~玩完又去canteen玩猜猜畫畫~~~
勁好玩lol...Jimmy去左練波 另外仲有個year2既男人...但唔知佢個名~~~
哈哈~~~我勁慘lol...原來佢地都知我個名~~~我又唔知發咩瘟~~~估支旗又講左做扯旗
俾佢地笑死...叫我做扯旗maida wor~~~日文名wor~~~仲有要寫o係日記度~~~佢地唔好唔寫呀!!!

==CINDY==~~~唔好啦...我改緊啦...如果你都唔鍾意我 咁我點算呀~~~
留言Da~~~~我知啦...我會收斂ga啦 我都知我講多左 我都好驚ga~~~呢排成日都講粗口
---------------可能因為'M到'啦 個人會心煩氣燥~~~不過"頂你個肺"都唔算好粗啦~~~



>>October 7, 2003 at 2:20:52 PM GMT+8

2003 年 10 月 5 日 星期日 【微冷】

今朝去郵局check返之前寄去星新加坡o既禮物 因為我唔記得個fd搬o左 照樣寄返去舊地址
個fd話佢o個面退返返黎...但我仲未收到lol 今日去問又話唔知~~~之後就去恆生出返d月結單~~~
$50一張呀!!!我出4張要$200啦!!!之後就返學啦...返到去上Marketing~~~之後就去食lunch啦...
今日成日都見到傅傑~~~好想走去識佢~~~呢排成日都撞到佢...出尖咀又撞到~~~
好似見到翁萬特tim~~~唔...好想識多d籃球健將呀~~~之後上電腦堂...都唔知做乜 勁悶~~~
放學之後參觀 library 又見到傅傑啦~~~之後就落canteen陪佢地開會 我就食T 係炸雞脾+紅豆冰
...一直等到7:00pm先走~~~哈哈 之後同Winky,香香,Pior一齊搭車...勁好笑~~~
唔記得講tim...我今日返學係著裙ga~~~因為要襯對dunk low~~~

Ah 傑 Mr Chan~~~你係乜水呀???電鑽???~~~
Wings~~~你就好啦...有表哥,同未來表嫂一齊行街街,仲有壽司食tim~~~我都想呀~~~
DENNIS~~~哈哈 死啦...我而家有好多fd叫dennis啦~~~dennis wong都有2個啦~~~你個樣好細個呀
-------------好cute 好似個細路~~~



>>October 6, 2003 at 2:33:27 PM GMT+8

2003 年 10 月 4 日 星期六 【微冷】

今朝訓到2:00pm~~~ 個人好'嘔'~~~姨媽到 頭痛 好唔舒服...
之後咪睇電視同玩ICQ lol...好悶~~~溫唔到書...集中唔到~~~
同鹵味傾o左陣電話 我同佢 d taste 都好似~~~都想買條褲同對鞋~~~
夜晚佢打o左俾我 傾o左25mins啦~~~唔...我之前都有諗過打俾佢...不過又驚...
一黎驚時間唔arm 二黎上次收線o個時佢好似唔知點咁(唔鍾意)~~~不過今次好似冇野啦~~~
今日都冇乜爆粗啦...要keep住~~~我要努力呀...要斯文d 做個有修養o既女仔~~~
不過arm arm 又爆o左...因為我阿哥整到我頭先打o既某部份日記唔見晒...要我打3次

Wings~~~多謝你o既中文留言lol~~~我而家就真係唔舒服啦...呢幾日都踢唔到毽啦~~~
Cindy~~~你以為真係個個都一定要去focus剪頭髮ga咩~~~我就唔係lol~~~我自己剪ga~~~
-----------死啦~~~呢排個個都話我粗魯o左 講多o左粗口~~~好驚呀~~~佢一定唔鍾意啦~~~
-----------咦...我又要去食buffet呀~~~你快d約我啦~~~咁咪知我對鞋係點lol~~~
純情少女~~~I miss you too 啦~~~你好返未呀???我好擔心你...呢排我好多fds都病呀~~~


