2005 年 7 月 22 日 星期五 【晴】

第十四天　ｌａｓｔ　ｄａｙ了．．．

好快就到左最後一日喇
呢幾晚都訓得唔好
又熱又多蚊咬
痕到醒左
ｒ到損哂．．．

清晨５點半
ａｎｇｅｌ叫醒我
ｍａｉｊａ，ｍｏｏｎｙ，ｊａｖｉ，ｍｉｃｈａｅｌ
佢地５個出發去另一個地方玩
特登起身送佢地走
每人一個ｈｕｇ
幾句祝福說話就走喇
一下子變得好冷清
個心好唔舒服

送完佢地走
等好耐先訓得返
再過一陣
ｓｋｙ又走喇
唉，走下一個，走下又一個
成個ｃａｍｐｓｉｔｅ得返５個人
好唔鍾意熱鬧過後既失落感
訓唔著，八點幾就起左身
執下行李食下早餐
ｈｅａｈｅａ下就走喇
其實我１６２０機
可以唔洗咁早出去
但因為怕一個人拎住一堆行李好麻煩
所以都係決定早ｄ出門

ｙａｎｎｉｓ同ｍａｒｔｏｎ訓緊覺
特登起身送我走
ｍａｒｔｏｎ超搞笑
因為佢淨係著住條ｃｋ底褲唔方便
隨手搵條毛巾包住送我落樓
ｋａｔｙ送到我出馬路口
ｕｗｅ超好人
幫我拎行李送到我去ｓｔａｔｉｏｎ
我好唔鍾意離愁別緒既情境。

一個人去到機場ｃｈｅｃｋ　ｉｎ
仲有大把時間淨
於是行下ｄｕｔｙ　ｆｒｅｅ
又洗錢喇．．．
唉，我註定天生購物狂。
買左支ｏｕｚｏ俾爸爸
買左包ｃｏｆｆｅｅ俾林家欣媽咪
最後勁野黎喇
ｄｉｏｒ　ｐｒｉｎｃｅｓｓ　ｒｉｎｇ俾林家欣
行到冇野好行
坐低訓覺
訓訓下俾ｄ細路嘈醒左
望下隻錶，啱啱好夠鐘
１５５０ｂｏａｒｄｉｎｇ
入到望下ｓｃｒｅｅｎ
佢話班機要ｄｅｌａｙ
１７２５先飛
開頭都唔識驚
諗諗下開始慌張
我響ｍｕｎｉｃｈ轉機個班機
１７５０起飛
即係話我將會ｍｉｓｓ左呢班機
ｌｉｌｉｌａｌａ飛撲去問地勤
佢話未知今晚有冇機飛倫敦
所有野要去到ｍｕｎｉｃｈ先可以安排

等等等等等等等等等等等等等等
終於可以上機喇
肚餓到爆炸呀！
唔洗５分鐘已經吞左個飛機餐喇
再唔洗５分鐘已經訓著左
直至落機。

落機之後有ｄ未訓醒既感覺
瘟瘟鄧鄧咁
見成堆人衝去個地勤到
我又跟住衝
去到之後可能因為太矮
佢唔ｓｈｏｗ我
等左好耐佢先叫我去２ｎｄ　ｓｅｒｖｉｃｅ　ｃｅｎｔｒｅ
跑到去個ｓｅｒｖｉｃｅ　ｃｅｎｔｒｅ度
發現有好多人排緊隊
我好心急，又好驚
唔知會點
ｍｉｓｓ左班機之餘
仲ｍｉｓｓ埋班ｃｏａｃｈ
好驚唔知點返屋企
又得自己一個人
ｄ英文又屎
全個機場都冇中國人
好冇安全感
見到其他人全部唔係一ｐａｉｒ就係一家大細
得我係自己一個
呢個時候我ｄ眼淚就差ｄ標出黎喇
好彩忍得住咋！
我真係好慌張好驚好混亂呀！
從來都未試過遇到呢ｄ情況
今次仲要係第一次自己出門
仲要轉機。

