2004 年 5 月 4 日 星期二 【晴】

因為早前申請左MANHATTAN 信用卡所以有兩張免費戲票!
原本星期一同ELLIS AND 仁傑睇江湖GA!
不過死仔臨時有事, 所以就今晚睇呀!
原本大家睇廣告時都覺得好型好似好正呀!
點知..................唉......................免費戲票都覺得浪費呀~
好失望!...............>.<

>>May 13, 2004 at 9:54:21 AM GMT+8

2004 年 4 月 30 日 星期五 【晴】

嘩! 今日好乖乖女呀! 晨早同爸爸媽媽去左稻香飲荼~
佢地都有好多朋友係酒樓打招呼, 可見佢地都朋友多多!
由早上十一點飲到一點, 咁當然係乖乖女請啦!
之後就一齊去左買miki用品: 狗糧 狗餅 小狗朱古力 仲有玩具
miki 你就幸福啦! 買完野又唔幾成$1xx 蚊呀!
買完野就返左屋企同miki玩, 之後中午就坐車車入仁傑村呀!
去到市中心就行街街一心想換部手機呀!
所以就周圍睇價錢, 原本想買nokia但睇真好肉酸ga!
最後就買左sony ericsson t630黑色, 我搵左好多間先搵到黑色ja!
原來黑色貴d ga! end up $2788 成交 (但當然賣左舊個部啦!)
今日真係大出血呀~~~~~~~~~~~~~~~~~~~~>.<

>>May 13, 2004 at 9:48:17 AM GMT+8

2004 年 4 月 25 日 星期日 【晴】

女人永遠是一種難明的動物

當你以為很了解她時 你又會很難明白 (為何她那麼善變?)
當你以為很遷就她時 你又會覺得難頂 (為何她那麼霸道?)
當你以為很體貼她時 你又會忙於工作 (為何她那麼無理?)

其實理由好簡單, 你又不是女人!!!!!!!!!!!!!!!!!!!!!

>>April 26, 2004 at 1:10:47 PM GMT+8

2004 年 4 月 24 日 星期六 【晴】

好似好耐都無打過日記, 終於今日有時間可以坐底慢慢打!
不過因為太多人登入, 所以入極都入唔到
咁就周圍睇下人地d日記同去左討論區
先發現原來呢個網站有好多人都好自私
因為題目係講點解要申請vip 優先可以係繁忙時登入
好多自私的人就唔願意申請vip 就話網主想搵$$
但網主解釋因為人數太多好難再維持網站
因最初時只是為朋友而設由初時2,000到現在30,000人
所以我可以理解,但都唔明d人點念ga!
如果你真係唔想做vip而又想登入打日記
但又登入唔到咪save起去law! 唉.....................

>>April 26, 2004 at 12:55:55 PM GMT+8

2004 年 4 月 23 日 星期五 【晴】

老闆係日本到今日都仲未返而佢交底既工作又差不多做晒!
不過我心信一句說話工作係永遠都做唔完ga~(如果唔係就唔駛請我啦!)
所以我慢慢食完早餐就繼續我一天工作既開始.....................
一點啦! 又係收工既時候, 今日同仁傑既節目就係睇戲
其實呢樣應該係上星期做ga! 不過仁傑要陪朋友所以就今日睇啦~
我地放左工就入屯門睇<戀情告急> 由古天樂同粱泳淇做主角
因為係買一送一戲票所以先睇ja~ 如我想像中一樣
古天樂真係一d戲都唔識做呀! 但粱泳淇既戲就進步不少
一段戀情由相識到相戀可以係短短幾日時間
但相處往往並不是一朝一夕可以做到
就如戲中一對戀人由相識到相戀只須花上一天時間
但相處下去問題就開始出現, 故事就由情人節講起....

想知結果就買票入場睇啦! (你會得到啟發, 但本人建議買vcd會比較花算)

>>April 25, 2004 at 3:07:02 PM GMT+8

2004 年 4 月 12 日 星期一 【雷雨】

神呀~救救我吧!
第一日返工好多野做呀! 返到位已經有好多paper work 係台面呀!
仲要全日個死肥仔就不停咁比野我做! 搞到我做都做唔切呀~
1) Mr. Jiang's Letter 2) Danny's client reinstatement
3) found out all call centre policy 4) Group call list
5) Chan chi Cheong's policy 6) To Po Fong - RFC
7) Yanai lost cheque 8) Mr. Zhang's lost cheque
9) All premium due 10) Ricci Tse - 628
11) all client update mobile 12) All Rosanna's client
仲有好多好多未能盡錄!