>>October 5, 2003 at 5:07:02 PM GMT+8

2003 年 10 月 3 日 星期五 【微冷】

今朝8:30am起身 一家人(除o左阿爸)去荃灣拜山...因為清明冇去...都唔係好多人~~~
拜完阿爺拜大哥...我真係冇面目拜佢地~~~之後搵o左Ada陪我出旺角食飯行街~~~
真係唔好意思呀~~~我唔記得佢唔舒服 不過佢都有出黎~~~搭緊MTRo個時好Q咁撞到Emma
11:30am咋~~~去o左食芝士屋 我食晒成碟意粉~~~好飽!!!不過之後見到cheeze cup 又買黎食~~~
o係旺中買完耳環之後 就買o左條褲 禮物 同鞋~~~dunk low呀~~~我話o左想買好耐~~~
成日就洗o左好多錢~~~過一千蚊啦~~~咁就成份糧冇o左...我仲想買衫同DC~~~
之後行完5:00pm...我就出尖沙咀搵Jimmy同香香~~~俾佢2個迫左去陪佢地行街 入貴野鋪頭~~~
唉...我真係唔慣lol...不過又見到Emma 哈哈~~~真係好開心~~~
之後7:30pm 又同o左Wings同高妹去葵青劇院睇阿浩o既葵青區歌唱比賽~~~
雖然輸o左 但都冇所謂啦...好聽咪得lor...之後就返屋企啦~~~
好眼訓啦我~~~一路打diary 一路訓覺...成2個鐘先打完

Wings~~~超~~~我同佢地夠玩得開心啦~~~我d腳法仲好o左~~~
Irene~~~多謝你黎留言呀~~~乜我好搞笑咩???哈哈...我地間VE一定要成功呀~~~

>>October 4, 2003 at 5:45:18 PM GMT+8

2003 年 10 月 2 日 星期四 【微冷】

尋日玩唔到ICQ 所以打左俾香香同佢傾電話...佢傻ga~~~我真係好驚佢'扮喊'lol
之後佢唔arm咪cut佢線lol...咁我又唔arm既...sorry lol~~~扯平!!!
今朝搭車見到香香同阿sun...佢兩個企埋一齊好搞笑~~~拾o下拾o下~~~唔識上車!!!
我唔打俾佢叫佢地上車都唔上~~~哈哈...不過見到佢地都會幾好...因為搞笑~~~
之後又見到Pior...佢都好好笑...我又踢佢pat pat啦...好在佢冇野...呢d叫做大方~~~
之後上IS堂啦...好彩入到group (Natalie,Irene,Cathy,Debbie同我)好多謝佢地呀~~~唔捨得踢我走
o係CAS1b終於覺得自己有存在價值~~~之後同佢地一齊食Lunch~~~見到燊ba
上完堂不知所謂o既account堂...就同卡琳,香香同佢個fd一齊踢毽 踢左成粒鐘~~~超好玩~~~
我d技術有進步~~~要keep住玩 可以減肥~~~哈哈...不過踢黎踢去都未控制到方向!!!>0<
放學之後就即刻去幫人補習...1.5hr ~~~ 唔可以留低睇佢地組joint日~~~
唔...我剪o左頭髮呀...都好似幾OK啦...

燊~~~~係啦...我都係用香港寬頻 都用唔到icq呀!!!不過而家冇事lu~~~


>>October 3, 2003 at 4:05:22 PM GMT+8

2003 年 10 月 1 日 星期三 【酷熱】

今朝返學撞到香香同阿敏...但撞唔到阿sun~~~之後上account堂 同Jimmy一齊坐
好慘lol 俾佢地玩~~~之後我好慘lol...自己一個 唯有等香香陪我 我好衰呀~~~冇等Wings食飯
之後上堂都好悶啦...放學之後就出荃灣同人補習~~~好waste呀...1個鐘 又要轉車
返到屋企...我connect唔到ICQ呀~~~

Wings~~~sorry呀~~~我今日好衰女呀~~~
Winky~~~呀!!!終於收到你o既留言啦~~~上唔到網...好慘呀!!!我而家好想上 ICQ online~~~

>>October 2, 2003 at 4:07:28 PM GMT+8