輪到我，個地勤講英文好慢
好好！
又唔會話好強ｇｅｒｍａｎ　ａｃｃｅｎｔ
我完全ｆｏｌｌｏｗ到佢既指示
因為個陣夜晚８點幾
已經冇哂機飛ｌｏｎｄｏｎ
佢安排左一晚酒店
包ｄｉｎｎｅｒ＆ｂｒｅａｋｆａｓｔ
仲有ｔａｘｉ＆ｓｈｕｔｔｌｅ　ｂｕｓ來回酒店＆機場
我問佢酒店有冇得上網
因為想同屋企人報平安
跟住佢就好好咁俾我打電話喇

我打左２個電話
一個英國
一個香港
我叫楂車人唔洗去ｃａｒｄｉｆｆ接我
叫佢聽日先黎
佢話：行行行。
收線，打俾媽咪
香港已經２點幾
我乜都冇講
佢一喂就話：係咪瑩瑩呀？
我一聽到又差ｄ喊
廢事佢擔心
”ｇｏｏｄ”返ｄ眼淚入去
講返ｄ情況俾佢聽
叫佢唔洗擔心
第二朝到左倫敦再打返去
但我ｆｅｅｌ到媽咪真係好擔心囉

搞掂哂ｄ野鬆一口氣
我又回復我既本色
響機場ｓｈｏｐｐｉｎｇ喇
哈！我真係好好胃口
呢頭驚完呢頭又買野
有間專係賣簿既ｓｈｏｐ
入面ｄ野超級勁靚
真係樣樣都好靚
樣樣都好想買！！
但奈何ｄ野好貴
我ｄ　ｅｕｒｏ又差唔多用哂
最後淨係買左全場至平既簿做ｄｉａｒｙ
盛惠€４．５

買完就出機場搭的士
一出到去發現有ｆｕｎｃｔｉｏｎ
類似美食節既物體
有好多野食！
但因為身上冇乜錢
又廢事拎住ｄ野食周圍走
所以乜都冇買
行左轉就走喇
點知．．．
我搵左勁耐都搵唔到的士站囉
問極人都唔知
問差人唔知
問空姐唔知
問路人唔知
痴線架！
勁隱蔽喎
俾人點左勁多次
行左勁多冤枉路先搵到。

自從上次俾的士司機呃之後
好驚搭的士
今次仲要一個人
擺到明係遊客
中國人樣，仲要生得細粒生得蠢
上車之前好驚
即刻抄低車牌
先發現原來架車係ｂｅｎｚ
仲好新添
坐得幾舒服。

去到酒店
好多人排隊ｃｈｅｃｋ　ｉｎ
等左好耐終於到我
派左去３１４房
上到去搵左勁耐都搵唔到
佢ｄ門牌跳來跳去
行到最入終於見到
係尾房
入都冇入就落去話換房
可能因為以前聽得太多恐怖熱線
加上今次又一個人訓
人生路不熟
穩陣ｄ好
個ｒｅｃｅｐｔｉｏｎ好奇怪咁問我點解要換
我就咁答佢因為係尾房
佢ｒ哂頭咁既樣
轉左間３５２俾我

上到去即刻開哂燈掉低ｄ野落去食野
得我一個得一個人食咋
我都係第一次自己一個人響出面食野
平時如果一個人食
都係會嗌ｔａｋｅａｗａｙ
今次仲要係酒店
有ｄ奇怪。
ｄ　ｓｔａｆｆｓ超犀利！
如果我有佢地一半就好喇
佢地一隻手捧６隻碟！！
仲要好輕鬆既樣
仲可以問我：幾多位呀？
吸唔吸煙？
你等等先，我幫你睇下
拎住ｄ碟，行一個圈，再返黎話我知
痴線架！！！
超勁呀！
佢地個ｄ仲要係大碟喎
我返ｃｉａ個陣
一隻手拎５隻ｓｔａｒｔｅｒ碟
已經覺得自己好巴閉喇
佢地仲勁！

食完上房沖涼
發現冇牙刷
落去ｒｅｃｅｐｔｉｏｎ攞
上返去
離奇野發生喇！！
我插左張卡入去
拉手掣，冇反應
再插，好清楚見到係綠色燈
手掣冇反應，拉唔落
再試一次都唔得
開始慌．．．
敲下門，再試多次
得左。
嗯．．．唔知關唔關事．．．