>>April 13, 2004 at 12:48:15 PM GMT+8

2004 年 4 月 11 日 星期日 【陰晴不定】

今日係最後一日假期, 所以唔可以再留係屋企要出街走走!
仁傑就提議到旺角行街街, 因為佢想買衫啊! (其實都好耐無去過)
行左無耐佢就已經睇中左條褲 (係我間ga!) 但都唔平呀!
要成$299 我就覺得唔係好抵呀! 因為又唔係有牌子, 但都幾好睇 za!
再行到第二個商場就又買左件衫啦~ 粉紅色短"就" + 頭先條褲好好睇ga!
我發兜我好有時代觸角呀! 哈哈~
行到第三個商場就到我見到一個好好好q既公仔呀!
佢叫little mikey 如果大家有睇 monsters, inc. 就一定知佢係邊個呀!
佢就係亞bu 同大眼仔米高搶住要個隻玩具公仔呀!
得一隻眼但有四隻腳同兩隻角仲有兩隻虎牙仔tim
好彩我戾有收獲呀! (價值$149, 係仁傑送ga!)
好好好好好好開心呀~~~~~~~~~~~~~~~~~~

>>April 13, 2004 at 12:33:50 PM GMT+8

2004 年 4 月 10 日 星期六 【晴】

今日休閒地在家中休息!
因早前媽媽買定了餸菜留在家中, 所以今晚就可以煮飯比仁傑食啦!
但仁傑中午就睡覺到 7點幾先醒呀! 咁我只好等佢醒啦!
答應左仁傑煮咖喱雞, 但其實我唔識煮ga!
咁就要上網搵下食譜先得呀! 哈哈..................
無野難到我ga~ 話咁快就食得呀!!!
p.s. 成個中午miki 都係同仁傑一齊睡ga! 所以悶死我咩'! >.<

>>April 13, 2004 at 12:17:11 PM GMT+8

2004 年 4 月 9 日 星期五 【晴】

尋日去左魚排party 但因為爸媽去左大陸 所以只有miki一個係屋企 搞到我成日都唔安落
我怕miki 會餓死 所以party未完就返屋企啦! 好早呀! 11:30 就返到home啦! 因為有亞多車我到銅記
返到屋企miki 已經好似唔識叫咁呀! (因平時知有人返home會吠ha!)
所以立即開狗糧 清理狗屋 同狗厠所 為左補償miki既寂寞就帶左佢落街跑下
行左一陣就見到一對情侶為左唔阻住人地 就返轉頭啦!
點知無耐就有北京狗行過來(同主人加狗帶) 咁miki好奇又走去嗅人地patpat 隻狗又驚woo!
就係咁吠呀!(miki一直都無吠ga!) 搞到守衛叔叔都過來話我地呀!
咁miki 又係咁走woo! 而另一個主人就一路只識拖住隻狗一路叫驚woo!
又叫我拉開隻狗woo! 大佬.....我捉到佢就早捉左啦!
叫你隻狗唔好吠同抱起佢咪得law~ (真係白痴呀?!)
好彩最後到捉到miki 但當我捉到時個白痴婆同隻癲狗就已經走到老遠呀!
比佢搞到都唔想行呀! 返屋企幫miki 沖涼好過呀!
入到lobby 個叔叔話佢隻狗好惡ga! 咁我話佢主人先白痴呀! (個叔叔都同意ga!)
返到屋企miki 好乖乖咁比我幫佢沖涼涼同吹毛毛呀! (因佢最鐘意ga!)

>>April 10, 2004 at 4:00:42 AM GMT+8

2004 年 4 月 8 日 星期四 【颳風】

嘩..............嘩........嘩.................復活節的第一天呀!
今日係ricky 搞左好耐既魚排bbq日呀! 地點係溶樹澳
十二點正係大學火車站等 咁僑一落車時就已經見到心如
我地係最乖個兩個11:45分已經到左 行左一陣買下野食咁
一路等等等 最後12:30先至齊人呀! 出發--------->
一開始頭盤就已經有魚鯭蟹粥呀~! 味道好正好鮮味呀~
食到我同gobe都話比10個正呀! 之後又有焗蟹食(係咩都唔落只焗)
食完野當然入正題啦! 做下運動先......打麻雀呀~
有我belinda tony kaman 一圍台 打左2圈由初時kaman打又轉左心如打
因為佢好黑仔呀! 但都唔夠tony 黑呀~因佢係黑仔上身呀!
打左兩圈只食過6次ja~ 好陰公呀~ 我同gobe一人打一局
每人負責做茶水同燒野食比佢地! 最後win左144 呀~可以最人分到72呀!
今次bbq 費用$236呀! 都算可以幫補下呀~
最後我就因為掛念而早走呀~~~~~~~~~~~~~ 好開心呀!

*出度人數: 40左右 (好多小朋友呀!)

>>April 11, 2004 at 5:19:42 AM GMT+8