2003 年 10 月 14 日 星期二 【微冷】

今日原本想返屋企食飯點知, 亞媽打電話來有以下對話:-
媽: 喂! 你食唔食飯呀? (用好好好親切既口吻)
女: 食呀! (平常語氣 )
媽: ha! 你唔食得唔得呀? ----驚訝地
女: ha! (你係咪玩野呀? ----- 心想 )
............. ( 靜想中)................
女: 咁唔食law! -----無奈地
媽: 好呀! bye-bye -----愉快地
----------------收線--------------------
咁放左工做咩好呢???又可以同邊個食飯呢????
做唔做gym好呢?????定係返屋企陪miki bibi 好呢??????
終於做野做到7:00先走再一個人去做焗桑那到8:00
跟住再落中央圖書館睇書 (點知收9:00, 去到收左)
之後一個人係公園等你放9:30再一齊去食飯飯
想打邊爐點知又收左工 只好過對面探肯得雞伯伯
最難得係你上左來訓呀! ( 因我都好耐無帶人返屋企訓 )
見係你ja.................................................................


>>October 16, 2003 at 3:19:49 PM GMT+8

2003 年 10 月 13 日 星期一 【颳風】

開心又愉快的一天:-

成班秘書們一同去左大家樂食一哥火鍋呀!
好熱鬧! 雖然就唔夠齊人, 但我地一樣食得好開心呀!
gie仔仲帶相機影相, 但點知唔夠兩張就無電lu! (可能影得藍藍多!)
對上一次活動已經係夏天既游泳日!( 但唔知點解都仲未有相睇呀?)
跟住仲拉大隊去到佐敦食糖水呀! (對上一次食都耐到唔記得)
特別多謝: 一哥 (發明一哥火鍋)

仲有好想多謝及在此表示愛意:-

每日返到屋企你總是第一時間過來擁抱我
就算你被困於屋中亦會發出可愛的聲音和我打招呼
看著你一天一天的長大, 不經不覺間你和我生活了四個月的時間
在這短短的時光中建立起賓主的關係
全屋中最小打罵你的就是我, 所以你在我面前也特別乖巧
當然最愛錫你的也是我 你也是我最愛錫的 Miki Bibi




>>October 14, 2003 at 4:20:29 PM GMT+8

2003 年 10 月 12 日 星期日 【晴】

今日我好乖呀! 因為返左屋企食飯呀~
點知坐完船船, 轉塔巴士時.................(黑仔野又來啦!)
係金鐘有條友仔,成身臭咁坐埋隔離 (咁都算啦! )
之後到左灣仔開始就塞車呀! 天啊! 點解咁玩我呀!
唔知點解開始有d 想暈睡既感覺 (唔知關唔關條友事呢?)
總之, 一訓醒就剛剛到站呀!

你話神唔神奇呢?

>>October 13, 2003 at 4:32:46 PM GMT+8

2003 年 10 月 10 日 星期五 【乍寒還暖】

嘩..................今日好開心呀! 因為安排左好多精彩既節目
到左一個好耐都未去過既地方呀! 呢度就係......................山頂呀!
以前次次都係去個商場行,都無玩個度d野!
今次終於睇左信不信由你奇趣館啦! (真係有好多得意野ga!)
跟住玩左一個好鬼白痴既電影院呀! (你去就千其唔好玩呀!)
最衰就落雨啦! (睇唔到日落既景色呀, 如果睇到就好啦!)
但亦無減我地既興致呀! (因可以睇到晚霞既景色, 真係好靚呀!)
靚人加靚景真係一絕呀!

最開心就係收到禮物呀! (好多謝你呀!我會日日都帶住ga!)



>>October 13, 2003 at 3:54:03 PM GMT+8

2003 年 10 月 9 日 星期四 【晴】

今日去左馬安山食飯!
成餐飯食左好漫長呀! 但就好開心呀!
因為又有蝦又有魚, 最重要係有我最愛既苦瓜食!
食完仲玩我最鐘意既嗜好, 咪就係.................打麻將law~
四圈都打左成3個鐘呀! 最後勝利者係邊個.....................
唔駛講, 當然係我啦!

(頂! 打成晚都係得$24蚊)

>>October 13, 2003 at 4:10:45 PM GMT+8

2003 年 10 月 8 日 星期三 【炎熱】

今日我終於睇完本故事書呀! (好正呀!)
情節都好緊張, 好想一次過看完整個故事!
結局最尾亦有留有伏線, 看來我又要到圖書館找找啊!
第二集書名係"向達倫大冒險"

* 但本人有點覺得此書不太適合小朋友閱讀!

(記得準時還書呀! 10月19日要續借話我知!)

>>October 9, 2003 at 3:29:14 PM GMT+8

2003 年 10 月 7 日 星期二 【晴】

[人生]

“隨遇而安”這四個字本身，就已包含著忍耐堅毅的精神在內，這實在是件很奇妙的
事。

無論是什麼人，在夢中、他永遠比在清醒時更為勇敢、更為坦率?
逃避不一定躲得過 ，面對不一定最難受 ；
孤單不一定不快樂 ，得到不一定能長久 ；
失去不一定不再有 ，轉身不一定最軟弱。
別急著說別無選擇， 別以為世上只有對與錯。

許多事情的答案都不是只有一個。
所以我們永遠也有路可以走。

你能找個理由難過， 也一定能找到快樂 。


>>October 13, 2003 at 4:22:28 PM GMT+8

2003 年 10 月 6 日 星期一 【晴】

今日同左JAN 仔, GIE仔同 BE仔去左做gym呀! (夢幻組合呀!)
仲玩左樣新野呀~揸住支管上下上下咁做!
做完成個人都好似無咩力咁呀! (特別係最尾個幾下呀!)
跟住同be仔去左蒸籠呀! (我最鐘意既不用力減肥法)
好開心同佢地JOIN 左玩GYM呀!
始終都係成班人一齊做就最開心呀!

特別鳴謝:jANUS, MAGGIE AND GOBE

>>October 13, 2003 at 4:24:01 PM GMT+8

2003 年 10 月 4 日 星期六 【晴】

嘩! 大收獲的一天呀~
出左糧無耐, 話咁快又駛剩無多呀!
日子一日一日咁過呀! 神呀~救救我吧!
又要清卡數但又想儲錢啊!
又想出左糧無理由唔買野呀!
啊~ 多麼矛盾呢~

又開心又傷透的一天呀!

>>October 5, 2003 at 4:39:21 PM GMT+8

2003 年 10 月 3 日 星期五 【晴】

無意中買入左一本雜誌 封面人物係容祖兒 (張相影得好靚呀!)
細看記者和她的對話內容 從中問到她的嗜好
原來她和我一樣也是嗜書之人
最近她亦閱讀一本名叫 怪奇馬戲團 (也是她的推介)
由於這個關係我決定從網上找找
終於皇天不負有心人 在公眾圖書館搵到 (但要預約個隻)

向達倫只是個普通的男學生──
直到他拿到邀請函去看怪奇馬戲團……
直到他遇到八夫人……直到他和
這個夜晚的生物面對面。
沒多久，達倫和他的朋友史提掉到
一個致命的陷阱裡。達倫必須跟那位能
救史提的人約定協議。但是那個人不是
人類，而是嗜血為生的……
『是本很有張力的小說……劇情很緊湊，
能讓讀者渴望看到更多。』




>>October 5, 2003 at 5:00:00 PM GMT+8