沖完涼，照鏡
發現黑左好多
仲有超級勁多蚊爛
全身加埋ｏｖｅｒ１５０粒！！
勁誇張！！！！！！！

成晚開住燈訓
電視播住ｃｎｎ
有香港同台灣既新聞
好有親切感啊～

>>July 31, 2005 at 10:32:36 PM GMT+8

2005 年 7 月 21 日 星期四 【晴】

第十三天

唉～今日又ｈｏｍｅｔｅａｍ
今次同ｍａｒｔｏｎ　ｐａｒｔ
好冇默契。
佢呀，俾哂ｄ”ｏ既”野我做
ｅｅ．．．

中途蛇左出去上網
又見到班小朋友喇
我同佢地講我聽日就走
好似冇人識聽一.一'"
ｍａｒｉｎａ走埋黎同講
ｉ　ｌｏｖｅ　ｙｏｕ
然後係咁摸我個頭
又幫我紥辮
好得意呀佢！！

最後一日，終於有相機用。
戴帽個個就係ｍａｒｉｎａ喇～

ａｌｉｙａ同ｏｎｕｒ走
送埋佢地走
我地就自己周圍行喇。
去左ｏｌｙｍｐｉｃ　ｓｔａｄｉｕｍ

上年奧運開幕正正我生日呢
嘿嘿~
我地仲入左泳池睇人比賽
好勁呢！

夜晚去左ｌｏｕｎｇｅ度坐
好靚呀間野
又令我諗起台灣～

我同ｍａｉｊａ去廁所個陣
發現門口有張ｓｏｆａ好靚
我地就坐響度自拍喇
但ｄ質素好差
我即管ｐｏｓｔ下啦下


>>July 31, 2005 at 9:30:28 PM GMT+8

2005 年 7 月 20 日 星期三 【清涼】

第十二天

今日最後一日同小朋友玩喇
好唔捨得佢地呀！！
我帶左ｄ　ｍｅｌｏｄｙ貼紙俾佢地
點知見唔到好醒既ｅｌａｉｎａ
貼左張俾一個４歲既小朋友
佢貼完之後又俾返我．．．
ｍａｒｉｎａ好叻呀真係！
我俾貼紙佢個陣
佢同我講法文
ｍｅｒｃｉ　ｂｅａｕｃｏｕｐ～
好ｃｕｔｅ呀佢真係！！

２個法國妹ｓｏｐｈｉｅｓ走左
個ｃａｍｐｓｉｔｅ突然變得有ｄ冷清
佢地走之前同我講既說話唔係拜拜
而係：ｄｕｉ　ｌａｙ　ａｒ！
我回贈佢地一個：ｆｉ　ｃｉ　ａｉｒ

晏晝佢地又去沙灘
我又冇去喇
又去左行街
哈哈！我係購物狂～
ｃａｍｐ入面所有人都知．．．
ｓｋｙ都冇去沙灘
但佢死都唔肯陪我ｓｈｏｐｐｉｎｇ
求左佢好耐都唔肯
我話：我會盪失路架！你同我去啦
佢點都唔肯
我最後好勇地一個人出左去！
嗯！
走之前交帶一句
如果天黑之前見唔到我就好出去搵我返黎喇！

於是我就開始一個人出去行街喇
－ 雅典自由行。
買左對鞋俾媽咪
好抵！又舒服～
行到又攰又熱
去左星巴克飲ｓｔｒａｗｂｅｒｒｙ　ｆｒａｐｐｅ
坐響梳化勁舒服
又有冷氣喎
又可以睇書
好似去左台灣咁呀！
幾開心呀～
仲俾我見度本書
書名叫ｄｏｇ　ｄａｙｓ
個作者叫ｍａｖｉｓ
２樣我都好鍾意！
但因為太貴冇買。

千辛萬苦終於俾我買到ａｄｏｐｔｅｒ喇！
最後一日先可以叉電呀陰公！
ｍｉｓｓ左好多日冇得影相
唉．．．．．．

跟住行行下去左ｓｙｎｔａｇｍａ
買左條ｐａｕｌ＆ｊｏｅ既ｊｅａｎｓ
好抵呀！！超級勁抵！
本來€２２９
依家€１５成交！
本來我都唔想再買牛仔褲架喇
真係多到著唔哂
但呢條實在太抵
唔買對唔住自己
咁就買左喇～哈！

另外有樣勁野！
我真係覺得自己好勁
黃蕙珊，睇住喇！睇清楚呀！
我睇中左條裙呀！
仲試左添呀！
但略嫌佢有ｄ貴
諗住諗下先買
最後間鋪收左ｌｕ
依家想買都買唔返
註定我同裙冇緣架喇。

然後行行下去左一個大ｄｅｐａｒｔｍｅｎｔ　ｓｔｏｒｅ
入面全部都係高檔名牌
＊大減價喔！
睇到我幾開心呀！
但因為我太晏入去
間野要收鋪喇
唉～唔夠時間行
我淨係買左頂帽咋

九點幾，開始天黑，返屋企。
我覺得自己好叻呀！
亂咁兜都冇盪失路
又買到平野，好開心！
搭ｍｅｔｒｏ返去
行廿分鐘返到ｃａｍｐｓｉｔｅ既時候
發現成村人正準備出去
佢地完全唔理我死活架囉
如果我遲一步返去
入面就會變左一丁人都冇
好彩咁啱撞到佢地啫
又好彩我冇盪失路啫
如果唔係佢地完全唔會理人囉

行得勁辛苦又要搭返車出去
個個見到我一揪２ｌｕｎｇ都問我買左咩
ｕｗｅ超好人
叫我將ｄ野放入去ｂａｃｋｐａｃｋ
唔洗拎住行
好好！

我地去左一間所謂好出名既野度坐
我覺得好ｕｐ　ｄｕｐ囉
又冇裝修冇冷氣
仲勁多蚊添！
佢地又嗌ｏｕｚｏ
完全唔理下我呢ｄ唔飲酒既人
然後嗌左個ｓｔａｒｔｅｒ
等左成粒鐘都未到
淨係俾ｄ掟死狗麵包我地
嘩！！ｄ包真係硬到掟得死人呀！
然後黎左個ｓｔａｒｔｅｒ
又擺得勁遠
完全叉唔到黎食囉
食完好似冇食過野咁
最後夠膽死收我€１１！！！
．＼／．！！
超貴囉！
我真係完全唔知坐響度做過ｄ乜喎
酒又冇飲過
野又冇乜食
淨係負責餵蚊囉
咬到我痴左線喎！！

最食屎既係因為佢地坐得太耐
過左十二點
冇ｍｅｔｒｏ返去
搞到要搭的士
截左十世都截唔到
於是行去第度截
等左勁耐終於有車
個個都好開心
因為大家都好攰
個司機俾我地６個人逼上去
又同我地傾計
問我地邊度黎咁
講講下就到喇
係呢個時候，故事就發生喇
個司機話要收€２５
我明明記得ｙａｎｎｉｓ話大概€３／４就得
咁我就以為我聽錯
可能係€３／４一個人
所以冇出聲
我同ｓｋｙ，ｍｏｏｎｙ落車先
ａｎｇｅｌ，ｍａｒｔｏｎ同ｍａｉｊａ俾錢
落車之後司機發”ｌｏｎｇ黎”
話我地俾少左
但ｍａｉｊａ好肯定自己俾左２５
個司機死都話得１５
仲發我地脾氣
嘭門趕我地走
咁我地就好唔忿氣地俾多１０出黎
仲話：「我地會記低你車牌，報警
我地係ｖｏｌｕｎｔｅｅｒ黎架
我地係黎為你地國家做野
一定會告到去政府度添呀！」
我地好唔ｇｉｒ咁行入ｃａｍｐｓｉｔｅ
就黎到個陣個的士返轉頭”砵”我地
我地又跑返出去睇咩事
個司機話喎
ｍａｉｊａ冇俾到２０
張２０跌左響後座喎
擺明淆底所以咁講啦
然後叫我地俾返１０
前後ｔｏｔａｌ俾左２５
條ｐｋ仲扮哂野
死都唔肯認衰
又懶ｆｄ咁問我地邊度黎
ａｎｇｅｌ話ｆｒｏｍ　ａｌｌ　ｏｖｅｒ　ｔｈｅ　ｗｏｒｌｄ
ｅ．ｇ．ｈｏｎｇ　ｋｏｎｇ
然後條ｐｋ就話：ｈｏｎｇｋｏｎｇ？
ｉ　ｋｎｏｗ　ｋｕｎｇ　ｆｕ！
ｉ　ｌｅａｒｎ　ｋｕｎｇ　ｆｕ　ｆｏｒ　５　ｙｅａｒｓ！
然後求其踢２野敷衍我地
又話佢做左廿年司機唔會呃人
佢識功夫唔會驚我地咁喎
我心諗：你都痴ｑ線既！
後尾問返ｙａｎｎｉｓ
原來條ｐｋ真係呃左我地錢
正常應該全程先收€３／４
即係大概每人ｌｅｓｓ　ｔｈａｎ€１
我地俾人呃左€２１呀！！！
ｓｈｉｔ！！
我到依家仲記得佢個車牌呀！
ＴＡＡ　５４２２
去希臘記得唔好坐佢車呀！
賤人黎架！！

>>July 31, 2005 at 9:06:00 PM GMT+8

2005 年 7 月 19 日 星期二 【清涼】

林家欣生日快樂！

第十一天

今日又係油船
超曬，勁熱，好眼訓。

入ｂｕｉｌｄｉｎｇ攞油
個老師見到我同我講：
「ｄ小朋友成朝猛問你去左邊呀？
你今日會唔會黎同佢地玩？」
哈～

晏晝同ｓｋｙ一齊同小朋友玩
１．傳話ｇａｍｅ
因為講ｇｒｅｅｋ
所以我地齋睇
２．ｆｒｅｅｚｅ　ｇａｍｅ
其他人要企定唔准郁
中間個個要引人笑成贏
ｍａｒｉｎａ又唧我格肋底
仲整我死穴
笑左．．．
３．玩貓捉老鼠
類似火燒後爛既ｇａｍｅ
ｄ細路跑得超級勁快
仲死都唔肯停
走死我．．．

ｍａｒｉｎａ超可愛
佢將佢頂帽戴響我個頭度
哈！我竟然啱戴
ｓｋｙ仲話好睇添
一個廿歲既人
戴６歲既帽．．．

ｌｕｎｃｈ之後勁ｈｅａ
又勁熱喎
真係唔郁都全身汗呀！
熱到爆炸唔想出去
到到七點半先跟大隊去ｓｈｏｐｐｉｎｇ
點知ｆｌｅａ　ｍａｒｋｅｔ冇開！
好彩仲有其他鋪頭～
呢日大豐收呀！
（其實都唔係咩大豐收，
係因為咁多日都冇買過野，
終於有機會洗錢，覺得好開心。）
買左好多小禮物
有幾個鍊咀好靚～呵！

夜晚ｓｏｐｈｉｅｓ的ｆａｒｅｗｅｌｌ　ｐａｒｔｙ
我地玩ｓｐａｎｉｓｈ　ｇａｍｅ　－　ａｖｏｌａ
哈哈哈哈！我好叻呀！
可以令ａｎｇｅｌ飲
幾勁～

ｖｏｔｅ　ｇａｍｅ
我係ｍｏｓｔ　ｐｅａｃｅｆｕｌ呀！
ａｎｄ　２ｎｄ　ｍｏｓｑｕｉｔｏ　ｂｉｔｅｓ
哈哈～好襯我呀！
都話我係和平主義者黎架啦

夜晚ｕｗｅ飲醉酒打ａｎｇｅｌ
我目擊成件事發生
好恐怖
都話飲酒唔好架啦．．．

>>July 30, 2005 at 7:25:12 PM GMT+8

2005 年 7 月 18 日 星期一 【酷熱】

第十天

今日本來要負責油船
不過冇哂油
所以成朝都係行行企企
睇雜誌～
好耐冇睇ｆａｓｈｉｏｎ　ｍａｇａｚｉｎｅ喇
雖然係ｇｅｒｍａｎ同ｇｒｅｅｋ睇唔明
但入面ｄ張好靚好好睇！

下晝終於輪到我同小朋友玩喇！！
等左勁耐都冇機會
次次我都有其他任務行唔開
今日得償所願喇～～～～哈哈哈哈！
好開心呀！

初頭未去個陣都有ｄ驚
因為ａｎｇｅｌ佢地上個禮拜去
俾ｄ細路趕走
原因係佢地唔識講希臘文
淨係講英文
又要自己諗ｇａｍｅｓ同小朋友玩
ｍｉｃｈａｅｌ同ｍｏｏｎｙ教佢地玩抬拳道
玩到俾細路追住黎打
哈哈！

去到之後ｄ小朋友好鍾意我呀！
我又好鍾意佢地喎
勁得意呀佢地！
好細個，大概６－８歲
我問ｅｌａｉｎａ：
ｈｏｗ　ｏｌｄ　ａｒｅ　ｕ？
佢冇出聲，佢個ｆｄ細細聲響佢耳邊講ｄ野
跟住佢答我：
ｉ　ａｍ　ｆｉｎｅ，ｔｈａｎｋ　ｙｏｕ
哈哈，好得意呀！

玩ｇａｍｅ
有２個小朋友衝埋黎拖住我
話要同我一組
哈哈～
ｄ細路好叻！
我地玩拋波遊戲
佢地識將個波好似排球咁打
好勁囉我覺得
我唔到中學都唔識打排球喎。

玩玩下個個都話唔想玩
坐哂響度
話要同我傾計
哈～
ｍａｒｉｎａ走過黎
細細聲響我耳邊講左句野
我聽唔明
佢叫老師翻譯
個老師同我講：
ｌｉｆｔ　ｕｐ　ｙｏｕｒ　ｈａｎｄｓ
我同老師都覺得好奇怪
唔知咩事
呢個時候，ｍａｒｉｎａ就走埋黎
唧我格肋底
唧完仲要偷笑囉
超搞笑！！好可愛呀佢～

因為太多小朋友想同我講野
個老師就走埋黎做翻譯
ｅｌａｉｎａ真係好叻呀！
佢知道我係用筷子食飯架
佢仲話好難用添呀！
佢話我好怕醜喎
哈！連小朋友都咁講呀
又問我鍾唔意鍾ｇｒｅｅｃｅ
會留幾耐
我話佢知仲有幾日就走
佢就扁哂咀攬實我唔俾我走
好可愛呀！
佢地叫我教佢中文
問我ｙｅｓ點講
問我ｓｐａｇｅｈｔｔｉ點講
佢地全部人跟我一齊ｒｅｐｅａｔ一次
好得意呀真係！
我好似真係老師咁呀
好好笑！
教完之後佢地話要教返我希臘文
”ｓａ　ｇａ　ｂａｌｌ”
佢地讚我讀得好呀
我問佢地點解
原來係ｉ　ｌｏｖｅ　ｙｏｕ呀
哈哈～佢地真係好鍾意我呀
係咁對住我講
ｍａｒｉｎａ仲讚我靚添呀
哈哈！小朋友係唔會講大話架～

晏晝其他人又去沙灘
我冇去到。
又唔想留響ｃａｍｐｓｉｔｅ
出去又怕盪失路
ｍｏｏｎｙ咁啱又要出去ｂｏｏｋ機票
於是我就跟埋佢去喇
我買左杯雪糕食
黑森林味
好特別呀～好好食！
本來一心諗住行街買野
但因為同男生行
搞到有ｄ唔好意思
入左ａｃｃｅｓｓｏｒｉｚｅｓ
全間鋪得佢一個男生囉
之後我話分開行
佢又話唔洗喎
搞到我最後乜都冇買就返屋企喇
不過好彩佢響度咋
我真係完全唔識路囉
唔知ｄ鋪頭響邊
唔知ｍｅｔｒｏ響邊
唔識返屋企．．．

夜晚全個ｃａｍｐｓｉｔｅ得４個人
我，ｕｗｅ，ｓｋｙ＆ｍｏｏｎｙ
我教佢地玩ｃｏｍｅ棉枱
哈哈～佢地好笨呀！
然後ｍｏｏｎｙ教我地玩一個賭場都玩既ｃａｒｄ　ｇａｍｅ
但我唔記得叫咩名
超犀利囉我
明明好複雜加嘛
我竟然明喎
仲要好快就贏添呀！
幾勁呀～
我仲學識左一個魔術添呀～！哈！

>>July 30, 2005 at 6:57:08 PM GMT+8

2005 年 7 月 17 日 星期日 【清涼】

第九天

今日超級無敵霹靂熱！
ｗｅｅｋｅｎｄ玩完
ｂａｃｋ　ｔｏ　ｗｏｒｋ
感覺好辛苦
全日都勁曬
又要走黎走去

ｍｏｏｎｙ係ｈｏｍｅｔｅａｍ
佢煮韓國菜
超級好食！！！
唔記得叫咩名喇
總之超好味啦
佢將ｄ雞同飯融為一體架
好神奇呀！
又辣辣地喎
好好食呀～

晏晝ｆｒｅｅｔｉｍｅ就金喇
十萬九千里長征
行左勁多路囉
我地去左ａｒｃｏｐｏｌｉｓ
我可以以ｅｕｒｏｐｅａｎ　ｓｔｕｄｅｎｔ既身份免費入場
好開心呀！
終於有返ｄ著數喇！

去左ｐａｒｔｈｅｎｏｎ（巴特農神典）
嘩！！真係歎為觀止！
我唔敢相信自己響希臘囉
好似發緊夢咁
影相都好似電腦ｋｅｙ上去咁


唔齊人的大合照



ｔｅｍｐｌｅ　ｏｆ　ｚｅｕｓ


劇院


１８９６年第一個奧運會場

中途有個ｓｑｕａｒｅ
地下有好多唔同國家既文字
包括中文，日文同韓文
寫左：時間，哲學，默想，見意，等等既字
我發現佢調轉左囉
意見同見意
跟住ｄ鬼人開始問我ｄ中文喇
問到我口啞啞
我真係對自己國家好冇認識囉．．．

然後去左一間好靚既ｃａｆｅ飲野
係紀念一個已故希臘影星既
間野裝修既好華麗
又有ｄ懷舊
好靚！

我地一邊飲野
一邊交流
哈！交流各地既粗口
ｆｕｃｋ　ｙｏｕ（英文）
跟住每人輪流講
然後不停ｒｅｐｅａｔ返唔同國家既粗口
勁大聲響度講
好似唱歌咁
笑死我！
ｓｏｐｈｉｅｓ不停對住我講廣東話粗口
又對住ｍｏｏｎｙ同ｓｋｙ講韓文粗口
我又回返句法文俾佢地
第一次俾人用粗口問候都可以勁笑
哈！

走個陣門口有個ｂｂ
我係咁撩佢玩
仲同佢影相
抱住佢個個女人就同我傾計
問我邊度黎
黎做乜
有冇諗住學ｇｒｅｅｋ咁
後尾ｙａｎｎｉｓ話
原來呢個女人係希臘一個超出名既主持
專響電視節目教人煮餸架
佢仲話黎我地個ｃａｍｐｓｉｔｅ教我地添呀！
勁有面囉～

>>July 30, 2005 at 6:17:04 PM GMT+8

2005 年 7 月 17 日 星期日 【酷熱】

yo!
i can read chinese la
i love this computer ar!!!!!
apple ga
very beautiful~

i've been to Myconos Island on the weekend
stayed in the beach
and went to the beach party
dancing!
went clubbing until morning
i am tired...

nothing really special for me in greece
i dont know why
when i first arrive in Athens
i think it's like china..
oh
i have to go now
write it later

>>July 18, 2005 at 10:34:39 AM GMT+8

2005 年 7 月 16 日 星期六 【晴】

第八天

ｍｙｃｏｎｏｓ
２日２夜之旅最後一天
起身之後執野
再去沙灘坐一陣就走喇
又搭返幾粒鐘船出去
響船度又訓唔著
勁無聊
咁又冇左一日喇。

>>July 30, 2005 at 5:00:38 PM GMT+8

2005 年 7 月 15 日 星期五 【晴】

第七天　ｍｙｃｏｎｏｓ～
一早起身出ｔｏｗｎ行
好鍾意佢ｄ街
好窄好迂迴好特別好靚
好外國小島ｆｅｅｌ
周圍都係藍白色小屋
好靚～～




之後就上返我地既""ｐａｒａｄｉｓｅ""　ｃａｍｐｓｉｔｅ

去左超靚既沙灘！！！
睇下，ｄ水勁清！
游入ｄ仲見到魚添呀！！
除左魚之外
仲見到好多人裸曬
真係眼都凸...
都唔明點解ｄ鬼人咁鍾意曬太陽
我同韓妹狂搽ｓｕｎ　ｃｒｅａｍ囉
真係甘拜下風
ｓｋｙ每十五鐘搽一次
超誇張
我淨係搽少少
但匿響有遮既地方
最後都ｂｕｒｎ左．．．
曝曬幾粒鐘之後
我地轉地方
去左ｆｔｖ搞既ｂｅａｃｈ　ｐａｒｔｙ


嘩！ｄ鬼妹跳舞跳得好勁
扭勁耐都唔識攰架囉
ｄ人跳舞好好睇
好好氣氛好好玩
但我因為飲左ｄ酒
又曬左成日冇食野
有ｄ頭痛
淨係聽住ｄ音樂ｕｎｕｎ下
冇乜點跳

ａｎｇｅｌ俾€５０去玩ｂｕｎｇｅｅ　ｊｕｍｐ
好勇！


玩左成日勁肚餓！！
全日只係食左一杯雪糕
餓到十一點先ｄｉｎｎｅｒ
食完去ｃｌｕｂｂｉｎｇ
飲左ｔｒａｄｉｔｉｏｎａｌ　ｇｒｅｅｋ　ａｌｃｈｏｌ
　－　ｏｕｚｏ　４０％　ｖｏｌ！
難飲到爆！！
ｓｐａｃｅ　ｃｌｕｂ入面超多人
勁大陣煙味
勁臭！！

但入面個廁好靚好特別
望到入男廁架！
好得意。
ｕｗｅ飲醉酒
超搞笑！
狂講野又唱歌又ｒａｐ
真係超好笑！！

最後玩到４點幾
搭忘命的士返去
寫ｄｉａｒｙ個陣有小昆蟲爬入我睡袋到
狂嗌救命
本來ｓｏｐｈｉｅｓ訓左都俾我嚇醒
好彩ｍｏｏｎｙ幫我打死佢
先有安樂覺訓。

>>July 30, 2005 at 3:13:04 PM GMT+8

2005 年 7 月 14 日 星期四 【酷熱】

等左幾日終於搵到郵筒寄ｐｏｓｔｃａｒｄ
搭船去其中一個ｇｒｅｅｋ　ｉｓｌａｎｄ　－　ｍｙｃｏｎｏｓ　
搭左７個鐘船！！
半夜１點半先到
攰到爆炸！


響船度又玩ｇａｍｅｓ
其中一個又係ｋｉｓｓｉｎｇ　ｇａｍｅ
每人抽一張紙仔
要去錫紙仔上面既人
目的係要殺佢
如果俾人錫左就要死
俾人見到你錫人都要死
錫完之後被殺個個就要交出佢張紙仔
你就要去錫佢要殺個個
邊個最多紙仔就嬴
我抽到ｓｋｙ（好彩！）
但佢估到我要殺佢
佢逃走
幾經辛苦先響冇人証既情況下錫到佢
臨落船個陣ｍａｒｔｏｎ走埋黎錫左我一下
但俾ａｎｇｅｌ發現
佢就咁死左ｌｕ

去到ｍｙｋｏｎｏｓ好凍！！
全身起哂雞皮
凍到震
又要搞地方住
搞到好耐好耐先搵到
ｙａｎｎｉｓ超冇ｏｒｇａｎｉｓｅ
搞到成日都唔知點咁
最後住響一個”牛棚”既物體
環境超差，又大風又凍，仲有昆蟲！！
仲敢收人€６一晚！
痴ｑ線！
好彩有帶睡袋去
如果唔係實聽凍死。

雖然好凍好攰好眼訓
都跟左佢地出去沙灘
個天好靚！
好多星星
好近好近
好似去左太空館
一伸手就摸到咁
因為實在凍到不行
跑返入去爛地捐入睡袋訓覺。


這是我們睡覺的地方
像牛棚嗎?
photo by uwe.

>>July 30, 2005 at 2:40:25 PM GMT+8